築地GINDACO (裝修中)

同男友放學係呢頭食, 行行下去左foodcourt, 食物好平喎, 平均一客日式飯麵都係廿零蚊咁上下, 真係抵, 一於食佢叫左個墨丸套餐$28, 有四粒墨丸, 日式炒麵加燒餅一大塊, 真係好抵，另叫一個烏冬，可能因為差唔多收工, 所以墨丸都開始“餅”晒, 但都ok食得落口個隻啦, 如果熱食就perfect啦, 炒麵都好油下, 又涷冰冰, 開始硬啦, 所以no good, 反而燒餅重有一絲溫熱, 菜絲又多, 薯仔絲又多, 食落都好味, 木魚絲又多, good啊不過個度order食物好鬼怪，雖然有四個counter, 但係全部都係同一個店operate, 但叫食物又要唔同counter叫, 指示又唔清淅, 好唔掂囉!!

以前未有築地~ 唯有食街邊果D厚粉章魚燒來過口癮~ 有左築地之後~ 真係好好多~ 口感同味道都同日本有得揮~ 最近推出左抹茶飲品~ 勁正~ 如果遲D香港有日本果D巨型章魚燒就更加好喇~

在香港要食日式八爪魚丸,只要到街邊小食店或者港式超級市場就可以買到,價錢都不過十蚊左右,但水準就認真麻麻。以為去日式餐廳就可以食到比較有水準既燒八爪魚丸,結果往往令人失望,因為幾乎無日式餐廳有此供應。於是當你想食美味既燒八爪魚丸,就只好到日式超級市場。日式超市,來來去去只有Citysuper,Sogo,吉之島同埋UNY(三越裡只有港式超市)。呢幾間日式超市裡賣既燒八爪魚丸我都試過,但能夠令我心郁郁去多幾次既就只有UNY裡面果間築地。築地既燒八爪魚丸同我0係日本食過既差不多,都係外層香脆,內裡軟滑兼熱辣辣!入面既八爪魚大大粒,雜菜同麵粉既分量適中,屬香港少見既水準之作!佢初開張時有燒汁(原味)同咖哩兩種口味,燒八爪魚丸配咖哩汁都算是創新,可惜卻失去左燒八爪魚丸既原始風味(無左燒汁)。無幾耐再去幫趁已經無左咖哩味,不過就多左隻芥末醬；其實原味同芥末味兩者都有燒汁,分別只在於上面既沙律醬中有無芥末。但各位千其咪睇少呢隻芥末沙律醬,真材實料,我超鍾意!而唔多受得芥末既朋友都係要原味穩陣。

尋日到太古城睇恐龍,太多人下,恐龍未睇到又十分之肚餓,諗住在foodcourt食野,點知爆場,就落去UNY,見到有新式八爪魚丸,就試試,條龍唔算太多人,但起碼等了二十分鐘,見到師傅好認真咁燒D丸,"窿"左又會掉左佢,唔掛得等咁耐了!!另外收銀員好有禮貌,又講唔好意思等咁耐,慢慢享用等字眼.講回味道,味道都可以,不過我覺得和旺角沒太大分別.除八爪魚夠大粒,表面又脆脆地,貴了些小,食食下都幾漏,兩人一盒SHARE就夠了.

今日訓醒, 又唔知食乜好~本來諗住去Panash 買個包食就算嫁喇~突然間諗起築地... 就走左去買喇~我要左個小舟套餐($26), 有6 粒8 爪魚丸, 仲有三款任choice ~我就choice 左西柚汽水~我買完就即刻返屋企食喇~好滿足~ 好好味呀!! ^^PS.1. 如果飲品唔係淨係得汽水choice 就好喇!!就算係杯green tea 都好呀~2. 店員服務態度一流~ 希望可以繼續保持~ ^^"3. 唔知大家有冇飲過呢度既green tea 豆漿呢??

我一向都好鐘意食八爪魚丸!!但平時去街既時候，試過好多間以"八爪魚丸"為主打既店舖佢地既八爪魚丸都唔好食既!!就連好多人都話好好食既旺角某某八爪魚丸店，我成日行過都見好多人排隊，亦都好多人話好食，但自從我上次試過之後就怕怕喇!! >.<"0尋晚同男朋友去街，行到差唔多9 點幾先諗食咩~最後就決定去呢間店舖一試佢既八爪魚丸喇!~ ^^收銀員同整八爪魚丸既師傅真係超級有禮貌!!個收銀員靚女仲問我地要原味定係芥辣味，咁我就話要原味，但係個收銀員就話俾埋Wasabi 既醬包我等我地可以點0黎食~ 服務一流!!買完之後就即刻去foodcourt 度食~嘩~~~ 真係超級好味呀!!!!!!!!!!!!!!!粒粒八爪魚丸都好大粒，而且個皮仲係脆脆地咁既!!真係好好食呀!!!!!!!!!!!!!雖然就咁睇個價錢好似貴左D ......但當一食完之後，就必定會覺係係物超所值嫁喇!!整體上既評分0黎講，如果10 分係full marks 既話，我真係會比足10 分!!!!!!!

行開UNY,見到有好多人排隊就買,因為聽過有人話好好食叫左小船,$28,6粒+西柚汽水,其實都唔算等左好耐,果度d人train到好有禮貌同我講"唔好意思,要你等咁耐",我有少少嚇左一跳,之後我即刻講"唔好咁講",有手機繩換,我frd想要,換左比佢買完拿拿臨試,熱辣辣好正呀~入面加左紅薑,但唔會似尖咀cook deli果d咁重紅薑味~叫佢加多d沙律醬比我,真係超好食呀~~~下次一定會再食~

上星期六同bf去太古行街.......本來已經食左dinner..飽飽地.........但經過UNY..見到好多人排隊,所以忍唔住試下..........首先....d staff 好有禮貌, 好professional, 整小丸子個人係日本人呀!!!我地買左一盒.....8粒.....30蚊..真係好好味...比起旺角街頭個d..真係好味100倍呀.......雖然係貴少少......不過唔緊要啦...至緊要係好味呀!!!我一定會再去食架..^_^

好足料,有口感其實$30/8 粒唔係貴星期六都幾多人排好有禮貌~

食完拉麵後雖然已經飽但難得黎到太古當然唔可以放過出名既八爪魚丸一盒8粒要30蚊聽講唔多抵食但食完後你會發覺物有所值面頭燒到啡紅色粒粒皮脆餡足每粒入面都一定有一大粒八爪魚肉粉漿唔會太多太厚o岩o岩好可以包晒d饀料買左之後忍唔住即刻去foodcourt搵個位坐低食嘩!一入口果然係正呀!個皮好脆而個汁唔會太多或者太少收銀姐姐好細心咁逐粒掃d汁,再加木魚同紫菜又問你係咪即食唔係既話會另外俾d醬汁你以免整淋左d丸加沙津醬前又問你要原味蛋黃醬定芥辣知你等得耐又不停咁say sorry咁貼心認真既服務難怪咁多人排隊買(排隊時見到有幾個係日本人添呀!)雖然排隊排得耐左d但要食好野當然要時間啦親眼見師傅由倒漿入模到加八爪魚再加配料全程一絲不拘成型後又不停左反右反確保每粒都燒到每面都係啡紅色如果見某一粒燒得唔夠又會放番低揀過第二粒入盒就算見到好多人排隊都唔會因為咁而求求其其咁整比起其他求其整又無料既八爪魚丸都收你十幾二十蚊六粒呢度真係物超所值啦!下次要再食過

呢個Ｏ係以前ＢＥＡＲＤ　ＰＡＰＡ位置～～而家變左賣八爪魚丸～好！試下先～八爪魚一Ｄ好大粒～一時就細細粒．．．Ｄ丸好似未熟得晒～～我唔識食～～可能佢地專登整到咁掛～～味道都不錯Ｏ既～～好似有幾個Ｏ架仔＞／／／＜係有禮貌Ｄ　Ｏ既～～～～ＡＲＩＧＡＴＯＵ～！