純麵舍

營業中

休息中

夜晚放工同朋友一齊食飯，佢想食沾麵所以就係附近行吓，之後搵到呢間比較隱蔽嘅沾麵店😆入到去店員就好親切介紹menu嘅沾麵，雖然得幾款但都想下次再去試埋其他嘅沾麵同飯淡麗系豚魚介沾麵🍜麵條好彈牙仲好掛湯，濃淡適中帶甜味而且份量都足夠，可以食得出無添加過多調味，蛋係溏心蛋好好味，只係嗰日叉燒有啲瘦，肥啲會再好啲豚肉SPECIAL飯🍚朋友揀嘅呢碗飯係店員介紹，口感較豐富而且口味比較濃，食落係辣辣哋，鍾意重口味嘅人會鍾意呢個飯，除咗有叉燒仲有啲半肥瘦肉粒，食到差唔多店員仲會提你加湯，最後變到類似茶漬飯咁，一碗飯可以有兩種食法

位於鰂魚涌地鐵站對面轉角位，開設了一間小小的沾麵店，店內只有3種款式選擇淡麗系豚魚介沾麵，辛辣系豚魚介沾麵，純 MAKASE SPECIAL麵，價錢都係一樣$77。自家製麵條，麵條屬於偏粗，爽口彈牙，尚算掛湯，份量也不算少。魚介湯底加入了牛蒡，比以往吃過的湯底與別不同，沒有普遍的油膩感，入口不太鹹，相對清淡，反而帶點微甜，食完也沒有飽滯的感覺。辛辣係湯底唔算太辣，比淡麗湯底多點麻油嘅香味，味道更加有層次感，如果食得辣嘅話，會較推介辛辣系。配料方面真係值得一讚，有流心蛋，海草，紫菜，還有4塊叉燒，比平時的更加豐富！▪️辛辣系豚魚介沾麵 $77

朋友一直都同我講呢間沾麵小店又好食又抵，最後我同朋友一齊去試一試，因為店舖都比較細，入面應該淨係坐到十個人左右，我就lunch time 去食都排左15分鐘左右 77蚊一碗沾麵一啲都唔求其，除左有大大碗既面之外，已經有昆布、有豚肉，仲有溏心蛋。見到豚肉係係廚房即場切，可以保留肉汁，仲切到好薄，唔會痴牙。拉面既面質都唔馬虎，粗幼適中，仲有啲咬勁，唔會軟淋淋。 而今次我簡左當中的限定特製，係蝦味湯底，裏面有木魚芝麻京蔥，而味道剛剛好，不太咸，又唔會太濃杰。

Very yummy soup & ramen! light, healthy, not oily at all but full of flavor!! the chef mentioned that he had been working in Japan for years, and its harder to make 清湯 than 濃湯 as you will need to soup to be absolutely clean (without a drop of oil, and they made it!!) but at the same time very 濃味.the chef is very passionate about the ramen, shared a lot of his thoughts and philosophy! the pork is very tasty and it’s the style that’s 硬身啲. we went at 6pm on a weekday, doesnt need to queue. highly r

係港島開完會，想搵餐好既比自己慰藉下早起既心😌英皇道e邊好多餐廳簡，但E間簡約既小店已經吸引左我同同事☺️餐廳得3款麵簡，主要都係睇下你想要咩湯底，每碗麵有跟叉燒同糖心蛋，叉燒唔會過薄，但仍然有口感，糖心蛋仲有蛋汁流出黎🫰🏻🔸純maskse special麵 （$77）今日係酸蘿蔔魚湯沾麵，第一啖飲落去就係甜甜既鰹魚湯味，如果食食下膩，可以食塊酸蘿蔔中和下，碗入面有大量既京蔥🔸辛辣系豚魚介沾麵 （$77）豬骨味濃郁，而且冇過咸，食到少少膠質感🫶🏻🔸醬油漬茄子（$15）好入味，有成8、9粒好欣賞老闆仲會同我地傾計，了解下仲有冇改善既地方，如果下次我再出黎開會，我都繼續幫襯💓因為77蚊食到碗沾麵真心「癲」，而且高質。

📍純麵舍鰂魚涌英皇道963-967A號多寶樓地舖🐟🍜淡麗系豚魚介沾麵 $77🧂🍜純MAKASE SPECIAL麵 $77🔥🍆和式醬汁燒茄子 $15今晚又係抵錫女朋友黎接收工🥰之後仲帶我去鰂魚涌食一間沾麵🍜好出名既餐廳😍雖然鰂魚涌有啲遠，但完全值得專程過黎試！😋一黎到發現舖頭比較細，只有大約8個座位既吧枱，但我覺得咁樣先有拉麵店既風味！😆大家橫排坐喺吧枱，然後就望住師傅喺廚房入面表演😍呢間拉麵店只有賣魚介湯沾麵🐟，我地叫左一款淡麗系豚魚介沾麵，同埋當日Special✨️ - 鹽燒汁魚介沾麵。如果怕豚骨湯比較油膩🐷，咁魚介湯就啱晒你啦！魚介湯底除左比較清🎐，仲有一份鮮甜！😍湯入面既洋蔥🧅冇煮到好冧，有啲爽口，但都好甜！😋個人鐘意原味既湯底多啲，鹽燒汁就鹹左小小🤭呢間店舖既叉燒好瘦💪，本身仲擔心會好柴🥵，但竟然係出奇地嫩口！🤩雖然冇乜脂肪，做唔到入口即溶既效果，但咁瘦既叉燒都做到咁嫩真係好西利！👍我覺得最貼心既係❤，店員會主動問你湯底會唔會凍左，可以幫你換過熱既♨️我同女朋友好唔客氣地換左一次🤭而且食晒啲麵之後，店員會再問你要唔要加清湯，飲埋個湯佢😍咁為食既我就當然要加啦，然後就飲晒成碗湯😋另外

今日二訪呢間鰂魚涌嘅小店食沾麵，之前食嘅時候仲係$68，今年已經加咗價！但$77都係算平，平日lunch time要排隊，好受歡迎！今日排左半個鐘先有得食，少少耐但真心好食，冇之前咁隱世了🥹🥹老闆同店員都勁有禮貌！🍴辛辣系䐁魚介沾麵 $77 (9/10)份量勁足，豚魚介沾湯，飲落唔鹹係甜甜哋，好香昆布同埋麻油味，有木魚大葱芝麻洋蔥，帶有辣油嘅微辣，麵係用彩嘅麵，偏幼，啲啲彈牙，入口好滑，仲有啲凍嘅海帶，叉燒三大舊，好軟腍，肥瘦適中，有肉香，蛋有滷過醬油味，甜甜地，有流心，真心好好食又抵食！推薦指數: 9/10暫時喺鰂魚涌最好食嘅沾麵！咁平又高質嘅沾麵，份量超足好CP值，真心推薦比大家！之前推薦過一次已經多左人食，要排隊，想食要早啲去！

之前見到經過一直都好想試一試，之後決定約埋朋友一齊去試吓。入到去感覺真係好似係日本嘅拉麵舖😂，店員同師傅非常之有禮貌。一坐低就會俾杯水你先，同埋會介紹吓佢哋唔同嘅拉麵。最正嘅係坐喺度可以見到師傅親自為你煮一碗拉麵。拉麵有三個選擇，依間拉麵舖係食豚魚介沾麵。👍有淡麗系、辛辣同埋限定特製。我選擇咗辛辣，拉麵份量非常之夠，湯底非常之正，我要重申係非常之正🤣🤣叉燒亦都非常之好味，價錢十分之抵大大碗非常之飽。

呢間沾麵店在我公司附近，已幫襯咗三，四次，因為價錢同味道各方面我都覺得好合理！今次推介俾大家店舖比較細，只有吧枱位置，十個位左右。。。lunch time去要有耐性排一陣店內只有三款沾麵今日叫咗個special 係秋葵豚魚介沾麵其實都幾下碗，我多數會叫佢少麵，叉燒都幾多，好足料，價錢方面都好貼地同事叫咗original 豚魚介沾麵沾麵嘅湯好合適，唔太咸，又唔太淡。食完唔覺得口渴唔知點解，味道好有家嘅感覺雖然店舖小，但係沾麵嘅賣相唔輸得過一啲成舊水嘅沾麵！真心推介

喺鰂魚涌行完山之後，見到有一間唔係太起眼嘅拉麵店，環境好似日本嘅拉麵店，座位只有10個，剛好唔使等位。辛辣豚魚介沾麵同其他餐廳唔同，呢度嘅面條可以見到一粒粒小麥，增加左麵條嘅口感及香味，不錯。拉麵配上大量嘅豚肉，豚肉切到好薄，油脂分布好好，唔會好嚡口👍🏻👍🏻👍🏻👍🏻重點係個沾麵嘅湯，少少辣辣地，裏面有木魚、芝麻、京蔥，上台嗰陣個湯好熱，而個面又特登過咗冷河，一凍一熱夾得好好，呢個就係食沾麵嘅精髓。最後可以要求店員加返湯比你，飲埋個湯大功告成。我同朋友都好滿意今餐，大家都可以支持一下小店。

Small homely shop with friendly service! Very fresh dipping sauce and ingredients for the lamen. They add chicken stock to your sauce so you can drink it in the end. There is original, spicy and a special favour every day. I tried the mushroom one and it’s nice. Highly recommend!

上次想試 偏偏嗰日話要遲開😒今次終於試到好似話係 彩 嘅麵?不過麵款就無彩咁有咁多選擇了今次揀咗special 好似係塊叉燒加咗某醬汁個湯比較稀同帶啲甜味味道無太大驚喜同埋食到勁趕 一停手就嚟收嘢俾錢食嘢仲要被人趕走🥲

💭 平時返工食lunch 成日見到呢間門面細細既餐廳成日都要排隊食，呢日見到無乜人排就入去試下好唔好食先😍🌸淡麗系魚介沾麵 （HKD 77）平時沾麵個汁好濃，但係呢個沾麵唔係配汁而係配湯，個湯重要好多芝麻😍😍😍個係帶甜既，好香～麵係偏幼既麵👍🏻沾麵仲配左好大片既叉燒、昆布、紫菜同埋溫泉蛋😍😍😍😍美中不足係，個紫菜因為濕左有d 淋，口感比較唔搭😖但整個沾麵食落調味剛剛好，食得好舒服👍🏻👍🏻👍🏻💭餐廳門面比較細，有機會peak hour 會等好耐，同埋d 位比較窄，所以儘量唔好係攞住好多野既時候食🙋🏻‍♀️

幾乎每個月都要來吃幾次的小店，實在太迷它的湯底及麵條🍜吃完麵，還可以加湯，把湯喝光光老闆每天把麵賣完就回家了，有時候星期六下午兩點就看見門外貼上{售罄 請明天再來} 的字條📋餐單上只有3種味道的沾面 全都是$77有原味淡麗系豚魚介沾麵、辛辣系豚魚介沾、限定味🍜麵條🍜沾麵的麵條是自家製作，爽口彈牙，沾上湯底，更突出了麵條的質感沾麵的配料🥚四塊叉燒、溏心蛋、紫菜和海藻。叉燒很大塊，肉質鮮嫩，加上湯很鮮甜限定味每天都會有不同，店員都會主動告訴是日的限定味是什麽限定 蝦味噌沾麵有濃濃的蝦味，很香但略嫌有點油原味淡麗系豚魚介沾麵這是我經常吃的味道，魚介湯清澈透明，不會油膩。伴上沾麵，入口不鹹，湯底裏面的蔥花和木魚，吃起來有股微甜的感覺。當吃完沾麵，記得要叫店員加湯，湯底鹹甜剛剛好，可以喝光光。推薦！！！辣味 喜歡吃辣的小夥伴，可以嘗嘗這個辣湯底，是原味淡麗系豚魚介沾麵的辣版本。

純麵舍 ULVA RAMEN地址: 鰂魚涌英皇道963-967A號多寶樓地舖又係一間平時返工好鍾意食嘅餐廳，佢主打沾面，只有三款口味，有時是專注於少種類菜式嘅餐廳，佢嘅味道係可以出乎意料之外咁好好味。🍜🍗淡麗系豚魚介沾麵 $77佢成碟叉燒同埋面都係凍冰冰嘅，因為佢嘅沾麵醬汁係非常之熱，令到你浸返熱啲面嘅時候可以掛都好多湯。佢嘅沾麵汁喺水同埋芡汁之間有一個好好嘅平衡，唔會太過水，但係啲面你會掛到啲湯汁，令到佢哋食落好香口啖啖都係沾麵醬汁嘅味道。沾麵醬汁裏面有啲大蔥花同埋木魚。佢嘅叉燒都做得好好好入味，又唔會過好韌，食落好易入口。佢其他配菜例如糖心蛋，紫菜蘿蔔絲都做得好好，以呢個價位來講簡直係贏晒後邊條街嗰兩間不知所謂嘅拉麵舖頭，其中一間都有米芝蓮，真係不知所謂。味道: 4.2/5服務: 4/5環境: 3.5/5番兜: 4/5