紅磡冰室 (已結業)

食一次都嫌多假日諗住黎紅磡一遊費事行咁遠，肚餓見餐廳就食見到呢間都周圍分店，咪試一試杯凍檸茶要小冰，半杯冰都不特止換黎既答案係。俾師傅都係咁做。如果唔俾小冰，係餐牌要寫明，唔係成杯冰隊過黎，一係就話唔得

做完運動就緊係要補充返D體力啦~~~~經朋友極力推介下就試左紅磡冰室!!!!💪🏻第一次食當然係要食最出名既瑞士雞翼啦~所以就叫左特餐 ($50). 有瑞士雞翼撈丁, 炒蛋加蒜蓉多士可能自己本身對瑞士雞翼無特別的追求同愛好, 所以都係覺得無咩咁特別姐, 只可以講佢既瑞士汁咸甜味調得適中. 用黎撈麵既汁都好足夠令到每條麵都沾到汁😂至於個炒蛋同多士唔算太好味，真係可以再好d.份量方面, 係大份既...食到飽飽的. 結論係，可以試，但未必回頭😂要去食既小伙伴要留意，特餐供應時間有限 由11:30am - 06:00pm

食物質素已經大不如前，侍應態度惡劣！叫個餐，半個小時還未到，趕時間的客人就不要去！好討厭d餐廳以為出了名就亂來，不知所謂！總之不要見人排隊就以為好野來！以後不會再來，俾錢買難受

今日本身諗住黎紅磡食新澳，不過經過呢間野見到啲野都好似ok，咁就比個機會佢啦，叫左個松露炒蛋多士，其實我本身唔係特別喜歡食松露，不過見有啲磨菇痴住同比較小茶餐廳有所以就叫左呢個，等左10分鐘終於黎到，個炒蛋超大份，感覺有4隻雞蛋咁，松露味唔係好勁，好似普通姑既香味咁，對我黎講幾好，多士就好一般，實晒既面包咁，同澳牛冇得比，不過好多茶餐廳都係咁上下，奶茶都唔滑，不過如果以一份早餐呢計，呢到都算唔錯，同埋啲staff好有禮貌

新裝修後第一次嚟，環境更舒服、更乾淨。今次無嗌招牌瑞士雞翼一丁，而嗌左蕃茄牛肉通粉，跟炒蛋同多士。蕃茄通食茄無味精，亦無茄膏味，係真濃郁蕃茄薯仔湯 😋 牛肉就麻麻，無乜味，有幾塊仲好韌。多士新鮮烘，幾脆，而且唔燶仲有牛油香。加埋超滑炒蛋一齊食，再飲杯凍檸水，係一個開心午餐 😁不過始終都係瑞士雞翼撈丁最最最好食 😋😋😋😋😋 世界級好食，一定要食，強烈推薦❣️❣️ 係代表香港嘅一級美食❣️❣️❣️❣️❣️

我每次去紅磡冰室都係食常餐多，不過今次夜晚去，所冇常餐叫，所以就試下其他野。今次叫咗菠蘿雞粒炒飯，50幾蚊，但份量超多，我覺得2個女仔 share完全冇問題。佢d飯炒得幾好，好夠穫氣，而且d飯粒粉分明，唔會痴埋一舊。不過佢d料唔會話太多，個人比較中意菠蘿，不過我就唔建議刮佢d菠蘿去食，因為我食完覺得唔新鮮，同炒嗰d菠蘿味道好大分別。佢仲有d雞粒，不過雞粒冇咩味，同我去泰國餐廳食嗰d一樣，都係好淡味，不過好彩炒佢d炒飯夠香，加返唔少分。

🍞🥖2018-09-06 ☕️🥢《常餐作午餐，又飽又美味》常餐C 豬扒撈丁+蒜蓉包+炒蛋對於一個只有一小時午餐的打工仔來說，選擇茶餐廳是不二之選。紅磡冰室有數間分店，環境舒適且潔淨，店內裝潢更有別於傳統茶餐廳，設計簡約，更富現代感。經同事推介後點了一個常餐C。首先奉上的是牛油炒蛋配蒜蓉多士。炒蛋嫩滑，口感細膩，牛油香十足；多士厚切，口感香脆，蒜香十足。這麼簡單的食材都可以烹調得如此有水準，值得一讚再來的是豬扒撈丁，豬排尤如手掌一般大少，肉質外脆內軟，肉汁香濃，入味可口。比一般貴價餐廳還煎得出色至於撈丁，麵身亁爽，沒有多餘油份，而且麵質不軟不硬，好吃，屬不過不失之作。總結作為一間茶餐廳來說，這頓午餐己算得上超出預期水準，不但份量足，質量也做得不俗。值得一試。

今日同friend去紅磡食野，去到lunch hour紅冰門口見到都有人係到等位，不過好彩我地得兩個人，所以好快入到😆我個friend高度推介常餐B既雞翼撈麵，又見到周圍麵有唔少食客食緊，一於點黎試下🙈呢到啲撈麵幾好，唔會好林，軟硬適中，而且唔會好乾👍🏻，另外個瑞士雞翼都幾入味，啲肉都滑。$46包埋炒蛋同包，炒蛋普普通通，蛋味重，唔算好滑，個蒜蓉包就都幾香脆。整體黎講都ok抵食，係間高質既茶記😎

或者是因為不愛吃澱粉質，所以我一直很喜歡吃常餐/all day breakfast之類。這間是我喜歡的茶記常餐之一，尤其是這個常餐B，整套配搭都是我杯茶。主角瑞士雞翼撈公仔麵，雞翼入味，再加上芝麻香口，瑞士汁撈面好夾，略嫌不夠惹味再加點辣油，正。滑蛋都算滑，不錯。蒜蓉包香脆，如果蒜蓉牛油再落多點會更好。最最重點的是，加幾蚊還可配紅豆冰，可惜紅豆不夠爛不夠沙，否則更好。-真的是愈不健康愈吸引，愈邪惡愈美味。

至從發現到西環有間早餐同常餐有蒜包供應後一直就對蒜包念念不忘因為真係好好食所以就發挖下除左嗰間之外，仲有冇其他餐廳有終於俾我search到紅磡冰室有！今次去左紅磡呢間咁啱lunch time，見到好多office既人黎食而我地又坐卡位所以覺得好好彩，但又心急想快啲食完俾啲人坐😂雞翼撈丁豬扒撈丁塊豬扒唔洗我講都知有幾大仲要係熱辣辣，非常好食！兩個麵底都一樣，麵質剛剛好，唔會太淋，又有少少爽口係有少少唔夠熱姐雞翼都好入味，如果有得加錢加多啲就好😂😂

雖然紅磡好多野食，但到夜晚9點零10點差唔多間間都收哂。未食飯嘅朋友可以嚟紅冰食宵夜😍嗌左個XO醬海鮮炒烏冬。每款宵夜都會送例湯一碗，今晚係節瓜蜜棗湯，太耐無飲湯搞到一上檯飲左半碗先醒起未影相🤣烏冬食落好香好有鑊氣，而且好夠辣。不過啲辣味唔係嚟自XO醬，而係大大條辣椒😧雖然佢話係海鮮烏冬，但食落就唔係好覺，只係得幾隻蝦同埋幾舊魚。海鮮算係新鮮嘅，但如果可以加多幾款海鮮，口感會豐富啲。另外烏冬仲夾住不少韮黃，有返啲菜好似可以平衡返油膩嘅感覺。😅以40幾蚊嘅價錢包湯、熱飲同埋一款食物都算差唔多，但下次都係嗌返普通小炒個啲算👀（聽人講好似嗌餸食飯會好味啲😗）

喺理工讀書嘅朋友成日介紹呢間餐廳俾我，話係理工飯堂。其實紅磡都不乏好嘢食，到底點解會特別推薦呢間呢？就咁睇個餐牌，入面啲嘢食都係一般茶餐廳嘅嘢食，湯麵、炒蛋、烘麵包，我就嗌咗個常餐B，食瑞士雞翼撈公仔麵、嫩滑炒蛋同香烤蒜蓉包呢度嘅撈公仔麵煮得好乾爽，啲公仔麵一啲都冇煮得太耐，仲係好爽口，啱晒啲鍾意食硬麵嘅朋友。瑞士雞翼好入味，入面啲肉都有瑞士汁嘅味道，啲肉都好嫩唔會好韌呢度嘅亂炒滑蛋都係比較重蛋汁，份量都多。香烤蒜蓉包就唔夠脆，可能係一時失手，因為之後再去其他分店都係勁香脆嘅，個蒜蓉味好濃好正，食完包保你口臭😆聽朋友講紅磡有好多間分店，佢比較推介另一間分店，自己食過都覺得係嗰間好味啲，但其實都相差唔遠，都係好食。自己覺得佢咁多人食就係因為佢係高質嘅茶記！

次次黎紅磡冰室必定食茶餐！香脆可口的奶油麫包、滑滑的炒蛋、好味的叉燒通、仲有香濃既熱華田。lunch 食要排好耐隊，d位都比較迫，通常食完都即走，唔會坐太耐。茶餐勝在夠快，落單後好快有餐到

紅磡冰室食左好多次啦，lunch又食tea又食。最中意係常餐，佢個瑞士雞翼撈公好正呢～～雞翼入味，公仔面有咬口！！平時都會食呢到下午茶，最深刻既下午茶係牛肉金菇卷，包得好靚又實淨，啖啖肉同金菇，好香口！！都食過雞翼薯條tea~即叫即做，十分好

PART ONE 六月還是有機會到紅磡區外勤的一天, 上午外勤完都已經兩點過外, 這區自己比較熟悉亦有心水食店, 不過這天想試一間未幫襯過的-紅磡冰室, 而地點選擇民泰街皆因係同外勤地點相對近, 另一間同區內的紅磡冰室在明安街則遠了點, 就隨意地點了一個星米餐, 拿出來的是個金黃色的炒米, 乾身不油又色澤平均, 同炒嘅材料也不少, 有蝦仁, 火腿絲, 芽菜, 蔥青, 紅椒絲, 送一杯熱飲, 只保持在$40, 算係良心店架啦, 唯一覺得麻麻地的可能是坐嘅位置比較上淺窄, 其他的都可以啦. 下次要同太座來試下lunch至得!PART TWO 話咁快又到下次的時機了, 14/Oct. 週末下午茶餐試: 乾炒牛河用唔太多油炒, 但每條河都有階到少少油所以口感滑, 牛肉就相對上較少, 不過下午茶餐唔要求得咁多, 另一個豉椒班腩炒麵就相當不俗, 粒粒豆豉帶點咸香, 廣東式炒麵即係走一走油, 呢下走油又做到麵身乾身不滴油喎! 泊住酒樓水準, 班腩亦是外層炸衣少少脆同裡面魚腩還剩幾分魚鮮味, 要知道這些茶記用的是雪藏魚肉能夠做出味道來是須要一點技術, 兩個炒粉麵雖說份量唔算大但吃罷也覺足夠, 服務員全