紅堂 (已結業)

紅堂，位於銅鑼灣登龍街永光中心，餐廳佈置非常有格調，由踏入餐廳門口到卡座位，打卡位處處。餐廳燈光音樂等都非常有情調，卡位寬闊舒適，以紅色為主的餐具，每件事都非常精緻。餐廳以麻辣火鍋為主，但湯底選擇都有辣有唔辣。酸菜白肉鍋材料份量豐富，湯底味道出色，入口有回甜感覺。清油麻辣鍋，可自選辣度，辣味相當濃，帶有台式麻辣火鍋味道。食物方面，極力推介餐廳自家制食物，每樣都相當出色。蝦佬Sushi 原隻大蝦配芝士蝦丸，蝦丸超級彈牙。蒜泥白肉水晶飽，餡料豐富非常惹味，水晶皮煙靭有咬口。黑松露蝦蛋餃，黑松露味道極濃，蝦肉結實。紫菜響鈴，即叫即炸熱辣辣脆卜卜。餐後甜品冰粉，亦非常有特色，有山楂餅提子乾等等。

銅鑼灣行到攰，天氣又開始凍，突然之間想打邊爐！朋友帶我去呢間餐廳！餐廳啲裝修幾特別同埋行型格嘅style！位置都幾闊落，好適合一大班朋友嚟打邊爐！食物選擇都幾多，湯底方面，就算唔食辣都有唔辣嘅選擇！✨酸菜白肉鍋係自家研發嘅湯底，酸菜之餘帶一點清甜！最抵讚就係打完邊路返到屋企都冇口渴✨依比利霜豚梅肉估唔到豬肉都可以咁肥瘦均稱！簡直係接近入口即溶！估唔到豬肉都可以咁好食👍👍✨芝士牛肉棋子真係好得意，極有中國特色嘅象棋！食落口有啲似牛肉味好重，而且有少少彈牙嘅牛肉球Crossover牛丸包住啲流心芝士！新奇度爆炸❤️✨鮮蝦雲吞皮好薄同埋餡料好多，同埋原來係餐廳自己包！最鍾意就係啲蝦肉冇咩好重嘅胡椒味！✨紫菜響鈴普通嘅響鈴就食得多，入邊竟然包住紫菜好特別呀！一啲油膩味道都冇，好新鮮！✨鴨血同湯底好夾！份量超級多！✨稻庭烏冬烏冬好滑而且份量都極大

普通質素的食物，只係杯杯碟碟美觀…要打邊爐我不會再考慮這一間。質素真係超普通，但又貴過人，又無乜特別。星期六日都有唔爆…..咁知道咩料啦～ 總之於好一般啦！！！！🤔

天氣凍凍地，收工去打邊爐最好不過🥢今日就同朋友去咗呢間「紅堂」火鍋料理店😄環境以火紅喑黑為主題，夠晒神秘感😄。麻辣鍋 $168呢個環境當然要點個麻辣火鍋食啦😋 先點個少辣，店員建議我哋中途可以隨時加辣，有齊豆腐和鴨血，越食越惹味🌶️🌶️。涼拌萵筍絲 $28酸酸地又爽口，好開胃👍🏻。伊比利霜降肉 $128以豬肉拼成花既圖案，再加上乾冰製成煙霧，賣相已經一流🥰而肉質帶點油脂味道亦好香👍🏻👍🏻。原味牛 $88肉質光澤，口感鮮嫩，每一片都有一定既厚度，所以食起來充滿肉汁🥰🥰。蒜泥白肉水晶包 $68食起上嚟有D似粉果既口感，但水晶包皮比較薄和煙韌。金針菇串/唐山菜 $48稻庭烏冬 $38最後食埋蔬菜同烏冬，二人分量剛剛好👍🏻👍🏻！

今日朋友帶我去打邊爐 去到銅鑼灣登龍街 呢條街食店林立 眼花繚亂 朋友帶我來左呢間紅堂 門外冇咩特別 但內有乾坤🤪🤪入到去以紅黑為主打色 環境昏暗好有feel 兩個人可以坐包廂位 好闊落同私隱度高👍🏻👍🏻 食物有好多選擇 唔同類型湯底 同埋有好多好精緻嘅功夫菜 侍應都會講下有咩特色同埋好多食物都係新鮮即整😋湯底我地揀左紅堂和牛牛油麻辣鍋 一上檯就聞到好香嘅辣椒味 仲有舊牛油好香😋揀左小辣 食落唔會太辣但就有好多唔同辣椒嘅香味👍🏻 另外調味料方面除左平時有嘅蔥蒜辣椒 仲另外提供辣椒油/藤椒油/芝麻油👍🏻👍🏻 不過醬油碟比較細 調料裝得比較少 唔算好方便🥺原味嫩牛肉厚切 但係啲肉醃得非常嫩👍🏻👍🏻西班牙伊比利霜降豚肉砌成兩朵花 好靚嘅紋路 初時覺得好似份量少 不過呢款肉 超好味😋 油脂係口腔中滲出來😆 完全冇豬臊味 呢個份量反而ok 食多好漏🤣🤣必試金沙豬肉棋子豬肉好實 包住蛋黃 不過煮完啲蛋黃熟曬🤣🤣如果有啲流心會再正啲 食完好飽🤪日本麻糬串呢個幾得意 用靚牛肉包住舊麻糬 牛肉好濃郁牛味 麻糬索佐啲辣湯 軟林林 夾埋一齊食個口感好有趣 好少食到嘅配搭 但係係夾嘅😙三色餃子（麻辣和牛餃 黑

揀咗個花膠棉花雞湯底唔好太熱氣，有驚喜係個湯底真係好多花膠，大大舊嘅棉花魚肚浸到淋晒索晒啲湯😋 一嚟到已經先飲咗兩碗🥣紫菜響鈴🥠一份六件，響鈴浸一浸雞湯兩秒撈番起食，入面個紫菜仲keep 住超脆同超香👍🏻伊比利霜降肉🥩一嚟到就出晒煙咁好吸引，影相都影左一輪，一碟都有十片，啲肉質好嫩，肥瘦好平均，豚脂味豐富好淋有豚香好好食原味嫩牛雖然平但好滑，有啲似滑牛粥，但浸過湯底非常鮮甜銀絲旺菜即係娃娃菜🥬，好新鮮，加落啲雞湯滾勁鮮甜好夾個湯底涼拌土豆絲🥔係前菜凍食，土豆絲好爽脆唔會淋晒，酸酸地雖然係紅油但一啲jl唔辣，🧒🏻小朋友都食到，好開胃梅菜豬肉丸🍡係最特別嘅，第一次食有梅菜做嘅丸，原來咁好食，手打嘅🐷豬肉丸肉汁好夠，加埋梅菜嘅咸香成粒肉丸就好似食緊梅菜蒸肉餅一樣😆 粒粒都好彈牙多汁

呢排🌬凍咗，又想打邊爐lu😛 今次揀呢間火鍋店主打🌶麻辣火鍋，但我唔係幾食得辣，所以揀咗🥘酸菜白肉鍋，又幾好喎😋✨🥘酸菜白肉鍋 $168店員介紹嘅時候話呢個鍋係佢哋👨‍🍳廚房師傅自己煮，唔係交貨黎嘅～湯底內有大量胡椒，所以除咗酸，亦會帶微微🌶辣，好香。值得一提嘅係佢嘅🐖白肉，自己加返啲🧄蒜泥（係醬料兜可以拎🤭），可以自制🧄蒜泥🐖白肉👍🏼 但記得一開始就食，因為再煮耐啲就冇咗爽彈嘅口感～🦑蟹子墨魚手打手掌 $88以紅堂logo 造型，十分特別。另外加咗一啲🦀蟹子增加口感👍🏼✨🍡自家制三寶丸 $88分別係🦑墨魚松露丸、🐮牛丸同梅菜🐷豬肉丸。三款丸都十分彈牙，🦑墨魚松露丸帶微微黑松露味，但又不會奪過🦑墨魚味。🐮牛丸牛味好濃🐮 梅菜🐷豬肉丸幾有創意🤣，似彈牙版梅菜蒸肉餅🤣🤣✨🥟自家製三色餃 $88包括麻辣🐮和牛餃、黑松露🦐蝦蛋餃同韭菜餃。麻辣🐮和牛餃帶一點辣，我都可以接受👌🏼都有啲肉汁。黑松露🦐蝦蛋餃十分特別，餡係黑松露🦐蝦炒蛋🤣 好創新！韭菜餃好香韭菜味，外皮帶微微煙韌。🐮原味嫩牛肉 $88每一片都幾厚切，肉質十分嫩滑😋✨🐮秒殺牛舌 $108牛舌係超薄切，數住淥十秒就真係啱啱好😳牛味較嫩牛肉

今日同朋友去銅鑼灣行街 經過時代廣場附近見到有一間打邊爐嘅餐廳朋友推薦話試吓😆😆😆餐廳裝修好高檔 每張枱都有屏風隔開 好似包廂咁 私隱度相當高 就算傾秘密都唔驚比隔離枱聽到 喺窗邊望落去仲見到銅鑼灣嘅夜景😁😁😁我哋揀咗鴛鴦湯底 可以一次過試兩種唔同口味 分別係火腿花膠魚肚老火雞湯鍋 和牛牛油麻辣鍋 湯底有幾舊魚肚同花膠 果然係真材實料 湯飲落去好鮮甜 飲得出冇落味精 而且滋陰養生🫶🏻🫶🏻🫶🏻另外麻辣湯底辣度恰到好處 牛油係分開一舊另上 造型特別🌶🌶🌶 我哋仲叫咗一碟手切牛頸脊 咬落好鮮嫩 油脂分布平均 吸左啲湯底之後好入味 除此之外仲叫咗一碟寬粉😊😊😊最後叫咗一碟紅桑子冰粉 食完辣嘢食佢👍🏻👍🏻👍🏻

一入到去好有神秘感！氣氛好好有霓虹光管襯托。非常型格。服務員細心解釋新鮮牛肉部位，所以我都叫咗碟！同埋佢都介紹咗新出牛魔王湯底，叮囑我一定要飲咗個湯先，再慢慢食啲牛展同埋蘿蔔。果然冇介紹錯，個湯非常惹味。食牛肉更加正。嗰日仲訂咗象拔蚌，非常新鮮。同埋食咗啲好特別嘅嘢，紫菜響鈴，騙牯牛，蒜泥白肉水晶包，Hello sushi（唔記得影相添）蝦丸裏面有芝士出邊有隻蝦—-》個friend仲以為係生食嘅添原來唔係，仲有好多丸。有兒時味道嘅梅菜豬肉丸，我朋友至愛嘅黑松露蛋餃。我哋五個人都食咗好多嘢，掛住食唔記得影相。淨係影咗少少，掛住飲掛住食，好開心。價錢唔平，但係出邊食唔到囉。用心之作，唔係求其。一定有下次，下次一定要記得影相唔好掛住食先！但係希望下次可以坐喺房入邊啦。今日俾人book晒😂因為店員話好似有得寫字喺banner慶祝生日, 唯有下次早啲book。

最鍾意食川辣又鍾意食打邊爐嘅我今日終於有機會黎食麻辣火鍋😍😍Openrice見到呢間介紹都唔錯天氣開始凍 就梗係shabu shabu la😎位於銅鑼灣永光中心一樓，門面都幾中國風入面裝飾我覺得係混合左中國同西方😗Menu如下（未能盡錄）：我地叫左：1️⃣和牛牛油麻辣鍋 （招牌湯底）2️⃣雪花牛肉粒3️⃣雞肉4️⃣金針菇串（2串）5️⃣墨魚松露丸6️⃣紫菜響鈴7️⃣銀絲旺菜8️⃣寬粉9️⃣鴨血🔟原味嫩牛肉👆🏻上菜後嘅湯底，見到個牛油好大舊，仲未融架食物好快就上晒，雞肉同紫菜響鈴就大份啲，其他份量就比較少，大食既人注意‼️首先講吓個湯底味道啦，我哋嗌咗小辣，我平時都幾食得下辣，所以個辣到對我來講啱啱好！好味嘅，忍唔住飲咗幾啖湯，一開始覺得好好飲，辣得好惹味，不過之後就覺得有啲鹹。九個格黎講，中間嗰架算最唔辣，可能因為牛油喺嗰度。至於配菜方便，最推介係紫菜響鈴，響鈴平時就食得多，紫菜響鈴係第一次，就算該響鈴浸林左，食落去嗰陣仲感受到紫菜嘅脆卜卜，鍾意食辣可以浸湯浸得耐啲👍🏻👍🏻肉類方便，個人喜好係雞肉>雪花牛肉粒>牛肉雞肉非常鮮甜嫩滑，撈埋個醬料真係好好味👍🏻雪花牛肉粒都唔錯可惜份量少咗啲。牛肉個味道我覺得唔夠

今日朋友帶左去個好應景既地方打邊爐。 一上到黎，係個好大既古老閘門，成個氣氛都係黑紅色，都有啲神秘又驚喜。坐底地方好闊落，唔會同人迫。 我地叫左2個鍋，滋補既花膠魚肚鍋個湯真係好鮮味。店員建議飲左湯先再落野食，又真係正wor。 每人都飲2碗，仲要都算多花膠，同好好舊。然後就係野味既川辣和牛牛油養生鍋。 我地簡左2小辣，味道好適中，唔會太辣太咸，而個和牛牛油都好特別，食落唔覺太肥。好得意既蒜泥白肉小籠包，冇諗過可以咁食，小小辣好開胃。紫菜響鈴好特別，更加有口感又香。試左川辣和牛拼盤，3款都好似鮮滑牛，係真係好滑個種，但辣都只係吊下味，所以可以放心食。和牛蕃茄卷，咁打邊爐又係好得意。而個豚肉係有驚喜既，口感比牛肉仲正，嫩滑又爽口。鵝腸好爽口，石班魚片夠厚身，新鮮所以都爽。最後食川菜，食埋冬菜真係勁圓滿。

今日同朋友去食呢一間火鍋 見到網上推薦仲滿懷期望 但係真係覺得好一般😑😑😑 一碟牛要成三百蚊 但食落冇咩牛肉味 又細碟 每片都切得好薄🤦🏻‍♀️🤦🏻‍♀️🤦🏻‍♀️ 花膠湯底得兩舊花膠 好唔足料🥲🥲🥲 墨魚丸都唔太新鮮 好味精☹️☹️☹️ 最後發覺仲要收咗$40醬油費 食完先見到原來佢俾咗兩小碟豉油係旁邊 冇蔥花冇蒜泥都要收錢 上枱嘅時候冇侍應同我哋提過 餐牌又冇寫🫠🫠🫠 冇下次bye bye👋🏻

第一次寫negative comment! So disappointed! Food is so so! Fine, the worse is services! 經open rice 訂台，問咗兩句優惠情況，個服務員就黑晒面！我直頭要同佢講你唔好炆憎！嘢食份量又細又唔係平，貼錢買難受！以後都唔會去！個湯底擺低咗，個爐又冇幫我哋開！個場已經冇坐滿，真係唔可以想像如果坐滿人會係點！衛生情況又一般，個廁所又有啲臭！！太多嘢有代改善！！！話咗唔再去所比改咗我都睇唔到！！

今日嚟咗位於銅鑼灣既《紅堂》，一入到門口已經見到紅噹噹嘅裝飾🏮好有氣氛😍.首先緊係試下必點既『紅堂和牛牛油麻辣鍋』，佢仲配有一舊好得意既和牛牛油比你，融落個火鍋度🌶成個鍋變到好有牛油香味😍.我地仲試左個牛頸脊，同羊卷肉，仲有佢地自家製既三色餃（麻辣牛肉餃，黑松露蝦蛋餃，韭菜餃），仲有三色丸（墨魚松露丸，蔥香牛丸，梅菜豬肉丸），同埋佢地個仙氣飄飄既海鮮拼盤🦐.打完邊爐，點少得小食😆所以我哋試埋佢個shake shake酥肉仲有拔絲糍粑小爆花😋好靚，好似藝術品咁👍.整體食物都好好食，食材好新鮮☺️而且食物都好有創意🌟.《紅堂》地址：銅鑼灣登龍街28號永光中心1樓

第一次去。環境有9分既。我都係睇餐牌有咩推介就試下，因為今次得兩個人。佢個雞翼係幾好味，夠香夠脆。然後叫左個紅油湯底中辣。我本人係好鍾意食辣，食雞煲都叫大辣，今次個中辣我滿意既。對我黎講啱啱好。我叫左個牛頸脊，蝦壽司，毛肚…等等，都係中上之選，個蝦壽司有創意我鍾意。而係選擇方面，佢唔算好好好多野叫，但基本上四川火鍋想食既都有。冰粉糍粑等小食都有。今次人少好多野都食唔到，下次會再去。我覺得食開四川火鍋既食友絕對可以一試，唔會令你失望既。