紅椒力量 (已結業)

今日第一次到屯門店品嚐此店出品，特意點了此店推介的「海南雞飯」、「鹵豬脾飯」，入口的感覺係：多油、無味、雞肉唔滑，不知所謂。都唔知咁的出品都可以生存？係現在的人無要求或是其他原因？總之我就一定唔會再來。

同幾個姊妹係V CITY行街SHOPPING,行到7點幾見開始肚餓就搵地方食飯,其中一個姊妹提議食東南亞菜,唔想咁HEAVY,於是我地就去左紅椒力量度食,排左一陣終於有位,餐廳裝修一般,唔算太迫,坐得舒服.我地點左:泰式鳳爪,泰式青咖哩雞,泰式椒糕乾炒牛河,馬拉盞炒雜菜.泰式鳳爪:同泰國鳳爪有點不同,味道比較甜酸,唔似泰國菜個種辣,比較啱我唔食得辣泰式咖哩主要分4種:黄咖哩味香;青咖哩味淡;白咖哩椰汁味重;紅咖哩味辣!而佢地青咖哩就有一種蔬菜清香味,好少餐廳可以做到呢種味,值得一讚.泰式椒糕乾炒牛河:炒得夠乾身,帶點微辣,夠惹味,唔似外面食個D一般都係油淋淋的, 食完好似塗左一層厚厚的潤唇油咁,而且仲可以炒到一條條! 馬拉盞炒雜菜:一般

今日自己一個去左屯門V CITY食午餐,悶悶地就入左去呢間紅椒力量度食,排左大約10分鐘就有位,打開餐牌有好多不同種類食品,有咖哩,海南雞飯,鹵脾飯,喇沙,小食,不過今日唔係好肚餓,可能剛剛被老闆鬧完,心情麻麻地,連食慾都無........所以就咁叫左個海鮮喇沙,馬拉盞炒菜,一杯三色冰.先講下個海鮮喇沙, 湯夠香,味就偏淡左D,椰香味唔夠,麵質同材料都算足夠,而且大大碗,我都食唔晒,碟菜炒得好好食,,菜夠新鮮食落無咩渣,菜唔乾,最怕有D餐廳好似用菜乾煮出黎咁,咬落完全無菜汁,好似食緊菜乾,不過我最鐘意都係佢地既三色冰,好好飲, 一條條好似麵線又紅又綠又黃唔知咩黎,不過好好食,又有新鮮椰奶味,真係好好飲,不過覺得可以加多少少冰就應該仲正.

今日同阿仔去左屯門v city 一田行超市，諗住買塊和牛返屋企做晚餐，行行下點知阿仔話肚餓，於是上左食點個層搵野食，上到去見到有間餐廳排晒長龍等位，哈！通常排得長龍都証明質素唔差啦，於是就選左呢間，原來係紅椒力量，不過呢間是食東南亞菜的，等左15分鐘終於有位😓，我地就拿拿聲叫左佢地最出名既鹵豬脾飯，串燒同炒左碟菜食。先講下碟鹵豬脾飯，果然係招牌菜，🐷髀好入味，d皮又軟又淋，好似食緊花膠咁👍。D串燒唔乾，應該係用鮮肉做的。碟馬拉盞炒通菜，唔咸，仲幾好鍋氣添，下次有機會再試埋佢地海南雞先😅

今日下午去左屯門v city行街，餓餓地又想食海南雞，於是同女朋友去左紅椒力量度食，之前都聽朋友介紹過話佢地海南雞好正，一直都想試，今次終於左。佢地海南雞好夠份量，雞滑肉嫩，佢地自家製既雞汁好正，點雞真係好夾，油飯都好香，聽侍應講，佢地廚係正宗海南人，唔怪得之咁好食，果然名不虛傳。女朋友就點左個鹵豬脾飯，味道都ok,串燒拼盤d肉好新鮮，一點都唔乾，食落仲好juicy，泰式鳳爪就比較港式，唔似泰國菜中既鳳爪咁辣，佢地比較帶甜酸，辣就不多。

Lunch order咗 海南雞飯同上湯豬扒河海南雞飯：世界級 有骨！d味正常 d雞得d骨上湯豬扒河：超級無敵恐怖！d河粉一夾就斷d豬扒好多肥肉同筋仲有好多粉！成碗野睇見都唔開胃！世界級恐怖用難食已經形容唔到佢 樓下20蚊一碗既魚蛋河都好食過佢一百萬倍😊最好味正常就係罐可樂！

平時多數經過而不入嘅餐廳，但又唔想再返抄其他Vcity嘅餐廳，於是入內一試☺️☺️今晚晚餐，每碟份量都好多泰式春卷，鬆脆可口👍😄泰式蝦餅，普普通通，但覺得不是泰式煮法😬😬泰式菠蘿炒飯，亦都是不泰式煮法😬😬泰式炒金邊粉，呢碟最差，好濕好一舊舊粉唯一是泰式海南雞及豬脾比較好一點之外，其他都是普通質素，不是泰式餐廳的級數😬😬唯一優勝係待應服務態度都幾好👍坐位舒適度還可以，但位與位之間有點兒窄😊

週日中午覓食時間，今次去Vcity點燈，好耐無食過紅椒力量，所以忘記佢地碟頭大，一野叫四個餐，我將香茅豬頸肉飯分一半俾哥哥，都食到我捧住肚皮，豬頸肉只有味道但無香茅獨有香味，燒得剛好無變黑炭，老爸點了焗飯，我無試味，不過亦係份量十足，其實3個餐足以餵飽四成人，食物味道唔差，店內都坐滿食客，點餐時要謹慎免飽滯之餘又做大嘥鬼。

以前成日都會黎呢到食下午茶因為地點方便，係西鐵站一出既V-city入面價錢亦算抵食下午茶一碗喇沙都只係三十幾蚊而且重包一杯熱飲（凍飲或特飲需再加錢）星期一至四更全日免收加一不過我覺得食物既味道愈來愈退步了⋯今次食左雞翼喇沙（揀左米線），如果以下午茶來說，份量都ok.如果是午餐/晚餐，也許要再加點小食才夠。這碗喇沙有半隻蛋，兩舊豆卜同三隻雞翼不過個湯底非常稀⋯味道很淡跟以前濃濃既喇沙味相比差了很多～好像溝水溝稀了一樣～希望之後會改善一下⋯否則可能都不再來了

食來食去都係上海菜、日本菜、潮州菜好悶呢！上網搵下有附近仲有咩食先得，原來係 V-City 有多間餐廳架喎，完全唔知道，喜見女朋友最愛的泰菜梗係即刻到訪啦。早一點到攞位係常識啦，唔洗等即入死角二人迷你檯。又係頂手頂腳迷你檯？無辦法，都要照坐啦！不到 5 分鐘女朋友到喇，竟然有卡位轉？原來經理係以前舊同事，真好采。細閱一下 menu，好多菜色都想試呢！有泰菜有新加坡菜，冬陰功、喇沙、紅黃青咖哩、等等。小食併盤，雞牛豬串燒各一。味度平平而單調，質地偏乾不討好，沾上甜甜沙嗲汁還可以。昇華的蝦餅，有驚喜！做法特別，出乎意料，有點廣東點心色采。腐皮蝦餅勁鬆化，蝦膠超鮮超彈，雖略油膩但可口無比，讚！越南春卷，肉鬆偏淡，存在感微弱，一試無妨。雞中翼，極普通的味道，外油內乾，平平無其。泰式鳳爪，鳳爪爽彈脆極可口，味酸濃濃散發 BB 辣，不嗆不過強，夠凍夠冰涼，好食過大尾篤芭堤雅。馬日拉盞炒雜菜，女朋友係植物人必定要多菜少肉，黎碟炒菜唔少得！無通菜？退而求其次炒雜菜吧。菜芯、黃芽白、草菇、甘筍、珍珠筍，配搭使人失望，味道平平，微香微甜，極為一般。青咖哩魚柳，腦海中閃過咖哩，好想一試。女朋友突然向經理查詢

我點咗個三至四人套餐，約十至十五鐘到，每個餸都份量十足，無稀少，重要打包走，但油飯可加多少少咸味更好，招乎快，清潔做得幾好，直得推介，價錢合理，適合一家人二至四位。

行完Vcity見肚餓就搵間餐廳食晚餐，見呢間滿哂人咁滯諗住入去試下，又真係唔錯嗌完野食唔洗十分鐘就上得7788，效率幾快！唔洗餓住個肚總括黎講好抵食同埋係唔錯既選擇！

同屋企人行到5點幾有少少餓，見到有紅磡 紅椒力量 分店，即刻入黎試食！5點幾人流都算多，得返1,2枱空位！最值得推介係 泰式鳯爪 ！！我地本來淨係叫左一碟，但係實在太好食，叫多碟一共2碟！然後叫左個冬陰公湯，好足料！又青口又墨魚，又香又濃！份量又大，有5小碗，我一個人飲左3碗！小食拼盤 春卷好香好脆，雞翼同串燒肉質嫩滑，睇得出廚師下了不少功夫，另外佢個花生醬好濃好好食珍多冰 好香濃椰子味，不過再甜少少會更好！呢個價錢，食到咁多野，真係好抵！我會再來

vcity開張咁耐都仲有一班客,應該都食得下可以去試試款式唔多只係配搭比較多,唔叫套餐連菜都冇得散叫唔鐘意套餐限死我選擇散叫岩我炸蝦餅-面有塊腐皮令蝦餅更脆,蝦膠打得好滑但口感太軟加埋滑潺潺又冇蝦味肥牛喇沙-肥牛雪味勁重有根好鞋又靭,蛋係普通烚蛋,湯底香料同椰汁味道夠但缺蝦味,檬粉新鮮好軟熟鹵水豬脾飯-豬脾皮薄唔肥,我鐘意食肥d,肉太瘦雖然有彈性但都黐牙,鹵水味比較淡見好多人都食炒粉麵可能東南亞食品只普通

點了串燒﹐菜﹐豬頸肉﹐飯跟麵﹐味道和等候時間都很好﹐而且價錢也不會太貴﹐二人都是吃了150元左右。服務生的服務態度也不錯﹐而且也沒有用餐時間﹐可以安心的慢慢吃﹐而且餐廳的地點很易找﹐整體來講也很滿意