紅橋

營業中

休息中

一行入花園街就眼花撩亂唔知食乜好，大概係選擇太多吧，最近我地發現左間餐廳，一唔知想食乜就會自動行入去...套餐主要由前菜，餐湯,主菜和餐飲!!我哋order了一個黑松露海蝦帶子意粉,呢個意粉質素不錯，可以媲美一般西餐廳,意粉的份量不少,都係新鮮煮出來的...配料的份量也以充! 值得一讚另外我地都試了海南雞飯，意想不到的係，味道竟和泰式餐廳的都接近雞腿嫩滑，配合埋油飯，飽肚之選!!另一讚係餐廳的服務生不錯，由於我朋友係素食者，餐廳都會推介菜式

好耐之前已經食咗第一次記得係有水準嘅所以每次去旺角或者花墟度例行公事通常我哋都會食西餐大部份都係食扒每次都要等位嘅因為空間有限不過通常都等一陣間已經有位上菜快乾淨俐落今日經過就食呢啲真係唔錯紫薯忌廉湯好美麗意大利飯焗海鮮飯兩杯都係凍檸茶（完全唔掂嘅凍檸茶）希望有待改善啦！食物質素好值得推薦！

蜜糖雞脾仔伴蛋包飯 ($58 包餐湯及一杯熱飲)唔記得叫咩名既意粉 ($58包餐湯及一杯熱飲)其實呢度真係好抵食，同埋服務態度幾好 (但座位唔多，兩個黎就要平排坐咁搭枱)呢間野每三四日就轉一次menu，所以你知我食左咩都無用但menu總會有蛋包飯，只係換左配菜姐~蛋包飯整得幾靚，飯仲要唔係白飯，係炒飯蜜糖雞脾仔好食既，但蜜糖淋得太多，搞到好甜，蛋包飯都避唔開，hi到蜜糖既位都好甜意粉味道岩岩好，唔會話太重味/無味餐湯係高質既，唔係好似水咁既湯呢間野係性價比高，仲要全日都唔洗加一 (奴性太重，加一好似係應份咁)係太子唔知食咩，就去啦，因為係抵食又好味

和老公在太子逛完街，本想去食齋，但到餐廳要等位，無聊下在逛右逛，發現這間不需等位，於是一試。晚餐有5款套餐，另外主餐可加錢變套餐，我們選了蛋包飯配牛仔骨和海南鷄飯，有湯，主菜和飲品，湯可選青紅蘿蔔湯或黑松露忌廉湯，最後咖啡和奶茶味道就中規中矩啦。我想信價錢相便宜是賣點。下次應該會再試其他食品。

難得午餐可以走出黎太子食，然而岩岩朋友係泰國返黎唔想再食泰菜，搞到我頭都大埋唔知食咩好。經過呢間餐廳嘅時候朋友就話佢食過呢度嘅晚餐，質素唔錯而且好抵食，所以我就決定入去試下。呢間餐廳好大，午餐時段坐滿晒人，咁岩有一張4人枱埋單我地先唔駛等位。一開始睇呢間個名以為係食中菜嘅，但原來佢嘅選擇類別好多，西又有中又有。我地3個人都揀左同一款野食，蜜椒雞下肶蛋包飯，聽個名就覺得好吸引。佢個餐有包餐湯同野飲。我地就叫左南瓜忌廉湯。哇個湯就係好好飲南瓜味好濃厚，個湯又好滑。完全估唔到係呢度食會有咁嘅質素，飲完一碗都覺得唔夠喉過左一陣主菜就上枱啦！可能係因為呢度做慣學生或者打工仔生意，上枱嘅速度都好快，趕時間嘅都唔駛擔心。整體嘅賣相都好吸引。首先係分量好足，雞肶有2隻，每隻都同個飯差唔多size而每隻雞肶都充滿左蜜糖，唔會淡而無味。不過有少少失望係個蛋包飯稍稍煮得太熟，冇咩蛋漿嘅效果，所以食起黎個蛋唔算太滑，如果可以改進嘅話就好perfect~ 但入面係炒飯底呢樣野都幾驚喜，加返D分！最後我地兩個女仔只係食左半個蛋包飯加一隻雞肶就已經好飽男仔食完自己個份之後仲食多左我地嘅一隻雞肶。野飲我就叫左杯凍檸茶

成日經過的一間食店，睇個名都唔知原來係食西餐。我哋叫咗個2人餐，前菜同忌廉湯都幾特別，忌廉湯係紫色，估到就係紫薯做的，飲落真係有陣紫薯味。煙牛肉什菜沙律都好正。香草羅勒醬大蝦燴意粉真係超正，有兩隻冇殻一隻最大的連殻燒，真係幾特別的設計。意粉份量不少適中，足夠一大人飽肚。另外蜜糖黃金豬肋骨伴蛋包飯都不錯，睇個樣以為好un，但確實又OK林同入味，加上蜜糖好有BBQ感覺。我最後都叫多一份法式芝麻蝦多士，好多地方甚至坪洲話好出名的蝦多士都係不外如是。不過呢份蝦多士確定好味，有黑白芝麻配搭，非常香口，蝦滑彈牙。最後呢杯紅豆冰真係好有surprise好經典！因為真係名副其實的「冰」，有椰奶喺側面同埋個冰都係椰子冰，所以特別好食，不過如果當飲品又唔係好夠喉。價錢還算可接受，性價比OK！

與朋友聚會，今日試左太子既紅橋，我們點了卡邦尼意粉，佛羅倫斯焗雞扒飯，仲有蜜糖單骨雞翼。佢有set餐, 跟餐有一碗湯，沙律，主菜和飲品，如d餐唔岩食，都可以散點意粉或飯加$12就可以轉餐，但散點轉餐就冇沙律，只係有餐湯同飲品。食物質素幾好，唔錯，性價比高餐湯有分中西湯，西係紫薯湯，但我怕西湯漏，所以揀左中湯既瘦肉節瓜，好飲沙律就普普通通卡邦尼意粉，好好食，意粉有口感，幾彈牙，唔會過淋，而且煙肉，冬菇都好足料，佛羅倫斯芝士焗雞扒飯，這個都足料好味蜜糖單骨雞翼，我至愛，鐘意蜜糖雞翼既朋友都應該會好鐘意食，如果唔係，應該會覺得甜，因為好多蜜糖~總結，餐廳環境比較細，食物性價比高，服務員態度都好好，正評

行過太子，見open rice食評唔錯，就揀左呢間餐廳食晚飯。叫左一個羊架蛋包飯同南瓜忌廉汁帶子意大利飯，餐湯試左一個紫薯粟米湯。一開始餐湯先上，一見成碗湯紫色就有少少覺得伏，點知飲落一啲都唔伏，仲幾好味。羊架蛋包飯，羊架煮得剛好，肉質嫩滑juicy。雖然蛋包飯不是炒飯，味道略淡，但可接受。南瓜忌廉汁帶子意大利飯，個汁非常香濃惹味，食落啖啖南瓜肉，帶子肉質夠淋，但內裡有少少凍，暖啲會更好。總結食物水準不錯，會再幫襯。

熊妹去左海外出席貓妹的夢幻婚禮👰🏽🤵🏽，個幾禮拜無見熊大喇，熊大就特登抽空陪熊妹放假，當然係繼續飲飲食食喇。熊大要為來緊中秋嘉年華攤檔添點中秋裝飾🏮🎏搞搞節日氣氛，來到花園街揀貨又未食晏好肚餓，咁熊妹就揀呢間高級茶餐廳《紅橋》醫下熊大肚喇。🍽兩點幾黎到，岩岩午飯時間尾聲，全場多爆爆地，得返一張四人枱同面壁二人枱，熊大熊妹想坐得鬆動啲，但店員要以人流分配，當然安排熊大熊妹坐面壁二人位。雖然黎到下午茶時間，可以叫抵食下午茶餐，但熊大太肚餓，都係揀返午餐套餐，大概$53-$63，包餐湯餐飲。熊妹幫熊大揀左黑椒汁西冷牛扒🥩配蛋包飯，$63。幾大碟喎，賣相顏色好靚。牛排好大塊，厚度適中，唔會好薄，味道調味重，幾入味，不過熟左啲，似係9成熟？所以韌左少少，不過整體味道都可以的。然後蛋包飯份量多唔少，配合甜甜的茄汁，易入口又飽肚，不過熊大就嫌飯只係白飯🍚，如果換成炒飯，味道會更香更好味。餐湯🍵有中湯老火湯或西湯忌廉蜆肉湯，食牛排緊係配西湯喇。望落顏色白𠽌𠽌，蜆肉粟米🌽都好多料，不過湯飲落月啲淡有啲稀，最後熊大飲左兩啖放棄左。熊妹就睇中全日常餐，有烤雞排，黑松露炒蛋，蒜蓉包，仲有忌廉湯意粉，包餐飲，$

Rosa Bridge Restaurant is a restaurant that my cousin recommended to me. I was a bit surprised as it wasn't the type of place she would frequent. But she suggested it was a pretty good restaurant serving a large variety of western dishes at a very cheap price. And she noted it tasted good as well. It was such a strange recommendation from a cousin who doesn't eat any where other than her country club that I had to tell boyfriend.Out of sheer curiosity, we decided to eat there during afternoon te

一入黎就問我係咪兩個(當時我自己一個)，最近我哋成日黎，已經認得啦～上次黎都係凱撒沙律，有脆煙肉~無留意幾耐轉一次~勁多蟹子個意粉同醬汁都好好食~~本來話同老公一人一半，變咗係咁食佢用個蘋果醬豬排威脅我，話我再繼續食就唔留畀我好耐無出蘋果醬豬排~外邊少少脆~但啲肉就又冧又juicy~嘩~~其他嘢因為已經成日食，唔特別講，不過都係好好食~仲有個西湯係紅蘿蔔粟米~都好耐無飲過~同一個名係其他餐廳我就無興趣，但係太子紅橋就咩都可以放心食食得好開心，好舒服~

今日行經旺角，見到有間新餐廳叫 《紅橋》( 其實我都有段時間冇出旺角,所以都唔知係咪新開, 但對我嚟講就係新餐廳）覺得個名都幾吸引,就行過去睇下，發覺種類多元化，有中式，有西式，仲有少食，最啱我呢啲貪心嘅人，更難得嘅今時今日竟然唔使加一 今晚都好多人等位，我要等10分鐘先至入座，心諗咁多人等，一定係好嘢啦坐位都ok, 唔太迫，睇睇餐牌先，晚餐竟然有六款咁比多比我揀， 就連餐湯都分中湯同西湯（ 我揀咗西湯蘑菇湯）再加鴨胸沙律，（ 沙律菜新鮮,唔似有啲餐廳咁好似擺咗好耐） 主菜我揀咗～黑松露忌廉汁大蝦帶子燴意粉， 帶子同蝦都彈牙無雪藏味.. 味道ok 連餐飲（凍飲加三蚊），咁多野都唔使$100, 價錢合理下次喺旺角，又多一個食飯嘅選擇啦

尋日開會開到連lunch都冇食，已經餓到一個點😣😣，一心走落太子近警署果邊堪稱為食街的花園街搵食，睇錶現在時間5點20分，yeah 😁😁仲可以嚟得切食個下午茶。😎😎左行右行，睇下邊間未食過試下新野都好，有時食得多都悶，搵間新野衝擊一下，咁就比我見到“紅橋”，好就你啦～一入去餐廳馬上問仲有冇下午茶，收銀小姐即答“有”。其他侍應仲話午餐都做到6點，有興趣也可一試。可能餓過頭反而胃口不大好，只想食輕身醫肚。所以叫了“黑松露芝士炒蛋牛角包配薯角”， 刺激一下我嘅食慾。🙄🙄首先餐茶先上，我叫了熱檸檬茶，尚算合格，一般。之後食物來了，黑松露應有的gas味沒有，炒蛋不算滑熟了一點😜😝，芝士比較少沒有拉絲效果，牛角包算正常，薯角都正常，但點解要加上蜜糖在薯角面呢？🤔🤔真心覺得唔配…感覺真一般。價錢都算合理，座位都闊落，不會檯貼檯。

好少係太子食飯，咁岩係太子行完街，想快快食完飯就求其搵一間食。第一次食rosa bridge, 感覺還好。在外面打量了餐牌一會兒，賣的是典型西餐意粉，價錢中等，就入去食了。點了兩個意粉，一個是黑松露帶子大蝦意粉，另一個是白酒蜆肉意粉。蜆肉有沙，意粉煮得夠乾，有酒香。黑松露汁夠香，勝在滿滿黑松露，帶子大蝦正常。跟餐有熱飲，熱好立克岀奇地好飲，好重口味。前菜蟹子沙拉就可免則免，不好吃的，味道奇怪。意粉單點六十至七十有交易，跟餐加多二十左右，以性價比來說，還算合格。如果下次食厭其他，都可以再試既。

同同事放工去睇戲，所以快快食個下午茶醫肚。黑松露帶子意粉，味道幾好，但帶子只係細細粒嗰種整體都ok杯好茶嚟到好搞笑，啲冰晾住啲奶茶味有啲苦澀，而且啲冰好快溶哂，唔夠凍但$48個茶餐嚟講都算中規中矩但坐得有少少辛苦，咁啱得返個角位有二人枱好窄，櫈無背挨，冷氣機仲滴水，明明有幾張四人枱又唔滿客