籠太子點心專門店

營業中

休息中

近期發現一間新派酒樓，位置好近新墟凱都戲院同新墟街市，裝修幾靚，一啲都唔似傳統酒樓。有梳化、霓虹燈佈置，感覺幾舒服。而且餐牌有好多新派點心，令人好想去試下，包括黃沙潤腸、南瓜煎堆仔、蝦膠釀茄子、雪山叉燒包、蝦將軍炒腸粉、藥膳雞腳等。茶介都只係＄3，而且除咗傳統中國菜，仲有日式玄米茶，熱茶加上茶香，香味一直喺口腔徘徊，好正！

今次兩個人食咗 7 碟，包括籠太子蝦餃皇、鵪鶉蛋燒賣、名醬蒸鳳爪、鮮蝦菜苗餃、翡翠帶子腸、海皇芝士千絲卷、多汁蟹籽小籠包等。臨走𠴱陣，仲買咗鮮芒果布甸同椰汁桂花糕！（餐牌放文末）


籠太子蝦餃皇 HKD 31

蝦餃大粒，蝦有鮮味及無雪味，唔加醬汁都得；
而且肉汁多，蝦又大隻爽口；
加上皮薄餡鮮、充滿光澤感，唔會一夾起就穿，皮薄度輕輕透出蝦餃肉，感覺 so good！

鵪鶉蛋燒賣 HKD 28

上枱已經聞到好香，鵪鶉蛋大大粒又幾香；
咬開一半之後，燒賣都唔會散開；
蛋夠熟，燒賣肉餡夠滑，個口感唔錯！


名醬蒸鳳爪 HKD 23

呢個醬汁對比傳統酒樓無咁濃味，配上軟滑鳳爪，再嘆多啖茶，都舒服！
鳳爪底仲有啲狗仔粉，撈埋個汁食，正！

鮮蝦菜苗餃 HKD 2

估唔到呢家飲茶咁平！！！介紹一間點心專門店比大家，有卡位坐得好舒服職員好貼心好有禮貌，事關我帶埋bb職員特登安排一個座位比較寬敞嘅位置比我，仲準備熱水俾我沖奶 抵讚📍籠太子點心專門店 (屯門)屯門新青街11號萬寶樓地下2號舖8:30-10:00喺新墟街市嗰邊 食完可以去買餸 超級方便$3茶位免加一 平過傳統酒樓點心即叫即蒸 熱辣辣上枱 特別好食燒賣 蝦餃大大粒 皮薄餡靚 每一粒都有一隻蝦奶皇包好香鹹蛋味但唔係流心鳳爪非常入味

入屯門探朋友，梗係要嘆番一盅兩件，今次到了籠太子。喺新墟街市小巴站，行過去西鐵站都係幾分鐘。點心、小食，有多款選擇，二三十元就有交易！入紙後大概十分鐘，點心陸續到齊。鮑魚蟹子燒賣王，原隻鮑魚上，特顯矜貴。蝦餃王、用上多隻虾製成，皮薄料多。北菇棉花雞，雞肉滑，魚肚夠入味。鳳爪蒸得好淋，入口溶化。雪山叉燒包，趁熱食口感更佳。鮮蝦腐皮卷，腐皮煎得香脆，啖啖蝦肉。點心有水準，亦係即叫即蒸，飲茶除咗水滾茶靚，即叫即做都好緊要！

晚上和朋友睇戲，睇戲前當然要醫下肚。突然間好想食點心，但晚上可以吃點心的地方比較少，但竟然比我們發現戲院附近有。內裏環境舒適，裝潢比較新穎。茶芥每位只需3元，我們點了平時飲茶比較少有的玄米茶。點心即叫即蒸，上枱時熱辣辣。名醬蒸鳳爪大大隻，夠入味。藥膳雞腳藥膳味濃，我們連湯汁都飲清。黑椒金錢肚，薑蔥牛柏葉淋身，如果可以多些薑蔥更好。海皇芝士千絲卷，外層鬆脆不油膩，包著芝士蝦，味道很配。我最愛多汁蟹籽小籠包，肉汁鮮甜豐富，面層加上一點蟹籽更能帶出鮮味。不得不提這個醬，很香口，辣辣的很惹味。埋單不用加一，下次飲茶又多個選擇。

第五波後一直都沒有機會歎個茶食個點心啦～難得個friend 都中意一盅兩件，就來個夜茶啦！先來個蝦餃皇. 蝦大大隻, 但皮做得好既, 皮薄煙韌, 肉又爽咁食左蝦餃就唔食蝦腸, 轉食帶子腸啦. 個皮一樣靚, 豉油調得好夾味海皇芝士千絲卷. 手工野, 千絲鬆脆, 入面混有蝦膠, 好爽口.  非常好味金蒜蒸排骨, 骨連肉, 唔會只有肥膏. 如果椒絲再辣多D就更野味石班荷葉籠仔飯, 份量2人剛剛好. 調好味的飯配上石班香蒜及蔥, 吃不停口. 呢個蝦將軍真係好好味. 堂食有供應的. 我以為普通辣椒油, 原來係正野. XO類的醬, 超香. 

今晚得兩口子食晚飯，突然好想食點心，就諗起新墟街市橋底既籠太子啦，佢全日有茶飲😜😜全日都係$3茶錢，抵飲啦，當然無酒樓咁大間，但都唔錯呀，起碼夜麻麻都有點心食🥰點心款式都大眾化，有成5-60樣野食揀😜花多眼亂最好嘅係蝦餃燒賣有得揀兩粒，咁就可以食多幾款點心啦，粒蝦餃都彈牙喎😜出面較少有豬潤腸粉👍🏻雞扎好耐無食過既灌湯餃，個湯好香濃我至愛，藥膳雞腳，好夠味，雞腳夠淋，可惜得三隻腳，所以自己可以食哂一碗😂😂飲茶必食，鳳爪排骨飯，好足料架

最近終於放寬可以出去搵下野食，好一段時間冇飲茶，去新墟途中見到間新開既酒樓，一於就試下啦，餐廳唔算好大，不過坐位尚算可以，而且侍應都好快手有禮，唔使十分鐘都安排入座，已經上菜既速度都非常快，依日叫左個腸粉，蒸飯流沙奶黃包，但最最最驚喜係牛肚，好入味又唔會梅梅爛爛，撈飯非常正！另外仲叫左個鮑魚燒賣豪一豪，雖然唔係大大隻，但味道都幾好！性價比算高，地理位置仲要咁方便，去街市買餸前嘆一嘆茶，又一個好選擇！

未食過咁差既雪山叉燒包，又扁又淋裡面又無叉燒，史無前例食過咁垃圾既雪山叉燒包。跟住蒸籠燒賣出黎，好明顯有條頭髮😩。救命啊….點解出品可以咁差嫁！蝦腸d蝦有明顯雪氣呼，好失望啊仲衰過酒樓d出品！對新派點心店，有一定既要求，點知樣樣都衰過酒樓，唐記都好食過距！我未試過食到咁差要係度寫食評，因為真係好值得我上黎寫，希望距地以後出品可以做好d!畢竟唔係酒樓級數，係新派點心店，出品真係連酒樓都不如！超級失望！

今日約咗朋友喺屯門食晚飯，突然今晚我哋都好想食點心飲杯茶，因為疫情關係我哋好耐都冇出去食嘢，尤其是夜晚都係第一次，入到去呢間龍太子點心專門店，見到門口裝修好靚好大好特別，即管入去試一試，其實之前都去過港島區分店食過，覺得都好食所以再去食，入到去侍應好有禮貌，我哋坐低一邊，嗌咗個玄米茶，個茶好香好純，見到佢茶界每位都係收$3抵抵抵之後我哋叫咗個棉花雞原隻鮑魚燒賣香芒沙律盞翡翠帶子腸蒜香蝦春卷煎蝦膠釀茄子喺呢度食晚飯個環境都幾好，又大好舒服，嘢食都好好味保持到水準

依間酒樓好新潮 格局同一般#傳統酒家 好唔同 以淺色Tiffany Blue為主 所以有d似 #tiffanyblueboxcafe 既朋友🤣餐廳入邊仲有#霓虹燈 🤣不過亦正因為餐廳以淺色為主 所以污漬都比較容易留意到 比客人一種唔太整潔既感覺🙈有部分點心可以揀2隻或4隻 份量有多有小揀 2個人飲茶食到#九大簋 咁樣不是夢🤣🤣🥇梛汁桂花糕 $20清甜解膩甜品甜度剛好 好鐘意🤍🥇多汁蟹籽小籠包 $25皮薄小籠包！💯真係同個名一樣好多汁！肉汁好鮮甜！！！🥇鮮竹牛肉球 $23口感彈牙又有鮮味🥇海皇芝士千絲卷 $27一個比較小見既點心~表面佈滿炸咗既粉絲 口感非常酥脆！！！每舊入面除咗有#芝士 仲有蝦同1/4舊菇🍄雖然芝士味唔太岀 但食到蝦同茹既鮮味😋-籠太子蝦餃皇（2件） $16-鮮蝦燒賣皇（2件）$16依2款點心都有2件同4件揀～味道就冇乜特別 同平時大家岀去飲茶食到既一樣吧～-流沙奶皇包 $25麵包皮唔會太厚 而且咬一啖d奶皇真係流哂岀嚟🤤最後2樣食物小編W都唔食的 所以由W媽評價🤪-藥膳雞腳 $23有3隻雞腳～藥膳味湯濃👍🏾可惜雞腳似係後期放落湯 導致唔太入味😞-四寶滑扎 $29足料但

籠太子點心專門店 (屯門)屯門新青街11號萬寶樓地下2號舖屯門站F2岀口 向新墟街市方向行今日係第一日復網課，我都照常返工，今日都仍然好想食點心，就嚟到籠太子點心🧆茶位 玄米茶 $6/位好香玄米茶🍵中式點心店有日本茶得意呀，但又不期然夾到👍🏻都有清新去膩感覺。籠太子蝦餃皇兩隻$16皮薄餡靚，但因為想食多啲唔同嘅款式，細食嘅我兩件就夠，但個心又係想encore😂😂😂鮮蝦燒賣皇兩隻$16超大粒，蝦肉好新鮮👍🏻👍🏻👍🏻少吃多滋味，留返個肚試唔同嘅食物。多汁蟹子小籠包$25呢個真係好好味😋有四粒好抵，上面嘅蟹子仲係脆卜卜，一啖一粒真係好易入口，肉汁好鮮甜。蒜香蝦春卷$25外皮趣卜卜，炸得剛剛好唔會有燶味，入邊啲蝦顏色好新鮮，外脆內彈牙。原隻鮮蝦腸$29一啖食落去，成隻鮮蝦會充滿口腔，食到個口脹卜卜，好滿足，腸粉好滑。南瓜煎堆仔$20南瓜🎃蓉更健康，有椰汁味添，皮有勁多芝麻，煙煙unun勁好食，食兩隻飽飽鮮芒果布甸$20芒果好香，有芒果🥭汁喺上面，芒果肉都好明顯，有口感。不得不讚呢度嘅辣椒醬係XO辣椒醬，點起身調味好惹味，仲食到瑤柱絲，真係要試吓。

在屯門新墟街市附近，有一間新派點心店店舖內裝修簡單，舒適座位間有充份距離一般點心都有，而當中亦有新式點心南瓜煎堆仔口感良好，又熱，又脆，又圓，又大可惜，南瓜的份量較少。煎蝦膠釀茄子口感健康，不油膩，較出面的點心店少油而茄子入味，濃郁蝦餃新鮮，點心夠熱一粒一隻蝦，每啖皆是肉灌湯餃湯好清，味道良好肉質豐富，皮薄配合醋，味道一流芒果布甸表面普通，但內有好多芒果肉如果可配合奶相信會味道一流餐廳內的服務員態度10分良好，會定時為客人添茶，又主動積極，服務員態度滿分。

這次去了一間吃點心的店舖，現在飲茶最多二人，一進店內店員已經會問顧客想坐那裏，而且提出可供茶款，每位茶芥$3。我們點了數個點心，其中鮮蝦釀茄子，色澤吸引，茄子皮外脆內軟，蝦膠不會掉下來一口一件，加上少許豆豉配襯味道不錯。另外選了一份黃沙潤腸，現今有膶腸吃的地方少之有少，能夠吃到起沙啲感覺是回憶之選。魚肚水餃感覺像罐湯餃，有魚肚浸湯，加上水餃不過像灌湯餃太大不能一口一件，湯味香濃餃子內的木耳令水餃口感不錯。辣牛肉雜菌煎包，這是現今大家講求的素食菜式，店舖採用的是植物牛肉加雜菌，吃起來也分不出是植物牛肉，辣辣的牛肉，廚房煎好包仍是鬆軟，並不是翻煎。香芒沙律棧盞，生果及脆春卷皮在底，感覺清新。海鮮蘿蔔煎薄撐，有少許仿蟹柳，不會過油。此外，店戧裝潢適合打卡，不妨一試。P.S. 屯門、太子及筲箕灣各有分店。

難得星期六不用返工，約屋企人飲茶🫖先，見這間免收加一，就這間吧😌「南瓜煎堆仔」侍應姐姐推命，都唔錯，如果再脆口就更好😌「蒜香蝦春卷」無乜特別，全蝦膠春卷😊「皮蛋牛肉腸粉」我食唔到皮蛋🤨 普通「籠太子蝦餃皇」豐富口感，好食呀🤩「鮮蝦燒賣皇」普通😏「名醬蒸鳳爪」唔夠味，而且唔夠淋😖「藥膳雞腳」 香濃藥膳，但有點過咸🤪「多汁蟹子小籠包」幾精緻，包內汁水唔夠多😌「瑤柱灌湯餃」好多年無食😌 這個尚可，大大粒餃子，豐富口感，啖啖肉「薑蔥牛柏葉」就像俾人食過一樣😅👎🏼 味道尚可「家鄉咸水角」再脆口會更好😼「雪山菠蘿包」 好重豬油味，外層唔夠鬆脆😪備註：🔺蝦將軍醬👍🏻👍🏻 全家人愛上，堂食的配菜，原來有得買😻🔺第一次來，感覺唔錯，地方細細，裝修仲係我最愛的blue,打卡都唔錯🔺雖然免收加一，但價錢都唔平🤨

難得今日放假，立即約屯門朋友食個下午茶，聚一聚，吹下水，我哋都係點心控，但又唔想去啲傳統茶樓，一來茶位貴，二來多人等位，所以就上嚟哩度搵吓有咩好介紹，咁啱就俾我哋搵到哩間新(?)餐廳，見佢好似好抵食（茶位都只係每位$3），一於試吓！我同朋友雖然都係屯門友，但都比較少嚟新墟哩邊行，餐廳位置有啲隔涉，不過有手機📱地圖都搵到。餐廳係新式點心店，牌面用咗好潮嘅Tiffany blue 。裡面嘅格局同裝修都好有玩味，粉系顏色好有活力好年輕，特別鍾意佢嘅霓虹燈特色牆。如果佢啲餐具茶壺都用埋粉色系列嘅話呢，咁就仲好玩。好喇，講返點心先。我哋一共叫咗5個點心。（嘩！唔寫食評都唔發覺，佢哋啲點心其實真係好抵食）1️⃣ 棉花雞 $29我好鍾意食棉花雞，因為啲雞肉通常都好大舊好滑，仲有魚肚加埋上湯汁真係一流嘅享受。而哩度嘅棉花雞亦做到哩一點，雞大大件，又白又滑。魚肚同上湯都好香，一咬落去啲汁慢慢滲出嚟，非常鮮味可口2️⃣ 香滑反斗糕 $20其實叫嘅時候我哋都唔知係咩嚟，淨係貪佢個名夠特別。嚟到嘅時候我哋就恍然大悟，雖然賣相無乜驚喜，亦唔明白點解要叫反斗糕（唔通係因為佢嘅形狀特別？），不過味道就唔錯。味道係奶皇味，