等等HEA

營業中

休息中

🟡阿等麵線配大腸包小腸套餐 $78 +蚵仔$8+熱奶茶阿宗麵線聽得多，就黎試下阿等麵線。阿等麵線相對結身D，份量好多，餐廳會附上阿宗麵線辣椒醬，加埋一齊好好食！記得要加埋蚵仔先有台灣風味。蚵仔鮮甜唔會臭，大腸包小腸好好好好食！😋糯米飯煙煙韌韌，曬上配菜調味，台灣腸勁香口，好少係香港食到呀！.🟠蚵仔滷肉撈陽春麵套餐+熱奶茶荷葉墊底+蒸籠上，滷肉超好味呀！我覺得係難得比較似台灣既滷肉，份量仲要唔少。雖然油左少少，但成個麵好濃味，再加埋蚵仔，比阿等麵線好食。另外都想讚下杯奶茶好滑好台式，意外幾好飲！.老闆娘好熱情，佢過黎問我地好唔好食，仲送左支茶俾我地飲😛🫣🫣

難得星期五公司冇乜做😎揸車過嚟九龍城搵下食😋行過見到呢間好似唔貴重點係台灣嘢😊坐低見到個餐牌花多眼亂就簡簡單單睇下午餐有啲乜😅最後點咗個古早牛肉麵同冬瓜茶試吓啦！湯底都好香濃、牛肉份量好滿足😍冬瓜茶都唔錯😋見佢啲餐牌夜晚仲有羊腩煲😍食完呢餐搵一晚要試吓佢個羊腩煲😎

同朋友慢遊九龍城, 打算夜晚輕食, 戒澱粉質冇咁肥, 但九龍城8點幾周圍的Coffee Shop都閂曬, 見小店仍然營業, 仲好夜先收工, 同朋友立即入內試試。見到餐牌大大隻炸雞脾, 皮脆肉嫩咁, 就算減肥都想一試, 再問下店員, 係生炸雞脾好好食, 咁就即刻落單試下。上菜時真係好香脆, 一切開就有肉汁流出嚟, 店員仲拎左台灣阿宗辣椒醬俾我哋試, 少少辣同雞脾真係好夾, 而且冇脂肪痴住皮, 減少咗咁罪惡感。朋友見到台式小食, 立即叫左大腸包小腸, 明明話唔食澱粉質....但因為好食, 一上枱就清咗。下次再試多幾樣小食, 感受下家鄉嘅味道。

咁特別既餐廳名相信未食過都聽過，平時主打台式食物，今次就 crossover 和順記招牌炸雞髀。和順記古早台式館長肌肉雞脾配魯肉飯 $72雞脾有手掌咁大，真係巨型。即叫即炸，不但醃得入味，炸得香脆，又能夠保持肉汁，咁大隻雞髀都處理得咁有水準。配埋魯肉飯都幾大碗又多魯肉，真係大滿足。和順記古早豬扒煉奶流心西多士 $62和順記除咗炸雞髀，仲有非常邪惡的豬扒西多士。厚西多士中間夾芝士，上面加塊大炸豬排就係要挑戰你個嘴有幾大，而且味道係幾有層次，完全冇諗過西多士都可以有呢個玩法。台式餐廳點少得台式飲品，選擇的兩款都幾鐘意佢唔太甜又有茶香的出品。珍珠茉香奶茶 $15奶蓋白桃烏龍茶 $15

呢間在九龍城既台式餐廳滲透住濃濃既漫活文青味。 牆上，鏡上，餐牌上都有唔同既字句為呢間餐廳增添不少特色見到有台式烤魚豬手煲同雞煲係任食放題黎， 睇黎幾吸引，但今晚唔想打邊爐， 都係散叫其他食物和順記古早台式館長肌肉雞比配台式糖心蛋半隻加滷肉飯 $72 (個名好長， lol)和順記既生炸雞比係出左名香脆多汁， 估唔到呢度有呢隻crossover版出現。 隻雞比醃得好入味， 有少少甜既感覺， 即刻炸起， 食到好多肉汁滷肉飯既肉肥瘦適中， 味道唔錯加配左1個小食： 士林鹽酥雞 $15幾香脆好食， 呢度炸物唔錯凍桂圓紅棗茶另外叫左個超級套餐， 老阿伯拌魷魚福州丸綜合羹轉配酸辣紅燒牛肉麵 $128 (個名都係好長，lol)個綜合羹係白蘿蔔湯黎， 好甜好好飲， 入面既魚丸好好食，混合左魷魚粒，同港式魚蛋好唔同酸辣紅燒牛肉麵只係小小辣，濃厚既牛骨湯有左小小辣吊味， 啖湯既層次出晒黎。 牛腩都好入味，軟熟加配左1個小食： 麻辣軟Q鴨血 $20香濃入味， 如果多d辣會更爽凍古早冬瓜茶最後， 呢度其實係有甜品叫既， 可惜我地個晚太遲過黎， 水吧關左，食唔到。 有興趣食甜品既朋友預早同店員講聲啦

九龍城最近來了一個大變天，某幾條街道難逃重建的命運，感覺從前的小泰國已不復存在，但其實還有很多特色小店掙扎求存，務求在這個特色小區內分一杯羹。 早前為食肥仔就造訪了一間以本地知名雞髀、名廚燉湯和台灣街頭小食品牌聯乘的小店，集合了不同的元素，餐牌內盡是一些不同小店的名物，一次過能夠品嚐到港式、台式和川式美味。 以前去到九龍城只知泰國菜，今次這間小店環境不算太大，裝潢以木系為主調光猛整潔，兩邊卡座算闊落頗為舒適。牆上兩大片霓虹燈加上一些潮句，蠻有台式文青的感覺。 和順記的炸大雞髀同豬扒其實一直都想試，今次加上台灣小食又怎叫為食肥仔不會食指大動。餐牌內除了雞髀豬扒剩食或配麵飯外，還有名廚主理的燉湯、台式麵線、老阿伯胖魷焿和鹵肉飯等等，豐富得讓人選擇困難症發作。 先點來和順記古早台式館長肌肉雞髀配溏心蛋半隻，一直以來都好奇究竟肌肉雞脾會有幾好食，一見本尊果然是有夠吸引，大大隻誇張的說近乎可以遮蓋大半隻碟，炸至金黃色的外皮脆卜卜咬下去還完全清晰聽到卡嚓兩聲，有夠香脆！內裡肉厚多汁味道鹹香，醃得入味，大有懷舊生炸雞髀的風味，果然有神級的影子。而溏心蛋則流心豐盈，亦夠入味，單是雞髀配雞蛋這個「親子檔

九龍城食肆特別多，相對上台式比較少，經常在大閘蟹季節見到呢間餐廳嘅名字，平時反而無任食套餐，散叫價格上都唔算抵食。門口泊車都方便，搵唔到位都可以望到架車，餐廳唔算好大，坐落都幾舒服。 和順記古早台式館長肌肉雞脾陽春麵，菜名真係好長，雞脾大大隻，最難得係表皮炸得薄脆，但中間雞脾肉仍然保持juicy 及滑溜，火喉控制得好， 醃製入味，味道上亦好平衡，剛剛帶出雞肉鮮味但又唔會太鹹，高水平。 和順記古早豬扒煉奶流心西多士， 呢個配搭好特別， 鹹甜兩種食材放埋一齊，口感層次豐富，豬扒肉質嫩滑， 好容易用刀將豬扒同西多士一齊切開， 變成粒粒西多士豬扒，西多士亦炸得好脆口。 食台灣菜我就最鍾意蚵仔煎， 分量出乎想像地多， 唔會太多粉及太硬實，加上微辣嘅酸汁，好正宗。 食台灣菜， 一定要點返一杯台式特飲及芋圓甜品，芝士奶蓋奶茶及196 芋圓椰奶仙草都係好選擇，跟主菜一齊點都係加少少錢，抵食。

九龍城出名好多不同種類餐廳。而家九龍城有地鐵，可以去食嘢了。今次揀咗褔老村道的 “等等Hea”係食台灣菜的。餐廳雖然不大，但坐位距離都唔錯的。今日仲要遇到食神滔哥及viu tv 嘅Helen拍緊飲食節目。先睇睇餐牌，食物種類都算多。有套餐，有散叫。最後我地都揀咗2人餐 $249台式烤香腸有墨魚汁香腸及原味香腸各一條，台灣香腸出名好食。墨魚汁香腸又沒有腥味。等等三杯雞用煲仔盛放雞件，洋蔥，紫蘇葉，蕃茄仔。雞件雖然有少少乾，但好野味。南乳炆豬手用煲仔盛放6件豬手，豬手炆得好淋，南乳味夠香濃刀削麵2碗湯底有少少藥材味，麵質彈牙。還有2條菜伴碗凍柚子茶2杯味道比較淡，如果多少少柚子就更好仙草豆腐花芋圓要加$28一碗的。即叫即整，所以要等少少時間。但值得等的。因為好好食，芋圓煙韌，仙草滑溜溜，有黑白2種的。下次要試吓台式館長肌肉炸雞肶。望落好似好好食

某日等車見到呢間店既門面好可愛，終於再次行過試到。呢到餐牌好多都係crossover其他店既台式食品，選擇好多，好難揀。🐤 香茜陳皮鴨髀燉湯 $68 + 滷肉飯 $10 一黎就睇中呢個湯，因為有大量芫茜。湯好清甜，佢仲有成隻鴨髀係到，肉都好淋，感覺好似飲緊西洋茶湯咁。而加滷肉飯又好抵食，滷肉混左冬菇係入面，好有咬口。🍜 老阿伯拌魷魚福州丸綜合焿套餐 $62 + 台式麵線 $8本身個焿就有好多配料：有魷魚花支丸, 爽口彈牙；兩粒超大既福州肉丸，外皮軟林林，餡就係肉碎，好juicy；魷魚乾香口，同埋有大腸，好豐富。加左麵線就更加滿足。菜同埋滷水大腸+$15 都係跟餐既。油菜加左大量炸蒜同埋用酒淋過，好野味。而大腸都好爽口，無臭味，滷水都算入味。🍹 荔枝沙冰 $33 + 水蜜桃蘇打 $32呢兩杯野一睇就覺得非常解渴，透心涼。荔枝沙冰份量好足，荔枝味清清地，上面仲有粒去核荔枝，正。水蜜桃梳大又係好大杯，佢入面有啲果漿，搞拌完後就好夠味，值得一贊佢唔係用水果糖精化學野。🍡 網紅196品牌仙草芋圓 $23 + 仙草豆腐花芋圓 $28呢兩個價錢係用餐追加既，好抵食。仙草好有心思，有黑色仙草同埋透明既

【等等HEA】性價比好高既台式餐廳😚😚😚古早豬扒煉奶西多士套餐 💰$80set係配和順記古早豬扒煉奶流心西多士同一杯野飲呢個亦係佢地既其中一個招牌菜式🤤🤤🤤西多即叫即炸 中間夾住芝士加一塊大豬扒係面香脆既西多配埋啖啖肉 邪惡得黎食落好滿足😈😈😈佢地仲加咗啲生菜絲係面 令到個口感唔會好膩🫣🫣士林鹽酥雞 💰$50呢個超好食!! 鹽酥雞炸得好香脆 而且雞粒唔會太過肥膩又大粒 再配埋個千鳥醬 酸酸甜甜咁好好食😍椰奶芋圓仙草 💰$39呢個就正正常常啦 芋圓無話做到煙韌彈牙既口感😮‍💨普通飯後甜品滑蛋原條鰻魚飯💰 $98呢個鰻魚飯又係超抵食🫡🫡🫡 勁大條鰻魚 而且都幾肥美🤣配埋個滑蛋 整得啱啱好 真係好大碟 建議2人share🤣 一個人未必食得曬麻辣軟Q鴨血-追加小食 （+💰$18.0)鴨血都唔錯, 口感有小小Q軟不過食得好辣既我表示覺得唔夠辣 未夠過癮🤣🤣白桃汽水💰$5跟餐只係加5蚊 仲要係大裝size 真心好抵🥹🫡整體性價比好高, 平均每人百幾蚊已經可以食到勁飽飽😙😙

宋皇臺站開左個之後，住樂富既我都同馬鐵站既朋友多左個中間點。九龍城成為另一個唔錯既選擇，無旺角咁熱咁多人，位都唔洗等就可以入座，慳返好多時間，仲唔會限時要走，吹水都好好多。行過見到餐廳叫等等HEA，又係台灣食物，好岩我地呢兩個好耐無得飛既HEA友。餐廳寫既嘢好特別，但又幾岩，人生很多時間都在等待，由出生開始。可惜朋友唔想打邊爐，真係好抵食，仲有我好鍾意既魚，我見每一台都有叫。主菜：台式館長肌肉雞脾套餐我自己好鍾意，雞脾好嫩好JUICY，咁大隻都無炸老到勁。我成日都出街都會叫炸物，自己唔會整，要用好多油，呢人隻咁脆口既雞髀又要用油，又要控制好時間，真係出街食最抵。仲有糖心蛋，又係D 花功夫整既食物。連個菜我都覺得好好食，可能我未試過呢個配搭既食法。追加小食：台灣滷大腸 （唔記得影相）我自己唔識整既食物緊係要食，不負期望，夠入味又唔會太CHEWY，就係岩岩好咁，加15蚊好抵。滑蛋原條鰻魚飯套餐鰻魚自己買都唔平，呢個餐既價錢應該等於我自己買既鰻魚，但有埋滑蛋同飯，仲要係珍珠米，真係好抵，呢個組合真係點都會好好食。老阿伯拌魷魚福州丸綜合焿配台灣麵線呢個係朋友想試，台式麵線我都係第一次食，本身覺

步入左夏天咁耐，最近先等到有幾場雨降下溫，悶熱得太耐，我真係忍唔住要食d涼快既野，台灣野無外是最佳既選擇喇~今日趁著出開呢邊睇戲就係附近搵到呢間等等hea，佢既招牌好易認，地理位置又唔隔攝，相當易搵，門面格局都同台式菜既裝修同出一脈，重點係佢既冷氣好夠，坐一陣已經涼快好多，食住店內既熱食都完全唔覺熱既感覺~主菜叫咗一個館長肌肉炸雞脾配陽春麵，同超級套餐。炸雞髀好大塊，D皮都炸得幾脆，入邊嘅雞肉亦都香口，算係我食過咁多炸雞髀味道。至於超級套餐有一個蔥油飯，綜合羹，同一碗菜。蔥油飯係新鮮的薑蔥蒜爆香的油，所以都幾惹味。之後再叫左一個粟米鬚雜菇豬展燉湯，燉湯好足料，有三舊豬肉，湯都幾清甜。

好多時路經見到過餐廳好想試，但好多時都食飽或者時間唔啱，今晚咁啱去九龍城買泰國特產經過，比它的易拉架吸引左，和順記古早台式館長肌肉炸雞脾，特色係雞脾用上韓式的醃肉方法去做。即叫即炸上台時都熱辣辣久久不散，用刀切開爆汁，真做到皮脆肉嫩多汁，名不虛傳，真心推介比大家，配埋半隻流心蛋，我加錢$9 要埋嚕肉飯，亦是大大碗份量十足，+$3 凍冬瓜茶是我嘅like的。圖與實物一模一樣，讚~~另外還試左紅燒牛肉麵，用上牛展同牛肋條燉得夠時間，鬆化牛味濃，湯底較清澈，配上白紅蘿蔔陽春麵底，大滿足。芒果沙冰都好大杯，天時暑氣嘅佳品。+ $15 多個手工嚕肉配時菜 店員介紹呢個阿宗辣椒醬 同平時港式潮式嘅大不同。台灣feel嘅店燈箱

九龍城的這間台式食店帶著台風氣息，牆上字句的文青味即時讓我想拿起充滿詩意嘅書本來看📖做個倪文青🤭。很久沒有食台灣麵線了，還記得早年去台灣到當地的夜市，成條街都係小食攤檔，總有些賣湯羹麵線的，一碗已很滿足。今晚在食店叫了一客「老阿伯伴魷魚福州丸綜合焿」配麵線，一位似話事人嘅老闆娘(估計係)端來「阿宗辣椒醬」，我見到罐上這張招紙十分之有親切感，一時忘形地加多了幾匙辣椒醬，老闆娘見狀說句「不要下太多會非常之辣的」。我呆了一呆好像恍然大悟，老闆娘就說「不如幫你加多一點麵線來中和那些辣」，聽後心裏感受到人情味❤️。最後我冇加到，因為我想試下這種辣嘅程度是否真的頂唔順。我先喝一口湯，很甜，不是味精那種甜，似乎用了很多材料煲成的高湯。麵線幼細，福州丸彈牙有咬口，外層薄內涵充實流出肉汁，好食，係喺台灣食嘅味道同口感。朋友叫了一客「香茜陳皮鴨肶燉湯」配魯肉飯，原隻鴨肶燉了很耐，鬆化得一咬即化，無牙都食得，而且亦成唔到鴨嘅油脂，很好。反而香茜我個人喜歡比較青啲，唔使浸得太耐，但絕對係好食嘅。配魯肉飯簡直係絕配，飯上鋪滿的肉醬很香又甜甜地，唔使齋食鴨肶咁寡。食物再好，也要有好似老闆娘呢份關懷，才食得窩心愉快。

今日同朋友嚟咗依間台式餐廳食嘢。疫情下已經好耐冇去台灣，已經好懷念台灣味道。睇menu發現原來佢同和順記有crossover, 見幾得意。朋友鍾意食荽茜，我哋就叫咗個鴨腿湯飯，應該都招牌。香茜陳皮鴨腿燉湯 ($68)湯入面嘅鴨腿勁大舊呀 可以送下飯。個set會跟一杯野飲，我地揀咗桂園紅棗茶暖暖哋，偏甜，好啱女仔飲。我哋另外再加$10 要咗個滷肉飯。都幾抵食，佢嘅肉燥有少少半肥瘦，好啱送飯，但又唔會過鹹。除咗同和順記嘅Crossover，本身餐廳都係有啲台式菜揀。我哋叫咗個招牌嘅台式紅燒牛肉陽春面附送前菜三小碟($86). 紅燒牛肉份量足夠，亦都煮到好軟身。幾鍾意個陽春面嘅口感，因為佢煮得比較軟身，同埋佢都幾吸到個湯嘅牛肉味。鹽酥大大雞扒($58)雖然佢冇落到九層塔葉，但係我覺得佢個皮炸到好鬆脆，唔會炸得太硬好熱氣嘅感覺。