築地番本日式放題 (已結業)

這次和媽媽、妹妹約定今天中午食放題，要數放題集中地，而又較近的地區非旺角莫屬。早一日晚上已經上網搜尋旺角有做午市放題的店，但絕大多數都只做晚市，無意中發現築地番本有做午市放題，$178一位需要加一，openrice中的評價也不錯，便決定一試！午市除了一般放題外，還有壽司放題和午市定食可供選擇。那時大概12點半左右入座，可以食到3點，2點開始截單，店裏只有一至兩枱客人，及後越來越多人來店，可是食放題的都只有三兩枱，當然也包括我們了。一開始每款紙都叫了幾樣，刺身、天婦羅、芝士焗蠔、牛油帶子、紅酒牛腩、牛柳粒......幾乎全都食了一遍。三文魚都幾厚肉，食太多便已經有點滯，北寄貝和象拔蚌都大推，好爽口！甜蝦就有點細隻了，不過味道也不錯，帶子細細粒但很鮮甜。各款壽司也不錯。焗蠔、焗扇貝、牛油帶子和紅酒牛腩亦是必食之選！最後點了三杯冰凍梅酒，冰和梅酒是分開上的，可以按自己喜好選擇加多冰還是少冰，甚至是不加冰，但不加冰我覺得有點太甜，還是加冰比較好飲。眾人食完之後都對這餐午市放題十分滿意，下次一定會再光顧！

跟老友聚會，今次嘗試築地番本，食物新鮮但刺身燒物種類較少，幸好不是太吃 還可以，但時間僅兩小時，加上自助蒸煱或自助燒物，時間便太趕了，甜品一般，沒有驚喜，侍應服務十分滿意，值得一讚

今日係一個特別嘅日子，因為我朋友面試成功，所以決定大擦一餐😊😊咁就梗係食放題啦^_^你間放題正呀有蒸氣火鍋，我最鍾意就係食娃娃菜同埋沙巴蜆， 用蜆送酒真係一流👍🏻呢間放題仲有梅酒啦🥃，同埋朝日啤酒🍻，飲梅酒最緊要加冰😋呢度服務好好雖然好多客人但係侍應都好快手值得一讚👍🏻👍🏻呢個就係蒸氣鍋啦，其實係有埋打邊爐😂😂掛住食唔係影咗好多相🤤🤤🤤總括而言，刺身係夠新鮮，食物選擇都好多😁

一到夏天就好想食日本野，當然立即又想到日式放題，一個價錢任飲任食，最適合我跟老公，一於去吃放題開心一下。放題位於旺角通菜街Deli 2 食廈內，環境乾淨企理。點菜紙按不同食物，種類分開供客人選擇，包括有刺身，壽司，炸物，天婦羅，烤物等等，而飲品，甜品就設在自助區域供客人自取。先揀選一些剌身作頭盤慢慢享用，刺身盤擺放精緻，刺身新鮮。三文魚鮮甜肥美，帶子雖然肉質偏軟，但味道都好鮮甜，甜蝦蝦頭有膏，肉質彈牙甘甜，榮螺爽脆，象拔蚌鮮甜。壽司造型精緻，而且細細件可以叫多些不同款式嚐試，而且每款味道都好鮮甜味美。虎蝦天婦羅-粉醬唔太厚，蝦肉新鮮爽甜。香草龍脷柳天婦羅-香草味突出，魚肉嫩滑。蟹柳天婦羅-蟹柳粗身又鮮甜，好好味喔！紅酒煮牛腩味道有點似羅宋湯，牛腩軟淋，不過味道偏淡。鹽燒三文魚頭骨腩魚肉鮮甜嫩滑，完全沒有腥味，加上少少檸檬汁，鮮味更見突出。鹽燒牛舌牛舌香口軟嫩，牛味濃，好好味呀！紫心香芋丸炸得金黃香脆，糯米皮軟糯煙韌，香芋餡唔太甜，味道甜美。南瓜芝士餅芝士軟滑，南瓜饀料清甜炸雞軟骨粒細細粒，香脆惹味，有咬口價錢合理，食物美味，而且員工手腳快，態度良好，如果下次食放題我都會再回來。

旺角出名多野食選擇。今天同朋友揀左一間有迷利蒸氣鍋既日本放題餐廳。築地番本其實還有磯燒特級海鮮盛。可惜只供應給三人以上。所以緣慳一面呢！不過下次再黎一定要試。點了：天婦羅⋯⋯有虎蝦、日本南瓜，日本甜粟，糖心蕃薯。日本料理.....日式鮑螺蟹粥、鐵板炒銀芽、牛油蒜香炒帶子。手卷......軟殼蟹手卷、還點了海膽豆腐。燒烤......鹽燒牛舌、太子醬焗帆立貝、鹽燒雞翼、燒有機菠蘿、䀋燒三文魚頭骨腩。壽司......火炙皇金三文魚壽司、火炙海膽赤蝦壽司刺身.....三文魚、原隻甜蝦、八爪魚、北海道帶子由於款式太多、不能盡錄給大家睇，唯有大家自己去試一試喇。當然不能少得甜品：奶凍，芒果布丁、抹茶紅豆奶凍等等。雪糕、飲品任君選擇！

昨日朋友提議食放題，我第一時間想起"築地番本日式放題"﹐ 在等電梯時看到全港首創鮮象拔蚌任食放題廣告﹐我們都定着眼望着對方😍 咁正！坐下來之後服務員介紹了我們點心紙和蒸氣點餐方法.各式飲品、甜品自取﹐但酒類需要入單(免費😅)！通常第一份 Order 都會點各種刺身、壽司、手卷、炸物、天婦羅⋯⋯，各項款式用料新鮮，特別是我的最愛三文魚、鮮象拔蚌、甜蝦，真的停不了口😘😘 正！尤其象拔蚌鮮甜爽脆！蒸氣火鍋料的帆立貝、白蜆﹐豚肉片及肥牛好配合個Q板鍋，個人覺得肥牛真的好味，牛味濃厚，而且肥瘦搭配均勻！最後當然不能少的甜品各式雪糕、雪條之外，還有沒茶紅豆凍奶、焦糖燉奶、木框榛子無事、芒果布甸！非常滿足

日式放題有蒸氣火鍋，之前聽朋友說過，心思思已經上來是一直沒有時間。 晚飯黃金時間，只收取＄218一位，非常化算這裏只是餐廳的一小角位蒸氣火鍋不算很大個，不佔位， 讓你一邊吃刺身一邊蒸海鮮。蜆肉非常新鮮，有海水味之餘，又有海鮮的鮮甜。吃完又吃，起碼Encore五至六次帶子大大隻，大滿足所有刺身都非常新鮮，螺肉彈牙有嚼勁帶子、三文魚和生蝦都很鮮甜這隻蝦的外殼灑了香料，令你咬開蝦殻的時候亦能沾到一些椒鹽味而且蝦頭的蝦膏一點都不腥佐酒一流的雞軟骨，不會太硬，口感剛剛好多肉嫩滑的鯖魚這裏清酒、梅酒和朝日啤酒我這個是梅酒，送上的時候杯裡裝滿冰一飲，很棒。 特別開心的是，這裏的酒都是無限任叫＋1後每人只需＄240

上次嚟過 , 已經對這間"一定番本"放題念念不忘。 最近在facebook又看到它的廣告，有象拔蚌任食， 所以即刻約埋三五知己又再嚟捧場。 除了日本放題之外，還有弼底蒸氣火鍋都令人難忘，今次還多了BBQ給選擇，不過我們還是鍾情蒸氣火鍋。首先當然是至愛的刺身~款式繁多, 包括三文魚、白玉拖羅、新鮮象拔蚌、希靈魚、新鮮甜蝦、北海道帶子等，全部新鮮美味，當然最愛的甜蝦及三文魚一再encore。不過最驚喜的是象拔蚌，入口爽甜無比，點完再點盡情食，絕對番本超值 各式燒物小食：燒牛肉粒，烤有機菠蘿、黃金焗蠔、一口海膽豆腐，菇菌類和各類天婦羅都味美非常。尤其是天婦羅種類較一般放題特別，除了常吃的炸蝦，南瓜，蕃薯外，還有粟米和日本甜蕃薯天婦羅，別具特色！ 壽司卷物有多款較為特別: 芝味牛肉卷，築地吞拿魚腩海膽卷等。火炙三文魚壽司、火炙芝士玉子壽司、火炙海膽赤蝦壽司等，真的吃不停！食完日本放題，輪到蒸氣火鍋，火鍋配料有最基本的蔬菜、肥牛、金菇菜、南瓜、蜆殼等，最喜愛的肥牛肉質鮮嫩，牛味濃郁。 下層的粥底經過蒸煮火鍋配料後，配料的肉汁和香味，完全溶入了軟綿的弼底內，別有一番風味！甜品款式豐富兼小巧精緻:

超耐冇食放題，所以今日約齊三五知己去食。位置有少少難搵，但其實係銀城旁邊的巷仔直入轉右就係。今次嚟有新驚喜，原本嚟諗住只係食放題，冇諗過竟然有磯燒。磯燒食物種類都幾多：有廣島蠔、有扁貝、有海蝦、有象扙蚌、白蜆同黃金貝。全部都係我最愛個海鮮類。海鮮望落去都算新鮮，如果係生蠔，我一定唔理一啖食落去！燒出嚟都幾好，但可能係我技術唔好，啲殼周圍彈而刺身方面種類算多，最基本嘅都有都好新鮮好爽口，我試過食唔新鮮嘅，梅口感，呢間冇問題熟食方面不過不失飲品種類算多而又特別，加多宝都有

每年聚會都會揀一間未食過既放題見叫間價錢合理 而且有磯燒或蒸氣鍋食就決定揀佢首先講返樣先, 佢地點都幾隱蔽, 旺角既路我都十分熟悉, 當然冇問題! 但有位朋友後join就搵左好耐😂講返入面 其實座位都算正常 唔太逼既 同埋十分之多人 門口好多人等位 建議食一定要book位 不過環境較黑好多人係磯燒同蒸氣間一定揀磯燒 但我同你講 比我再揀 一定揀蒸氣如果跟佢紙上的時間燒一定唔熟 同埋實際上燒好耐 又有陣味眼見後面有枱客個爐起火😂 蒸氣就安全好多 不過d海鮮好腥同多沙 都係熟食較好食但其實同一般放題既野差唔多 冇咩特別好講

朋友請食生日飯，選了這間，第一次嘗試，沒想到那麼多人，但也有驚喜食物新鮮，種類也多、特別，重點欣賞侍應，雖然人多，但態度十分好，貼心，出菜也很快，另外氣蒸食物也鮮甜日本梅酒任飲

個店名好有挑戰性, 所以應該吸引唔少人黎挑戰下, 睇下食唔食到番本為至.見佢放題最後一個時段寫係2200 – 0000, 所以夜左食飯都諗住黎試下啦.一去到, 見到有D待應已經喺到收拾, 以為已經準備收鋪咁, 問左唔好有10點段放題嗎? 幾個待應支唔以對, 講左一論幾點LAST ORDER, CUT野食… 雖然感覺好不受歡迎咁, 但係唔想再周圍搵地方食野, 所以都坐低左.一坐低, 把握時間, 就即點食物. LEE到特色係有饑燒或者蒸氣火鍋揀, 3人以上先有得饑燒, 2人係送蒸氣火鍋, 我地有3個人, 所以揀左特別D既饑燒.食放題最期待當然係刺身啦, LEE到除左有平時食開既三文魚, 帶子, 北寄貝, 甜蝦… 等, 特別有白象拔蚌, 唔講得上好鮮味, OK啦.饑燒有多款海鮮選擇, 象拔蚌, 蝦, 帶子, 蜆, 蠔… 感覺不錯, 不過要自己燒, 會花不少時間, 有時仲會燒濃, 下次都係揀蒸氣火鍋會方便D.特別推介:黃金焗蠔同焗帆立貝, 都值得食, 燒得好香.亦有多款新穎創意壽司可揀, 賣相同味道都不錯. 推介: 黑松露油甘魚壽司, 入口鮮甜又帶有黑松露味.而沙律菜好新鮮爽口, 有松葉蟹肉沙

N年沒有吃放題啦，今天一家人有興致一起吃飯，妹妹提議到這間放題試一試。原來旺角這幢大廈有這麼多餐廳，下次可以來試別的呢。先來刺身一碟，三文魚頗肥美，帶子有點細粒，不過不影響它的新鮮度。八爪魚和鯛魚都不錯。前菜蟹子沙律和枝豆。枝豆比一般放題好吃，有充分調過味，以前吃過有些枝豆很散，這個也不會有這問題呢蟹子沙律新鮮，沙律醬算多，不會太乾身，作為前菜一流呢。壽司全部細細件，好易入口不會撐肚可以多吃幾件呢。十分推介炙燒三文魚十分肥美，油脂在口中散開很好吃😋也推介芝士牛肉卷，芝士味很濃。北寄貝有點韌。焗蠔調味非常入味，值得一試。牛油蒜香帶子。有很多菇類，蒜香味很香，帶子數量亦不吝嗇！牛舌味道很濃，又不會韌最欣賞的有常溫飲品，最適合我這些夏天也要喝熱飲的健康女生（自稱）壓軸登場是蒸鍋一入座侍應就會叫你從蒸鍋和磯燒之中選一，看來現在單一放題已經沒有優勢，還要再加一些額外東西才能吸引顧客呢。十分欣賞這個蒸鍋，吃了這麼多的生冷野可以吃一些熱辣辣的熟食，又可以瘋狂吃菜，十分健康！餐單上很貼心仔細列明每樣食物需時多久才蒸熟，十分易明，不怕蒸得過熟。其實磯燒的食物都很吸引，吃時旁邊傳來一陣陣燒食物的香味，十分

之前睇過食評，見評價不錯，於是去吃一次，結果果然食評多膳稿。今次食咗午市刺身放題，本來嘅期望， 成為了絕望。刺身無味唔新鮮，手卷又係得團飯，焗野又出水，炒野又無味，得少少暖。較好嘅壽司、炸物，仲有長髮經理嘅殷勤服務態度。啲带子食落去苦嘅，象拔蚌係無味，三文魚又唔新鮮。呢樣嘢，真係乾到呢，放落口，就感覺到一嚿硬嘅嘢。呢個係全場較食得落嘅嘢，火炙三文魚壽司，食落去香而滑嘅魚腩，入口即融。呢個係男友食食下發現，隻鹽燒蝦唔熟，咬唔開。同經理反應，佢誠心抱歉，🤦🏻‍♀️可惜我唔敢再食。呢兩款炒野，無味又難食。鹽燒三文魚鮫，鯖魚，多雪味，唔新鮮。我諗，我唔會再食呢間嘞。可怕的週末lunch,永別了。🙈🙈

經常行開旺角都見到築地番本易拉架及派發單張，又有錄音播放，見到好似幾吸引，就同朋友試一試呢間，因有磯燒和蒸氣火窩任選其一及象拔蚌刺身任食，好少放題可以有象拔蚌刺身任食。食物種類繁多，包括刺身，燒物，炸物，前菜，手卷，天婦羅，壽司，飲品，雪糕等。刺身蝦，帶子，三文魚，希靈魚，榮螺，冰山貝和象拔蚌刺身全部好新鮮。象拔蚌和蝦好鮮甜，帶子好嫩滑。磯燒蝦，象拔蚌，生蠔，蜆和象拔蚌都好新鮮鮮甜👍飲品種類繁多黃金焗蠔