紅橋

營業中

休息中

之前食過西洋菜街果間紅橋，味道唔錯，今次經過另一間分店，見仲未滿座，就再去食多次。主餐牌我地分別嗌左B同C。每個餐都配左個沙律同湯，我地都揀左白湯 (是日係粟米忌廉湯)。個湯係偏稀果種，但味道都夠。煙鴨胸沙律不過不失，用黎墊下肚幾好。蜜莎豬肋骨伴蛋包飯黎講，個豬肋骨好大份，但肉味好似有D太重，反而蜜莎味唔夠。蛋包飯就同之前食既一樣，蛋夠嫩滑飯夠香。不過舊粟米仲瘦左D。黑醋蜜糖豬扒伴蛋包飯反而唔錯，塊豬扒好厚身，同埋係炸過既，面頭淋既黑醋蜜糖汁好夾，同時又解滯，唔錯。呢舊粟米又正常返。其實$80幾蚊可以係太子食到有湯有前菜有主菜仲有野飲既西餐真係幾乎冇，最緊要抵食得黎仲要有質素，CP值好高，抵我地成日黎幫襯既。

早排食過佢lunch，覺得好唔錯，咁啱又係太子，就好想再試晚餐。今次都係跟set menu點，食物味道同埋配搭都覺得唔够上次好。希望佢可以keep到啦～黑醋蜜糖豬扒 伴蛋包飯（$83）我覺得還好，豬扒都算厚同鬆既，味道就普普通通，無咩特別。可能我比較鐘意食骨，啖啖肉既野一般，個人問題。蜜莎豬肋骨 伴蛋包飯（$88）分量都算系多，一舊大既肋骨配搭一舊細既，切開都好多條。不過細果條食落就有豬肉味（我意思系未處理好既會有陣味），大既骨就無哩陣味，好D。個出品我覺得系正正常從，勝在分量多，個名都好靚，不過“蜜莎”系無咩體現到點解取哩個名。值得贊幾系個蛋包飯，外形係幾靚，同埋入面D炒飯係有d蛋醬沾住，一D都唔簡單既。想試既朋友，我覺得揀蛋包飯既set，一定無死。法式芥末子忌廉汁牛肉焗飯（$73）哩個飯份量係幾大既，但味道怪怪個汁係幾酸下。可能食唔慣啦，我同另外兩個朋友，都係開頭食左幾啖，就無再添了，食埋上面D牛肉就算了。西湯、前菜、飲品整體來講，今次無第一次食咁驚喜同好食，應該係同菜式有關，下次有機會再點其他試下。

今天19/4 晚上18:30 我帶同兩位日本朋友到紅橋享晚餐, 我負責點餐，其中一道菜，叫了之前食過好味的豬肋骨,怎料到餐時，只有兩條細小的肋骨，配菜薯角就份量十足，在場朋友都覺份量有問題，我向女職員請示，餐牌上表明三條的，又不肯譲我們轉其他餐，最後肯補回一條小肋骨。大家請看一下當時拍下的相作記錄 失望這份量與我同家人曾試過的不同,絕對不夠食。另外，今次的磨菇忌廉湯比以往的稀。原想開心的帶遠道而來朋友聚餐，這樁小事，使我心中不悦。女職員的應變力及態度，差語氣表示不想應酬客人的要求。日本朋友都表示對方態度不好，不曾遇過的，不愉快的進餐經驗

Smoked salmon croissant tea set, only 1/2 piece smoked salmon, $44, ridiculous 😖taste not really good

行開花墟男朋友推介呢間紅橋話性價比高！一於試下佢！D位幾舒適！唔會太迫$5x一個lunch 坐得舒服好少有啊☺️餐湯我地都簡咗西湯佢有中湯簡係粟米忌廉湯普普通通🤔所以都對正餐無乜期望點知錯啦！！！男朋友嗌咗個煙三文魚紫薯燴意大利飯一食又ok wo! 仲諗住個組合好怪點知紫薯好夾！！好味而我個個係黑松露蟹肉意粉好好味（賣相靚架！比我了散咗先記得影相😂😂😂）我好怕食黑松露因為出面落黑松露好多好多陣味好濃但佢岩岩好！！所以個汁真係好正！！！而意粉硬度亦岩岩好！唯獨是係蟹肉味唔濃不過$5x連餐湯，熱飲仲想點？呢個意粉$70都值！服務亦好我一定會再黎！食飯個陣見有熟客嗌海南雞飯我下次試試佢先呢間不得不推介！

同老公行完花墟，發現附近有一間叫紅橋嘅餐廳。中午時段，入面基本上都坐滿人，幸好都2位比到我地，見到餐牌58元一份蜜汁豬扒+蛋包飯，仲要買免收加一服務費，全場好多人都叫，肯定係人氣之選啦！仲叫左豚肉意粉，湯就叫左白湯和中湯各1。真係好抵食，塊豬扒都好大塊，白湯都好好飲，相對其他餐廳，係無咩味精，可惜奶茶同檸水唔夠熱，我見有經驗既客人都係後上。埋單係比現金唔收卡，我覺得都合理，下次行過會繼續幫襯，抵食推介

星期六，朋友介紹過黎食lunch, 餐廳都多位，黎到唔洗等，即入！有主餐牌， 有lunch set, 星期六都有lunch set, 當然揀番lunch set 啦！我地叫咗ABC餐，set餐包埋湯同嘢飲，是日餐湯粟米湯，正正常常咁！A 餐，意大利飯正正常常，有墨魚汁香味，但食得多會有小小漏，帆立貝好大粒，碟嘢黎到，個樣已經贏晒！B餐，一字骨落咗蜜糖，甜甜的，好惹味，蛋包飯有驚喜，入面d飯都有溝蛋漿，好味！C餐，好重松露酱味，蝦好大隻，好足料，中意松露嘅朋友可以試吓！總括黎講，好食又好抵，60蚊度食到咁好質素嘅嘢，值得一再幫襯！

是日星期六午餐，朋友住太子，建議試下哩間餐廳。佢係新餐廳來，裝修係型格工業風，坐落都舒服。整體來講，食物質素睇得出係有用心出品，CP值都高，一個set有湯有餐飲。哩d用心小店係值得支持既～蜜汁一字骨 伴蛋包飯 $58 一字骨上台熱辣辣，沾滿蜜糖，好好味^ - ^ 蛋包飯係有驚喜既，以為包住炒飯，原來入面既飯，都係有沾蛋漿，推薦～香煎帆立貝 伴墨魚汁燴意大利飯 $63攪下個飯，見到入面都幾多荀粒同菇片，都幾足料，味道就正常水平。黑松露忌廉汁野菌海蝦帶子燴意粉 $62黑松露味好出，又好足料，推薦俾喜歡松露既朋友。是日西餐湯——粟米忌廉湯加入lunch menu

返星期六半日，和朋友一早約定來這間餐廳食飯。去到已過午飯時間還是要排隊。等了大概20分鐘就可以入座，可以即刻醫肚！3個人，見到咁多野食、忍唔住叫咗4個餐，3個下午茶，一個lunch！下午茶有單骨雞翼+芝心雞翼，配薯條！個意粉最好食，蛋包飯就不過不失啦，食物係幾好，但係座位略嫌偏細，人多容易撞到！

這間餐廳已幫襯了多次，但是這次水準稍為下降。環境上這間餐廳是地方淺窄，但整體環境是乾淨的。椰香紅咖喱豬扒焗飯，咖喱味香濃，豬扒軟腍腍且厚身，而且飯底大大碟。女性們可能食唔曬。跟上中式餐湯，有很多配料，味道亦好。香煎雞胸伴蘑菇忌廉汁伴意大利飯，雞胸煎得見老了一點，而且冇乜雞肉味。忌廉汁非常香濃而且有蘑菇配上，忌廉汁是好味的。但意大利飯並沒有煮熟，應該是九成熟了，尚欠一成。意大利飯的確是難煮的，因為我在家裏也試過煮意大利飯。的確是要用上很多時間，如果你想煮得好食的話，一定要用心煮到啱啱好將啲米煮到熟透。少啲功力都唔得架。跟餐配上忌廉湯，但並不很熱，味道也很好。餐飲跟熱咖啡，多了一點奶但仍不失有咖啡香味。

一有蛋包飯的餐廳，我就必點😋😋呢間餐廳蛋包飯包得好實架，可以用刀切黎食，好似蛋捲咁🥰🥰整得好靚。而蜜糖味豬肋骨都好正，好入味，旁邊又燒得好脆👍🏻👍🏻👍🏻餐湯有紫薯忌廉湯，好特別，但我覺得5夠濃味。🧡蜜糖豬肋骨配蛋包飯$88🧡配餐湯、小食、飲品

上次吃不到紅橋，今次再和同事挑戰終於成功！喜歡他們的餐單每幾天就更換一次，每次都可以試新餐點，可惜上次想試一字骨雞翼卻等不到位。這是今次的menu，每樣都好吸引，一翻掙扎後選了A餐。餐湯有中湯和西湯可選，今天的中湯是小白菜豬骨湯，西湯是煙肉蘑菇忌廉湯。我吃意大利湯，當然配個西湯啦！《香煎雞胸柳伴蘑菇茸忌廉汁燴意大利飯》$63雞胸柳只有兩件，感覺有點少，最失望的是雞柳竟然完全不熱，而飯卻是熱辣辣的，估計是時間掌握不好，雞柳煎完而飯未煮好所致。肉質少許鞋口，但這是雞柳麻，所以也可接受，味道普通，沒有什麼調味。意大利飯則較為出色，如上面所說，上檯時熱辣辣，蘑菇忌廉汁味道和質感濃郁，有菇的香氣，裡頭還夾雜著洋蔥增加味道，飯粒亦煙韌帶口感。朋友點的《黑松露蟹肉野菌燴意粉》$58望落蟹肉十足，朋友說味道不錯，意粉也煮得則好，但有較多蟹殼。今次已經是第三次光顧紅橋了，之前兩次都不錯，只是今次的雞柳失準，下次再試試其他菜色吧！

朋友見呢間下午茶多選擇，咁黎呢間。其實呢間無論lunch定dinner我都黎過。見其他人叫類似好吸引，一齊叫。個三文魚牛角包，其實可配沙律或薯條，不過唔想食凍嘢，所以叫薯條，點知佢話今日得薯角，唔駛講啦，薯角咪仲好食過薯條我朋友細食都食左好多囉。尤其個肉醬意粉，平時見朋友食得好少，一開始話食唔晒分比大家，結果....食晒嘅，所以唔駛講好唔好食啦掛!唯一地方細，無地方衫放袋嘅，要放後面，如坐中間就唔太理想，好在我地坐邊好D。都，明白“香港士地問題”，可以考慮加勾枱下面，好似方便少少。

是日經過太子搵食，朋友介紹話食過呢間餐廳幾抵食，行過見到咁岩有位，咁就試試佢！我地2個女仔，叫左3樣野～雞胸柳什菜沙律～ $50左右份量正常，雞胸柳係偏乾，但煎得香脆得黎又唔油既，佢係配胡麻汁，食落都幾清爽～白酒蜆肉炒意粉～ $55白酒味無乜，但意粉煮得岩岩好，夠彈牙同埋炒得幾乾身！蜆肉都算新鮮，味道唔算太濃，唔會覺得好重味精，抵讚！南瓜帶子意大利飯～ $80左右一直覺得意大利飯會好「漏」，但呢個又唔會喎！ 南瓜汁有微微甜味，唔算好creamy，食落去就幾順口，唔會食幾啖就覺得膩，飯係偏硬身，但我個人係鐘意食硬身有咬口既飯，所以都岩我食！ 總括黎講，呢個價錢既西餐黎講，野食都算中上，唯一不足就係坐得好逼，台貼台，繁榮時間想有個位擺下袋都無可能，適合快食既朋友，如果想坐低好好傾下計就唔得lu~

有時返工前只得半個鐘時間，就只好快快趣趣在附近揀間餐廳醫肚就算，呢日都唔例外，選擇左紅橋，今日點左海南雞飯餐，有個前湯，可以揀中湯或西湯，我就鍾意揀中湯飲，好足料，又夠濃味。海南雞飯個飯好正，成碗飯黃色，仲有d薑味，而d雞都算幾滑，點上少少醬料，暫時佢係我食過咁多間海南雞飯來講，最好食的一間。