粵來順 (已結業)

剛踏入十月便忙於著手各類飯局，約了相識逾十載的朋友們聚舊慶生。男男女女不拘小節的聚餐，中菜小炒絕對是較佳選擇，這天漸露頭角的《粵來順》也順利成章被選上。 打從電話訂座開始，對方的老江湖腔已經令人卻步。還好當晚沒有任何江湖恩怨味，伙記們服務是合乎期望。舊式老派裝潢，地方淺窄加上全埸爆滿，氣氛非常熱鬧，連說話聲缐也明顯要提高。招牌<生磨杏汁白肺湯>是須預留的指定菜式，杏汁豬肺湯登場時，香氣洋溢，令席上的杏汁愛好者無不食指大動。相對厭惡杏仁味的本人卻卻之不恭，恕我無福消受。繼而將目標鎖定在剛上桌的<金沙桶蠔>，咸香蛋黃裹著肥美的鮮蠔，比常見的黃金蝦惹味香口，更令人愛不釋手。<蒜蓉蒸開邊海中蝦>做法跟味道與平常的蒜蓉粉絲蒸扇貝異曲同工，海中蝦雖不夠肉厚鮮甜，吸盡精華的粉絲卻教人更喜歡。同樣用了粉絲主打的<金勾銀柳>加上魚肉麵、蝦米等炒在一起，相對失色毫無驚喜。另一道每枱必點的<千絲芝心球>，炸麵條內藏芝心蝦球，香脆可口十分討好。相反男士們更喜歡來碟<滷水鵝拼盤>配上一支冰凍啤酒做位有個性的硬漢子。剛

有朋友介绍此店，説得天花龍鳳，特持平常心到此一試，先点必食杏汁豬肺湯，杏汁味濃但不見肉味，湯色白而靚，但味道尚可更好。鸳鸯雞，切雞非切雞，有味雞而己，豉油雞色靚而偏甜，皮膏兼備，除皮食之嫌乏味。欖豉骨有特色，冶味而香濃，值得推介。炒菜冇特别，價单相對便宜。總结是有裝飾，有膽色，惟味道普通，聴説跟初開時有点分别。

杏汁白肺湯，料多，湯底清甜可口。黑椒脆豬脾，皮脆味濃，簡直係將骨膠原送入口中，但貼士係要趁熱食，不宜久等，因為肉浸在汁中久了會有點咸。豉油雞好入味，沒有肥膏，連皮一起吃，也不覺肥膩。白切雞沒有豉油雞出色。清炒菜蕊好清甜，但炒白菜略有點咸。最後，蒸珍寶聖子，好新鮮，好肥好大隻，約有8吋長，但唯一不足的有泥。

如果問我近期有邊間中菜推介，我會選粵來順。雖云係旺角，但唔近旺區，從信和行去都要大約7-8分鐘，附近只有間投注站同酒店，都幾偏僻，不過去過兩次都座無虛席，所以建議預先訂位。主理人係名廚譚師傅同陳國強師傅，兩位都係烹飪比賽攞過獎，所以店中幾道拿手小菜特別有人氣，例如鮑魚煲、欖豉骨等等，最好訂位時順道先落定order。 薑蔥豆卜鮑魚煲（$168）一煲有大約6隻鮑魚仔，只賣百幾蚊，真心抵。煲仔上枱時滋滋作響，薑蔥味飄住出來，增加口水分泌。鮑魚仔煮得腍滑，不過都唔及索晒味的豆卜同蔥好食。 蜂蜜豉油王雞（半隻$98）貌似普通豉油雞，味道卻係非一般，秘製豉油固然香，加左蜂蜜增加左甜味，食味更上一層樓，就算唔點薑蓉都正。走地雞肉質好滑，唔肥，連雞胸都嫩滑。 欖豉骨（$78）係大廚自創菜式，用左我好鍾意的欖菜+豆豉，欖菜的香+豆豉的鹹原來好合拍，加埋蜜糖恰好包住一字排，創新得來出色，必推。 滷水鵝拼盤（$158）有鵝肉、腩片、豆卜同紅腸。鵝肉鬆化入味，腩片軟滑香口，紅腸冇咩特別，整體都食得過。 話梅豬手（$98）都值得一吃，豬手煮得幾乎骨肉分離，唔駛用力咬，充滿骨膠原，話梅汁好甘甜，正好中和

某一天，妹跟我說：「哥，幫我買本『誰的青春不迷茫』吧！」她只有在有求於我時才會客氣地叫聲哥。幹，怎麼書名會如此嬌情。到去PAGE ONE和商務查書，連讀出書名都感靦腆，四處蹓躂都撲了個空，最後連書展都找不到（主因是因為人太多），最後才在灣仔三聯裹找到這令我一波三折才看到的書。封面是一頁看不清盡頭的瀝青路，留了一大遍的白，寫下了誰的青春不迷茫七個字，還欠的就是晦澀的一個問號，這是一份給未來的紀錄，回答自己問題的，從來只有自己，別人給予你的肯定，所謂的徵求意見就是一份心理安慰，然後走下去。我想，這就是沒有問號的理由。我覺得自身的問題永遠無法從別人得到答案，只有不斷的從自己的文字裹尋覓。那天熠熠的日霞還未散盡，和大學系裹的那一群來到了期待已久的粵來順，由陳國強師傅和譚嘉輝師傅兩位名廚主理的粵來順，他們倆在電視台上不打不相識，陳師傅為一報比賽時借砧板之恩，為譚師傅蹺家自立的粵來順增添了不少盛饌，奠定了其在飲食界的位置。粵來順主理粵饌，店舖裹如七八十年代香港茶樓的寫照，瓷鋪磚砌，實木為具，意態未至撩人，卻令使人暗生情愫，我想老一輩的走過來，感觸必然更大。粵菜在中菜中更講求精確度，細膩如畫的功夫，

話說剛剛睇完電視介紹食宵夜,跟住就去左呢間試食。去到大概晚上11點半左右,唔多人,唔使排隊,間餐館好有懷舊感覺。叫左電視介紹既芝士流心丸,好快就整好,用好幼麵條包住粒蝦丸,好脆,蝦丸中間有少少芝士醬,好好味,唔覺得油膩。另外撈麵就一般,無乜特別,略嫌太多汁,因為,個人認為撈麵既汁應該剛剛痴住麵就夠,就唔應該多到浸住d麵。其實電視仲介紹左個豬肺湯,由於成200幾蚊一煲,又驚兩個人飲唔晒徙野,都係留番下次多幾個人先試。

生意很好,就知冇揀錯!- 荷葉焗蟹飯:糯米軟硬剛好沾滿蟹羔太好味- 煎沙薑雞:肉嫩多汁有雞味,就係唔夠咸- 金莎桶蠔: 必食之選,有蠔味肉嫩多汁,外層咸香又脆,桶蠔都煮到咁,難得- 杏汁豬肺湯:杏汁太濃又冇左猪肺味,要改善 - 黑椒猪手: 醃得夠入味,皮夠淋入口即化又有彈性- 豉汁蟶子: 海鲜唔係强項,overcook左

之前頭盤都好好食, 而家得閑D, 生煎鮑魚係好吸引的一個菜, 鮑魚煎得好食, 一定要試下.客家走地雞好滑, 可以鹽焗一半豉油一半, 肉質細滑的走地雞而家唔易食到.咕嚕肉只係正常菜, 如果有其他想食, 唔洗特別叫.食得肉多, 叫個菜食下, 健康D.我本人好怕一口芝心的重口味, 這個千絲芝心球連我都鐘意. 其實佢得好小芝心味, 但炸千絲非常香脆.唔記得係乜, 因為唔太好食, 所以無理.小炒王係餐牌好似找唔到, 係個火記介紹, 炒得好香口, 唔洗一陣全枱食晒.豉椒炒聖子, 新鮮入味. 正.

旺角食中菜, 「粵來順」從來都是其中一個好地方, 今天人多, 可以一次過食十五味菜, 廢話少講, 未齊人, 最好就係試下小食, 椒盬豆腐好有老香港味, 唔係好多地方做得返衣個味道!黃瓜海蜇, 黃瓜好新鮮, 海蜇好入味, 有水準.韮菜豬紅係今次最普通的一道菜, 就係普通.沙薑雞腳都係好好食, 衣D小食, 最緊要入味, 佢就做到好入味.豉椒炒花甲, 炒得够火候, 多肉無沙, 唔太辣, 岩我口味.滋潤生磨杏汁燉白肺湯, 睇湯渣就知足料, 係佢地出名湯水, 最好之前訂左先, 唔係真係會有機會賣晒就無得飲!仲有好多, 自已慢慢試下. 

星期日晚上去 下午先打電話book位 留左個豬肺湯 8點幾去等左5min就入得生磨杏汁白肺湯 勁好飲 平時唔鍾意杏仁味都接受到 湯渣另上都幾多豬肺 當然全部食晒千絲芝心球 炸麵條+芝心丸 送唔到飯既 唔會好油 推薦一試!!蜜汁豉油雞 算比較普通 好滑 好味overall 第一次食覺得好滿意 菜色有新意!!

其實之前同男朋友黎過一次 覺得呢度既野食好特別其他地方好少見 所以今次同朋友encore再黎呢間鋪成日都好多人 所以約早D 就唔洗等一坐低姐姐話豬肺湯得返兩盅 未齊人都即刻落ORDER留一盅先豬肺湯可以話係呢度既招牌菜 上次得2個人就冇試今次多人就緊係要試！一盅可以分到6碗 杏汁味都幾重唔係個個岩飲 但鍾意杏汁味既人 就絕對會喜歡＊好重要 呢度會有一碟醬油俾你點煲湯肉 係我勁like!!!!!!!   因為煲湯肉同醬油係勁夾架!!!! 沙拉骨 好少會食到難食既 呢度既沙拉骨味道好唔錯：P 我最鍾意既一道菜 欖鼓骨！甜甜地好開胃 係必點既！其實仲叫左好多野但太餓了 等唔到相機食先

The Michelin 1* Dong Lai Shun from Royal Garden Hotel has recently opened up a separate 2nd outlet in Causeway Bay. This restaurant 粵來順 Yuet Lai Shun however is another 3rd restaurant, which carries a similar name and sells instead mostly Cantonese dishes. The similarities between the 3 shops’ names (not including the ones in Beijing), is that Chef Chan has externally opened up his own new Cantonese venture with Chef Tam in the outskirts of Mongkok area. Despite having been opened for only a few

兜兜轉轉發現中菜還是我最耍家的一瓣，起碼對煮法都有一定的了解，而且用料及調味都略懂一二，加上家人亦較喜愛中菜，所以吃中菜的比率應是最高。最近，就嘗試了一間位於旺角的中菜館，名字就是粵來順，無錯與城中名店東來順有點相似，皆因陳國強師父亦有份作顧問，掌鑊的是譚師父。受到友人與豪哥的邀請而來，這兒的裝修帶點古舊的氣派，像上世紀的茶館般，頂上則掛著吊扇。大家仍未到齊，朋友便點來【滷水拼盤】來過一過口隱，一邊吃一邊等。拼盤內有紅腸、墨魚、大腸及豆腐等等，款款都滷得軟腍入味，加上滷水味清香，不會過咸，感覺良好。接著的是湯品，這款【杏汁燉白肺】十分滋潤，用料充足之餘，味道都很討好，如果硬是要抽點問題出來，反而是肉味太濃，杏味不夠突出，但整體來說味道真的不錯，湯渣中的雞腳更是我的至愛，差不多全給我吃光了。接著的是一系列的大魚大肉，先來個碟可口的【蜂蜜豉油皇雞】，加入了蜂蜜的關係，甜度是高了一點點，但卻做出甜而不膩的味道，與豉油的香互相輝映，而且肉質相當嫩口，雞味又濃，果然是用上新鮮來製成，所以味道特吃的好。【話梅豬手】是當晚中的一亮點，雖則大家極力讚好，但我就覺得話梅的味道可以再加強一點，令醬汁的味道

約朋友成日食西餐，耐唔耐食餐中菜係幾特別既。門面光鮮，環境乾淨。叫左好多家常菜，最特別係個杏仁豬肺湯～本身唔太好杏仁，不過呢個湯又接受到既，奶白色，幾濃既杏仁味，不過無杏仁霜個種咁難受既味，豬肺瘦肉等湯渣仲可以食返！溫馨提示，必試的話一定要預訂，數量有限的～

一對情侶的小誤解，釀成互不偢不睬的冷戰局面。一天倆人忽然在街角遇上，究竟他們會否冰釋前嫌？似是老套的愛情劇橋段，不過放諸於日常生活上，其實也經常發生，親情、友情許許多多由誤會而產生的死結！據早前給「粵來順」寫了一篇以「可一不可再」為題的食評後，也許是上天的安排，機緣湊合地再一次踏進「粵來順」。我與「粵來順」會否再續「味了情」？！既然是緣分，不如試一點從前沒嚐過的新口味！豉油雞如一般的鹽焗雞、白切雞和蔥油雞等，肉質細滑是必要達到的條件。而豉油的調配更是豉油雞的一大精髓，講求鹹淡勻稱、香氣誘人及味道具層次等，俗語云「人出豉油，你出雞」，其實要做到出色的豉油並不簡單。大廚透露採用了某大品牌的雙璜生抽，再加入自家秘方配製，調製出醇厚味香的豉油。豉油夾雜著雞皮的滑溜與脂香，由外層送往雞肉內，香氣與滑溜兼備！最愛它不會過甜，且層次與香氣同樣來得細膩。千絲芝心球有著網子般交錯的樣貌。千絲線條分明，入口非常香脆、乾爽利落，完全不沾油膩，無論在手工和質感兩方面，麵條要比慣常的炸漿來得出色。芝心丸彈牙，咬開後芝士如流沙般流出，足證火喉控制得宜，定能滿足喜愛芝士的朋友。欖菜與豆豉運用在同一菜式上，較為罕見，