紫蝶花 (已結業)

未食過咁難食既新馬菜，價位高，低過茶餐廳的水準。當日行過該餐廳的被餐牌的菜色吸引，當時覺得門面乾淨，而且多食客，有所期待地入座。入座的時候侍應刻意編排二人搭檯座比我們。坐得非常近其他人座位，2張枱之間大約只有8cm的距離，感覺似搭檯。但後面閒置的4人的卡座就留給4人，畢竟出面沒有其他客人等待。入座很久沒有送上水或茶。點了3道菜：炒貴叼、青咖喱雞、烤餅。先講菜式賣相遠跟餐牌圖片完全不一樣。真正賣相就像茶餐廳一樣，先來碟青咖喱，雞大大件夾「鞋」口，咖喱汁沒有咖喱味只有辣汁，味道奇怪，又沒有泰式的香葉及椰汁味，難以形容是什麼，咖哩裹面只有綠色青椒絲同洋葱， 一點都不正宗，非常難食。炒貴叼味道很淡，配菜竟然是火腿及豬肉絲同白色未熟透的蝦，食唔出有辣味只有點甜味。跟茶餐廳的水準無異或比下去。烤餅算是最正常，但是跟餐牌上的圖片完全不一樣， $38只得一塊圓形烤餅仲要切開四件上。侍應唔加水算，態度還可以。埋單要200蚊，食完覺得被呃錢感覺碟野唔值咁貴。食物水準有待改進。

一睇就知有問題 食一條落口又有怪味 本身諗住吾食擺係度 同事幫我投訴 D樓面拎入去 再拎反出黎話係泰式辣椒 🙄 之後2分鐘反黎又話桂林辣椒酱 但一睇就知係鑊垢 飲品又淡 食物差 不合理

將軍澳中心經過兩年大翻新後，新的食肆陸續登場，今午來到其中一間剛開張的泰國餐廳‘Butterfly Pea’。此店的環境尚算不錯，價錢走大衆化路線，更推出亷價午市套餐。我們㨂了兩款午市套餐，包括泰式豬頸肉撈檬和泰式干炒牛河。豬頸肉撈檬都算不錯的選擇，肉質嫩滑不黏牙，加上酸甜汁，味道還算可以。至於干炒牛河，本來賣相不錯，但師傅似乎手重，落了太多鼓油，鹹味太重，破壞了整碟干炒牛河的味道，希望日後有所改善。

未攞飛嘅真係唔需要排隊 可以食其他話說見依間新開張 見價錢又唔太貴就諗住試試佢嗌左個炒金邊粉同喇沙米線 明明依兩樣已經係最簡單既菜式但竟然可以都錯到一個點泰式炒金邊粉分量算大碟 但重點係世界級難食 得個酸字！酸到好似食緊橙咁💀橙都分分鐘有甜味！自己睇recipe炒都好食過依碟野連我男友平時對粉面冇咩要求都叫我停！唔好再食！喇沙米線原先menu係海鮮料 點知賣晒就轉左春卷春卷味道ok 但個主角喇沙味道淡 米線又未熟透！fail!好彩我地只係叫咗兩個菜隔離枱叫咗冬蔭功雞煲 上菜已經聽到佢地話個煲呢？ 係冇煲架 用碟上💁🏻‍♀️ 啲雞冇肉既？又話冬蔭功，咸既？成件事錯曬錯到唔想大家中伏 寫下第一次食評。

最近將軍澳中心終於開番啲餐廳，急不及待去試食，叫左個咖哩焗雞扒，雞扒都幾多，都幾好味，啲飯係炒底，粒粒分明食完勁飽而朋友就叫左個咖哩牛腩飯，啲餸就少啲，得三舊牛腩，食落好普通，但最大問題係佢個飯唔熱，應一早擺左係度另外一個問題係餐廳侍應好生手，落單都落好耐，落完走左又番轉頭黎問兩次，希望遲啲會好啲啦，唔係第時多人都唔知佢點應付

今日晚飯揀咗嚟將軍澳中心，呢度新開左好多餐廳，見到呢間泰式餐廳新開張，睇餐牌好多選擇，又多人等位，諗住會有驚喜，心諗冇理由會趕客。等左15分鐘先有位，入到去叫咗肉骨茶,  青咖喱雞，油飯。首先落單嗰個人已經冇乜禮貌，啲嘢食嚟到嘅時候，極度趕客，感覺好山寨。肉骨茶，啲肉好少，其他材料得幾舊豆腐撲，啲湯好淡，好似溝左水咁，完全冇味。最離譜係個咖喱雞，啲雞係用滾水烚熟，然後再加啲咖喱汁，完全冇味。啲雞勁多碎骨，差啲食到咬崩牙，超失望😞

New restaurant, so we walk in and try...those waiters seems like dreaming.....order 3 timed to get two bowls of rice....And we ordered 肉骨荼 and Tom yam noodles....both of them are the worst South East Asia food we ever have.When I was paying at their cashier, that "fat boy" waiter is really having a bad attitude and impolite.After all, the price is not worth for such service and food.Try it if you have doubts.