紫蝶花 (已結業)

將軍澳中心新開張，週日晚上家家餐廳爆滿，幾家店相連，於是就每家都取了籌，因各店都無高牆，所以都能一眼看到食客的枱面。這家的食物看上去最吸引，我們最終放棄其他的，等了半小時。座位非常寬敞，店員殷勤，落單後五分鐘已開始上菜，幾乎十分鐘內就上來全部七道菜，最最重要的，全部都是熱的！賣相棒棒，口味亦佳。點了四人餐$568(另加一)，有餐飲，小食四樣各4件，粉麵類和肉類各四選二，湯和青菜各二選一。海鮮飯和金邊粉我們吃到刮精光碗底，豬蹄也夠腍入味，芥蘭中的蝦醬香氣四溢，這四道菜強烈推薦。而肉骨茶的賣相麻麻，黃芪太多過甜，沒蒜味。海南鷄一般般，沒甚味道。坐得舒服，吃得自在，值得再試。

將軍澳📍#將軍澳中心 新開嘅一間泰式餐廳🍽~*~*~*~*~*~*~*~*~*~*~*🌟小食拼盤💥入面有魚餅、蝦餅、雞翼、春卷！分量足夠四人，炸得好香口，唔會有浸油味。不錯喔🉐~*~*~*~*~*~*~*~*~*~*~*🌟星洲炒蘿蔔糕🉐同平時酒樓叫開嘅點心味道不一樣，但係同樣都好有鑊氣。配合埋蛋絲一齊炒🥚~*~*~*~*~*~*~*~*~*~*~*🌟油酥手抓薄餅🤚🏻味道有點兒一般，口感似薄餅多個手抓餅，但係配合埋碟咖喱一齊食好完美🙃~*~*~*~*~*~*~*~*~*~*~*🌟馬來咖喱軟殼蟹🦀個人認為係必點！ 唔辣但好香口嘅咖喱，軟殼蟹浸左入啲架呢度都唔會變到好林，食落口仲係膽口嘅感覺，食咗一啖就好想再食第二啖，建議咖喱汁配合手抓餅或者🍚停唔到口💯~*~*~*~*~*~*~*~*~*~*~*🌟泰式炒金邊粉🥢賣相非常不錯，金邊粉唔會炒到粘埋一舊👍🏻~*~*~*~*~*~*~*~*~*~*~*🌟蒜蓉炒翡翠苗🥬當然仲要叫個蔬菜平衡一下❗️~*~*~*~*~*~*~*~*~*~*~*🌟overall scores: 7.5/10~*~*~*~*~*~*~*~*~*~*~*💰四個人埋單平均$200

這天朋友相約一同於將軍澳吃飯，這次朋友決定挑戰一點伏的東西，他安排了食負評較多的食店， 餐廳為與商場之內，冷氣充足加上燈火通明，環境上還算不錯。星洲炒蘿蔔糕， 看似中式的美食，但卻以星加坡手法烹調，味道與中式的大不同，但吃起來，蘿蔔糕外皮點點香脆，配搭輕量辣味更為開胃。新加坡肉骨茶， 藥材味甚濃，證明真材實料，內裏我最喜愛的就是豆腐卜，全因為吸收了肉骨茶的精華，令味道更佳。下午茶時段過來，絕對是精明之選，價錢不貴，份量也不錯，但最重要的是吃到星加坡美食，經已值回票價。

平日到這商場，九成是去車厘子咖啡店，今天新的突破！見這裡等位的人不多，星期五晚上繁忙時間，我們也只是等了5分鐘，算是不用等位之選。愛人點了香芋海鮮焗飯，所謂的海鮮也是急凍小蝦丶蟹柳平價海鮮，但卻要$88，幸好白汁椰香味不錯，但真的是性價成反比由於我太肚餓，見隔離枱的人點了這個炒金邊粉，味道不過不失，材料主要只有蛋及幾條肉絲。另外點了手抓餅，味道沒有特別。整體而言，味道屬於中規中矩，不過不失，但材料少得可憐，應該沒有下次了。

前晚到pop corn買野，逛逛下去到將軍澳中心，見1樓有舗頭好似系賣行李箱，就上去睇睇，越行越入，原來裡面都好大，有幾間食店新開，見有間butterfly pea 居然有肉骨茶，睇黎系主攻星馬菜，費事再捻就入去坐底抖抖。兩人叫幾樣唔系甘飽肚的就算。出乎意料，每樣野都好大碟，足夠3-4人份量，如下：千層糕：很香椰汁味，入口煙煙韌韌，有80年代傳統椰汁糕舖頭水準；肉骨茶：藥材味不重，肉腩很新鮮，唔會膻味，湯清甜；牛油果蝦沙律：新鮮大蝦鋪在沙律菜上配上牛油果芒果汁好夾，開胃，真推介；酥炸軟売蟹：南洋風味，軟売蟹炸得酥脆，咬落唔會整囗油，保留白蟹肉鮮嫰。魚餅，食落比較乾身，味覺比較一般，略咸，幸好足夠檸檬草配搭。店環境：風格是簡約，整潔，座位唔算多，分卡位，餐檯位，座位寬鬆，坐得幾舒服唔逼，家庭和朋友都適合，最緊要份量夠，唔需要就著食。服務：服務人員人手充足，細心，服務態度不錯。埋單二人約$420，CP值不錯。PS: 睇黎將軍澳中心要做多D宣傳，樓上1樓尾原來別有洞天，唔使下下中庭就返轉頭。

今日路經將軍澳港鐵站，和朋友想找些興成，到了將軍澳中心2樓盡頭，找到了這間專吃東南亞星馬泰美食的餐廳。下午時段這間餐廳人流不算多，整體環境幽靜，空間感十足，座位也舒適。這裏的食物選擇非常多，最後我朋友分別選擇了下午茶餐和數款小食。點了一客馬來西亞炒蘿蔔糕，吵得非常香脆，夠鑊氣，味道也10分好味。另外點了牛油果漢堡包，這是一款全素食物，美味得來又健康。另外點了巴東牛肉，牛肉是牛展，巴東醬汁做得很出色，味道10分濃郁。最後點了杯子碟花特飲，顏色賣相10分養眼。

將中大翻身之後真係開咗好多餐廳，身為街坊不停試新餐廳，真係幾開心，唔使食到咁悶，今次又來試第二間，睇中佢都係因為佢價錢合理，二人套餐都係二百零蚊有好多嘢食，所以同老公一於試吓。叫套餐最好嘅地方就係唔使諗，同埋上菜好快，我哋薄單大概5分鐘就已經食得，不過唔係上菜快就代表啲嘢食凍喎。首先講下呢碟煎蘿蔔糕，切成一粒粒一啖一口夠晒方便，蘿蔔糕煎到外面脆脆地，入面食到有蘿蔔絲配埋炒蛋一齊食，辣辣地真係好食，如果呢碟蘿蔔糕凍咗應該會冇咁美味，所以上菜快，估唔到一樣可以保持新鮮餸菜熱呼呼上枱。炒菜好大碟，馬拉盞通菜最鍾意係食到微辣，啲菜好新鮮呀，夠爽，最鍾意食菜嘅老公都話呢碟菜炒得非常之好海南雞雖然係凍食，但係雞肉非常嫩滑，唔係講笑真係好滑，而且有雞味，配埋三款醬汁加埋油飯一齊食，出面食一碟海南雞飯都百幾蚊啦，呢度成個場都係二百幾，所以真係抵食喎。我原本都差不多飽，但老公聞到隔離枱食緊黑胡椒炒蟹，不過我哋兩個人食唔到一隻蟹，但係想試吓個味，所以我哋就叫咗黑胡椒炒蝦，食落都幾難辣，不過我不嬲唔食得辣但係都接受到，好香黑胡椒味，啲蝦雖然唔係非常大隻，但係正常中蝦size，食落口都好彈牙，最緊要醬汁非常惹

和朋友來一個快樂的晚上，吃一個飽肚而又好吃之晚餐。炒青菜苖基本上是充滿味道的，清一清肠胃的清炒方式，把小豆苗香氣完美呈現出來，美味又健康。之前認為小豆苗，在生菜沙拉裡才會出現，今天才知道豆苗用炒亦是很好吃！星洲炒米星洲炒米一定是港式炒粉麵的代表之一，無論在茶餐廳、大牌檔或酒樓都會吃得到。這店少油多料，炒一炒便成，符合快、靚、正的宗旨，更吃到有爽口彈身的米粉和豐富的材料，蝦仁也很爽口的，而且叉燒絲的口感也棒，不錯喔～烤餅一份有４件，好吃又有印度烤餅之口感，用心做的出來暖暖又好吃。明爐蒸鱸魚香港人吃明爐魚多是烏頭，原來泰國人不太吃烏頭，當地很多食店也沒有，鱸魚才是泰國正宗，今天在這店吃泰國料理中常見鱸魚，沾上甜酸或酸辣汁，味道更棒，流口水～～～此菜以火鍋式食法吃用，風味中具有特色，加強了魚鮮食味。再加上魚於慢慢加熱過程中，除了能散發魚香，還把魚湯味道濃縮，是一道美味之菜，這店魚兒亦很新鮮，有口感而且肉質亦嫩喔，到的時侯可以再來一試呢～總的來說，這店的食物上菜快，而且亦不會太油油喔～

最近將軍澳中心終於裝修完，所以都會有新餐廳進駐，其中今次係食呢間紫蝶花。去泰國餐廳叫椰青係default飲品。柚子檸檬梳打，唔太甜，飲慣青檸梳打既朋友可以一試海南雞飯就係泰國餐廳一定要叫既，除左隻雞要夠滑之外，油飯都要有雞味先可以稱得上合格。而紫蝶花以上都做到哂，大家一定要試下啦翡翠苗都係一個小清新既菜式，炒得唔油膩又唔咸。馬來咖哩軟殼蟹，隻蟹都幾大份，4個人食就岩岩好，個咖哩都好香濃。呢個炒金邊粉既濕度岩岩好，麵既軟硬度都適中。冬陰公湯唔算太辣，反而蕃茄味最突出，份量4個人都岩岩好。牛油雞冀炸得唔油膩，牛油又唔太重味，不過就好有蒜頭味。叫左青檸焗爐魚，因為要即焗既關系要等15分鐘以上，好在都冇令人失敗，爐魚唔會焗到乾身，反而好多汁，魚肉要連皮食就最好啦，因為調味料都係哂上面。

見到新開就試吓啦，點知勁失望！一坐低叫完餸，3分鐘就到，仲讚佢動作快，原來係一早煮好晒，都唔緊要，但冇用心去做！咖喱軟殼蟹::我冇食過咁難食嘅咖喱，啲軟殼蟹仲要勁多粉，我諗有一半係粉一半係蟹，仲要林，都唔知炸左有幾耐。海南雞飯餐::味精湯超級鹹。早知叫白飯，個油飯都唔知係咩嚟，又咸又油，重點超級油。啲雞鞋嘅，睇個樣都知道唔好食！蒜蓉雞翼::呢個簡直同食鹽冇分別，雞翼都可以整到咁n鹹，食一隻要飲兩杯水，最後係咬開晒啲皮先食入面先食到。手抓餅::我心目中嘅手抓餅唔係咁樣，呢塊野都唔知係咩，硬骨骨，又冇味！最正常係呢杯野飲！‼️‼️‼️早知係屋企煮麵食算，400蚊我去m記叫晒雞翼食仲好‼️‼️‼️我哋未食完佢就已經準備想收野，我明白出面有好多人等緊，但都可以等多陣先收，我落單到離開間餐廳用咗半個鐘，即係我食嘢嘅時間只有20分鐘左右，甘都要吹我走💢💢

食完先上黎睇到呢間餐廳嘅食評，好彩我係食完先睇，因為睇左食評我好可能未必試到呢間餐廳。我一點都唔覺得佢差，仲坐得幾舒服，waiter態度亦好好上菜都好快tim~裝潢有別一般星馬泰菜，走西式同高雅風格，至少令人坐得好舒服，同埋安排左我地坐卡位，加分食泰菜當然要飲椰青，大大個好多椰青水，好清甜，仲好多肉可以慢慢食蒜蓉炒翡翠苗$65好好食，唔會過老過咸，入口仲好爽脆又有蒜香蒜蓉牛油雞翼6件$60冇炸粉喺面完全唔油膩，反而好香口同幾重牛油香同蒜香，好味海南雞飯（要脾+$8）$86雞好滑，油飯帶淡淡香味，湯頭好清新好夾食呢個飯冬蔭公$88好大碗，4人分都分到6-8碗，入面有幾隻大蝦同菇。冇出面咁酸，帶重重香茅香氣，我覺得適合我口味，飲晒黑糊椒香茅焗鱸魚$168呢個即叫即焗，等左約15分鐘，上台熱辣辣。而且waiter講魚及海鮮係日日新鮮落街市買，果然一食便知真係好鮮味，加上香茅香味同埋魚肉好滑不過連皮食就有點咸，因為師傅灑了鹽在皮上焗，最好就食肉就剛好了！

一想打食評就見到咁多喊喊我本來係想上黎讚讚佢個椰青好好飲，所以我只可以講句我係好彩嘅一群，我都係新開張無耐去食，坐低叫左個豬扒烏冬，炒翡翠苗，兩樣都有少少偏咸，但尚可，跟住叫左個牛油果海鮮炒飯，我覺得算係唔錯喎～雖然料唔多，但個炒飯底爽身唔立～因為偏咸，我真係有啲渴睇黎佢策略成功左，我叫多左個椰青～但好有驚喜！好好味喎清甜得黎好重椰青味～好解渴不過我見到隔離枱個海南雞飯係好dry不過感覺上有少少混亂，但態度都幾好，都盡量為我地安排～侍應好明顯有啲係新手，冷氣比較弱～

諗住試下新開張嘅東南亞嘢食，點知.......中伏！1.服務員態度差，問極都話等等等，放底食物就走。2.店舖入單系統差，問咩都話無，又話系統入唔到單，人手入又入錯。3.食物質素差，分量少，又唔好味，相同真實嘅食物都有一段距離。原本一家人諗住開開心心食餐飯，點知又係追追追嘢食為主。簡單一句—————「就係唔會再去。」*睇下碟$68嘅蔗蝦，過哂氣，又細條，肉都唔係痴住蔗蝦，真係仲差過街邊小食店，點攪呀！

叫外賣叫咗兩個餐兩個都貨不對辦之餘仲要勁難食，唔會有下次，真心食到好嬲有咩可能泰國野可以咁難食質素非常差，唔會再俾機會呢一間食肆員工態度OK，環境都唔錯、但真係好難食首先我去點餐嘅時候，我係點左炒貴叼同埋泰式豬肉炒飯，但出咗嚟係楊州炒飯再加一個滷水豬肉飯,送錯餐都唔緊環、但點可以咁難食、浪費左個舖位,根本就唔係一間泰國野、佢根本係一間扮泰國菜既中餐、我真係忍唔住比一個劣評、從來都未試過，要打200個字比一間餐廳

見到新餐廳諗住試新野點知中晒伏仲要一肚氣叫左3個餐等半個鐘都仲未黎齊催左1次侍應竟然話頭先部機冇紙print單（但隔離枱果d都有出菜咁嘅大話都講得出）之後再等左陣終於黎晒野食但仍然係一杯野飲都未有全間餐廳有4-5枱客都催緊野飲講下野食1. 冬陰功湯粉 - 完全冇冬陰功味，似落左辣椒油咁2. 海南雞飯 - 雞不過不失，但油飯極油，唔香3. 上湯檬粉 - 似滾水煮，完全冇味總結：等得耐野難食侍應態度惡劣免費都唔會再黎食