糖老鴨 (已結業)

It’s quite disappointing that the service is poor. The environment is very crowded, so the waiters could not reach to the customers. They took several dishes to the table at the same time which make them easy to spill the desserts. I just saw a girl who poorly got her clothes dirty due to the carelessness of a waitress tonight. That is really shocking.The food is good but the service and environment may need some improvements.

糖老鴨位於太和，從火車站去都只是5分鐘路程，這家甜品店生意一直不俗，因為的確抵食且美味。甜品選擇方面，不論港式、日式、法式甜品都有，不過也是走親民路線，也別想著會有馬卡龍、蛋糕等甜品。店舖不大，人流去得不算快，始終客人大多是一班人來聚會閒談的。食物方面，也是頗抵食，價位約$30-$50左右。雪糕不會太快溶，也不會太冰，味道也不是cheap cheap的感覺，配上爆珠酸溜溜挺開胃的。朋友吃的奶凍也十分特別，味道是很濃很濃的牛奶味，質地也比較稠濃，配上芋圓，比較創新特配搭。

上次我曾經在大埔舊墟裡面的甜品店「糖老鴨」，食過「糖老鴨」的招牌流心，「心太軟」甜品，加甜味牛奶奶凍啫喱甜品。後來我發現原來「糖老鴨」，原來還有很多甜品還未被我嘗試，所以我今次重臨大埔舊墟，刻意重臨「舊墟直街」，再次上門光顧和嘗試「糖老鴨」的甜品。不過，我今次是要嘗試「糖老鴨」的「刨冰」甜品。由於「糖老鴨」屬於港式甜品店，所以我個人其實不是很期待「糖老鴨」會有，例如韓國「雪奶冰」，或者日本式內有餡料的「刨冰」。結果我選擇了「糖老鴨」的「宇治金時刨冰」，最初我看見「糖老鴨」侍應，把刨冰甜品「宇治金時刨冰」端出來，送到我面前的時候，我還以為「宇治金時刨冰」，只是一般港式刨冰甜品。但是「糖老鴨」把「宇治金時刨冰」送到我面前的時候，才發現原來「糖老鴨」的「刨冰」內裡另有乾坤，裡面原來也有疑似奶凍的甜品餡料。加上「糖老鴨」還另外為「宇治金時刨冰」，另外附上了一瓶綠色的「宇治金時」綠茶糖漿，結果我把整瓶糖漿倒在「宇治金時刨冰」身上，「宇治金時刨冰」的真正甜味才在這時候發揮出來。驟眼看「宇治金時刨冰」的造型，只是一般港式台式刨冰而已，但是實際上「宇治金時刨冰」裡面的味道，不是只有來自綠茶糖漿的甜味，

食過幾次每次都會向朋友推介既甜品店呢間店同平時甜品店唔同，佔大部份系唔同款式既心太軟同窩夫甜品，當然都會有一部份系比較傳統既甜品。當日叫左個焦糖醬香蕉朱古力味窩夫配曲奇雪糕(仲有雲呢拿同朱古力味揀)同中式糖水桂花杞子湯芋圓。桂花杞子湯略甜，芋圓份量適中。窩夫外脆內軟，暖暖地加埋雪糕食一流之前本身自己都唔系特別中意窩夫，但食完之後就愛上

大埔區內的甜品店好像都不太維持得久有些以前覺得好吃的都結業了基本上只剩連鎖式的那家今次在朋友推薦下，來到糖老鴨吃甜品她推介waffle，於是就選了紅豆綠茶雪糕配朱古力窩夫還有朱古力心太軟配雪糕紅豆綠茶雪糕配朱古力窩夫朱古力窩夫暖暖的，朱古力味香濃又鬆脆還淋上朱古力醬及朱古力可可球，朱古力愛好者會好喜歡吃！雖然多朱古力，但不會覺得漏！配有紅豆﹑綠茶雪糕，紅豆綿密香甜，綠茶雪糕的綠茶味算濃～～～朱古力心太軟配雪糕，雪糕的味道可選朱古力/呍呢嗱/曲奇我們還是選朱古力味雪糕～～心太軟的size不算大，朱古力醬算流心～～用75%的朱古力，朱古力醬甜中帶點苦，不會是死甜！香濃的朱古力味！雪糕是倒轉了的cone，朱古力味雪糕也不錯啊！總體而言，窩夫及心太軟的質素都挺好！座位亦不算太擠迫環境都整潔光猛會再來試試其他甜品啊～～！！

很少去大埔，難得黎到點可以唔搵住在這邊的朋友食個甜品。聚一下？糖老鴨，位置係太和附近，是間有只一間店嘅西式甜品舖。這間甜品舖唔算有太多種類，但有很多不同口味的心太軟和waffle揀，我們都仲未唸到食咩，就已經不停聞到隔離好香嘅waffle味，好明顯依度主打係食waffle嘅😌揀左好耐，最終揀左除了心太軟要等耐啲之外，另外兩款waffle很快就有得食，窩夫好香牛油味又爽脆，這個價錢有這個份量味道，真的很抵食！超出預期！心太軟比想像中小，但味道都好唔錯！可能我們到嘅時間比較早，所以唔洗排隊等位，而且唔多人。但到我地吃完嘅時候，見到門外已經大排長龍了！

糖老鴨係大埔都已經開業幾年，一直都好好生意，原因係又平又好味😋😋所以平時得閒都會同下朋友一齊食下甜品，傾下計咁。平日夜晚都要等一陣先入得，因為實在太full了！😂平時多數都會叫一份抹茶雪糕紅豆朱古力窩夫，$50，但因為我唔中意紅豆，落單既時候都會叫走紅豆😆個平時既雪糕多數比較軟綿，但今次就食到有少少冰塊，味道則同平時一樣幾香。朱古力窩夫食落似係脆皮既Brownies，十分香！再配D家樂氏脆脆，成個窩夫食完已經好飽，建議兩人share一份、或者直接當晚餐😆芋圓糖不甩，$30，價錢個人認為略貴，雖然好香花生味，但因為芋圓要用黎沾花生碎、所以必需熱食，食落就好似無左芋圓既特色咁，太軟！份量亦不算多。所以應該唔會再叫呢款甜品。

朱古力醬香蕉waffle 🥞雖然有一刻都驚會太甜，但係最後都係揀左配曲奇味雪糕，因為唔係度度都有曲奇味食。雖然間鋪坐滿晒人，但係都係等左大概10分鐘就有得食啦。店員事先已經將個waffle切開做三小份，入口外層好脆，裡面就好鬆軟，好好食。難得就算配埋朱古力醬都唔會話好甜。食完甜品真係人都開心d~

因為好少入黎大埔，所以叫朋友帶我去食只有大埔先有嘅甜品店。呢間野個名叫糖老鴨好有創意哈哈，menu見到有好多款心太軟同埋waffle，應該係呢度嘅主打。揀完一輪最後揀咗朱古力心太軟配雪糕，雪糕可以選擇雲呢拿/朱古力/曲奇味。因為心太軟係即叫即做，所以大概要等20-25mins。個心太軟比想像中細，最期待就係切開之後會有朱古力醬流出黎。不過應該係整嘅時間太長，所以我呢個心太軟冇朱古力醬流出黎，即係有少少失望🙁好彩旁邊嘅雪糕挽回不少分數，雖然只係普通嘅雲呢拿味，但係巧妙咁用甜筒做成一定帽，再加埋2隻眼，即刻加分。

第一次去大埔食糖水甜品，在openrice見到有間甜品名叫糖老鴨，真係特意揸車來。餐牌見到都開心多選擇。牆上好多B duck公仔。紅豆綠茶号，抹茶夠香红豆綠茶配窩夫，紅豆大大粒，窩夫脆卜卜湯丸糖不甩，皮薄麻蓉好軟滑，芝麻夠香鮮果任你撈香蕉船好有兒時feel点了好幾款，味道不錯，顏色配得靚，增加不少食慾。價錢非常貼地，街坊價，酒店水準。最可惜我去天冇心太軟 店員話爐壞了。下次希望試到

今晚吃完火鍋，行過見到糖老鴨忍不住去坐下。種類選擇多，款款都想試。叫左經典香蕉船和红豆綠茶號。_香蕉船同我小時候吃一樣，雪糕軟滑，彩虹碎好美，好有兒時回憶。红豆綠茶號，大大粒红豆蓉，又香好有紅豆味，綠茶雪糕好清新，细細米糕好彈牙。

夜晚同fd跑完步口痕又去搵野食(完全係前功盡廢)，見到呢間入面幾多人食緊就入去試下。我地每人叫左唔同既款，一個心太軟、兩個奶凍加唔同配搭、仲有個係台式啲既芋圓涼粉。除左心太軟要即焗等得比較耐之外，其他都好快到。試完哂覺得芋圓一般，可能個配搭埋涼粉對我黎講有啲怪，奶凍好食有奶味，而且配既曲奇雪糕都好正。最驚喜既係心太軟，試過喺出面食得個死甜，呢度佢地話用左75%既朱古力，甜中帶苦，有層次好多，而且唔漏，食完都仲想食，絕對值得試下。

又係搵FD子，話想甜品，就帶咗我嚟直街糖老鴨，都幾多人都排一陣子。叫咗紅豆綠茶雪糕配窩夫同芋圓八寶樂園配雪糕。窩夫係推介的重牛油香又爽脆，以份量味道價錢計係好底食，超出預期。

今日食完lunch之後，仲要返公司加班，一直做到四點幾，真係又肚餓又手軟腳軟，一於要慰勞吓自己，決定食多餐至返屋企。心思思想吃D甜品，最後由同事帶路去咗呢間「糖老鴨甜品店」。店內座位頗寬敞，客人坐得舒適，開頭同事介紹時我還以為店舖是以「唐老鴨Donald Duck」為主題，但原來裝潢並不如想像中有卡通feel，而食品方面，是以西式甜品為主，聽同事說這裏的心太軟及窩夫是不錯的。但今日只想吃雪糕，於是點了「奇趣曲奇號」，貪佢有兩大球雪糕，充滿冰涼感覺，雲呢拿雪糕奶味香濃，口感幼滑，還淋上了朱古力醬，而且有兩條朱古力脆條及很多可可脆，朱古力味濃郁，再配以鬆脆的oreo餅乾伴着吃，使味道更豐富、更有口感，真係令人吃完還想再安哥呢！ICHIBAN！

同朋友交收, 約左O係我地住既中間點等,附近有幾間糖水/甜品店, 見呢間既野食選擇最多, 就同朋友坐一陣吹下吹.餐廳入面都見到有好多鴨仔既display, 幾得意~連menu都full of 鴨仔~XD野食有waffle, 心太軟, 中式糖水, 沙冰等等, 一定有岩食呀!楊枝甘露雪果拼個賣相好可愛~個楊枝甘露汁底都幾夠味, 仲有D生果. 好豐富自家製士多啤梨醬朱古力味窩夫配雪糕窩夫有好香濃既朱古力味, 仲有D朱古力流心既效果~做到外脆內軟~而士多啤梨醬酸酸甜甜, 中和返左朱古力既甜味~Waffle配雪糕, 冇得輸~