素來素往

營業中

休息中

第一次去食素食自助餐！係時候健康人生啦～ 餐廳好有愛心 有搞免費飯盒同長者優惠等～食物好多選擇 有甜品 湯水 熱食小食等 假日晚市每位$158 最平平日下午茶$68 係可以食到飽自助餐！估唔到都幾多人食 個人最推甜品類 豆腐花 同西米焗布甸同香蕉蛋糕 好好食～ 主菜就推薦咖哩雞煎釀三寶等等都不錯 有養生茶同冬瓜湯 西式湯仲有渣渣等小食方面炸物好食！大家記得要自己清潔番d 垃圾啊素來素往 (大角咀)大角咀博文街28-38號地下6號舖

朋友介紹我試吓奧運站附近呢間素食餐廳，下午茶有個抵食嘅任食buffet，餐廳裝修好文青風，好似去咗coffee shop 咁，令人耳目一新。當日大概3:30左右到，入座率都有8成，可能大家都想食得健康，素食已經成為新嘅趨勢！食物選擇多到眼花撩亂，除咗凍盤、口水麻辣鳳爪、南瓜布甸、Pizza、煎釀三寶、仲有手工素餃子，全部都好食，唔會太多味精另外推介嘅仲有皮蛋豆腐，夠晒滑！口水麻辣鳳爪亦好香口。另一個好受歡迎嘅就係Pizza，新鮮出爐，芝士厚厚，顛覆咗我對素食嘅印象！

今晚同爸爸去咗一間食素嘅自助餐，都唔錯喎！提起食素，好多人會覺得淨係食菜冇咩好食咁，但係其實素嘅自助餐都可以好多款式㗎。晚餐既素自助餐，每人$128 ，前菜、主菜、甜品、湯、飲品都一應俱全。先講主食，炒飯、粉麵都有，仲有自製滷肉飯添，滷肉飯食落都好惹味，同真嘅滷肉飯有得揮😆。炸物方面，我幾鍾意素鰻魚，素鰻魚紫菜喺底，上面有芝麻粒，調味岩好。而熟食有我至愛既煎釀三寶，暖暖既南瓜🎃布甸🍮都幾特別。至於聽人講必食既口水雞同埋酸辣鳳爪我當然有夾啦，麻辣口味好好食😋，鳳爪真係整得好似，好爽口，幾可亂真。除此之外，仲有好多街頭小食，茶葉蛋、腸粉都有。甜品方面，竟然有芒果🥭糯米飯食！豆腐花、有火龍果喺入邊嘅啫喱、雪山都睇得出係誠意之作，中式糖水有綠豆沙。美中不足係每人得一隻大碟，要重覆用番自己既大碟🤣自助區得細碗攞～

小編和友人在星期一晚上相約吃飯, 恰好大家都想吃得「養生」一點、「健康」一點, 同時又bookmark了素來素往這間新式素食自助餐, 抱著一試無妨的心情去品嚐一下。首先餐廳的位置很方便, 在奧運站B出口步行不用5分鐘就到。用餐形式是先付款, 後入座, 雖說限時90分鐘但因為當時沒有人等位, 就算夠鐘也沒有店員請我們離開, 非常好的服務。付款形式只接受現金、八達通或支付寶, 這點需要留意。裡面有一整排的自助區, 有沙律吧、熱湯、粥、飯、素菜的熱炒、炸物、甜品、水果。餐廳很貼心, 每款食物旁邊都有個小牌, 說明是什麼食物和辣不辣。飲品也有茶、罐裝和包裝飲料。食物種類很多, 基本上每款試一下就已經飽了。最得小編歡心的是西蘭花賽螃蟹、芝士pizza和螞蟻上樹, 這三款在別的素食自助餐廳很少見呢。當晚的西湯是西蘭花忌廉湯, 入口綿滑, 滿滿的西蘭花蓉口感, 讓小編這個西蘭花控非常欣賞。其他食物也質素正常、溫度微暖。店員的服務態度也很好, 如果有新菜剛剛上桌, 也會主動介紹食客去品嚐。總括而言, 素來素往價錢合理, 和其他素食自助餐廳比較, 甚至更為便宜。食物質素有保證、飲品選擇多, 位置方便,

是晚放工同朋友黎食素食自助餐，揀黎揀去都係去返素來素往，平日晚$128一位，長者咭仲有九折，折完$115一位超級抵食🤤是晚七點多來到，全店滿座得返bar枱，店內熱鬧非凡，但食物源源不絕供應，唔使爭唔使搶的😋必食pizza同煎釀三寶，勁正🤤中間嘅魚膠用咩做嘅呢？味道同口感都勁似墨魚膠。今晚仲多左川味系列，素鰻魚，素餃子等，全部都好食。最後唔少得食埋甜品，綠豆沙、豆腐花、鮮果雪山蛋糕，正呀🤤太好食，決定買外賣比未放工的家人，$58一盒自由裝，仲送一碗湯或糖水，入到滿晒好重手，超抵🤤

係香港既素食餐廳🍴越見越少….素食自助餐更加罕有🥲 突然間想食齋菜都好難搵🤯 竟然偶爾間發現位於大角咀博文街28至38號地下6號舖有呢間素來素往主打素食自助餐餐廳🙌突然想食素都唔怕啦😍素食餐廳仲提供咗不少種類既素食食物😚當中有炸物🍤 涼拌小食🥗蔬菜卷🥬薄餅🍕壽司🍣、小炒🍲甜品🍰湯🍲糖水及蕃薯🍠粟米🌽…多款素食選擇😍整體很不錯，絕對值得推薦一試，食材新鮮，環境很好，且味道不錯🥰

♡♡♡📍素來素往 (大角咀)大角咀博文街28-38號地下6號舖黎左呢間素食餐廳就真係打破左我對素食既觀感😂😂，之前我就真係對素食麻麻既🫡，但係原來依加有咁多款有味!味道仲要都幾好，真係同想像中有好大既出入，素食都可以食好食既😜 講真，估唔到依加既素食有咁多款式😂😂，無論前菜、主菜、甜品、冷盤都有，仲有好多唔同既款式比大家去試，有埋野飲，價錢適宜，觀察到都幾幾多男女老少去食😙~PIZZA聽聞呢度既PIZZA就比較出名🤓，所以見到佢一出爐就即刻試下，果然係名不虛傳😝😝，又真係幾好味! 而且係薄批!呢個真係我中意既野，而呢個PIZZA既TOPPING就有粟米等等..都幾好味😋~辣薯仔絲我本人就真係中意呢度既辣薯仔絲😍😍，本來以為會真係勁辣既，因為個牌果度有好多個辣椒既貼紙🤭，但係我同朋友食左呢個辣薯仔絲又覺得OK既，無想像中咁辣😆，都可以接受~而且辣薯仔絲口感好爽口，真係令我食到停唔到口~真係ENCORE左幾次🤣🤣🤣!菠菜忌廉湯菠菜忌廉湯覺得都幾出色!真係有好香既菠菜味😍😍😍，但係唔影響到忌廉湯既味道，之前都唔知菠菜同忌廉湯會係咁夾😎，以前都未飲過，估唔到會係係素食餐廳試😂~菠菜忌廉湯好滑口

💖平時肥膩嘢食得多，好需要食返啲健康食物，今次比我搵到間素食自助餐，素食選擇多得黎又高質好味，分三個時段價錢$68起，絕對抵食！1⃣️晚市90分鐘自助餐 $128/位💖約五十幾款食物選擇，由開胃前菜、炸物、主食、甜品都有，忍唔住每樣試啲，以下係我嘅推薦👇🏻：🔸餸菜💖素肉🥩選擇多，口感味道都好還原，推薦素口水雞、素叉燒、素鰻魚、素鴨腎等，另外必食甜辣鳳爪，口感好驚艷🤩。另外香軟滑嫩嘅南瓜布丁🎃、芝士多到拉絲嘅pizza🍕、香口嘅煎釀三寶、軟淋嘅蘿蔔燉素牛腩都值得一試！🔸主菜/湯💖除左炒麵、炒飯、粥品等，仲有台灣肉燥飯，係香口嘅豆乾製成，配上紅米飯同茶葉蛋一流🤤。湯個日係玉米🌽濃湯，香甜濃稠。🔸小食💖炸物香脆唔油膩、炸皮唔厚重調味鹹香，炸蕃薯🍠、炸雜菇🍄同煎堆都唔錯👍🏻。小食仲有涼拌木耳、青瓜🥒、沙律吧、酸辣粉等。🔸甜品、飲品💖甜品除左各種口味嘅千層糕、豆腐花、涼粉、糖水、新鮮生果🍉，仲有賣相用心嘅焗鮮果雪山🏔️，好味又零罪惡感。多款紙包、罐裝飲品自取。💖餐廳環境舒服，職員態度好👍🏻，除左長者🧓🏻有優惠外，仲會聯同善心人派發免費素食餐盒🍱，相當有心嘅社區餐廳🫶🏻。

#每月免費派發素食飯盒給有需要人士自助餐食得多，但素食自助餐都係第一次。餐廳環境用簡約木系設計，帶點文青溫馨，最令我印象深刻係每月免費派發素食飯盒給有需要人士❤️🪄涼拌前菜、沙律、炸物小食涼拌前菜方面，最驚喜係甜辣鳳爪，以素食製作，口感逼真，個人最愛辣味適中嘅薯粉，好爽韌！炸物就炸得好金黃香脆，比較特別嘅係煎堆🤣好香口唔會感到好油膩，蔬菜卷都好推薦，口感好清新！佢個三文魚都好真實，製作得超級出色，真係以為食三文魚🍣🪄熱食方面種類都好多，有大概六至八款，以蔬菜類為主，當中比較喜愛嘅係茶葉蛋，非常入味，其他炒飯炒麵有鑊氣，粉飯粒粒分明很香口，香脆素 pizza、煎堆卜卜脆，素香卷加左沙律醬似沙律海鮮卷🪄甜品方面，我試晒幾款糕品！比較鍾意嘅係南瓜布丁，好新甜好適合作為飯後甜品！仲食咗豆腐花，超級香滑！甜品焗鮮果雪山好搶鏡🪄餐廳仲有自助飲品雪櫃，有唔同款式嘅罐裝飲品可以選擇，紙包茶同汽水，另外都設有一啲自家製嘅涼茶🚩 素來素往 (大角咀)大角咀博文街28-38號地下6號舖#addifoodie #addifoodie大角咀#素食自助餐 #素來素往 #素來素往自助餐 #奧運美食 #大角咀美食 #大

呢晚到左大角咀嘅素食餐廳食自助晚餐住，每位一百頭已經可以由前菜食到甜品，仲包埋飲品，好滿足呀～已經係第二次到訪，食物質素唔錯，keep得到，而且平日人流比我地上次嚟還多呢！呢度採自助方式，食物和飲品都可以自己拎，素湯、洛神花茶和汽水等飲品任君選擇～食物選擇都幾多，前菜食左涼拌木耳、冰鎮涼瓜，十分開胃～另外，主食款式也多不勝數～ 有美味嘅茶葉蛋、香脆素pizza、素糉好應節、煎堆卜卜脆，素春卷加左沙律醬，食落有啲似沙律海鮮卷，仲有素壽司，個樣幾可亂真！賽螃蟹啲蛋白好香滑，南瓜布丁大愛，又甜又軟滑，麻婆豆腐香辣白滑～甜品焗鮮果雪山好搶鏡，桂花糕味道清怡，甜度合適，入口即溶，再試埋涼粉和豆腐花，好滿足！如果真係仲未夠飽，可以試埋佢地嘅炒麵、炒飯啊！好夠鑊氣～輕輕鬆鬆兩小時任飲任食素食buffet，時間好足夠，而且食物選擇多，食得健康又開心啊！

筆者在今年一月初的時候來過用餐，朋友頗為用餐，所以近日再來光顧。當日獲安排坐在較為近拿取食物區的桌子，不少食客在身邊走來走去。筆者當晚會星期一，不少食客也響應 “Green Monday”，過來吃晚餐。晚市自助餐入座起計90分鐘，平日每位為$128，不設加一。餐廳更有優惠，五人同行，一人免費。如果五個人來用餐，平日晚餐每人大約$100 元。。每人桌上都會有一個碟子，整頓晚餐主要用該碟子拿取食物，然後再享用。吃過一輪後，筆者喜愛用紙巾抹去碟上的醬汁，才去拿新一輪的食物。近日天氣又濕又熱，餐廳推出了不少時令菜式，例如夏枯草、西洋菜湯、綠豆沙等，清熱又消暑。夏枯草為熱飲，剛入座時可以先盛載一杯，待飲品慢慢變涼。另外，享用自助晚餐的食客，也可以享用罐裝汽水和盒裝茶飲。餐廳的招牌菜式為口水雞，造型維妙維肖。口水雞的質感和真雞肉頗為近似，更有素雞腳在旁邊。這款菜式味道刺激，辣度約有十小辣。另外，也會有其他冷盤和沙律，如冰鎮苦瓜、涼拌木耳。炎炎夏日，吃一口涼菜，頗為消暑。炸物會不定時出爐，是日炸物為素雞鎚和素鰻魚。新鮮熱辣的炸物又香又脆，而且素鰻魚更會有少許魚味，頗為有趣。順便一提，有不少素食菜式都

是關我地屋企逢初一十五都興食素今次就特登搵間食素既自助餐比母親大人試下！老人家仲有九折優惠首先環境都非常舒服乾淨～兩邊既座位圍住個中島拎野食野食方面都多選擇有冷盤沙律 唔同既前菜選擇令我最深刻係個口水雞少少辣得黎 佢做出黎既口感好似真係雞一樣可以食多幾舊又唔怕肥主菜方面最好味既係皮蛋瘦肉粥皮蛋非常入味！粥又綿滑仲有好少見到齋舖會有煎釀三寶！通常食齋都好怕好肥好油但今次所有炸野都唔會好油食完都唔覺好膩所以可以encore多幾round甜品亦都好多選擇特別推薦食焗鮮果雪山酸酸甜甜配海綿蛋糕並唔係一般係市面上食到既海綿蛋糕味道另外仲可以DIY豆腐花涼粉做結尾母親大人都好滿意呢間餐廳！！推薦大家去！

適逢媽媽想食素，朋友就推薦一間位於大角咀嘅素食自助餐😋！喺門口望到餐廳，感覺好清新！餐廳環境望落好舒適，有吧枱位置，可以感受陽光嘅溫暖透射👍🏻另外仲有卡位！餐廳以自助形式為主，每人張枱都有一隻碟，可以拎隻碟出去自己選擇自己想食嘅食物！😋自助餐出邊有涼拌前菜、沙律、炸物小食、熟食、湯、甜品👍🏻款式都好豐富！涼拌前菜方面，最驚喜係甜辣鳳爪，以素食製作，口感逼真，而且味道好好食！仲有口水雞，辣味適中，好滋味！薯粉都好爽韌！炸物就炸得好金黃香脆，比較特別嘅係炸香蕉，食落好開胃，唔會感到好油膩，忍唔住食咗好幾舊！蔬菜卷都好推薦大家試吓，口感好清新！重點一提，一定要試吓佢嘅燒鰻魚，製作得超級出色，唔講嘅話，真係以為食緊鰻魚🥹無論味道及口感都同鰻魚差唔多！熱食方面種類都好多，有大概六至八款，以蔬菜類為主，當中比較喜愛嘅係麻婆豆腐，麻辣度適中，撈埋白飯一齊食，超級惹味！另外仲有一道金針菇扒菜螃蟹，整得好好食，口感食落真係好似食緊蟹肉，好滑！甜品方面，我試晒四款糕品！食落好軟腍，比較鍾意嘅係斑蘭糕，好新甜，好適合作為飯後甜品！仲食咗豆腐花，超級香滑！餐廳仲有自助飲品雪櫃，有唔同款式嘅罐裝飲品可以選擇，另

由1人美孤對窗位、到排排坐嘅12人卡座，無論I人定係E人，總會揾到你專屬位置。氣氛裝修有feel到你唔覺得喺一間齋舖～1）瑤柱炒脆米飯飯焦至愛朋友看過來！冇燶底，起飯焦再炒碎，酥而不「𤓓」，啖啖鬆脆，炒飯唔靠材料靠本事，幾有新鮮感！2）瑤柱海鮮琵琶豆腐甜酸豆腐球，外皮輕輕炸過，豆腐味濃郁，外形好似蟹球咁吸睛。3）焗鮮果雪山賣相高仿雲朵嘅蛋白霜，裏面一塊塊迷你海棉蛋糕，口感軟彈棉花糖，對可以接受無糖嘅我嚟講，甜度啱啱好～4）南瓜布丁味道神似雞蛋布甸，面頭仲燒到焦焦哋👍🏼幾乎試唔出南瓜味，挺身香滑。其餘好味嘅滷肉飯、豆腐皮蛋、黑醋蔬菜卷、pizza…仲有不可錯過打卡嘅仿鰻魚卷、魚生壽司、鳳爪，任君選擇！

琴日去咗大角咀下午茶，素食放題，可2點半至5點，任飲任食任坐＆任傾。唔好諗住食珍饈百味，但好多飽肚粉麵飯，食物正常味道，唔會太差，勝在價錢平，$68一位，冇加一。（餐廳冇任何宗教佈置， 平日下午茶冇乜人，地方夠靜，而且開住輕音樂，燈光柔和， 感覺好似去咗西式cafe咁，其實食半個鐘已好飽，但可繼續坐，坐吓又食吓，適合與肢體傾計聚舊。）