糖黐豆 (已結業)

半年前朋友推介去過這間幾雅緻的糖黐豆,我食炸雞比沙津&友人食豬扒包,炸雞比很好食,有雞味亦有肉汁,很有水準.我亦咬了豬扒包一啖試試.豬扒都炸得just fit,入口軟熟,並不似人家做的乾淨淨...當時心中比個good 佢.事隔半年舊地重遊,再試炸雞比沙津,點解会變成好難咬得入果種雞比，而且仲很乾真係令人失望

實在想不到如此難食　肥牛是＂蘇＂的；鰻魚是＂腥＂的（咁都可以整到係腥，實在難得）；湯米沒有湯，好似放咗半日咁；雪菜碎肉係一＂pat＂；唯一一樣可以食得的是雞翼。。。。。。但係唔通叫我一餐只係食雞翼咩！可能佢真係＂只係＂一間甜品屋，唔應該搞其他嘢啦！

打開個餐牌, 幾百款野, 密密麻麻, 見倒都頭暈, 一味多但唔精, 有叉用, 仲要寫話自己咩濃而不濁, 凡事用心...笑死人, 係有料既就唔駛自吹自擂啦...四式糕: 桂花糕唔香, 桂花香碎都唔多見條, 質感死實, 死甜. 柚子糕好甜, 柚子茶都好飲過佢. 椰汁糕又係落左成罐糖, 死甜. 係得舊綠茶紅豆糕叫好少少椰汁冰...十個甜...杏仁蛋白叫正常少少, 但都係無驚喜咁既質素, 算吧啦

一些小食當然不夠填肚，肚餓兵團繼續出發搵食；第一頓就是去糖痴豆。如此安排講真我也有點不好意思，好在大家真的很無所謂，更好彩是店內咸食真的不少，後來每人點一個飯餐，再分享小食：　鹽酥雞-炸得金黃香脆，頗有台式風味，加上美乃滋沙律醬，特別滋味。風沙雞翼x2-大家都覺得味道很不錯，其實我覺得只是普通的炸雞翼，可能大家太餓了。洋蔥肥牛飯x2-帶甜的洋蔥汁，與煮得恰到好處的肥牛很夾，是幾個飯中較佳的一項。咖哩豬扒飯x4-咖哩汁比預期中辛辣，不過質地不夠香濃，食到底咖哩汁與辣油分離；豬扒稔稔的十分普通，最意外是薯仔完全未熟，一咬之下「索索聲」，口感有如蘋果。蕃茄豬扒飯-很住家的賣相，據講味道也十分住家，十分之麻麻。　飯麵可跟餐要甜品/飲品，大部分人都要飲品，我與龍各自試了：龍要豆腐花-想要的榴槤蘆薈豆花未有供應，就改要碗純豆腐花，食來充滿豆香，很有百福feel呢我要雪糕紅豆冰-紅豆冰的紅豆比例與廣成相差太太太遠，味道不可能香甜美味，幸而申請補加成功，服務值得一讚；另外雪糕淡而無味。　今餐其實好普通，只是抵食的填肚餐，重點是在後場呢!

發現最近幾篇食評都只有我來寫 就等我介紹多d好食既野啦!今次又去左糖黐豆 , 食左 <四色糕> 唔記得$16定$20有4隻味可以自由配搭 . 我就揀左2件椰汁糕, 1件桂花糕, 1件綠茶紅豆糕椰汁糕依舊好香好好味, 入到口好似飲緊椰汁甘, 好喜歡桂花糕不過不失, 稍微覺得唔夠桂花, 不過都幾香綠茶紅豆糕值得推介, 綠茶果種幽香真系好吸引!! 好好味!!!!

因為成日黎<糖黐豆>食, 所以寫多幾篇食評都唔怕今次第1次去 <糖黐豆>食晚餐, 同男朋友1齊食拉麵價錢唔貴, 但如果有埋餐飲就更好雞扒拉麵 $33 味道普通, 入面有, 份量都好足肥牛海鮮拉麵 $48 肥牛好香, 有蝦、蟹柳、帶子, 一片鮑魚, 少許豆角, 粟米、紫菜、明門卷食1個拉麵已經好飽, 抵食^_^然後再食埋椰汁糕$9 兩件 , 真系好飽

自從食第1次<糖黐豆>之後, 以後我都淨系會黎返尼度食糖水今次坐左o係店外的outdoor座, 感覺好舒服泊車方便, 淨系泊o係店外既路邊芒果豆腐花依然系我既最愛, 不過今次d芒果酸左少少不過都無所謂, 因為我諗佢地都唔會試食d芒果甜唔甜 酸唔酸先賣既-_-!仲食左個椰汁糕, 真系好好味 椰汁既味道出哂黎, 好香, 質感又好而且雖然坐系outdoor, 但唔會有1種被店內侍應監視既感覺店外仲有少少燈飾, 雖然唔系話好靚 ,但系甘樣食下夜宵, 坐系outdoor既感覺真系幾舒服

叫過幾次外賣都覺得唔錯, 價錢便宜又好味!又唔洗等好耐, 服務態度不錯而且一打開個蓋, 直頭滿瀉! 絕對值食芒果西米露好多芒果, 唔似其他糖水店, 大部份都西米+糖水豆腐花好滑好好味, 豆花又白又滑, 一d爛都無下次要試下堂食先, 店內環境都唔錯!

今晚12點幾...紅豆冰癮起,同朋友揸車黎左呢度搵食我要左朱古力雪糕珍珠紅豆冰 ($25), 雪糕好大舊,d珍珠好好咬口,紅豆又多,味道唔會太甜~好味朋友要左普通紅豆冰($18)...飲到渣都無埋地方又幾大,幾好坐wor

同朋友來呢度食宵夜，叫左個芝麻糊豆花，17蚊，算平唔平，貴唔貴啦！可惜，芝麻冇芝麻味(仲有啲生)，豆花亦冇豆味，失敗！始終不及彩虹同好好甜品。不過，響大埔甜品屋多就多啦！都係冇一間合我心水。仲有一樣野我覺得好奇怪，呢度請年青人居多，但唔知點解個個都好似滿懷心事，冇活力又冇笑容，好似唔知點咁。其他甜品舖請年紀較大的婦女，但比我感覺卻親切好多，始終街坊街里啲！

星期日吃完lunch，妹妹話想食甜品潤下喉。因森泰遠未開門，所以來這裡。我例卑要了芝麻糊，妹妹要腐竹黑糯米。兩碗糖水都超甜，妹妹吃的時気加了幾乎半杯熱水才能中和甜度，我的芝麻糊原本堅持不加，以免變稀，但吃了小半碗已頂不住，實在太甜又冇厘芝麻味，仲差過上次，一定要bad list！

琴日１點半左右，同Ｄ同事去食ＬUCNH，入面有個廿靚歲既女仔Ｄ態度勁差，好似唔想做我地生意甘，甘當我地諗緊食咩既時候，佢已經係到眼超超甘，當我地落ＯＲＤＥＲ既時候，果個女仔問我地洗唔洗落埋餐飲，甘我地話等等先，佢即刻黑曬面甘囉。之後另一個年紀大小小既女人幫我地落ＯＲＤＥＲ，甘佢話凍飲加兩蚊，特飲照價減８蚊。甘我地落ＯＲＤＥＲ既時候，叫左一個特飲，係熱珍珠朱古力。甘果個廿靚歲既女仔好串甘話特飲照價減８蚊ＷＯ，個年紀大小小既女人話我講左比佢地知。嘩，激到我地呀！！攪到我地食野既ＭＯＯＤ都冇曬！以後都唔會去。Ｄ野又唔係好食過人！！！

想寫個食評比新店，但奈何未有登記，只好借用大埔墟店寫個食評。朋友提意飯後食甜品，講大埔直街開一間分店，話好大間，去到新店，果然勁大間，比起大埔墟點足足三、四倍，座位舒服，一行11人，比左個U形卡位比我哋。眼見仲有兩間包廂，果然好少甜品店落咁重本裝修。每個人ORDER自己喜愛甜品，其實主要都係生果，我ORDER左生果加雪糕，勁多生果，雪糕雪到好冰凍，唔會好快溶，好好味，大家仲ORDER四色糕(有桂花、紅豆綠茶、柚子同椰汁)每款糕都做得好出色，味道濃，好有水準。

4/3,同上次一樣,都係因為入嚟探靚女朋友嚟左呢度食,今次係第二次…頭盤要左蟹柳沙律,記得上次都有叫,佢整得好乾水,好爽口,而且蟹柳份量都唔少,足料…講返主菜啦,朋友要左個照燒雞扒拉麵,我就要左個黑椒牛扒拉麵,賣相同menu上面既都幾似,擺得好靚,而且都幾多,雞扒唔太乾,牛扒都有牛味,唔似出面有D餐廳,”那”到牛味唔見晒…輪到甜品喇…朋友話最鍾意佢個糖黐豆,貪佢多豆有咬口,所以今次都係食返佢,我上次都要左一個,又真係幾好食,唔會太甜,但都幾飽肚,如果係諗住以呢個甜品埋尾既話,記得之前唔好食咁多野;一場入到嚟,今次想試吓其它野,之前見有食家提過有個甜品叫雪糕黑白相思,係用涼粉同椰汁糕做主角既,兩樣我都鍾意,就要呢個啦…糖黐豆冇乜驚喜,因為上次已經見識過,朋友就話水準依然;涼粉唔會有咩特別,椰汁糕就唔太甜,好滑,加埋紅豆同雪糕,多重口感,感覺好幸福,但原來都唔可以睇少佢,事關都幾大份,食到中斷已經覺得飽,但本人係一個唔愛浪費既人,所以最後都將佢食清…呢度D食物賣相真係唔差架,師傅好有心機整,值得一試, hm…下次可以食埋其它款式喎…

近來好想食黑白(芝麻糊豆腐花)，見食評有好多人讚呢間的芝麻糊好香好滑，又聽講話呢間在after 5對面的直街開左新分店，於是黎試下，點知...入到去地方闊落乾淨，坐得幾舒服，第一個觀感幾好的。睇餐牌，咦，呢度唔係淨做甜品的，有飯食，心知不妙喇。如果唔係專做一類食物，通常會因食品種類太多以致質素普通。當我碗黑白黎到時，所有期望都破滅了。首先，碗黑白係有好多芝麻糊，豆腐花只得兩片咁大把，食左4-5匙就冇晒；第二o的豆腐花唔滑，亦唔夠豆香；第三係o的芝麻糊雖然稠度適中但唔香，好明顯係用芝麻糊粉煮出黎的。但以上都唔係致命傷，最致命的係俾我食到煮芝麻糊煮得太耐在面頭凝固的半固體的糊，同埋一細舊煮熟左未溶開的芝麻糊粉。失望之餘亦覺自己有o的黑仔>_<