築地GINDACO (裝修中)

自從無得去旅行之後就一直都掛住日本啲美食🥺 今日嚟到太古城，記起呢度以前有間築地Gindaco，突然就好想食章魚燒😩 落到地庫先發現原來搬咗舖位，搬咗去美食廣場！疫情關係入去美食廣場要排隊，我等咗大概十分鐘就入到去！因為控制咗美食廣場範圍嘅人數，點餐嘅人就相對較少，唔洗點排隊。❤️ 銀套餐 $48呢個餐有包括築地銀炒麵&原味章魚燒&飲品，想揀其他款嘅炒麵或章魚燒就要額外加錢！🔸 築地銀炒麵每條麵都索哂啲醬汁，不過我個人會鍾意再濃味啲！另外少咗蛋黃醬&鰹魚碎，食落好似差咁啲嘢😕 麵條相當有彈性，唔會有太腍太爛嘅問題。肉片數量都多，可惜有啲豬膻味，扣分！好食度：⭐️⭐️⭐️ (3/5)🔸 原味章魚燒築地Gindaco係日本專賣章魚燒嘅店，章魚燒味道都唔會差得去邊。等拎餐嘅時候，見到佢哋係用全自動機器去燒章魚燒，所以火候控制都好平均👀 而口味方面都接近我之前喺日本食到嘅味道，只係入口口感無咁紮實，但做到外酥內軟嘅效果！章魚燒入面嘅章魚都算幾大粒，好慷慨🙊 配搭埋日本醬汁、蛋黃醬、紫菜粉&鰹魚碎，呢個配搭真係無得輸！四粒完全唔夠喉😂好食度：⭐️⭐️⭐️⭐️ (4/5)餐廳推薦度：⭐️⭐️⭐️✨(3.5/5)總括嚟講

我好鍾意食呢一間嘅小丸子，佢係擺咗好耐都會係脆卜卜嘅。入面嘅料都好正，同埋粒粒小丸子都好大粒，脹卜卜咁樣，一次過買八粒仲可以當lunch咁食，好飽肚㗎。啲醬都好高質，連埋小丸子一齊食，食到舔舔脷。

本來已經叫咗四粒原味八爪魚燒($22)。點知叫完先見到有得揀明太子醬喎 (檯面餐牌先有，剛好有嘢擋住睇唔到)😛!!店員好好服務，佢話可以改單，我即刻加碼嗌左八粒明太子味八爪魚燒($48)八爪魚燒水準仍然高。明太子醬唔會覺得好鹹，加埋燒汁一齊食好正，配搭恰當～ 當然，如果可以再落多啲明太子醬就更好啦期望將來有更多新鮮嘅配搭。而衛生方面，小編覺得點餐位置可以乾淨企理一啲。至少啲餐牌唔應該有物件阻擋着啊～

這家築地銀章魚燒在太古城已經立足多年， 長期都很多人光顧 ，就知道它的質素很不錯了 ～～～說實話這一個品牌的章魚燒是我在香港吃過最好吃， 最正宗 的章魚燒 ！！他每一輪都很新鮮，出爐的時候熱騰騰的，超吸引💕原味章魚燒 8粒 $42章魚燒圓滾滾的外表其實非常脆口，「卡嚓」一聲 ，咬開脆脆的外皮 ，裏面則是熱騰騰 、燙嘴巴的麵糊和原粒章魚，外脆內軟。 上面加上燒汁、日式沙律醬、還有木魚絲，雖然十分邪惡 ，但吃完之後真的非常滿足 ，是我心中冠軍的章魚燒， 真的十分推薦

咁岩係附近睇戲，所以就發掘下附近food court有冇美食值得我試一試 日式超市內food court離不開實有間賣拉麵，日式西餐，仲有成日講笑既「澱粉三寶」：大阪燒、章魚燒同埋銅鑼燒（有時仲有炒麵變四寶🤣）無可能一餐飯食飯食曬佢地 否則會飽到上心口 今次試左章魚燒🐙 過往香港食到既都係成口粉/麵糊真係一d都唔吸引 呢間絕對值得試！ 外面好脆 裡面食到大大粒章魚好滿足 配埋經典醬汁係一流～ 希望下次試埋炒麵既味道係咪一樣出色😍 原味正宗章魚燒 $42/8粒有咁高質素我滿意，值得去試！

我真係好鍾意食章魚小丸子㗎，去親日本起碼都要食幾次， 可惜喺香港好食嘅章魚小丸子唔多，呢間築地Gindaco我覺得算係全港數一數二最好食。 我其實已經食咗呢間好多好多年啦， 真係食極都唔厭㗎 。今日我又嚟喇 ，啱啱先飲完茶， 都未落格， 又心思思去整番客章魚小丸子。 今次我叫咗玉子章魚燒，仲要係八粒裝! 太貪心 ! 等咗兩個字左右就整好， 未食已經聞到好香， 每一粒都熱辣辣㗎， 上面個蛋沙律超級好食， 蛋黃味香濃， 而主角章魚小丸子外脆內軟， 章魚粒好彈牙， 整體都係高水準!話時話，我試過喺日式超市買啲粉返屋企自己整， 但真係整唔到咁好食呀 ， 直頭係個粉都完全唔同味， 所以話呢間章魚小丸子真係好值得推介， 佢唔算平但係真係值回票價， 我諗好快我又會再嚟食啦。

行行下太古城想搵d嘢食，去food court就最好不過啦！Food court嘅小食唔多，都係得兩間日本嘢，本身對章魚燒冇乜大興趣，因為感覺香港嘅章魚燒都質素麻麻，但係！依間嘅章魚燒令我另眼相看！我叫左比較安全普通嘅餃子，而我朋友就叫左章魚燒。朋友嘅章魚燒係店鋪嘅主打，所以好快就到手，而偏門嘅餃子就要等15分鐘。15分鐘過左，我拎住餃子返去搵我朋友，點知佢等埋我先食，太好啦😭 但係章魚燒咪凍晒囉...又點知，竟然令到章魚燒嘅面變脆，形成外脆內軟嘅章魚燒！之前食嘅章魚燒都係淋嘅，但係依個竟然足料有口感，顛覆左我對章魚燒嘅印象～

開左好多年都維持到水準！原味就已經好好味～ 最鍾意就係加mayonnaise，令到成份八爪魚丸都creamy左。另外就係呢間嘅八爪魚丸真係每粒都會有真•八爪魚喺裡面，真材實料。

本身我自己係一個章魚燒嘅愛好者，上次咁啱去太古城見到food court可以買章魚燒食，咁啱好肚餓，所以就諗住同朋友一齊買！我哋每人買咗份章魚燒加多個炒麵，章魚燒一個係加木魚、一個係加蛋沙律，對我來講蛋沙律嗰個就冇咁好食，好似同章魚燒格格不入，一個凍一個熱，但係個章魚燒就好好食。章魚燒入邊嘅章魚彈牙可口，而且份量都唔細，亦都唔算好多炒粉，個汁真係好好食，雖然好肥膩但係真係一定要試下！個炒麵都係咁好食，炒麵非常香口，軟硬度適中，再加埋隻蛋真係好好食😍呢個係太古城來講算係平價之選，係糧尾恩物😢

今日遲左黎到food court 連單人位都有人等緊，好在天氣唔算太熱，買個外賣拎去隔離鰂魚涌公園食就岩哂。易拎易食又好食既外賣選擇，非章魚燒莫屬。銀tako既章魚燒全部都係即刻整好，熱辣辣。佢既章魚燒係比較脆口，加上醬汁、蛋黃醬同鰹魚碎，成個combination簡直係無懈可擊。如果就喺foodcourt度坐低食，真係要攤一攤先好食，唔係一定會辣到咀。佢既lunchset可以係8粒章魚燒，都可以係4粒章魚燒加炒麵。我既話都係比較鐘意食章魚燒多，炒麵感覺比較dry d。一盒要48蚊，感覺好似唔平但係喺太古鰂魚涌食飯，呢個價錢已經係咁上下，甚至算平。重點係睇落好似得八粒既章魚燒，食果陣食得開心食得快，好似食一陣就食完，唔多夠飽咁。但其實係夠飽，甚至會滯足成個下晝。

每次去太古睇牙醫都好開心🥳因為可以黎食築地Gindaco😋😋認真Gindaco嘅章魚燒係我食過咁多間之中最最最好食嘅價錢十分之抵😳通常我都會嗌八粒玉子章魚燒 加抹茶牛奶都只係$44 + $12= $56🤑同埋建議大家嗌玉子個款則係蛋沙律（碎蛋加蛋黃醬)熱辣辣嘅章魚燒 加上 凍冰冰嘅蛋沙律真係Perfect到爆由於食飯時間會有好多人買黎食😈所以大家可以從開放式廚房望到師傅唔停手係咁整可想而知，Gindaco所有嘢食都好新鮮章魚燒外脆內軟食完又會想再食大家記住一定要黎食la！！

章魚小丸子之中 佢都可以稱霸 係價錢高咗少少😅（小食黎計）我去日本都會食佢✈️當然香港比唔上日本個間🇯🇵 佢個玉子其實姐係碎蛋沙律 夾左上個小丸子度 又幾夾 因為個沙律凍凍地 粒丸熱辣辣個皮脆卜卜 最重要嘅係入面粒章魚好大粒 又唔會好難咬👍🏻👍🏻

宜家越來越少地方有得食章魚小丸子, 所以每次去親太古城中心行街都一定到樓下地庫APITA food court 既 食返幾粒章魚小丸子過下口癮🐙章魚小丸子4粒 - 玉子照燒醬 ($24)次次黎親都好多人光顧, 師傅們都係不停手咁整, 所以絕對唔會食到整好放係到凍哂又淋哂既章魚小丸子新鮮熱辣, 皮脆內軟既章魚小丸子(內裡既🐙章魚粒粒都有一定既SIZE, 唔會得細細粒仔), 加上燒汁, 紫菜碎, 木魚碎, 其實已經好好食, 再加埋面頭呢個凍既玉子醬 (就是碎蛋沙律), 令口感更加豐富😋

太古城中心築地章魚燒 HKD22 (4粒）外賣朋友說 佢覺得係香港差不多最好食的章魚燒 就特意帶我來食食 究竟如何 新鮮熱辣整出來，外皮脆脆的 內面麵粉漿和切得好幼的菜絲 好creamy 包住一粒彈牙章魚粒 再配上日式燒汁 蛋黃醬 木魚片 和 少許紫菜絲 食起來 味道多層次 正如剛才所說 蔬菜切得太幼細 不太食得出到蔬菜的爽脆口感 反而裡內變得十分creamy 軟淋 配上外皮脆脆的 很有對比 口感吾錯的 值得一試 但裡內creamy 的口感 未必人人都鐘意

如果你鍾意外脆內軟嘅章魚燒🍡，築地嘅章魚燒應該唔會令你失望！章魚燒即叫即整，新鮮熱辣辣🔥而且大小啱啱好可以一啖食得晒😮👌🏿燒汁、海苔、美乃滋其實都無可挑剔😹唯一可以挑剔嘅就係，點解啲木魚唔跳嘅？姐好想睇啲木魚跳呀😿分數（五星滿分）：⭐⭐⭐⭐️