築地GINDACO (裝修中)

一向都好鐘意食築地~鐘意佢食物既品質+ 好好既服務~所以我一得閒就會去買黎食~ ^^但前幾日.. 我就遇到d 唔好既經歷....大約8 點幾.. 當時我仲未食飯, 就決定食築地去解決我既晚餐啦~ 當時.. 我對住收銀處企左一陣.. (當時除左我之外, 係無其他顧客的!) d 職員先至問我有咩需要..咁我就要左個一人套餐啦~ 當我發現職員替我加醬油既時侯d 醬太少.. 我就問佢可唔可以幫我加多少少啦~ 佢無答我可唔可以, 淨係黑晒口面好求其咁一大"pat"咁加左落去大間0個4粒度.... (而唔係平時逐粒逐粒咁加!) 算喇! 我無出聲! 而最後, 佢幫我收完錢.. 咁就算喇~我一手接住佢一遞袋八爪魚丸比我既時候.... 我先至發現.. 原來佢已經整dirty 左個袋.. 我一接住袋野.. 我隻手, 就自然地整dirty 左.... 唉.... 算啦~ 人地都唔想既...... (雖然已經發生過幾次同樣既事....)我返到屋企.. 就打開個膠袋啦~我一望.... 即刻O 咀!! 原來佢比左兩枝竹籤我, 其中一枝係好明顯有好多好多窿窿, 比蟲蛀過, 仲有幾粒好似係d 蟲屎既物體0係幾個窿窿度

係APITA行左個圈買左D野食, 但比錢後又覺得好似唔係好夠, 見呢度人龍唔長就排隊買番盒. 雖然只係等前面幾個, 但因收錢係佢, 連查醬汁沖抹茶都係同一個人既關係所以都等得幾耐. 其間見整墨丸個男店員因墨丸燒膿了就掉都唔少粒, 雖然浪費左D但都睇得出佢地製作既認真.因外賣關係蛋黃醬和燒汁都係另獨立包裝, 所以就算拎到返屋企都唔會整腍晒, 仲有外脆內軟既口感, 而內裡墨魚都幾大粒唔韌.

今日同哥哥嫂嫂一齊去行Apita, 行完之後見到築地排哂隊~ 好耐都無食過佢地0的墨魚丸, 所以就買左一盒~ 新鮮熱辣0既墨魚丸真係好好味, 每粒都有好大舊0既墨魚, 入面都好多料, 真係好好味~~ 今次食左原味, 下次要試下其他味

雖然我食o既時候唔係新鮮正出o黎...Take away 返到屋企先食...暖暖地...但係都重係咁好食~~~ ！^o^

原來，上次食墨魚丸已經係年幾前去心齋橋「赤鬼」o既事…今日想食ｄ野味少少o既食物氹下自己，所以lunch選擇食燒墨魚丸。叫左個一人set（六粒原味墨魚丸+drink），飲抹茶。可能香港o既野食一直追求「野味」，築地墨魚丸好重sauce味，而大板o個ｄ雖然多料，但味道較淡，所以我覺得築地好好味。有時有一兩粒會有ginger，粒粒味唔同都唔錯，仲有好鍾意脆脆地o既皮。如果多ｄ料會更好。更surprised係杯抹茶，真係用抹茶粉整！佢俾syrup 你自己加，syrup係用UCC，突然覺得抵左。加晒全部syrup都只係少甜，好重日本綠茶味之餘感覺好清好fresh，配個咁野味+咁熱（條'利'都半熟）o既墨魚丸就fit晒。今次食原味，下次會試新醬：好似叫燒烤蛋黃醬…仲有想試佢個抹茶牛奶。

之前o係日本食過,結果返黎香港又見到,個味道就冇咩分別,不過硬係覺得日本好食o的,哈哈,可能我崇日呀!!!!最好食係個汁,都幾正架,不過日本有十粒裝,香港好似無...........希望遲o的有啦

平日中午飯時份心血來潮，去左哩一間八爪魚丸店。熱辣辣的八爪魚丸，香脆的皮，滑溜的餡，有點爽口的菜和大舊八爪魚。加上燒汁，沙拉醬，木魚碎等真係好可口。一盒六lup唔夠食。同旺角日之船比，哩間好味好多!!!

很好食!!足晒料,大大舊八爪魚,d醬配合得好好.香港數一數二的八爪魚丸.

星期五晚大約8:00到，有7、8個人排緊隊，結果等咗10分鐘至買到。要咗「小舟套餐」($25)，加$5飲綠茶牛奶。見師傅將啲八爪魚丸碌嚟碌去，幾得意。小姐亦好有心機將啲醬汁、鰹魚片、紫菜碎同蛋黃漿加上去。一咬落去，食到大大舊彈牙嘅八爪魚肉，配軟滑嘅粉漿，兼且有輕輕嘅薑同蔥味，好快就食哂6粒八爪魚丸。不過杯綠茶牛奶就唔多ok，冇乜綠茶味，亦冇乜牛奶味，加糖漿後就只得甜味。原本諗住食完再去搵食，不過啲八爪魚丸都幾大粒飽肚，可以當飯，計落唔貴。

一直對八爪魚丸好感不大實在是市面上太多不好吃的吃過幾次已把我的興趣減至最低直至昨天來到太古城又見到…價錢仍然是貴站著想俾錢~有一個男店員說要買是要貼著玻璃那邊企還不好意思前唔好意思後很有禮貌用39元換來一盒10粒丸丸+兩杯綠茶綠茶不甜~以我這不吃甜的人來說加哂成杯仔糖水都不會甜味清~不錯而丸丸是預先弄好都是仍然夠熱內有一粒八爪魚粒比日之船好~起碼整粒都是實心的不會出現一口咬下~裡面出現空空的情況而且味道不錯~加些沙拉醬~很開胃

住太古城食過幾次都好好味話築地係全港賣同類食品頂班絕不為過同我係日本食既有得揮仲有想講既係下面有個食評講築地賣炒面燒餅既好似攪錯左築地應該冇賣呢d野我諗佢可能係講緊吉之島........

今日發現築地係TimesSquare對面開o左一間分店。小舟+汽水($25+$3)。價錢跟日本差不多(350yen)。講賣相﹐真係幾吸引。裝八爪魚丸既木兜好別致。店員又好有禮貌地問我要唔要配料。唔知跟日本食倒既有無分別﹐或是否正宗﹐只知好鬼熱﹐味道唔錯。築地網頁﹕www.gindaco.com

今日... 心血來潮~ 又好想食八爪魚丸~~ ^^ 呵呵~0黎到UNY ~ 嘩~~ 從未見過咁多人排隊買嫁!!平時, 我黎買既時候, 最多都只係排一, 兩個人既0者~但今日... 竟然要排成差唔多10 個人!~嘩~~ 我見到, 自己都嚇左一跳~~排左... 至少都要15 mins 呀~~但, 對我0黎講, 都係值得既~因為見到師傅們好專注咁整~ 從不間斷~而八爪魚丸就粒粒都好大粒~~今次, 係我第一次睇住佢地整八爪魚丸...由零開始, 到到一粒粒既八爪魚丸~ 睇到都流口水了...班師傅一路整, 就一路同我地排隊既人講"唔好意思, 要你地等咁耐..." 之類咁既說話~>> 禮貌分已經已經係滿分~同以往既一樣, 我都食買返屋企慢慢嘆~~嘩~~ 真係好好味呀!!好鐘意外脆同腍既感覺!!加埋d 醬汁~~ 實在太美味了!!如果... 價錢平返少少咁就好喇~~ ^^"

每次一個人唔知食咩好既時候...我既最後決定都係黎食度~買完之後, 就拎返屋企慢慢嘆~每次幫襯, d sales 都好有禮貌~最重要既, 係可以一直保持住好好既水準~原未試過downgrade...呢度d 八爪魚真係好得!!外層係脆脆地既~~又唔會食到成日粉~~更加可以食到大大粒既八爪魚肉~再加埋個醬汁同蛋白醬~~ 真係好美味呀!!!!!!但... 唯一有感慨既... 就係價錢略貴... ><""

14 January 2006 - 小點呢間嘢啲八爪魚丸真既同旺角街上既唔同啲，係好味好多，有質感，好新鮮熱辣，放入口到係熱到不得了，要小心食至得！入面既八爪魚算得上係大舊，比起旺角既好好多！下次一定要再食過，食過番尋味！$28蚊有六粒八爪魚丸同一杯嘢飲，其實一啲都唔平，好在夠多味！不過就未必有位坐，因為係喺food court度架！