糖老鴨 (已結業)

今日娘親又炮製左一系列既黑暗料理😔無乜點食晚飯既我就心思思想食個甜品，黎慰藉一下心靈😂於是就去左屋企附近既甜品舖 — 糖老鴨🐤甜品種類都好多 中西式都有🤤不過自己就偏愛西式甜品多d，於是就叫左個窩夫。賣相好靚仲好大份，而且好好食，窩夫既朱古力味都好濃郁，岩晒中意食朱古力既我🙌🏻無諗過原來可可脆片同香蕉片係咁夾，睇得出甜品師傅好有誠意☺️有別於一般既甜品舖，呢間就好闊綽咁落左好多Topping，呢個價錢真係好抵👍🏻👍🏻👍🏻

難得今晚寶寶突然話想食甜品，我梗係今晚dinner 特登唔叫咁多野，唔食咁飽，留番個肚食甜品啦😋講到就腳，又大件夾抵食既甜品，我同寶寶都不約而同諗起糖老鴨🤓 雖然黎過好幾次，但次次都只係嗌左一個甜品一個沙冰，因為每次食完晚飯，肚仔空間實在好有限，純粹想搵個地方坐下hea 下。今次終於有機會叫兩大個甜品食喇！第一個—14 朱古力花生醬香蕉窩夫配雪糕Honey 揀左我最鍾意既cookie and cream 雪糕雪糕既味道有d 似Dreyer’s 既cookie and cream favour (可能真係dreyer’s 黎），幾好味，而且雪糕冇凍到起雪花，食落亦唔太硬，儲藏溫度控制得好好。窩夫熱辣辣又香脆，加埋d 朱古力醬+花生醬同Syrup，好難唔好食啦！唯一係d syrup 太少，鍾意加糖漿食waffle 既朋友應該要再問職員拎多少少糖漿了～第二個—01 70% valhorna 朱古力心太軟配原味奶凍 真係無duck頂丫！一拎埋枱就聞到好香既朱古力味用匙羹一下舀落去，熱到噴煙既朱古力漿就湧出來食落朱古力味好香濃又唔會太甜，2個人一齊食，食晒成個一d 都唔覺得漏。好鍾意不過呢度有樣

甜品呢~無論正餐食到幾飽都仲有第二個胃可以應付嘅~~夜晚同住大埔嘅同學仔gathering~明明食完正餐已經好飽，都仲係可以順便過埋隔離食個甜品~嚟到糖老鴨~住大埔嘅有同學大力推介呢間好正!所以我哋一行四人都坐低咗~~叫咗原味奶凍配曲奇雪糕~芋圓八寶樂園配原味奶凍~朱古力心太軟配曲奇雪糕~芋圓八寶樂園配雪糕~每個餐都係四十幾至五十幾蚊~價錢對比其他甜品舖嚟講唔算貴~但味道真係好好喎~上枱又靚~佢個朱古力心太軟上檯嘅時候個雪糕超可愛呀!!朱古力心太軟又夠濃味~切出嚟啲朱古力係咁流曬出嚟~like佢嘅facebook或者ig仲可以減兩蚊添~環境又舒適~燈光又夠光猛~店員服務又好有禮貌~呢間絕對會再encore家淨係街坊嘅價錢高級嘅質素~~難怪九點幾十點都仲有一大班學生哥黎幫襯!

第一次幫襯叫外賣，返屋企食先發現個心太軟已經唔識流心，有啲失望，大拿拿盛惠64蚊，但唔識流心，可能係外賣啦！不過都好失望囉！咁貴價錢，滿心歡喜，十分失望，其他野都好食既！

食完飯就四周睇下有咩糖水食，結果黎左呢間糖老鴨。我地兩個都係第一次黎食。芒果刨冰一睇到餐牌寫住「唔食唔duck」，咁就點左黎食。一黎到就覺得無騙人，個賣相幾靚，而且十分足料，實物比圖片更吸引。而且有5種配料芒果粒，椰果，爆珠，星星形的'姐'喱，配上刨冰，好好食，正好在咁熱的天氣下食。可能怕刨冰無味，仲有兩款醬料，有一款唔肯定係橘子味定芒果味的汁，另一個則係煉奶，兩款給你唔同的口味。米奇朱古力號個賣相同米奇都有幾分相似，味道我試過少少，朱古力雪糕加上朱古力可可脆片，仲有曲奇做米奇的耳仔，味道都唔錯，但就無刨冰咁多，不過鍾意朱古力味的都可以一試。我同表弟IG同facebook like左佢地仲可以平2蚊😆

自從大埔「彩虹」糖水執左後，糖老鴨就成為我新歡！佢既窩夫為必食item!又脆牛油味又重！窩夫有分原味/朱古力味，個人認為原味比較值得一試，！仲可以揀雪糕既味道，一啖雪糕，一啖窩夫，至高享受朱古力窩夫同樣好鬆脆，加上朱古力醬雖好邪惡,但佢個窩夫真心要試！另外點左一個糖不甩，湯丸變成左芋圓同蕃薯丸，椰絲味道好一般，整體唔吸引

有誠意的甜品位於大埔直街的一間小店本人好鐘意食芋圓 所以叫左個桂花杞子芋圓 只係$25食落好清香 芋圓煙煙銀銀另外再叫左個心太軟有幾款味雪糕可以揀雲呢拿配心太軟perfect match朱古力唔太甜 流心 不過兩個人share就會冇咁膩Like 佢個fb page仲可以減兩個大洋幾抵wor大埔糖水店之選

食完飯8:00仲好早 想搵個地方坐下 於是見到呢度d甜品比較吸引 而鋪頭入面睇落乾淨就入左去 ～呢度甜品選擇都算多 但比較多窩夫之類見到都覺得好飽嘅野食 由於食飽飯所以我地一人叫左一樣唔算濟嘅甜品 先講下用嚟裝甜品個盤 係我朋友好鍾意嘅英倫風🤣🤣 甜品配搭無咩驚喜但夾埋都幾好食 我地坐左一個鐘倒就見到出面好多人等位 起身走左 呢度都可以再幫襯

每當想食心太軟,首選一定係糖老鴨,心太軟旁邊的意式奶凍更是亮點之一不過,今晚食既芋圓甜品真是麻麻😥😥😥.第一,芋圓感覺上未煲透,咬入口死死實實咁.第二,紅豆蓉太甜,食到一半已經唔想食.另外當晚重試左焦糖燉蛋,表面層焦糖燒得不錯😋,燉蛋都好食既,我個人認為可以加多d忌廉會更厚滑👍🏻下次黎都係食返心太軟穏陣d~

開張到宜家每次諗食甜品都一定揀依間，原因好簡單就係好味店內不論心太軟，waffle，沙冰都不錯，有好多不同選擇，但一定要配奶凍，因為係最特別。價錢係合理甚至係偏平，對比同類甜品店。

大埔最近新開一間叫「 糖老鴨」餐廳，人氣非常好。今日就去朝聖一下先！餐廳心太軟好多人推介，但今日由於窩夫同樣係人氣之選，最後都係選擇窩夫我點左一個「花生醬煉奶窩夫配雲呢拿雪糕」 首先賣相已非常唔錯，而且窩夫真係好鬆化同香脆！好好味配上雲呢拿雪糕，個種冰火交融係一絕的享受友人點了「芋圓八寶樂園配原味奶凍」，另再有花奶芋圓細細粒，尚算煙韌彈牙出色既係原味奶凍，奶味超級重不在話下，而且嫩滑度達100分，呢個價錢呢個質素值得支持呀！

甜品對於我嚟講無時無刻都想食，就算食飽飽都係要搵間甜品舖滿足一吓自己個胃，初時經過見到依間糖老鴨就被佢個名吸引住，再睇埋 menu 就決定入去試食。坐底後係有張甜品紙自己take ，就跟老公一人叫一款，因為咁樣就可以連佢個份都試埋我就揀咗舖頭推介唔食唔得嘅雪糕布朗，雪糕就無得揀味都係雲呢拿配布朗蛋糕，個蛋糕都夠朱古力味，但個窩夫就淋咗少少，老公就最怕試新嘢佢只係叫咗芒果雪糕船，照舊雪糕就無驚喜勝在有D啫喱珠珠咁做點綴加埋一齊味道都ok, 如果有其他特色甜品就更好啦

同朋友o係大埔食完晚飯～想食甜品～同朋友o係附近搵左有兩間甜品店睇完兩邊個menu～俾窩夫吸引左！就決定試糖老鴨！內裡裝修環境都唔錯～不過冇影相～朱古力醬香蕉朱古力味窩夫配雪糕（曲奇）原本同朋友諗緊叫唔叫朱古力味窩夫好，因為好怕會好苦／朱古力味唔重，怕會伏不過第一次冇咩所謂就決定試喇！佢俾ge 配料都算多～香蕉～朱古力粒粒，滿滿朱古力醬，仲有蜜糖窩夫熱辣辣，share 好食～窩夫有朱古力味～食落有口感～外脆內軟！唔錯性價比唔錯～下次會再試其他甜品！

綜合芋圓冰 $42有紅豆 涼粉 芋圓 水晶丸仲可以按照個人喜好加花奶🙆🏻‍♀️呢個碗睇落細細 其實份量都唔少 個底好深而且紅豆都香甜 涼粉加花奶食👍🏻 永遠都好食既配搭 仲有芋圓都煙韌最鐘意既水晶丸細細粒 有咬口 加埋雪糕食又係好既配搭呢間甜品舖價性比高 踏單車入大埔都可以試下🤤 仲有心太軟個啲都好吸引😍評分:8/10🌟蜂蜜肉桂朱古力味窩夫配雪糕 $52可以揀雲尼拿/朱古力/曲奇味既雪糕窩夫係即叫即整 大概等10-15分鐘到上枱都熱辣辣 窩夫都好香脆 加埋蜂蜜同雪糕食啱啱好🤤然而份量都唔少 有3舊配埋香蕉同雪糕 一個人食會太飽😂雪糕都係普通貨式 但咁既質素同價錢都成正比 已經唔錯😋 所以之前都有被訪問過 可以再試🙈評分:8.5/10🌟

今晚提早吃團年飯，晚飯之後當然要去食糖水，開心一下😊 。重點係去食湯圓，中國傳統寓意「團團圓圓」。由於我哋早食完晚飯，所以去食糖水唔使等位，進餐途中，已經見到餐廳坐滿人之餘，門口已經開始有人龍等位。「薑湯湯圓（芝麻餡湯圓）」好夠薑！食唔懶薑嘅人士，會覺得好辣。同行朋友就是這個群組的類別，最終未能完成進食整碗薑湯，要中途放棄😅。湯圓大大粒，味道正常。可惜我碗糖水中，有一粒湯圓穿了，相信只是個別事件。希望來年我的荷包也像這粒湯圓一樣，賺到盤滿缽滿！「桂花杞子湯圓（芝麻餡湯圓）」個湯甜咗啲，越飲越口渴。但桂花及杞子味適中，冇偷工減料。「朱古力醬香蕉窩夫配雪糕」每樣野（包括香蕉、窩夫、朱古力醬、雪糕）都正常，沒有驚喜。整體感覺良好。由於是新店，所以衛生方面良好，服務殷勤，而且光線舒適。食物方面中規中矩，沒有難吃的，又沒有驚喜。下次會再幫襯其他食品。*餐廳沒有提供BB櫈。