粿然好味 (已結業)

去完汕頭 對潮汕野依然念念不忘見到啲post講呢間啲野咁唔錯啲相望落都吸引就一心去試佢個潮州腸粉攞到黎 嘩 無論個樣同顏色都完全唔一樣基本嘅菜喺邊？肉碎同菜甫喺邊？但bonus多左啲欖菜同紅蘿蔔絲咁成碟野嚴重縮水 而且好咸💁🏻‍♀️個醬係普通豉油底 都無特別可言不過 淨粉皮位都叫滑嘅但係有蛋位就老到一個點um 比起街市啲櫃桶腸粉 更加唔值得試本來想試埋佢個薯粉餃子同涼粉都係算🤦🏻‍♀️係有啲令人失望嘅小店

之前睇過media報道，已經覺得好吸引😍特登去開太子都要試呀😝👉🏿✨薯粉餃子 Hkd 22/12粒 💸📌餃子控既我見到有餃子當然冇放過😈佢既餃子好特別，啲皮煙煙unun，配埋蠔油食甜甜地😳入面既餡係豬頸同大地魚，係幾特別既👍🏿一口一粒超方便！👉🏿✨潮洲腸粉 Hkd 22 💸📌腸粉係加左雞蛋，香菇，自製香油落去一齊蒸，唔知係咪因爲加左蛋，所以食落係特別滑，同埋成個腸粉都好香好惹味喎😈👉🏿✨草果 Hkd 12 💸📌別名叫黑涼粉～可以配花奶/糖漿。我配左糖漿，食落好似唔苦既龜令糕，都唔同平時食開啲涼粉，係再q彈啲😏正呀！

自從跟過朋友返鄉下試過汕尾既正宗菜茶後一直都好想食返個陣味道,真係唔係到到有得食,但竟然俾我搵到香港有間專食汕尾既菜茶⋯⋯🤗店舖細細,只有約十個坐位！入面既姐姐 仲好好服務同態度💁🏻‍♀️.叫左2個野食 分享下先😙👉🏻汕尾菜茶入面配料豐富，有冬菇、蝦米、菜脯、粉絲、雜菜、花生、芫茜等等雖然湯底偏淡但食得出沒有味精喔😁碗米通粒粒分明但食落偏淋！成個感覺似朋友鄉下既正宗菜茶但味道還是不及！都係太淡呀！另一樣👉🏻千層糕好像蒸米糕一樣！口感食落有點似食蘿蔔糕但味道比蘿蔔糕淡很多！有蝦米,魷魚乾都好食幾有特色但好飽啊😂款式全部都吸引但味道就可以再進步下了！

猶記得小時候搬屋，鄰居太太是潮州人，為慶祝新居入伙烹煮了一大鍋菜茶，分享給左鄰右里，小孩子們都興高采烈地嚷著要添吃這潮州美食突然懷緬起這童年味道，來到位於太子的 粿然好味，專售潮州特別小吃小小店子只有數個坐位，坐得不舒服，門面無門遮擋，私隱度低。孤陋寡聞的我只知有菜茶，原本除此以外還有很多特別小吃，如潮式腸粉、東節餃、薯粉餃、千層糕、菜頭丸、九毛膏等等。左思右想，最後放棄菜茶，點了個自選套餐 $48薯粉餃子（小米）這是汕尾海豐最具代表性的小食，用蕃薯、大地魚粉製成皮，豬頸肉為餡，味道口感似魚皮餃，不過外皮有蕃薯粉關係份外煙韌軟滑，沾點自家製辣椒醬和蠔油同吃很是美味潮打牛丸牛餅湯友善的店主夫婦有耐性地解答我的各種疑問，又讓我在A項中雙拼牛丸及牛餅，滿足小女的好奇心其實牛丸與牛餅是同一樣東西，牛餅較扁，口感明顯較牛丸爽口彈牙，小小一塊女士更容易入口，個人比較喜歡吃牛餅湯底很清無味精，底部有不少蝦乾冬菜。雖然小店環境不太理想，但店主的好客招待和正宗傳統的味道絕對值得一試

好掛住鄉下嘅味道！ 結果同老公去左試粿然好味。 2丁人食左5樣潮汕野，超好食！呢款小米餃子， 煙煙韌韌，餡料吸引， 超正！！！手打牛丸湯， 堅手打， 真心彈牙好食。炒薯粉 炒得好有鑊氣潮式腸粉，有啲唔夠鄉下嘅好食生菜， 健康又好味總括黎講堅好食

店舖座位唔多，店員完全無指示或安排入座，係門口等左5分鐘，自行等到一張門口位，然後叫店只落單，叫左腸粉及牛丸。等左約5分鐘，見店員竟然先將牛丸畀左之後入座嘅客人。於是我又再向另一個員工覆述要腸粉及牛丸，今次店員終於即時上左一碗牛丸，味道不過不失。又等左10分鐘，再向店員查問有無落到腸粉，結果店員好似如夢初醒，入廚房問有無整到，出返黎竟然話未有粉漿，問等唔等。我心諗都等左咁耐，無理由唔食埋佢，於是又再耐心等左約15分鐘，又再向店員查詢，佢竟然話煲緊水未有要再等多陣。於是我無再等埋單走人。絕對唔會再幫襯。

途經 太子 - 界限街 , 見到這間名叫 粿然好味 的小食店 細看之下 , 原來是專賣 潮汕美食 的店子 , 於是便入去幫襯 ~Menu ~ 潮式豬腸粉 : 用純米漿做出來的腸粉 , 又滑又香米香 , 內在還有雞蛋、豬肉、蔥、蘿蔔乾、菜 , 配上豉油 來吃 , 既好食又夠風味 ~ 千層糕 : 是以蒸米糕為主 , 伴上 蝦米、魷魚乾 , 口感層次豐富 , 十分有特色 ~小米餃 : 這種小米餃的餃皮是用番薯粉製成的 , 質感Q靭彈牙 , 內裏的肉餡味道鹹香且肉汁豐富 , 沾上蠔油來吃 , 香口又美味 ~ 本篇完 ~

朋友話太子有間潮汕野好味，想帶我去試下。店舖係一間街店，剛好有位，可惜冇咩冷氣，都好熱下。我叫左個炒米粉，牛丸湯，腸粉同埋小米餃子。先講炒米粉，都幾妹味，而且D米粉透明的，好似唔係我地食開個種，可惜佢放左蝦頭落去，我要夾埋出黎。牛丸湯其實係壓扁左的牛餅湯，好好像，D牛丸好濃的牛味。腸粉都幾滑，好似係叫拉腸粉，不過豉油好似落得太多，下次要叫佢走豉油，由於份量都幾多，我食剩一條。最後佢最出名的小米餃子，朋友叫左兩碟，應該係鎮店之寶，味道唔差，之但係我一食落第一個感覺係:點解咁似我媽整個D？味道近乎一樣，除左個皮有D唔同之外。我媽又係炒米粉落蝦頭陰我。睇黎我可能成日響屋企食潮汕菜，所以覺得唔係好味到痴線的小菜。無論如何，係幾有特色的。

看食評好耐了但一直未有機會經過呢個位置.... 呢間小店在轉角一端, 不起眼, 小小一間只幾個位子, 廚房打開了門, 望入去應該算企理, 可能因為出品就只幾款, 唔會太亂七八糟~當以為呢日終有機會食到我最最期待的腸粉...呢種有雞蛋的腸粉, 我一向只在廣州搵嚟食, 香港好少見.. 可惜, 呢間小店教我失望~呢碟嘢完全油到我唔想放入口, 唔明白點解要加咁多油豉油同樣落得太重手, 咸到唔識講~ 粉漿很一般, 入口太黏口... 算啦, 都係要上廣州搵手拉腸喇~~~~~~~ 

都隔了一段日子沒來過太子這間專賣潮汕小吃的「粿然好味」。還記得第一次來是吃菜茶，是鹹湯中伴入米通、菜粒、蝦米及花生等東西的小吃，味道清新又獨特，令我留下深刻印像。昨晚再經過此店，原本想吃潮式腸粉，但剛巧店員指因爐頭問題而暫未能供應，便轉吃她推介的千層糕。這種千層糕唔係酒樓吃到的那一種甜品，而是用純米漿逐層蒸成的功夫鹹小吃，再加上魷魚干、菜甫及花生等東西，口感及外表像蘿蔔糕但又充滿米香味，配埋其自家製的辣醬來吃，又幾有意外驚喜。唔夠喉，叫多個牛丸湯，果然是潮汕人士出品，肉丸十分彈牙，不俗！

行過見到有獅蚶$58，即刻買，見佢剩載了1/3小半碗，難以置信的少，我問店員，得咁少，佢還說有二十幾粒！九新城賣$60是大碗滿，很香梅膏味，太子站近佳迅快遞$78，份量是一個滿了的飯盒。仲要不香，而且有一兩隻入面滿是泥！不要再試！永遠不回頭！

放假經過見有賣潮州特色美食，先試了豬腸粉同薯粉餃子，味道不錯，份量亦很多。見該小店有賣獅蚶，於是便試試，不知是否該店特色，整盒獅蚶有大半以上冇開口，冇打開要自己動手擘開，於是問店員，店員解釋係專登咁做，d獅蚶佢地醃過，之後教我地點開，我心諗食過幾間賣獅蚶的鋪頭，人地全部開哂，最起碼唔使客人自己郁手擘開，你話一隻半隻自己開冇所謂，有咩理由成盒近十幾隻要自己開ga,啫係好似你出街食炒蜆咁，你會唔會炒盤未開口既蜆俾d客，然後同個客講要自己打開食， 店員其後同我地講擘哂，但拎回家後發覺仍有大半數是未擘開，有少數打開仲有泥添，希望店方可為顧客著想，賣獅蚶時起碼都幫客人打開哂先同沖洗乾淨喇，話哂都係生食，處理得唔乾淨好易食痾人，我自問出街食野都係為左方便唔想自己郁手。

鋪面好細，客人不多，但是呢d格局先係隱藏的地道美食！食過好多次先來寫嘎啦，每次必叫的係潮式炒米粉，米粉的品種和市面上的好不同，更幹身和帶口感，所謂潮式當然係少不了一众海鮮幹的調味，建議一定要配上他們家自製的辣椒醬！

身為潮州人的我同我老豆一都咁中意食潮州菜，早前有雜誌介紹菜茶，竟然連潮州人老豆都話未食過，由於菜茶做法工序多，現在已經很少食店會做菜茶，難得搵到間食店有菜茶供應當然要試試店子比較細，大概只可容納十個客人，重點係冇冷氣，唔知係壞左定冇開呢，總之成三十度去食的確要考慮清楚一心為菜茶而來當然點了菜茶，配料豐富，有冬菇、蝦米、菜脯、粉絲、雜菜、花生、芫茜等，粒粒分明的不是飯乃是米通，菜茶湯底非常清甜，喝得出沒有味精潮汕牛丸好出名，佢唔係個種好滑既牛丸，仍然保留住少許筋肉，口感會更彈牙，牛味出眾，唯獨我覺得偏細粒食物質素很好，姐姐都好客，可是冇冷氣真係太熱，有得外賣返屋企食就好喇

平時出旺角搭車都會經過呢間店，今日有機會來開呢邊，一於試吓呢間小店先可以選擇外賣，又或者點入面有兩張細枱堂食都得！炎熱嘅天氣當然係入去食啦叫咗一碗菜茶，$30大大碗面頭係：花生、芫荽、脆米同菜餔下面有大量蔬菜、冬菇、蝦米仲有粉絲添，相當豐富湯嘅味道好清甜所有嘢加埋成件事係意想不到咁夾，咁好味對於我呢個並唔係成日食潮汕野嘅人來講，算係相當驚喜一個女仔食一碗菜茶做lunch,就已經飽哂!所以試唔到其他小食，唯有下次啦