糖樓甜品 (已結業)

好似港式奶茶一樣，麥精陪伴好多香港人成長。好開心有舖頭用佢嚟做甜品，希望嚟緊會見到更多有香港風味嘅嘢食！☝🏻胚芽朱古力湯圓 (麥精湯底) 🍫🍡朱古力湯圓總共有6粒，大細啱啱好，一啖一粒，咬開仲有少少朱古力醬喺入面。麥精湯底係原汁原味，感覺冇溝水，我都冇諗過原來佢同朱古力味咁夾🤔。神來之筆係面頭嘅胚芽，咬落有少少似食麥皮嘅感覺，令成個甜品口感豐富咗。雖然呢個甜品凍/熱食都得，但我會推介食凍嘅，熱食應該會比較“漏”呢。☝🏻檸檬愛玉 🍋呢個同平時喺台式飲品店飲到嘅差唔多，冇太大驚喜，但愛玉份量偏多，軟硬適中。可能我個人唔鍾意食太甜，覺得甜度可以低返啲。不過夏天熱辣辣，食啲酸味味嘅檸檬嘢係幾refresh嘅，推介俾爆哂汗嘅朋友解暑💦🍋☃️❄️。

好少可晏就食甜品，呢間糖樓未轉手前都有間吾中黎食... 環境比之前靚左，感覺幾清新，幾舒服....整個裝修主要係白色同木色為主，仲有d 高凳可以望下窗外既境...都幾吾錯每次都會叫胚牙朱古力湯圓。今次反而想食下朱古力心太軟，因為之前食過很不錯，價錢都合理，依稀記得40幾蚊，但今次睇一睇餐牌，都加到$50...不過我覺得好食就吾緊要。之前等都需要時間around 15分鐘，今次因爲有問題重新再整過所以等左7個字左右...擺碟黎講都okay，略嫌個雲尼拿雪糕好細舊，雖然出到黎熱熱地又有流心效果，但係心太軟既朱古力實在係好甜，而且朱古力皮外邊仲有啲未攪好既麵粉狀物體..... 食完之後都好口渴，比起以往水準的確差左。係有啲失望

今日同朋友來糖樓食甜品，天氣咁熱，就點咗一份朱古力味嘅綿綿冰仲配咗小丸子。分量好大，朱古力味都好濃郁，綿綿冰沙沙哋，口感好好。但係小丸子唔好食，口感唔好，唔加小丸子仲好食Ｄ。食完好解熱。

中秋節，晚上同老婆去吃糖水，美樂只得2間，一間馬可xx,一間糖樓，老婆比較喜歡特別，新式些所以去了糖樓。糖樓甜品款式比較多，有心太軟，有撈河，綿綿冰，有點松記感覺。我選了比較少的核桃糊，很香味道不太甜，很適合我。老婆突然選了桃膠，最近真的很多人吃，養顏。冰糖紅棗燉桃膠，價錢偏貴，老婆說桃膠份量太小不值，有點失望，後悔沒選最喜歡心太軟，因為貪新鮮，哈哈！

熱辣辣朱古力心太軟個流心朱古力係苦既，夾雪糕真係一流😍亦寫上smile more，充滿正能量!士多啤梨綿綿冰好香好夠味，冰既份量岩岩好，吾好太多冰而太淡或太凍。加埋配料口感一流!老闆比我地叫d menu上冇既野，肯幫我地mix and match. 楊枝金露+$15榴槤，同埋mix合桃芝麻糊,大家都食到想食既甜品。芝麻豆腐花同合桃芝麻糊好滑，亦夠熱，但呢兩個相對等得有d耐。合桃糊又香滑又香濃。一班朋友聚埋食野傾計，好開心!

這陣子真是太熱了，晚上要吃點甜點解暑。點了這個芒果椰汁紫米露。上來到時有點失望，因為我明明點了凍食，但是一點也不凍，頂多叫做涼。不過幸好芒果幾有鮮味，但是紫米有點少，整碗糖水好像有點太稀稀的感覺，質素認真一般般。

以前一直食開都無事，最近轉左手後琴晚第一次食、叫左楊枝甘露涼粉$34。一拎到手⋯哇個碗細過我飯碗都算、打開嚇死人、完全唔見楊枝甘露、成碗野只係涼粉+涼粉糖水+芒果+西米+少少西柚粒，仲要收我$34真係離哂譜！而且一d都唔凍、食左幾啖諗諗下都驚佢d材料常溫咁放得耐有菌就無食，點知都係奶野，今朝一起身就上吐下瀉。我好肯定係碗糖水有問題既原因係因為琴晚晚餐好早食，過左6個鐘都無任何異樣，但11點幾食完碗糖水後今朝就出事！呢間野真係無下次！！！

糖樓係美樂都做左好多年，但一路以黎都咁多人幫襯都知佢水準一直都keep到。近排去食完都仲係保持到水準。個人黎講去親都會叫焦糖燉蛋食，今次都唔例外，另外再叫多左個芝士薯條。先講下服務，服務不嬲都唔係主打既地方，咁多人食都係快快手落單為重點，所以第一次去食既話可能會覺得唔係幾好，但去多幾次就會慣。焦糖燉蛋上面夠脆夠甜，個人黎講超中意食，下邊個蛋好creamy食落好正，唔敢講係咪正宗要有既口感但個人喜好黎講就絕對一流。芝士薯條熱辣辣又夠脆，好明顯係即炸即上，不過要食得夠快，如果唔係凍左就會痴實一大pat，口感都馬馬。

位於屯門碼頭既糖樓，地方少左d，但甜品不錯。今次嘗試了芒果益力多綿綿冰，配黑珍珠同小丸子，正當我以為黑珍珠係平時飲珍珠奶茶嗰d珍珠，結果捧出黎係好似青蛙蛋的黑珍珠，簡直欲哭無淚！不過好彩佢個綿綿冰好味，芒果味唔似假糖漿，亦係好綿滑，都值得推介！

今晚來到糖樓吃糖水， 餐廳位置方便， 環境乾淨光猛， 我哋分別點了 朱古力綿綿冰， 混合芋圓，味道尚可，綿綿冰大份，但芋圓有點硬，不過也是大大粒。店內甜品品種不多，大路野都有。

本身見食評唔係太差，所以想嚟試下，因為自己本身偶然都中意食哩類甜品做宵夜，不過好第一次嚟就覺得幾失望下，或者係我叫嘅野食太普通？完全冇味可言。我叫了“日式紅豆椰汁豆花”，完全食唔到有椰汁味，成碗野嘅味都係嚟自佢果啲罐頭紅豆，紅豆還紅豆味，豆腐花還豆腐花味，味道完全混唔埋，豆腐花自己又係冇味，我食過其他店的紅豆豆腐花都唔係咁冇味的，雖然唔係難食，但實在有待改善。另外老公叫的“哈密瓜豆腐花”都係一模一樣，味道各有各行咁。其實仲叫了“脆炸薯條”，不過冇映相，味道非常一般。

好好食，買左個椰汁香芋西米露同榴槤河粉。香芋椰汁西米露第一淡食落去有啲甜,但食食下已經唔覺甜，口感好厚，啲芋頭煮到好粉好正，好濃既椰汁味，用料足，好值得再去食多次。榴槤撈河粉好好食，榴槤好香好甜我，榴槤味重唔錯，河粉椰汁味重，不過有啲貴

溝左好多水既水汪汪垃圾綠豆沙。味道古怪，只有死甜味而無綠豆味，食得出不斷加水番煲。廁所衛生情況惡劣。自己買即食糖水返去煲都無禁嬲！失望！永無下次！😤😤😤😤

大概星期六夜晚10:30到，店入邊冇咩人，亦無咩人等位。其實都覺得奇怪，明明街尾間糖水鋪多人到爆曬，點知食完之後就知原因。因為尼間野真係好伏！1. 上菜速度欠佳10:37分落單，去到11:10分d野食先黎到。2. 食物質素差叫左2碗糖水，一碗熱一碗凍。等左咁耐，我期望黎到嘅野食，尤其熱個碗，係會熱嘅。但係碗熱野黎到，竟然係凍😀 尼個可以算喇，碗熱紅豆圓子入邊係有芋圓嘅，我期望係正常芋圓嘅質感。但尼間野俾我嘅係硬身嘅芋圓😀最過份係碗糖水入邊有片未融嘅糖片！成間鋪，如果係純粹影相打卡就好好，但唔好期望食物有質素囉👎🏻

今晚同朋友食完雞煲就去左食糖水，糖樓我地已經惠顧左好多次，今次黎到有煥然一新嘅感覺，新裝修新餐牌，但仍舊保留左一啲招牌糖水甜品，例如係楊芝甘露（芝士味），又加入左一啲新款嘅台式糖水，我地揀左：大團圓（$32）大團圓係台式糖水，有薑糖水，芝麻湯圓，芋圓，地瓜圓，小丸子，糖水薑味足夠，而家天氣涼涼地飲好正，芝麻湯圓味道正常，芋圓地瓜圓小丸子夠晒煙韌，珍珠檸檬愛玉冰（$32）檸檬酸酸地可以消化下頭先食嘅雞煲，珍珠彈牙，愛玉凍滑溜，唔錯，榴槤綿綿冰（$40）配煉奶，益力多爆爆珠，小丸子，綿綿冰軟滑，入口即溶，榴槤味濃郁，配合煉奶甜度適中，爆爆珠同小丸子味道正常。