等 (已結業)

朋友選的cafe，聞說是打卡熱點，對我來說有咖啡喝便可☕️白色杯: Flat white綠色杯：Latte不過不失的咖啡，還可以。磨砂質地的杯較為吸精🤩Lunch set 明太子蟹棒海膽意粉粒粒明太子沾滿了意粉，意粉硬度中等，亦有少量海膽點綴，可以一解海膽癮😋 都有8/10分Lunch set手打牛肉漢堡我會想試+$10轉蕃薯條手打牛肉漢堡值得一試，每啖肉有少少微辣 （似黑椒，但應該仲有其他調味），配上蕃茄及千島醬，絕配😋薯條吃了兩三條便放棄，有點飽及上碟時不太熱，有點失水準。通常要到尖沙咀/ 深水埗才有cafe, 太子呢度會較方便～午餐可以一試，但不要對咖啡有太高期望，所以亦我會選擇其他新cafe多啲~

見到IG幾多人打卡就嚟睇吓，雖然打卡位唔大但有別出心裁，反正香港地就係係咁細。打卡位放咗橙色嘅鬱金香花樽同一個橙色漸變嘅蠟燭，覺得支蠟燭好靚就問吓個職員，意外知道cafe另有一個studio係做手工蠟燭。順便提下，個名叫hushworkshop.art，唔怪之到處都有蠟燭🕯️嘅足跡，更加覺得Cafe好有溫度。//軟殼蟹牛油果沙律🥗估唔到咁吸晴，軟殼蟹上面鋪滿蟹籽，食落去香脆爽口，估唔到兩者嘅味道咁夾，簡單嘅黑醋配上新鮮嘅沙律菜已經好好味😋，沙律菜好多樣，蕃茄仔、火箭菜、羅馬生菜、牛油果等等，係好豐盛嘅沙律。//茉莉杞子胎菊花茶🌼係好靚靚嘅花茶壺🫖自己嗰個係白色見到隔離有綠色同粉紅色😂慢慢見到花茶打開，係好治療嘅感覺，茉莉同胎菊嘅味道剛剛好，淡淡嘅味道十分平均。Cafe整體環境簡約得來又有內涵，雖然長身都係白色，但每個小角落都放咗唔同嘅色彩，有鮮花、乾花、繪畫同手工蠟燭，到處都係別出心裁。食物方面，同環境一樣都有小心思，簡單嘅花茶壺，配上唔同嘅顏色，沙律顏色七彩繽紛亂中有序。感覺上是一間「用心」經營的小Cafe，希望大家多點支持香港的良心小店💛

-「等」-蕃茄蟹籽蟹肉意粉🍝 $108個番茄味幾出😗啲蟹籽豐富左個意粉嘅口感🤤不過個人覺得個意粉略嫌有少少硬🥲-煙三文魚忌廉菠菜意粉🍝 $98覺得呢個好好食有驚喜🤤不過啲煙三文魚我第一塊食嘅時候仲係凍嘅 不過之後食嗰啲應該比意粉整熱返🥲啲洋蔥有少少多 唔鍾意食洋蔥嘅話就要留意吓😗同樣都係個意粉有少少硬😗-茉莉花杞子胎菊花茶 $52雪梨乾桂花杞子茶 $52佢下邊會有個小蠟燭幫你繼續坐熱 所以食完野一路飲茶一路慢慢同朋友傾計都幾chill😚同埋都幾養生🤪-🔖設有加一服務費🔖紅日假期冇飲品優惠🔖用餐時間兩小時

平日中午黎 唔洗等～上菜既速度都快 唔洗等～中午惠顧佢既意粉有埋飲品叫左個明太子蟹棒海膽意粉$108一個女仔食覺得份量夠個汁都好creamy不過海膽可能唔係季節就麻麻地啦～餐飲叫左荔枝茶 易入口 都不錯呢（唔洗加錢）

一個人買花經過太子，見到門面好靚，等咗一陣就可以入去。白雪雪嘅感覺令人好舒服，四圍嘅裝飾簡約卻別出心裁。點左個菠蘿雞扒漢堡，雞扒好大塊香脆而且好多汁，菠蘿亦都有燒過係香口嘅感覺，最驚喜係佢個麵包都經過調味，份外好食。Latte 咖啡味重，係比較深焙嘅感覺，拉花都好靚，好餐廳嘅杯子，復古又簡約嘅感覺。忍唔住都係叫咗職員介紹嘅青檸芝士蛋糕，呢個蛋糕真心驚喜，cheese分外香滑芝士味濃郁而且好香滑，最特別係中間嗰個青檸醬，甜甜酸酸咁好開心醒胃，真心冇介紹錯。

難得抽中左Giveaway優惠.好期待試一試尼一間新Cafe 🤩🤩 揀左平日中午Lunch Hour約左朋友黎呢間新開既cafe食個Brunch~ 原來”等”既前身係尖沙咀既Cafe Shhh Cafe & Studio 😲 以新名字新裝修搬到太子. 店名經常令我諗起一套電影 - 等一個人咖啡..Cafe以花系做主題.重整左幾個打卡位 👀主要係西日料理Cafe. 手工花既數量比想像中少.打卡位一定係門口同入面既小角落🤓 裝修簡約木系.店面唔算大.位同位之間好近.人多時會有D焗促.聽到隔離位既對話😂. 疫情下有D位未有隔板.有待改善.同朋友每人叫左一個Lunch Set. 原來星期二到五11:30-14:30會附送餐飲👍🏻而2杯咖啡都正常發揮水平之上🙂.➿  明太子蟹棒海膽意粉 HKD 108日式風味既意粉.海膽忌廉汁好Creamy濃厚但唔會太杰身.將魚籽.蟹棒.大大塊海膽同意粉一齊食.海鮮味道同忌廉意粉十分夾☺️但明太子味道唔算太突出➿ 菠蘿雞扒漢堡配Await辣醬 HKD 98上菜時同隔離枱一樣反應.以為係炸軟殼蟹😂因為雞扒比想像中大.加上烤過既菠蘿片同餐廳秘製嘅他他醬.帶有少少辣味幾

🎀嘩！今日終於約到10年冇見嘅韓妹，最近還好嗎？老朋友梗係老地方見啦，老地方就梗係搵間chill啲嘅咖啡店啦。熊妹知道太子最近開咗間新嘅咖啡店《等》，歎杯茶，飲杯咖啡，絕對啱晒熊妹同韓妹敘敘舊啦。📌裝潢好光鮮，以白色為主，感覺好整潔。📌店舖唔算好大，有7-8張二至四人枱，但變成枱與枱之間就會坐得比較密啲。📌餐牌📋都係咖啡店嗰啲大路食物，有bagel🥯、有cake🍰、有burger🍔、有飯🍛、有意粉🍝、有all day breakfast🍱、有小食🥡、有薯條🍟，飲品就當然唔少得有沖調咖啡☕️同埋茶包🍵，全部散叫冇套餐，價錢就都係大路價，唔係特別便宜，想去Cafe休閒吓，真係想食乜都有。軟殼蟹牛油果沙律，$78熊妹韓妹都係健康人仕，沙律🥗就當然係必食之物喇。沙律菜都幾新鮮，用上橄欖油同埋沙律汁調味唔係沙律醬，成件事真係好健康。軟殼蟹🦀炸得好酥脆，size中等，蟹膏蟹肉都有，咬落去脆卜卜連殼都可以食埋就係軟殼蟹嘅精髓，連埋沙律菜一齊食冇咁油膩。牛油果🥑有半個，切片賣相好靚，熟度剛好，慢慢滲出牛油果香，呢款健康食品絕對係熊妹韓妹嘅恩物。菠蘿雞扒漢堡配Await辣醬，$98熊妹想食漢堡包🍔，仲加咗

朋友住太子，知道新開咗呢間文青系cafe，又係黃店，所以決定試一試。我早到，當時12:30，但朋友未到，我見店入面都幾多吉位，就喺店外嘅長凳坐住等朋友。坐咗一陣，侍應開門，我諗朋友都就到，不如入去坐住等，但侍應話要人齊先入得—ok，好正路。隔咗10分鐘，我朋友嚟到，同時亦有另外兩個客人嚟到店舖前。侍應畀飛我哋，但明明我到先，侍應畀2號飛我，畀1號飛另外兩個客。我當時又冇乜所謂，心諗應該都好快入。點_知，原來入面好多枱都係訂枱，1號飛入咗去，我同朋友等到1:30都未入得。又有另一對情侶嚟到店外，但佢哋等咗一陣，原來係有訂位，又喺我哋之前入席。其實係溝通問題。我見有對walk-in父子嚟到，個侍應又識同佢哋講應該要等到2:30。頂，你又唔同我哋講？我哋一直戇居居坐喺出面。我同朋友問，佢又話「唔好意思，要等一陣」。我真係估唔到「一陣」係咁耐。大家要去試呢間店，記得訂位。朋友住附近，話都會再畀機會試吓食。我就「等」到成肚氣，不了。

明太子蟹棒海膽意粉$108一上枱買相係非常之唔錯，伴隨嘅明太子汁亦都充足，唯一係調味唔係太啱我個人口味，覺得略鹹。日式咖喱雞扒飯$88賣相亦都係唔錯，食落嘅咖喱味道，就係自己係屋企煮咖喱磚嘅味道😂，雞扒炸得不過不失，如果呢個價錢以呢一個味道，就覺得唔成正比啦。Ice cappuccino$42 唔錯，有喺Starbucks飲嘅感覺另外嗌多咗個小食紫菜配牛油果莎莎 $58就真係有少少失望啦，味道有別於一路以來食開嘅牛油果莎莎，除咗蕃茄同洋蔥砌得好大粒之餘，我覺得比例有啲失衡，令到酸味蕃茄味同洋蔥味大過牛油果，食到底部亦都係較為水。每人最低消費$60總結，食物味道唔會令我回頭，但係裝潢方面，店內環境簡單得來，見到點點心思，非常之舒適，用膳亦都唔嘈吵等 (太子)地址：太子西洋菜北街159A號恆安大樓地舖電話：55663078營業時間：星期一至日12:00-22:00

識呢間cafe嘅人都知佢以前喺尖沙咀，同樣都係花系。太子呢間其實同尖沙咀一樣打卡位唔多，甚至更少，係極少！入到去好感受到土地供應問題嚴重，大家影嚟影去都係得嗰個北歐椅子corner 🥲可惜，連呢個全店唯一嘅打卡角落都係超！級！細....如果你想瘋狂打卡的話，唔洗bookmark呢度 。𝙁𝙤𝙤𝙙🍰青檸芝士蛋糕 $88 （set配飲品）望落靚靚仔仔，size 唔會太細件～食落青檸味食落好fresh，忌廉亦唔會厚實到好似擺舊cream cheese 入口咁heavy～係夏天light dessert 之選作為tea set蛋糕跟飲品，其實$88絕對唔係平，甚至可能同平日cafe散嗌兩樣野差唔多價錢。但套餐襯嘅飲品選擇都比較普通，所以唔寫喇。後來先知原來飲品都有驚喜，有杯係用日本美好園嘅抹茶🥺Jenny衰在冇爬文浪費機會，大家試左話返比我知💔至於環境，Jenny係星期六中午12點幾去到，預左成間鋪幾乎全滿。但位同位之間好近，近到就算疫情下隔住塊板，都感受唔到社交距離🙊，快餐店都坐得鬆動啲🤣壓迫到唔係太舒服。最致命係有隔板都算，仲做埋photo killer真係完全影唔到相～食環境嘅Jenny真

太子嘅鬧市竟然都有間文青Cafe，原來前身係尖沙咀Shhh Cafe不過重新換名換地點，等，好多美食等緊我哋😚米白色嘅裝修配上乾花植物佈置簡簡單單而舒服嘅感覺，門口嘅等logo同長凳盆栽亦都係個好好嘅打卡位☺️.星期二至五1100-1430附送飲品👓菠蘿雞扒漢堡配await辣醬 配炸薯條 $83比較似炸雞扒質地配上都幾甜嘅烤菠蘿片，有生菜同紫洋蔥，醬汁有少少千島醬feel但帶有少少辣味，不過其實真係極度輕微嘅辣味係完全唔辣可以放心。仲有炸薯條！👓煙三文魚菠菜忌廉意粉 $98佢個忌廉汁底好creamy稠身，鍾意佢個醬汁夠濃郁，有洋蔥絲菠菜同煙三文魚，但味道有少少重味因為佢沈得多咗少少黑胡椒👓Hojicha Latte H$46餐廳特別推介Matcha Latte 京之香 及Hojicha Latte 明珠，使用京都百年茶舖美好園，而我就試左焙茶☺️焙茶味好濃郁，而且唔太甜，冇嗰種加咗好多糖嘅感覺，而且奶量唔算好多令飲品變偏奶。因為平時出面好難飲到好飲嘅焙茶，通常會因為唔夠茶味或好稀好奶👓Latte C$42佢都有咖啡豆嘅果香味而且奶量又足夠，冇嗰種酸酸地嘅味。最開心係佢賣相有漸層😍

黎到太子成日都係食中菜雞煲，想試下西餐但唔知食咩好？係太子地鐵站A出口，行唔洗1分鐘，就會見到呢間鬧市中的小清新cafe<等>。店舖入面都好多位，早黎既都唔洗book，但lunch hour 最好book位啦😊 否則都要排隊架。店內和門口都有打卡位，門外人流唔多，都好易易到靚相。建議11am店舖開門就黎打卡，人流最少。食物質素都唔錯，我鐘意佢既薯條，有三種醬汁，香脆好味😋。仲有明太子蟹棒海膽意粉，味道香濃，倍茶咖啡都值得一試😋

呢間新 cafe位於太子，店名小編諗起電影「等一個人·咖啡☕️」🤣，環境舒適，用好多乾花做佈置🌾，打卡一流，主打西日料理，：-1️⃣「明太子蟹棒海膽意粉🍝($108)」-食落幾creamy，鍾意個意粉夠al dente，明太子味可更濃🙈～Spaghetti with mentaiko crabmeat urchin 👍🏻-2️⃣「焙茶巴斯克芝士蛋糕+ 拿鐵🤎($88)」-呢件basque cheesecake超滑仲流心！焙茶濃度ok，但可惜店員切爛左呢點扣分🥺～Hojicha Basque Burnt Cheesecake 👍🏻 + latte-3️⃣ 「京之香by美好圓 - 抹茶拿鐵🍵($46)」-濃度ok，抹茶帶點微苦～Matcha Latte

☕️️ Cafe for chilling — 等 Await Cafe & Studio✨ 太子站嘅文青咖啡店💛➖➖➖➖➖上網睇見到呢間前身為Shhh cafe & studio 嘅小店由尖沙咀搬咗嚟太子💛😲 佢嘅裝潢係以木系同乾花為主 非常文青✨ 咁岩有人經過花墟附近 決定要嚟試一試佢😛美味指數 😋: ⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)🔸蕃茄蟹籽蟹肉意粉 $108食落去嘅蕃茄味都好清新 而且好濃郁 唔會有人造加工嗰種味道🍅😋 佢嘅意粉就係比較幼身意粉 食落都叫軟硬適中👍🏻 不過食落佢嘅蟹肉就唔多 蟹柳仲多個蟹肉🙈 整體就中規中矩啦 未至於好出色🤔🔸 All day breakfast $128呢個all day 嘅配料比平時嘅特別🤩 有比較少見嘅雞骨腸 同埋一舊甜甜嘅玉子燒🤤 另外仲有啲基本野 例如煙三文魚 同埋牛角包等等✨味道就正常 中規中矩啦都係🙈🔸 Hojicha Latte $50呢杯野真係啱晒打卡📸 網絡都幾吸引好似富士山形狀咁🗻😎 飲落佢嘅奶味會偏重少少 但又帶有淡淡嘅茶香 算係唔

小小的環境，係太子方便位置，喜歡的可以一試，平日有lunch set，會平d😗😗😗注意要另要加一星期六日都比較多人，兩杯野飲都正常，唔算太特別，拉花都ok😁比較喜歡意粉，味道濃郁，略嫌蟹棒較小，份量尚算可以🥰炸蕃薯條都幾好食，又脆口，價錢還可以.Hojicha Latte $46Matcha Latte $46明太子蟹棒海膽意粉 $108白酒青口 $78炸蕃薯條 $38.📌 等 (太子)太子西洋菜北街159A號恆安大樓地鋪