紅辣椒 (已結業)

其實都去過好幾次...呢間餐廳食物質素先唔好講...d員工既態度真係好差我入得門口話晒都係客...咁樣做生意都仲會有咁多人去食...我真係好奇怪...其實有幾次去食都係咁...我擺係枱未食完既野...d侍應可以問都唔問你要唔要就咁就攞走佢...都算...人地都未食晒d野就成日隊張單埋黎話好多人等要我地埋單...我心諗..我野又未食完又唔係食飽賴死唔走係度坐...佢咁係咩態度!咁做生意都得!不知所謂!最嬲係有一次(係最後一次去呢間野, 以後都唔會再去!)我地去食飯..要等位...攞左飛...等左成半個鐘..佢有位..跟住張飛係同另外一對情侶號碼一樣...咁我黎個陣見唔到..唔知邊個黎先...個侍應行出黎話我都唔記得係邊個寫架喎, 跟住就話"是但啦, 呢兩個先啦"我即係火起同佢講"咁即係點呀? 你咁做生意架?跟住我同佢講我以後都唔會再黎食, 我一定會叫d人以後都唔會再黎食!"跟住一肚氣咁就走左...最後去左第二間食...呢間野d人真係好不知所謂...但最奇怪係連個老闆娘都一樣咁不知所謂!今時今日做生意做到佢地咁都仲有咁多人食...我對個d客人真係感到莫名其妙...

一月六日(星期日)同老公同佢既中學同學燒野食之前,佢去左大埔搵我!我地就黎左呢度打底先,唔係就好"貴"喇!^^我地叫左:咖哩雞排米線,個咖哩湯底好似喇沙咁!!好食呀!!同埋雞排都好大塊!老公叫左什排米線!好野佢終於食到什排喇!!^^飲凍檸檬茶,好大杯,不過老公既西瓜汁仲大杯呢!!根住我地就出發喇^^

前言：平安夜晚同我女人兩個人出o左旺角因為好唔鍾意大時大節要俾多幾倍價錢反而換取低o左o既食物質素所以D巧立名目o既「聖誕大餐」向來都無我分自助餐平o既係潲貴o既就真係好貴......最後當晚就即慶膽博膽去o左呢度內容：叫o左o既係二人餐1) 炭燒豬頸肉豬頸肉本身唔係話十分出色只屬中規中矩值得留意o既反而係附帶o既醬並唔係裕記5蚊一樽o既雞醬或者典型o既麥記泰式辣醬佢用o左好多香料係一個汁rather than係一個醬味道酸得黎都幾辣有誠意2) 紅咖哩牛腩咖哩一D都唔辣好甜叫紅咖哩o既唯一原因係佢用o左個紅色o既兜去裝牛腩亦唔韌而且份量好夠唔會係一大盤稀溜溜o既咖哩浸住三數粒牛肉乾o個D3) 馬拉盞炒油麥菜我未試過響街食馬拉盞炒o野會咁有誠意好很多馬拉盞......佢幾乎係一個油麥菜炒馬拉盞......但係又唔會太咸難得4) 特飲青檸冰要加6蚊根據員工介紹加埋我自己o既觀察佢係一個用D細細粒青色o既果實榨汁再打出黎o既smoothies類物體員工強調D細細粒青色o既果實並唔係青檸(但係佢個名又咁叫......)但係又唔知係咩總之係酸杯o野雖然略淡不過我認為值得加錢去飲5) 白飯一人一碗

星期三上課的日子又開始了, 且看未來一年能否保持到出席率.因為人多, 要早點霸位, 唯有近近地去些不用等太久的地方, 好像這裡. 一坐低, 望望餐牌, 馬上點了個超值二人套餐C, $98一客.鮮蝦餅拚春卷: 7分, 應該係頭盤來的, 但係最後先到, 因為係即炸的, 小店來講, 也有誠意. 蝦餅同春卷都炸得幾香口, 蝦餅的皮係相當熱辣辣, 不過又未止於叫做鮮的. 春卷比較多菜, 沒有那麼油膩, 也不俗.咖哩牛腩: 6分, 比較細碟的一味, 牛腩有點點化學痕跡, 還可以接受, 咖哩汁係幾奇怪的, 對小弟來講也是完全不辣的, 仲好像帶點甜味. 不過這味道也幾開胃的. 但係喜歡吃辣的, 這裡的咖哩應該唔係你杯茶.泰式炒雜菜: 6分, 果然好雜, 乜菜都有些, 不過偏油了, 菜也不太新鮮, 部份係老了.跟白飯同兩杯飲品, 份量足夠了. 飲品轉了青檸冰同椰青, 小弟那杯青檸冰酸酸的, 幾開胃.食物水準普通, 但係都幾抵食的, 快快吃一餐也未嘗不可.

尋日行完街,於是就搵野食,見到呢間野,坐滿人但又唔使等位,就入左去la。坐落,見到有個制服既埋黎同我地落單,咁我個朋友就話要個豬頸肉雞翼飯,佢寫左落張紙度,正當我講緊我要個泰式炒貴勺時,有個著便服既男人走埋黎落單,似乎係專落單既...算la,照講多次,但佢就話唔使講,岩岩個個人幫我地落左單,我轉個頭望,佢真係落緊單...咁就直接講飲d咩la。過左一陣,野飲到左,都未飲完個一啖,就已經上左個豬頸肉雞翼飯...咁我個fd打算等埋我先食,咁都等多陣la,點知等左成十幾分鐘,我個炒貴勺都仲未到...正想追單時,佢就拎左碟野o係我面前,仲好大聲咁講左呢兩個字..."炒河!!"炒河?!係...我係落炒...但唔係炒河,係炒貴勺wo,咁我就好聲好氣咁叫停佢,話俾佢知我係要炒貴勺,但佢即刻回我呢一句..."呢個咪炒貴勺lo"? o下?!我明明聽到你話係炒河架wo,而碟野都好明顯係炒河...咁我都好正常地話呢碟係炒河黎,但...佢即刻改口話..."你地落20號呀ma,呢個係20號黎架la"我即刻拎份餐單黎睇,係...我的確係要20號(即係炒貴勺),咁我都望一望佢份圖...我好失望...因為碟野真係炒河黎

係我個同學仔帶我去既, 佢話平時要等位ga, 不過個日可能星期一, 所以冇咩人, 個環境都唔錯ar, 坐得都幾舒服...點了個印尼炒飯同一個薄餅，炒飯都好食，唔會太油，不過就唔辣，但我唔知本身係唔係應該辣？另外個薄餅，因為冇叫到咖哩，就咁食又唔覺得又咩特別lor...價錢都ok，如果唔使等位黎食都唔錯

事發係月頭,我同3個fd一齊去食嘢,叫咗個set dinner,裡面有味係蠔既奄烈...嘩嘩嘩!!!賣相都ok,味道有d怪怪,仲以為d味係咁,個fd仲話d蠔生生地,我地又唔係好覺,點知明天4個都要入急症!!!你話咁樣點得,早知去告佢地啦,唔好再害到人嗎!!!!!

今日同男友去左女人街~原本想食日本野~但係..勁爆~所以行行下~就見到呢間鋪頭入去~就俾佢個大電視吸引住但係...地方略為迫,差唔多要打側身先行到好~講返食物~佢既DINNER SET大約30-40蚊到但係我同男友就叫左個2人餐-- $128包括: 魚餅X4 蝦餅X4 豬頸肉 炒通菜 CURRY蝦球 蒜X包(但我地轉左做白飯) 再加凍飲2杯各樣菜我都覺得唔錯蝦餅好好食,而豬頸肉配既汁辣辣地,好野味!!!而通菜炒得好甜,一d都唔老,好食curry蝦球就都幾大兜,2個人用黎撈飯都撈唔晒但蝦就得4,5隻~都幾大隻,可以接受整體黎講,佢d汁煮得好好而員工方面,態度都唔錯,好肯做野,亦好有禮貌!!最後,仲送糖水~~每人有一碗楊枝金露~~~正!!!最唔好既係....加埋一...都幾貴不過!!2人餐其實都足夠俾3個人食~好豐富既一餐呢!!!

2007年5月26日晚上我同朋友之前幫襯過呢間野幾次，因為覺得食物不錯，但點知今次真係令到我地好嬲！！以下係呢間舖頭的超"好"服務：1.我地等左好耐，碟海鮮菠蘿炒飯都唔黎，等左起碼45mins，我朋友講話飲品同飯都無黎，佢先幫我地追。我仲見到隔離張檯係咁落錯單，又係度等，不過佢地比我地遲黎，都可以食先！2.我地叫類似老闆娘的物體俾匙俾我地，佢無應我朋友，我朋友再叫多一次，佢話「你之前已經講左啦，兩隻匙丫嘛」~~哇，d態度好到....跟住佢拎埋d叉呀、筷子呀、匙呀過黎話「0拿..咩都拎晒俾你啦！」於是搞到我地成檯都係餐具！！！我地係無匙啫！洗唔洗拎晒其他野俾我地呀？3. 等到d炒飯黎到，我地expect佢整咁耐，d炒飯一定好好味啦！點知...d炒飯超濕，好似將一pat pat的屎放緊入口度咁，我地話俾老闆娘聽，個老闆娘物體話「我睇就好靚啦，點樣難食呢？！」...態度真係...好！其實佢講句唔好意思，我係唔會介意，但佢咁講野真係好令人氣憤！跟住再炒過，d飯都係咁濕！枉我地之前仲介紹d人黎食！！埋單時我地成碟飯好完正咁好似無食過，老闆娘物體都知咩事，但佢無問，仲要扮睇唔到，照收返我地原價以後

本來想吃的店大排長龍，換到這裏來，很快便有位。點了青木瓜沙律、泰式炒粉絲和冬蔭公海鮮炒飯，兩杯飲品。炒粉絲先上，粉絲乾濕度算不錯，沒有黏作一大團，味道甜甜的還可以，但配料切得太大件，還有生的生菜墊底，唯有粉絲還粉絲吃。冬蔭公海鮮炒飯，味道似是辣的西炒飯，完全不覺得有公蔭公的味道。材料只有魷魚、三兩粒蝦仁仔和草菇。如果只當它是辣海鮮炒飯，其實還ok。青木瓜沙律雖沒有醃蟹或蝦，但味道挺好，跟在正式泰菜店吃的差不多，也不會太辣。我的三色冰椰汁味很濃，但紅綠色的東東太大塊，大飲管也過不了，一定要用匙羮吃，很論盡；而且沒有綠豆邊。入座時舖面好像只有一位女侍應，忙得團團轉，後來多了兩個才好一點，但仍有待改善，例如不要站著只顧看電視、落單送菜別搞錯枱號...

首先我覺得女人街既有D食肆係垃圾,呢間真係好有風味!有個fd叫冬蔭功麵，我聞到好香椰汁味，佢話唔辣，有d人試過幾啖，話好好食，我冇試。另外有炒金邊粉，試過幾啖，都幾好味，賣相好吸引。我地叫得最多係印尼炒反，有兩串雞串同蝦片起隔離，佢地又話好食，我冇試到。我個個係牛腩炒烏冬，好似係咖喱添牙，又係好香椰汁味，成個麵好汁，好似唔係炒咁，個感覺都幾好喎，好match我覺得；d牛腩得3幾舊，仲要好細舊，唔算太硬。仲有青豆角肉碎反好想叫，賣相都幾ｏｋ。如果唔想話太冒險，可以叫呢個或者牛腩反，都係唔錯既選擇。

2006年10月12日下午1:15左右,我和我的boss和一位同事一起到這間餐廳進食中午飯, 我是第一次到這間餐廳食, 一進入到這間餐廳, 看到一個投射大電視, 感覺好像不錯, 我們三人坐到最入的座位, 看過菜單後, 我的boss叫了一道30元左右的炒河粉,我的同事叫了一碟26元飯, 我叫了一道24元的魚蛋紫菜河粉, 每道食物都配飲品,我和boss的飲品是凍寧茶過了一會, 先來了一人一碗湯, 我飲了少少,味道都還可以, 再一會兒, 食物來到了, 我吃下一個魚蛋,發覺太硬,不好吃,沒關係,吃紫菜,也吃得下,至於河粉..雖然沒有什麼味道, 但還可以, 而凍寧茶,雖然甜了少少,但沒有問題, 我喜歡吃甜東西當我們吃到差不多一半的時候,我看到我的boss凝望著他的炒河粉, 我便看看究竟有什麼, 我看到有一個啡色的東西在碟中,大約有1cm至1.5cm的長度, 我心想應該是蟲,但我看不清是什麼蟲, 我的boss於是向其中一個侍應生說:「唔該,我唔食啦!」我的boss把他那碟炒河粉遞給侍應生.侍應生回答:「係呀?你唔食啦?」我的boss答:「係呀,我唔食啦,入面有好大隻野,你睇下」侍應生說:「係咩?」

二人晚餐$88春卷蝦餅咖哩雞柳炒雜菜春卷蝦餅都炸得幾脆, 唔錯的咖哩雞柳應該係叫葡汁雞柳好d炒雜菜就過份清淡啦另加兩碗飯兩杯野飲

當天是06年04月07日, 大約晚上9時多, 我同朋友一行三人去左一間泰餐"紅辣椒"吃晚飯. 因本人很小食泰餐(從未試過這一間),而同行友人食過覺得可以一試.當我同一位waitress說要三至四人檯(聽佢口音,係操不順正廣東話,應該係正式泰國人,所以以為係正宗泰餐,心諗一定要試啦),等了太約十分鐘就有位. 我門看了menu不夠三分鐘,一位年年約三十來四十直髮waitress同我地take order(我地係未decided食乜,更加沒有叫佢take order), 我就話未得啦,佢竟然話我地睇左甘耐menu仲未得,態度好唔耐煩. 過了一會, 佢又番來take order,我朋友點了一個飯和一杯飲品,佢竟然話這個飯唔跟飲品ka,要另外計飲品錢會好貴. 另一位就點了一個飯(佢又話個飯無啦),叫佢點另一個. 我點了一個飯和一杯芒果沙冰.點知唔夠一分鐘,三杯飲品都到左,心諗唔係掛,快成甘. 一試.....頂, 杯沙冰已經融晒,仲好淡味,就算融左都唔會甘淡味掛(一定係溝水),老實講,去旺角電腦中心隔離果間小食鋪買6蚊杯都好飲過佢多多聲,算啦...諗住食物可以0既話都算啦...點知食物出得仲快..

朋友介紹下入左黎試下, 佢話之前食過d套餐幾抵又幾好味, 但係我地兩個唔係咁餓, 所以只係散叫左個海鮮炒河同埋馬拉盞通茶；兩種食物味道幾唔錯, 都係辣辣地有d香料咁啦, 但係海鮮炒河一d海鮮都無, 只係得d好細粒既油魚同埋蝦米, 另外, 通菜洗得唔乾淨, 食到成口沙啦…