糖老鴨 (已結業)

—去完燒烤食咗熱氣嘢 理所當然要去飲糖水補返下lol因為週未嘅關係?!附近幾間糖水鋪11點幾都好多人排隊綿綿雞蛋布甸配雪糕($48)整個甜品嘅器皿都係關於鴨仔棉花糖粒粒被烘至微金黃增添了脆面芋圓糖不甩($34)第一次食係用芋圓版本嘅糖不甩其實係靠椰絲花生芝麻去調味要盡快食 如果唔係配料被蒸氣整濕就黏唔到芋圓數量有d少 真係幾啖就食晒焦糖香蕉朱古力窩夫配雪糕($5x)啱啱前一餐燒嘢食係任食形式 已經好飽同事仲可以食得落窩夫 佩服佩服仲有個綿綿冰—————————————————糖老鴨大埔舊墟直街9號粵發大廈1號舖

入到黎大埔食完飯梗係去食甜品啦！糖老鴨係今次其中一間推薦比大家做得幾出色嘅甜品店。今晚我哋試咗綠茶配朱古力窩夫、香蕉船。香蕉船一如以往一啖香蕉再配一啖雪糕，口感極致。呢間嘅香蕉船雪糕味濃郁，香蕉非常新鮮，整體配搭水準之上。綠茶配朱古力窩夫就更加係驚喜之作，綠茶雪糕有非常濃郁嘅綠茶味之餘，雪糕仲係非常之軟骨，而朱古力窩夫更加係食落口外脆內軟，香濃嘅朱古力味，是諗下食一啖冰凍嘅雪糕再配一啖溫暖嘅窩夫，一熱一凍簡直係天衣無縫。入嚟大埔玩嘅朋友千祈唔好錯過呢間甜品店鋪呀

啲甜品咁靚，唔怪得小朋友咁鍾意啦... 係咁拉住得地話要去食糖老鴨車車士多啤梨醬窩夫配雪糕 📍$55好大份呀…有成3件厚脆窩夫， 啲士多啤梨醬一啲都唔吝嗇 仲有幾隻味幾雪糕選擇架糖老鴨全盒車 📍$68好細心架...男仔用藍色車，女仔用粉紅色架 😊 甜品車咁靚，唔怪得啲小朋友成日話要去食車車甜品啦 😁 份量超多，一個人基本上都幾難食得哂綿綿雞蛋布甸配雪糕 📍$46布甸好滑， 上面放咗啲焗過嘅綿花糖，擺咗一陣都仲好脆呀～

夜晚同個fd打完波11點45分先入去 雖然就冇乜人食 但係好適合吹水！我地叫左兩樣野！第一樣係冰糖木瓜燉雪耳(凍) 呢個都比想象中大碗，裏面都幾多舊木瓜，d糖水充滿住木瓜味，十分健康，好適合老人家食添 仲有啲蓮子同好多雪耳。第二樣係奇趣曲奇號🛳呢個甜品充滿住曲奇， 有兩球雪糕同有4塊Oreo夾住，擺法十分有創意，雪糕裏面亦都有orea! 另外有d好細粒似係啫喱又似係椰果嘅物體，咬落煙煙韌韌咁好得意。不過面頭d朱古力醬搞到有啲偏甜，如果少敢啲會更好！但係呢間野係價錢上都略貴，同埋員工掛住自己吹水，要我自己出去比單佢

12點幾口痕痕，想食糖水又唔想食咁中式既糖水舖，見到呢間啲相好似幾靚咁，於是決定落樓食下佢！～裝修都幾有唐老鴨feel～叫咗兩樣嘢，第一個係奇趣曲奇號，雖然係得兩個曲奇味雪糕，有幾塊oreo係隔離，有啲啫喱同有啲餅乾，咁就$39蚊， 我覺得就唔係好抵食，好似兩個雪糕就比咗40蚊咁，不過賣相唔錯！好特別好得意！味道都係正正常常雪糕味道，不過餅乾同啲朱古力脆脆同雪糕一齊食都幾夾幾好味！第二樣係冰糖木瓜燉雪耳，叫咗凍既，當然有木瓜蓮子雪耳，不錯呢個味道就普通咗少少，正正常常無咩特別，下次都係叫返啲特色食物影下相～

朋友帶我黎呢間食甜品，我地一人叫左一個甜品。分別係紫米樂園、雞蛋布甸樂園、紅豆綠茶雪糕配窩夫同蜂蜜玉桂香蕉窩夫配朱古力。全部甜品既賣相都好吸引，加埋店入面既燈光光猛，影出黎好靚。講返味道，我淨係試左紫米樂園同紅綠茶雪糕配窩夫。紫米樂園有紫米、西米、芋圓同涼粉。除左芋圓既口感硬左d，其他都唔錯，又唔會太甜。至於份窩夫，紅豆中size，甜度剛好。最欣賞係窩夫，熱辣辣好新鮮。而且質地好好，外脆內軟，配埋朱古力醬同糖漿，食完一舊接一舊。所以如果要我推薦，我最推薦食窩夫。

星期五晚上 係大埔食完日本野之後去食甜品 大約九點左右 座內九成坐位已佔用 有一家大細 有朋友聚會 我地點左一個棉花糖布甸 一個格仔餅咁嘅拼雪糕 棉花糖布甸有驚喜 個棉花糖好脆 又唔太甜

我對糖老鴨的甜品一向有信心。今次試下甜品鋪的招牌菜「心太軟」今次先試「統朱古力心太軟配原味奶凍」，奶凍香滑，不過心太軟味道太濃，相較之下奶凍的味道不太突出。另外叫了一客「花生醬煉奶香蕉朱古力味窩夫配雪糕」($52)，外相排得勁靚，打卡一流，味道方面，朱古力味頗香，伴雪糕一起吃勁夾，整個吃完，超飽。

糖老鴨對佢既印象一向都唔錯！好中意佢地既自家製牛奶布甸今次試試佢啲心太軟，果然好好味呀外面有少少脆，最重要係個心真係好多朱古力醬流出黎！唔會硬掘掘，拌埋雲尼拿雪糕，一冷一熱，溶化在口中，正呀拌碟啲士多啤梨酸酸地，岩哂！食到膩得濟食粒🍓中和下！另外仲嗌左個榴槤布甸配曲奇雪糕，雖然冇榴槤肉，但係食到好大浸榴槤味 cookie雪糕都冇得輸呀！

在大埔的糖水鋪話多唔多，話少又唔算少。但要有質素的就不算很多。位於大埔舊墟直街的「糖老鴨」。經常都有好多人輪候，每次黎食糖水總要等15分鐘以上。可能因為這裡的窩夫比較出眾，所以製作需時，等候的時間都長了。今次點了兩款甜品，一個是心太軟配牛奶布甸。心太軟入面流出熱辣辣的朱古力漿，再配一口牛奶布甸，實在太幸福了。

中秋同朋友聚會點少得年年指定動作—食糖水🤣🤣🤣🤣🤣🤣我地成班friend都勁love糖老鴨！唔知係唔係中秋嘅星期日，大家準備第朝番工番學，神奇地唔洗等位，平時星期日大多要等最少半粒鐘最中意呢道嘅抹茶，真係超好味又勁濃又smooth今次食抹茶雪糕+抹茶心太軟，抹茶真係勁濃，心太軟又超級流心😍😍😍勁辣辣勁香勁正！！！抹茶雪糕一如既往都係唔膩🤣🤣但又好滑！不過食完有點膩，要飲番幾杯水先得

有著童話迪迪尼色彩的店名「糖老鴨」，說到糖，當然是主打甜品🍮🍭🍬🍫🍿🎂🍰店裡面西式甜品如梳乎妮、窩夫、心太軟都應有盡有，而令小編眼前一亮既依到既「窩夫」👅👅特別係朱古力味。基本上，主要有原味同朱古力窩夫兩種，每份都係熱辣辣整好再送上台，所以好香口又脆身！而朱古力味窩夫，仲會有流心甜甜朱古力醬係窩夫入面，再配埋雪糕🍦真係口感一流！（個人認為最佳既食法係：切一小方形窩夫加雪糕在上，上凍下熱，上軟下脆！）👀👀價錢大慨$50左右，依間鋪下午茶都係3字頭炸（都係賣甜品🍮，好抵，大讚👧🏻👧🏻）

It was a great experience to be here to enjoy my desserts😋-我地點左吾同種類既甜點，聽講呢到既心太軟同榴連奶凍都好出名，同卓都有人點有所以我都各樣試左啲。-首先黎既系肉桂香蕉窩夫配雪糕，肉桂味好香而窩夫系岩岩整起，夠熱吾脆但質感可以再造厚身小小就會very good。朱古力心太軟super jeng由於系即叫即整所以需要等待，建議如果一早知道自己會揀心太軟既朋友可以order左先，今次我地綠茶味同朱古力味既心太軟都有食到，意想不到既系綠茶味系甜度上比朱古力味更甜，但綠茶味好濃吾知系咪加入左白朱古力😋原味奶凍同雞蛋布甸不輸心太軟，店家將奶凍或布甸配心太軟吾知系咪別有用心😋一甜而另一個可以中和下，另外加$10仲可以加埋雪糕😋😋-總的來說，糖老鴨啲甜品雖然價錢上比中位價貴小小，但佢既甜品質素同服務絕對值呢個價，尤其是心太軟😋

同女朋友食飯，就一定要帶佢去食糖水，如果唔係會死得好慘。於是就係大埔附近搵下有咩好地方。行下行下就見到尼間裝修唔錯，坐得又舒服既地方。再睇埋佢既餐牌，佢既糖品都幾有特色，所以就入左去食。佢有中式同西式既甜品。咁我就揀左個雪糕雜果，佢有好多唔同類型既雜果，有西瓜﹑芒果等等，全部都好新鮮﹑好甜。雪糕我就揀左雲尼拿味，成個糖品食落都幾清新，幫助上一餐消膩。而女朋友就當然揀靚靚甜品打卡。佢叫左個紅豆未茶朱古力窩夫。原本見到咁多朱古力以為會好甜好膩，但食落又唔會。所以完全唔會有罪疚感;)

食完晚飯後，約下朋友見個面，最好就係去食糖水。朋友推介黎呢間食，都值得一試。店舖都幾闊絡同光鮮，周圍仲放左好多不同造型既鴨仔擺設。其實呢度都幾多野揀，冷熱都有，仲有Ｄ比較費功夫既甜品，平時都唔會自己整既野食，例如：心太軟，窩夫，奶凍等等，賣相都相當吸引。＃芋圓八寶樂園配原味奶凍：芋圓口感幾好，都食得出芋頭同蕃薯味。奶凍好香滑，好濃既鮮奶味，不過就甜左ＤＤ。另外，仲配料仲有Ｄ紅豆同涼粉，口感好豐富。＃芒果樂園配芒果雪糕：呢個乜都有Ｄ，爆珠、芋圓、芒果、雪糕同椰果，夠哂透心涼呀。