紅椒力量 (已結業)

許多時候,會行到邊食到邊，尤其在平時的午餐，就像今日走到屯門，辦事完畢，就在這區姇個午餐才返回公司。而今次選址為V City。很久都沒有進入V City，當中位於一樓有間為在下來說是新食店的 Pepper Power 紅椒力量，看門面似乎不錯，於是走了入去。餐廳以木色為主體，配以木系餐桌餐椅，加上紅色和灰色的牆身，另加一些裝飾，似乎走年輕路線。看看餐牌，原來到了下午茶時間，與門外的餐牌，便宜不少，當中以東南亞菜為主，如泰國馬拉及新嘉坡等菜式。然而在下對於有辛辣的食物不感興趣，故點選了不辣的食物當午餐。焗蝦球雞扒飯是一個不辣的焗飯，當中的蝦球加上雞扒和一個車厘茄，加上白汁一起焗。蝦仁味道不俗，幾爽口彈牙，雞扒切成四小塊，都幾滑的，而忌廉汁也不錯，整個焗飯也不錯。一杯熱奶茶不加糖，來得茶香和茶味較濃，不錯吧。平日不需加一，但在星期六日就需要了。

假期黎到VCITY閒遊, 晚飯時段搵間唔洗排隊又平平地既試下.上湯豬頸肉金邊粉($42), 豬頸肉唔算好乾, 粉都好爽, 無浸到林晒, D湯都唔係太味精.鹵豬脾飯($55), 豬脾鹵得幾林, 同埋好入味, 仲有隻鹵蛋, 飯夠熱既, 而且都好大碟.咖哩牛腩飯($50), 咖哩唔係好辣, 牛腩炆得幾林, 幾好味, 而且都好大碟.泰式鳳爪($50), 甜甜酸酸幾好味, 唔算好辣, 而且去埋骨, 食得好方便.

搬屋是一件很累人的事，早上搬屋，中午到達，其後數天就是不停unpack雜物，我只想用最短時間把物品全部歸位，很怕每朝早上望着整屋紙皮箱，家裡有如貨倉一樣. 唯一值得開心的事，每次搬屋總會把無用雜物送給有需要的人，令我明白，以前的自己實在是太瘋狂，甚麼都買一餐，現在反而會認真想想是否真的有需要才會買! 早上吃過早餐就不停unpack，到極之肚餓先下樓醫肚，原來已經5:00pm了，搬屋真是可以順道減肥的! 乘電梯到樓下就能開餐，從未試過如此方便. 隨意到了一間沒甚客人的餐廳享用late tea & early dinner!青咖喱牛腩飯 $36媽媽選了青咖喱牛腩飯，試吃了少少，青咖喱汁只有輕微辣度，牛腩都幾淋身，不過只有3小件，份量有點少，不過牛肉現在那麼貴，都可以諒解的! 不過白飯入口只是暖暖的，沒有熱飯入口就有點失望. 焗香芧豬扒飯 (咖喱汁) $35焗飯是即焗的，所以約等了15 mins，焗飯是絕對夠熱的，而且有一整塊已剪開的豬扒，入口也嫩滑不乾身，與香濃咖喱同吃，都幾美味，不過卡路里就有點高，不能常吃!熱檸水檸檬片只有2片，有點小家，至少好過飲清水!埋單只需$71，可以在商場內用餐

‘ 唯話說前天放假時候，本來想去九龍同友人吃午飯，因為我做facial又晚咗,友人吃完又要返工,口，，，，，後冇覺k到,我好好去屯門吃TE,今次試了VCIpepperpowper,pepper power是一東南亞料理店,有泰國/馬來西亞/新加坡/越南，今次點扎扎肉米粉,.其實，我入到店內冇人理,我叫了2次才有反應,pepperpower初開時好多人排隊，我一見到要排隊不要預我,我近日行經VCITY,我經過VCITY見到冇咩人排,我當然要試下我覺得扎肉有D鞋口,口感並不新鮮，米粉都OK,凍飲都OK,唯一服務就麻麻,我覺得pepper power只是一般,應該不會有下次味道:扎肉有D鞋囗，我覺得不太好吃,米粉反而又OK環境:我覺得呢度幾好服務:我覺得麻麻地價錢:TEA TIME32-45元午吃未再回來吃

呢間野都算無良商戶 , 野食唔好食都算喇 , 仲要強行將總數加至整數 . 我問個收銀 , 你係咪收多左 , 佢話公司規定係咁 , 唔好意思 . 咁都得 ? 你下次話公司規定最少收 $1000 一位都得啦 .一定冇下次 .

第二次係V CITY食飯 (因為要過來拎月餅), 今次特登揀間多人的去幫襯, 係門口見佢的選擇都唔少, 價錢又相宜, OK啦.海南雞飯, 油飯OK, 雞無味, 反而個湯好足料.星洲炒米, 望落OK, 食得勁油, 食了一半放棄了沙爹牛+雞 (半打), 由落單到拎出來, 五分鐘都無, 我不禁問一句, 燒得甘快的, 個侍應口快快答一句"炸出來的", 下次大家想點之前, 可以問清楚, 我個人並唔推介, 因為唔好食的, 我們各食了一串就棄了泰式鳳爪, 全晚最正常的一樣, 飲品 : 普通過普通,埋單 : 216, 係V CITY來講正常 (其中一半係租金), 但唔值得再回頭招呼 : 個經理應完你但唔落單, 張台唔算大, 上面講的四樣野基本上係5-10分鐘內出齊, 張台唔夠位放, 隔離台無人, 我將碟炒米放係隔離台(台與台係相連的), 食都未食, 侍應走來問我係咪唔要, 有點搞笑囉.

繼上次同另外2位同學品嚐Izumi Curry後, 今次一行3人轉到紅椒力量試一下~今次我們點了 菠蘿海鮮炒飯, 上湯扎肉湯檬, 上湯豬頸肉湯檬, 每人評價如下:同學A: 菠蘿海鮮炒飯同學A評語: 不太值這個價錢, 畢竟用料只是 普通蟹柳, 少菠蘿, 蛋碎夠; 都好, 因為有一隻小青口, 迷你帆立貝同學B: 上湯豬頸肉湯檬同學B評語: 檬粉口感差, 份量少, 一般水準我: 上湯扎肉湯檬評語: 湯清清淡淡, 不油, 不錯, 但我更喜歡越棧的湯底, 扎肉中規中矩, 小小辣, 肉味有, 檬粉個人認為合格, 至少冇起粉, 食落去是條條分明總結: 以這3款菜色來說, 是合格水準, 但要再上一等級可能要在用料方面下功夫, 因為VCITY已經有另一間類似性質的餐廳, 故比較下紅椒力量會略為遜色, 但由於價錢較便宜, 拉上補下之後也是一間可以再次去光顧的食店以下為個人評分表:

今日第一次幫襯，食下午茶，叫咗冬陰功香茅豬扒湯河，味道不過不失。但令我最失望的是，不論侍應也好經理也好，面對大陸客的無理要求仍是有求必應，但當香港客人說地面很「黐立立」，要求拖一下地，都會被經理「啤」！結賬也是，大陸客結賬是座著叫侍應過來收錢的，港客呢？自己出去埋吧！需說很多零售業服務業都主要是夠大陸客來維持生計，但請記住我們也是來銷費也是來俾錢你們賺的！

經過呢間見到好多tea set價錢可以接受, 就入去試下我地四個人去食, 每人叫一碟小食, 加一個海鮮炒金邊粉整體既水準唔錯, 有幾樣覺得係水準之上想介紹一下冬陰豬頸肉金邊粉, 豬頸肉煮得嫩, 肉夠肥, 唔錯冬陰公最緊要係酸辣, 個人覺得個辣味比較出, 但都不失個酸味好多時係出面食都會配菜呀草菇呀都唔入味, 呢道就冇呢個問題, 真係唔錯!見到都已經流哂口水既泰式鳳爪, 係我最鐘意既冷盤!夠酸夠辣夠爽口, 冇骨鳳爪肉啖啖好滋味個人鐘意夾埋紅蘿蔔絲黎食, 味道豐富D泰式炸蝦餅就不過不失, 因為上個枱個時唔係個種熱烘烘, 咬落鬆脆不過個味道都唔錯既, 蝦肉味都豐富, 個醬都出色, 加番d分

難得跟中學同學聚會，今次應當中快要出國留學的朋友想吃泰菜的要求，是晚到了vcity的紅椒力量。之前都吃過一次，印象中餐廳除了泰菜外還有其他東南亞菜，而且份量偏多，是不錯的一頓晚飯。不知事隔數月，質素有否改變了？由於是星期五的晚上，即使我們約了八點多仍有很多人在排隊，我們大約等了十至十五分鐘便被安排入座。我們五人都有選擇困難症，主要是拜託提議吃泰菜的朋友點菜，我則從旁給點意見，嘻嘻。經過一番考慮後，我們選了一項小食和三個主食。首先點了半打串燒（豬和雞），肉質尚算嫩滑，沾上沙嗲醬，味道合格。然後是朋友超想吃的泰式海鮮炒金邊粉。當中有朋友不吃花生碎，所以沒有將之攪拌。金邊粉和海鮮的份量頗多，喜歡其酸甜的味道，但略嫌金邊粉炒得太濕。之後還點了兩個飯：焗海鮮飯。基本上焗飯很少失手，醬汁味道濃烈，不過不失。最後還有印尼烤雞炒飯，雖然在菜單上有小辣椒的圖案，但其實一點也不辣！炒得很爽口，整體不俗。整體來說味道不錯，沒有特別驚喜，但以晚飯的價錢來說相當經濟抵食，當吃厭了大型連鎖快餐店的晚餐時的另一好選擇。

好耐都冇同呢個中同一齊食飯喇,佢住屯門,加上我星期六放早,所以就去新開的Vcity,試試入面的餐廳, 由於大家都鐘意食泰國菜,所以今次就黎試試Pepper Power!我地4個人, 一共叫左6樣野食先來個什錦拼盤, 泰式鳳爪 什錦拼盤賣相整齊串燒係雞,牛,豬又一串我試左牛串, 非常嫩口加埋沙嗲醬一齊食,都幾野味架~呢塊炸蝦餅真係拼盤中,最好味嘅~外層炸得夠香夠脆, 蝦餅彈牙,有淡淡蝦味不過舊春卷食落就麻麻, 底部好多油, 明顯兩隻色泰文 “點計”  , 即係泰式鳳爪!! 我女友次次食泰國菜都必點!!勁大碟, 同埋夠辣我朋友叫的海南雞飯, 泰式海鮮炒金邊粉朋友話都唔錯咖哩雜菜蝦球飯女友話咖哩好香,菜夠新鮮,同咖哩汁好夾我個人覺得份量就…比軟少馬來海鮮喇沙”米線”湯底香味濃, 雖然食材平凡,但係造出不平凡嘅味道想食豬脾飯,不過賣哂總結抵食,可以一試

同朋友行完街, 之後就去搵地方食晚飯~朋友就話不如去呢間, 我就話冇所謂, 咁就入左去食啦可能係肚餓既關係, 一坐低就已經拎起個餐牌黎睇下有咩野好食~我就好快諗好要食咩, 我就叫左一個新加坡海南雞飯同埋一個雜錦拼盤~我朋友就叫左一個泰式鳳爪同埋一個馬來海鮮喇沙米線~另外再叫左兩杯飲品~一杯咸檸七~一杯珍多冰等左一陣就好快有得食啦泰式鳳爪呢個鳳爪真係唔錯, 酸酸甜甜好開胃, 而且佢係去埋骨既, 食落就好方便, 可以無骨落地我會叫呢個雜錦拼盤既其中一個原因就係可以試哂唔同既小食~咁樣感覺會豐富D~~個拼盤包括有雞牛豬串燒、炸蝦餅、越式春卷同埋雞翼~其實樣樣都唔錯, 不過如果真係要我揀既話, 我會揀炸蝦餅同越式春卷~~因為炸既火侯岩岩好, 兩樣咬落去都係好鬆脆~味道又岩岩好, 唔會太咸~再配埋佢提供既醬汁, 就令味道更佳~不愧為廚師推介, 呢個海南雞飯真係好食~海南雞既肉質嫩滑 ,食落口啖啖肉, 味道岩岩好~而佢既湯同平時既唔同, 平時既係雞湯, 而呢度係老火湯, 感覺有D特別~再配埋一碗大大既雞油飯, 真係好食又抵食~呢個喇沙米線都係其中一款廚師推介既菜色, 都係冇推介錯既佢既湯味好濃郁,

昨晚與朋友第一次光顧此餐廳。我們先在門外看餐牌，查看有沒有素食選擇。原來也有兩、三款菜式。由於屯門市中心那一個購物圈沒有素食餐廳。最近的是V City附近的妙法齋。但我對此不太感興趣。惟有選擇有提供素食的葷食餐廳。所以，每次我們進餐前都會先做資料搜集，有時也感到苦惱……我點了咖喱雜菜飯，$50。另有青咖喱選擇，但店經理說會比較辣。此菜式是單品，沒有奉送飲品。不過，當天飲品是半價。我點了熱柚子蜜，只是$8。雜菜包括紹菜、菜心、小唐菜和紅蘿蔔。種類不算多，但勝在份量多。味道不錯，微辣。一個人吃確實會很飽的。

星期五煲劇好夜先瞓，第二朝好遲先起身出去到搵朋友都已經下晝，第一餐就下午茶，哈哈V city 都幾多野食下，pepper power 都算係大眾化價錢嘅餐廳之一紅卜卜嘅餐牌下午茶餐牌認真，講到下午茶，都算多野揀 !閑閑地都有 60 幾款，最啱我呢 d 麻麻煩煩又挑剔嘅人咁多樣梗有一個餐啱食 !兩個人叫左一個小食set 再加一個散叫小食同炒金邊粉雞翼 (2隻) 拼牛肉沙爹 (2串) ($34 連野飲)雞翼炸得啱啱好，唔太油又幾夠味，個皮仲脆脆地，very good !牛肉串都ok，熱辣辣，唔un ~~再來蝦餅 ($45) ~ 咬落好彈牙~個汁酸酸甜甜，中和左油膩感，好開胃 ~泰式海鮮炒金邊粉 ($52)不得不讚呢個炒金邊粉，真係好足料同好大碟 !有青口，墨魚仔，鳴門卷，蝦 ~又係酸酸甜甜 ! 天氣開始熱，食d酸酸甜甜真係胃口都好d !三色冰 (set + $8)好鍾意飲三色冰，好香椰奶味入面仲有d 好colourful一條條唔知叫咩但又幾好味嘅物體 (有冇人知係咩黎?)總括黎講，野食唔差又唔太貴，v city 之中都係一個幾好嘅覓食地方 !

和男友一向有共識，情人節聖誕節絕對不會吃得太豪，免得被鋸至一頸血，寧願前後日子補回大餐更划算。所以節日正日通常就會找一間不會胡亂加價的小餐廳吃飯。今晚更與家姐姐夫同行，多人可以吃多一點款式！未坐下就決定要點馬來沙嗲來吃，吃星馬菜嘛，沒理由不試試的。沙嗲可於豬牛雞中選兩款，我們選了牛和豬。上菜時亦配了份量足夠的沙嗲醬，但其實不蘸醬吃味道也可以。牛肉沙嗲是encore之選；豬肉稍嫌有點瘦，似用了豬排肉去做，如果改為五花腩會更美味！拼盤一向是我最愛的選擇，一個價錢可以多試幾款小食!當中有豬牛雞沙嗲各一串、蝦餅、越式春卷、香茅雞翼。試勻了豬牛雞沙嗲，一致認同雞肉最夾沙嗲醬！越式春卷一般偏淡但這裡難得好吃，餡料足也夠濃味。蝦餅夠彈牙不會死實，配泰式甜辣醬來吃一流！而香茅雞翼則夠入味，皮脆肉也嫩。泰式鳳爪一向既甜又酸且辣，我就沒有吃，友人覺得偏淡，如果酸辣度再高一點就更爽了！輪到我指定要吃的喇沙!!!!! 不知從何時起我就愛上吃喇沙這東西，總覺得濃濃的椰香湯底超美味!這次我當然選了最愛的香茅雞翼喇沙河粉，剛上桌就嗅到濃烈椰香，河粉是喇沙的絕配，吸了濃湯底的河粉美味非常！雞翼雖然浸過湯但香茅味仍在，