紅堂 (已結業)

很久沒有吃麻辣火鍋了！朋友告訴我銅鑼灣新開不久的紅堂，感覺不錯，所以就去了試一試！醬汁配料不算多，但我很喜歡他們有單獨的花椒油。烚完肉類再滴一兩滴，有少少花椒的麻，但又不會辣，真的很不錯。湯底叫了麻辣湯和酸菜白肉湯～麻辣湯中有鴨血和豆腐，叫了小辣程度對我來說剛好，辣中帶麻，不錯～不過，我個人就更喜歡酸菜白肉湯，湯底本身有很多豬腩片，但因為加了酸菜，完全感受不到油膩感，反而酸酸的很開胃，我單喝湯都覺得很好喝～因為朋友不吃牛，今次就沒有點到牛肉，而是要了羊肉～羊肉不會太肥，羊肉獨特的香味保留得到，又不會羶，不錯呢～另外點了一份比較特別的豬肉棋子，其實是鹹蛋黃流沙餡的豬肉丸，但肉肉濃郁，加上鹹蛋黃的香味，必試！紫菜響鈴炸得脆卜卜，吸收了麻辣湯真的很美味！還叫了紅薯粉，紅薯粉口感很煙韌，想不到配酸菜白肉湯的紅薯粉亦是十分夾。整餐飯都十分美味，配上啤酒，會再去的！

今日同媽咪去左打邊爐，啲嘢食都唔錯，環境又夠舒適，係一間不俗的火鍋店。一入到店內，好似feel到自己係一間客棧裏面咁，店員安排我坐喺一個半開放式嘅房仔，屏風非常有中國嘅味道。午市打邊爐叫咗個套餐，個湯底有麻辣同埋花膠魚肚雞湯，兩個湯底都好好味，花膠湯仲可以飲添。個餐裏邊有牛肩肉，伊比利亞豬，雞肉，麻辣和牛餃，雲吞，墨魚松露丸，蔬菜拼盤，炸魚皮。飲品方面叫咗酸梅湯。牛肩肉幾出色，味道夠濃郁，無論邊個湯底都好味。麻辣和牛餃有驚喜，平時食和牛多數都係西式，但今次夾咗中式嘅麻辣再加包餃子嘅食法，幾特別。另外仲加咗份牛舌，呢個想特別講講，兩個人食份量非常足夠，店員建議只碌10至15秒都OK，由於薄切關係，牛舌片煮太耐會overcook，小時間灼一灼，牛舌八九成熟，食落更彈牙更好味。個人非常推介。總結：無論餐廳環境同埋食物質素都幾好，價錢合理，可以encore。

I’m not medium hotI’m extra spicy今年冬天不太冷邊爐依舊要滾滾今日去銅鑼灣行吓街突然間心癮起想去打邊爐去到登龍街見到有呢間紅堂就入去試吓因為佢哋有個套餐好抵食今次我地一行二人個餐入邊有牛有雞又有墨魚滑仲有麵食 真係大滿足最緊要係個湯底濃得黎又唔會太辣真係一級棒重點推介:雪花肥牛: 肉質鮮嫩 入口即溶Overall所有野都大份夾抵食湯底同食物質素都非常好期待着下次的encoreLocation: Causeway BayPrice (10 is expensive): 6/10Environment (10 is chill): 7.5/10Yummy (10 is delicious): 8/10

見銅鑼灣開左新的打邊爐店，所以放工之後就同朋友一起去試下！店鋪乾净企理，裏面的裝修頗有設計感。餐廳的材料和鍋地的選擇都幾多！我同朋友叫左牛油麻辣同東北酸菜白肉湯底，價錢一共都係$198。湯底的材料非常豐富！估唔到呢個價錢裏面個湯底都咁足料，湯底裏面有非常多的酸菜和白肉，酸菜微酸帶爽，而且豚肉也非常嫩滑,麻辣湯底側有千層豆腐和鴨血！辣得非常過癮，而且湯底辣度可以按個人喜好選擇。配料我地叫左西班牙豚梅肉，韭菜蛋餃，蝦佬Sushi，寬粉，芝士和蔬菜藍。西班牙豚梅肉：色澤帶亮澤，肉質鬆軟且味道味濃！口感也非常嫩滑。餐廳的韭菜餃都很不錯，皮薄餡靚而且每個餃子都是之漲卜卜的！餃係餐廳自家製健康又新鮮。蝦佬Sushi：這個菜色非常有新意，外型真的像蝦寿司一樣！但其實是蝦滑和蝦製作而成的打邊爐芝士：餐廳的呢個芝士係可以打邊爐！芝士控的朋友見到就話一定要叫，因爲從來無係其他店鋪度見到。芝士直接放入湯底大搞2-3mins 就可以食！神奇的係芝士係高溫不但無融化，而且好容易都揾到。芝士的咸香味很出，加上有吸收到湯地的味道，感覺不錯挺新鮮。

我同女朋友都算係邊爐迷，但紅堂呢間咁有氣氛嘅火鍋店真係第一次試～由門口至內部嘅裝修都充滿神秘感，而內部嘅燈光幽暗，以紅花燈為題。加上，店員服務態度超好，細心地為我哋介紹menu、調味料、湯底選擇猶如去咗高級餐廳食飯咁，讚！•清油養生麻辣+東北酸菜白肉鍋（$168）•-主要有4款嘅湯底，而且可以選擇鴛鴦鍋～我哋叫咗少辣嘅麻辣湯底，辣度適中，五味俱全，唔會只有死辣。（溫提：唔夠辣可以加辣）而酸菜白肉湯底順口不嗆口，白肉爽口而不膩。總括而言，值得一讚嘅係湯底材料好豐富，物有所值！•胡麻冰菜（$28）•-利用涼拌嘅方式處理冰菜都幾新穎，令到冰菜變得爽口。而用麻醬拌去除咗原本嘅草青味。•蒜泥白肉水晶包（$68）•-上碟個下已經驚為天人 有濃濃嘅煙霧包圍住！內裡包住烹調過嘅蒜泥白肉餡料，蒜香味偏重。而外餡就好似粉果嘅質感，煙靭不黏。不過，要小心唔好煮太耐，2－3分鐘就好～•黑松露蝦蛋餃（$68）•-黑松露味道濃郁，而且外皮薄身，簡直係啖啖肉～由於呢個外皮同水晶包唔同，需要4分鐘左右。•西班牙伊比利霜降豚肉（$118）•-豚肉完全冇雪藏味，偏似豬頸肉質感，爽口彈牙～食落口仲要入口即溶 好少豬都可以咁

為左要就Mary 姐，所以嚟到港島區食嘢。😎來香港島食好嘢一定要去銅鑼灣！由於近排🌶麻辣癮起，所以就搵左呢一間食川菜火鍋！🥰一嚟到覺得個格局好暗，👍🏼但係入到去個人空間感幾好，我book咗兩個人，👭🏻佢都安排咗好似有一間房仔嘅卡位，感覺就好似有返啲私人空間，同隔離枱個距離多左！當然佢嘅裝修都非常精緻！❤️🌟食火鍋第一步要揀湯底！😍打開個餐牌每一款湯底都好想食，所以就叫咗個😈鴛鴦鍋，佢都係計最貴嗰個湯底嘅價錢☺️。⭐️紅堂和牛牛油🌶麻辣鍋⭐️紅堂牛油麻辣麻甩沙嗲鍋原諒我咁重口味，但係呢兩個湯底都超正！🥰⭐️美國特選雪花牛🥩呢個雪花牛一睇就知道高質，佢比我想像中份量多，每一個卷其實有兩片！放落去沙嗲鍋嗰度非常夾！⭐️鮮蝦雲吞足料鮮蝦雲吞！⭐️芝士牛肉棋子🧀一嚟到冒煙勁靚！又係好大份！一粒棋就好似一大粒牛丸咁，中間有流心芝士！⭐️新鮮蔬菜拼盤🥗又有菇又有菜，新鮮👍🏼⭐️墨魚松露丸呢個好味😋勁彈牙⭐️酸梅湯食啲咁熱氣嘅嘢，要飲返杯酸梅湯balance 下🤣

👁‍🗨紅堂📍銅鑼灣登龍街28號永光中心1樓————————————————————對於一年四季都愛食火鍋嘅香港人嚟講，絕對連午餐都要食😂一早訂咗位，中午12點到步店家原來仲準備緊未開門，真心唔好意思搞到人哋手忙腳亂招呼我哋入座🙈店內以黑色同紅色為主色調，裝修型格得嚟又帶點中式古風，除咗卡位仲設有廂房，今次我哋就被安排到係廂房用餐🍴，入面位置闊落坐得幾舒服，店員仲會幫手閂埋房門，食客有適當私人空間之餘，房門上通花嘅設計令店員係食客有需要個時都會見到，十分貼心好食度：✔️✔️✔️✔️✔️➰午餐主打午市火鍋套餐 $148/ 1位 (2位起) 同一人定食套餐 $88/ $98午市火鍋套餐係指定鴛鴦鍋，分別係「清油養生麻辣鍋＋火腿花膠魚肚雞湯鍋」，一次可以試晒兩個湯底➰套餐包括 :。涼菜兩款。西班牙伊比利豚梅肉、美國安格斯牛肩肉、雞肉。麻辣和牛餃、雲吞、墨魚松露丸。鮮蔬拼盤。炸魚皮。寬粉/ 出前一丁/ 白飯。飲品 - 烏梅汁/ 豆漿。甜品 - 紅桑子冰粉➰麻辣鍋湯底可以揀辣度，辣度夠入口麻香，入面仲有鴨血同凍豆腐，雖然係午市套餐但絕對唔遜色，真材實料 ; 花膠魚肚雞鍋湯底相較起更為出色，落配料前試飲咗一碗

今日朋友生日，所以book咗間高質邊爐同佢一齊嚟慶祝。反而自己平時好少食單點非任食嘅放題邊爐，所以對今次嘅飯局都有啲期待，最後果然冇令我失望。首先環境昏暗，已經有一種高級嘅感覺😂主要以黑色同紅色為主。湯底方面我哋揀咗酸菜白肉湯底，雖然有啲小貴，但係嚟到之後就覺得好值，因為酸菜同埋白肉嘅份量真係超多，酸菜唔係一般嘅醃菜芥菜，偏甜一啲，感覺新鮮啲，但係我覺得好好食，食到停唔到，而且白肉都好爽口，正！ 配料方面我哋揀咗好多手打嘅丸類，因為我同朋友都唔係咁鍾意食肉😂😂《芝士牛肉棋子》$78一上枱真係好驚艷！有好多白煙飄出來，雖然只係裝飾，但估唔到連食物都俾佢整到好有仙氣😂外型好得意，肉質厚得黎好爽彈，中間芝士多而且芝士味都好出，10分推薦！《蝦佬Sushi》$88同樣都十分特別！壽司形狀嘅蝦滑，上面仲有一隻鮮蝦，非常新鮮，蝦滑好彈牙，有蝦味，好吃！《麻辣和牛餃》$88餃子皮薄，裏面嘅和牛餡料都做得幾出色，辣度適中，牛味都幾濃！《龍躉片》$108同樣好有仙氣，龍躉片好新鮮，肉質厚實。《炸伊比利酥肉》$68好香脆！作為餐前小食都唔錯，越食越開胃，好味！ 總括嚟講，火鍋店來講真係好有質素，而

銅鑼灣呢一間特色火鍋已經試過兩次 裝修trendy同朋友傾計好舒服全部都梳化梳化位 食成晚都唔會覺得攰😊😊佢哋啲湯底 雙拼同單隻嘅價錢係一樣非常抵！！是日我叫咗沙嗲王沙嗲湯+酸菜白肉湯呢兩個湯底mix and match得好好個沙嗲湯底非常之濃沃食到濃厚嘅花生味酸辣白肉湯底比較清新 少少酸味如果攞嚟煮蔬菜 或者其他味嘅配菜非常好味亦都好開胃 瘋狂推薦👍👍.✅手切西班牙牛頸脊非常好味入口即溶牛味非常濃郁 份量亦都唔細✅十秒牛舌牛舌香十足 不過記得一定十秒就要拎起如果唔係就會變咗好靭😂✅炸伊比利騷肉呢個十級推薦極好食首先份量多！炸豬頸肉炸粉非常小但係做到外脆內軟咬入去仲非常juicy仲有微微鹹肉香配咗shake shake粉可以好似麥當勞咁食配埋麻辣粉好正😁😁✅蒜泥白肉水晶包出面嘅皮好煙韌入面嘅蒜泥白肉有少少微辣配埋啱啱嗰個酸菜白肉湯底簡直一絕✅雜菜拼盤呢個都係必叫 因為性價比好高咩菜都有啲 絕對比散嗌更抵✅寬粉食落去有啲似紅薯粉不過比較煙韌佢預先已經處理過所以放入去湯底好快就會煮熟 方便價錢良心 推薦☺️.🎀紅堂. Red Hall.🎀銅鑼灣登龍街28號永光中心1樓

星期五放工去銅鑼灣登龍街找野食, 登龍街出名多高質餐廳,最後擇左間多好評既紅堂火鍋試下 。紅堂真係好紅, 一入到去紅紅既燈罩加昏暗粉红既螢光燈, 好有氣氛。好彩我地7點零到,因為之後好快已經滿座。佢地裝修特別,近窗邊位置既枱好似一間間廂房,有門可以關上,好有私隱度。職員好有禮貌會解釋毎種湯底同特別既菜式,湯底我地擇左紅堂和牛麻辣同花膠魚肚雞湯鴛鴦鍋,兩個湯底都非常入味有料,雞湯有大大個花膠魚肚。配料叫左泡淑滑牛肉,羊肉卷,泡淑豬肉炒手,炸午餐肉,紫菜響鈴,烏冬,鴨血同冰菜,最特別係可以係紙袋加辣粉或辣油再shake shake加重味道既炸伊比利酥肉,又香口又脆。蝦仔燈籠,賣相做到好似蝦壽司一樣,上面係蝦塊下面係手打丸,證明廚師既巧手心思。蒜泥白肉水晶丸賣相亦一流,上枱有乾煙點綴,估佢吾到,有啲菜仲會有佢地既logo係碟上,可惜相影吾出佢既特別。本人係火鍋控又係麻辣控,食過無數既麻辣火鍋店,一分錢 一分貨,紅堂無論服務,食物質素同地點都係我既list入面其中會再去光顧既火鍋店 。

今次嚟到銅鑼灣登龍街食，呢間有啲新派裝潢，格局幾新潮先叫啤酒放鬆一下先湯底我叫咁鴛鴦係清油養生麻辣火鍋配東北酸菜白肉，麻辣層次幾豐富，唔會死辣，麻香帶辣，鴨血嫩滑不錯，而酸菜白肉湯底清甜微微酸好開胃，白肉有點爽口不錯西班牙伊比利豚梅肉，肉嫩爽身豬味都出，夾酸菜白肉湯底好好食墨魚松露丸爽口彈牙，咬落陣陣松露香萵筍片及土豆片好薄一放紅湯嚟哂麻辣味好正仲有寬粉都係，好煙韌彈牙，當然配麻辣湯最好食仲有炸油條都唔好錯過相信午餐食配麻辣好多人都喜歡，炸到外層香口入面仲好濃餐肉味，仲吸埋麻辣湯簡直美味

登龍街永光中心一樓‘紅堂’ Cool tone 紅黑裝潢，柔和燈光，收工去食特別舒爽。鍋底揀左鴛鴦，清油養生麻辣鍋和東北酸菜白肉鍋。 辣度2食落剛好，一邊鍋底回甘帶麻，一邊清爽酸甜。鍋底材料十足，尤其酸菜湯白肉有好多塊。雙拼鍋底食落花算，價錢為兩鍋底較高的一方。醬料除了例牌配料，還有紅堂辣油啊。加了紅色那支試試看，調了醬味。落單後，店員上菜快捷，亦好主動加湯。 主打手切西班牙牛頸脊，鮮嫩紋路清晰，牛感重食落鮮甜，淥十秒軟腍剛好，盡吸麻辣風味。而推介的麻辣和牛餃， 皮薄釀滿特製和牛餡。滾在麻辣鍋中，加上餃餡的麻辣，也真的迫出不少汗來啊。我們也點了份冰菜，新鮮爽嫩，還有必食烏冬、薯粉。一籃淥粉，一夾落粉，方便利落。

香港人真系好中意打邊爐，當然我自己都吾例外🤪🍲轉咗夏季，喺室內打邊爐感覺都吾會熱嘅，無減大家對佢嘅喜愛。最近銅鑼灣新開咗間火鍋店，吾系一間普通嘅火鍋店，裡面嘅裝修十分型格，好有心思，完全有別於平時喺其他火鍋店相對一般嘅環境。湯底主要有4種，清油麻辣鍋同埋和牛牛油麻辣沙嗲鍋可以揀辣度，有5種辣度可以揀，真系好吾食得辣嘅都可以揀右邊戈兩種鍋。叫咗可以揀辣度戈兩種鍋，我地吾食得辣又想試吓辣😌😛叫咗最低戈隻辣度，對我地黎講十分適合，微微嘅辣度刺激味蕾，又吾會over。金沙豬肉棋子即系鹹蛋黃豬肉丸，噴曬煙咁超吸睛👁👁呢家好多食物都好興有鹹蛋黃，豬肉mix鹹蛋黃又幾好食，裡面嘅鹹蛋黃系流沙狀，豬肉有咬口，鹹蛋黃有質感。一份豬肉都可以好講究，餐廳使用嘅系霜降豚肉，玫瑰花型應該好深得女士嘅歡心🌹豚肉熟咗之後呈淺色，口感十分爽口，意想不到。我地叫戈隻牛肉系幾種牛肉入面最平，都冇欺場，牛肩胛嘅條紋清晰，脂肪部分其實吾算好多，入口都做到少少即溶嘅感覺👍🏼$188食到呢個質素嘅牛肉十分滿意💯蟹籽墨魚滑其實好多地方都有得食，系呢度嘅墨魚滑外型超搞笑🤣好似手掌咁🤘🏼食落就同一般墨魚滑嘅味道差吾多。絕大部份嘅火鍋店

另一樣要晚市先想食既就係打邊爐🍲😍下午去食真係無咁過癮🤣依間火鍋店既坐位有一格格，食落好有私人空間，坐得好舒服😙-東北酸菜白肉鍋 ($168)湯底有四至五個選擇，辣啲既有麻辣湯/沙嗲湯等等，清淡啲既有依款酸菜白肉湯底，酸菜同白肉份量好多，湯底酸酸辣辣，好開胃！而醬油方面都好充足，有芫茜/蔥/辣椒/辣油/蒜蓉/麻油，好惹味！😍-胡麻冰菜 ($28)前菜有幾款選擇，價錢都係$28-$38，冰菜好少地方有得食，好新鮮爽口，配胡麻醬當前菜好開胃！😝-美國牛肩胛肉 ($188)除左A4和牛，平平地可以揀依款，牛味香濃，脂肪比例平均，入口嫩滑，吾會好肥好好食😋-黑松露蝦蛋餃 ($68)新鮮手包餃🥟黑松零香口，皮薄餡靚，入面仲有蛋絲！味道都幾特別😆-蒜泥白肉水晶包 ($68)店員推薦既其中一款菜式，乾冰效果令成件事好高級🤣水晶包入面既蒜泥豬肉十分香濃，外皮烚完好Q彈，口感特別，不過注意下食完個口好大陣蒜味架🤣-寬粉 ($28)寬粉配酸菜湯底真係好夾！一份都好多，絕對夠3-4人 share～ 仲有埋個兜裝住泥烚，吾驚散開哂夾唔返，好貼心！😜

愛嗜麻辣既朋友又出動，今次去左呢間麻辣火鍋店 ～ 紅堂店舖個門已經好有中國色彩，店內以紅黑色為主調，非常型格，窗口位個邊仲有4人包箱房間，私隱度高手切西班牙牛頸脊肥瘦均勻，厚度適中，入口軟滑原味嫩牛肉味道醃得幾好，烚兩烚就食得，非常嫩滑美國桶蠔肥美又大隻，新鮮唔腥紫菜響鈴炸得鬆脆，但我就麻麻地入面塊紫菜，浸淋左後變得好韌，好難咬黑松露蝦蛋餃黑松露都幾出，蝦皮餃都幾特別，平時打邊爐較少食到西班牙伊比利豚梅肉豚肉切得好薄，好似平時食既ham咁，烚完都唔榎口鴨血鴨血同麻辣湯真係絕配鵝腸唔算好爽口，食落夠粉蝦佬sushi外形好似蝦壽司，扮飯既其實係蝦膠，都幾彈牙金沙豬肉棋子豬肉入面放了咸蛋黃，食落感覺似食緊咸蛋肉餅，但咸蛋黃唔係好多，味道同質感都一般拔絲糍粑炸彈糍粑質感同糯米糍一樣都係煙煙韌韌，拔絲拉得好幼細，閃閃發亮，上面再加左d爆炸糖增添刺激既口感，又靚又好食紅桑子冰粉食完辣野之後食d冰粉解辣就最不過食物質素相當不錯，環境亦都舒適，服務員亦都招呼周到，鍾意麻辣既朋友可以試下