綠茶餐廳 (圍方)

營業中

休息中

好多內地嘅過江龍餐廳都選擇係香港插旗，今次介紹嘅綠茶餐廳就已經開咗好多分店，而其中一間就係位於圍方。餐廳裝潢典雅，又古色古香嘅味道。蔥香脆皮烤鴨 $128 烤到香脆嘅鴨肉，伴隨着大量香蔥。鴨肉皮脆肉嫩，每一啖都勁多汁。老紹興蔥油腰花 $128遠遠地已經聞到紹興酒嘅味道，腰花口感爽脆又有香蔥嘅味道。江南茄子煲 $78茄子有光澤，口感夠軟身又入味。狀元芋頭煲 $88芋頭口感夠綿密，用嚟餸飯就一流。砂鍋西施豆腐 $88豆腐保持到小粒嘅形狀，完全唔會鬆散，配搭香濃嘅肉汁都好惹味。綠茶餐廳 (圍方) (大圍)大圍車公廟路18號圍方3樓321A號舖

🔶🔷🔶綠茶魅力沒法擋 分店越開越多🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力喔。綠茶餐廳開分店嘅速度真係好快，全部都開係商場入面，今次呢間就開左係圍方。門口有曬竹子流水，入到去裝修同樣古式古香，屬中高餐廳格調，但食物價錢就比較相宜，所以性價比好高。南乳醉鮑魚（$98）先食個冷盤，鮑魚切薄片，個南乳汁唔會太鹹。蘿蔔燉牛筋腩（$138）冬天食蘿蔔燉牛腩就特別正，襯白飯食無得輸。蔥香脆皮烤鴨（$128）呢款菜係香港限定菜色，蔥怪必叫！大量蔥花圍住隻鴨，烤鴨唔乾，加埋用滾油贊過嘅蔥花，又係送到好多飯食。📍綠茶餐廳 (圍方) (大圍)大圍車公廟路18號圍方3樓321A號舖。@greentea_officialhk

最近中午行大圍圍方突然聽到有人彈古箏🎶原來係人氣爆燈、主打新派浙菜嘅 #綠茶餐廳 表演表演者、店員眾人都著上唐裝衫餐廳佈局以 #西湖盛宴 為主題將西湖山水以水墨畫呈現結合餐廳轉角嘅翠竹、假山石等擺設甚具古色古香風味😍令人置身於江南餐廳邀請來自杭州米芝蓮黑珍珠大廚俞斌監督菜式品質相當不錯👍🏻今次我哋order咗🍽️蔥香脆皮烤鴨必點! 烤鴨皮烤得好香脆 肉質鮮嫩配以特製醬汁和蒽花味道十分豐富🍽️五花肉炒鹿茸菌鹿茸菌鮮甜無比 五花腩肥瘦相宜 咸香醬汁好惹味 這個配搭很不錯喲～🍽️南乳醉鮑魚圍方店限定! 鮑魚片薄切 鮮嫩無比 帶點酒香味再沾些南乳醬汁很滋味🍽️黑松露牛肉炒飯炒飯粒粒分明 牛肉粒不會炒到太乾身 每啖飯都充滿黑松露味🍽️熗伴冰草冰凍嘅冰草勁爽脆又清甜綠茶餐廳 ( #大圍 )📍大圍車公廟路18號圍方3樓321A號舖#圍方 #綠茶餐廳 #淅江菜 #沙田美食 #沙田 #香港必食 #香港美食 #香港好去處 #探店 #香港探店 #圍方 #大圍美食 #大圍

之前睇過D評論，好多人寫咗好多劣評，唔信邪，所以去試一試，真係全部講中晒。某些服務員態度極差(唔知，仲以為客人係佢哋仇人)，服務又唔專業，食物又偏鹹(叫咗十多個餸/麵/飯，最好味係個白飯)，款式種類極少，份量又細(一行8人，每人只可分到少少，食咗好似無食)，諗住想試埋甜品，最後都係無試，免得再次中伏，真係無下次。如可以選擇，只得1分(環境)，最貼切。建議大家，想試就要快D去試，否則好快摺埋，到時想試都試唔到。

一家12人去食飯，預早訂了枱，點知張枱細到離譜。好彩有4位小朋友，再換兩張圓凳，才可以所有人安座。食物有味，但你唔會叫好食，例如有d辣過頭，或者過鹹，份量細得可憐，例如，點條黃花魚，細過你去惠康買冰鮮黃花魚。最多每碟菜都唔算叫超貴。招呼差，點叫都無人加水，無人收碟。食到最後，係最嬲。佢本身講明，得90分鐘用餐，去到最後10分鐘，想叫甜品，佢話截咗單，唔比我叫。好嘢，有生意唔做之餘，仲直接趕客。若果想去感受吓，佢地九流服務，不妨一試。

從來未試過未食完餐飯就喺度寫差評90分鐘限時 Full house 忙 我明你忙 上菜粗粗魯魯 fine 　你收左收右 係咁騷擾我哋 fine 你剩返半個鐘頭 就算出邊冇人等 你嚟問我哋last order 冇問題我哋怕咗你叫你收晒啲嘢，然後上我哋比額外$50自帶嘅蛋糕 你突然又咩都唔收就去拎過蛋糕嚟成枱都係嘢 喺嗰邊邊一放低個蛋糕，插完蠟燭就點火 一句嘢都冇問到底你個蛋糕係點嚟係比邊個吹俾邊個食？我都已經唔想話你個蛋糕連雪入雪櫃都唔雪 嚟到都溶溶哋人哋生日慶生飯，你咁樣掃晒興 我哋已經唔係想要你嘅對唔住。仲要係態度極差嗰隻。我哋只係想投訴咁樣嘅服務質素大姐你仲要繼續喺度執嘢，仲要問我哋同我哋點火切蛋糕先至叫經理嚟其實如果你覺得我哋嚟食嘢，你唔一定要比好嘅服務我哋同等道理我哋忍你成個鐘你講對唔住唔代表我哋要接受最有趣係個主管嚟第一下個表情好明顯都係覺得我哋無理取鬧 我唔知唔知最後我哋解釋完件事，佢係覺得佢哋有錯定冇錯請我哋食個綠茶餅我哋掂都冇掂 咁嘅餐廳我哋唔會再嚟。平時其他餐廳水準冇咁好，我都唔會比差評始終生意難做 但係而家經濟唔好大家嘅錢賺唔易大把選擇我都係想提醒大家真係唔好貼錢

見大圍開咗間綠茶，上網search 話係內地人均消費約$50，但今餐兩人食咗$450。叫咗龍井烤雞，五花肉炒鹿茸菌，蝦湯泡飯。烤雞尺寸係春雞，冇雞味，冇茶味，飯腳話稻香壹蚊雞仲好食過佢。會先擺底俾你影相再拎走剪開。 隻雞剪到乳鴿咁，一開四，不方便食用。 五花肉炒鹿茸菌，油比較多，但都惹味。 蝦湯泡飯就咁湯飯，似罐頭龍蝦湯撈飯。之後講服務，未食過大陸個間唔知服務有幾好，但香港真係真係麻麻，6:30入座，入座時提及1小時30分鐘用膳時間，等菜用咗10分鐘，食咗15分鐘侍應已過嚟收嘢，因為隻雞已經食完，所以我都冇反對收碟，但冇諗過，碟五花肉炒鹿茸菌只係食咗1/3佢都收埋我，因為佢好快咁拎起碟雞就放落碟五花肉度，收走，因為太突如其來，同埋碟五花肉都俾佢污染咗，拎返都食唔到。 收完碟轉頭已經又走過嚟收埋個湯飯同我哋啲碗同筷子，好彩我已經𢳂起咗啲湯飯，由到菜到被人收餐具只係20分鐘左右，唔係話用餐時間個半鐘咩？ 你咁趕我走，好我走，侍應見我準備走，即刻企係隔離等執枱。但可以俾小小時間我着埋件外套同揹返個袋先嗎？ 見佢哋咁趕人走，以為好多人排緊，點知出邊跟本冇人等緊，體驗非常差，價錢偏貴，冇下次。

茶錢 $12/位難飲過酒樓啲茶蕭山蘿蔔乾炒飯 $58 啲飯炒唔開，好油，極少量蘿蔔乾，仲有最難食嘅三色豆。份量同價錢成正比，細細份。高湯蝦乾小青菜 $58普通青菜一碟，都係細細，都合理嘅$58。面餅醬香五花肉 （6件） $108舊五花肉硬過鬼條命，咬完都牙骹軟。五花肉成舊油炸，仲要大半舊都係肥膏，所以一食落去就咇油。龍井烤雞 $138味道算係比較正常，但唔明同龍井有咩關係，普通煙燻雞咁嘅味。size就春雞咁大。新裝修環境企理，但張枱坐得唔舒服，枱腳構造奇怪，會頂腳。總結而言，真係好難食，唔會食第二次。

知道圍方開左綠茶餐廳，環境唔錯，侍應仲著住華服，約朋友食個午飯先～蔥香脆皮烤鴨 $128烤鴨外皮酥脆，瘦得黎肉質細嫩多汁，蔥粒嘅蔥油好香黎撈飯一流😍西湖藕韻 $58蓮藕片同脆片相隔，蓮藕粉嫩令口感層次豐富，配上桂花蜜糖汁令蓮藕添上花香味。檸檬山藥 $58外形好可愛，山藥泥厚實粉糯，而且山藥味不會好重，反而有奶香味金沙雞翼 $68雞翼比鹹蛋黃包圍，仲炸得香脆，味道香濃，內裏juicy ，又好邪惡。芝麻包 $28芝麻細細個幾的骰，芝麻香濃。另外，每位茶價：$12

喺內地擁有多間分店嘅浙江菜餐廳綠茶開咗嚟香港餐廳由米芝蓮名廚俞斌主理今日難得黎到圍方就黎試下餐廳裝修超有特色一店一景圍方店就用西湖盛宴作主題可以坐喺船上用餐別有風味而且逢星期五六日仲有特備節目古箏娛賓好有特色！食物除左保有原餐牌外仲有唔少係香港店限定但即使挾住米芝蓮主廚主理嘅噱頭綠茶嘅價格都相當優惠👍黑醋脆皮牛腩（香港限定🇭🇰）一上枱已經聞到香噴噴皮脆得嚟完全唔刮口肥瘦分布啱啱好肉質超嫩仲襯咗一層脆米口感一流！江南茄子煲熱辣辣一上枱已經聞到濃郁醬香茄子煮到淋身又唔會太油入晒味！加埋啖啖肉碎撈飯一流完全停唔到口🤤粉絲裹蝦呢個一上枱已經好吸引蓋住個蓋嗰陣蒜香勁出打開之後更加香到不得了！粉絲索晒啲醬汁口感滑溜入味蝦又夠大隻爽口彈牙好有鑊氣！燴伴冰草食咗咁多重口味菜式梗係要一碟清新少少嘅嚟平衡下啦！呢碟冰菜清爽解膩口感爽脆帶少少冰涼感簡單加少少蒜蓉同醬汁已經好好食超fresh！西湖雷峰塔（香港限定🇭🇰）呢個奶凍勁IGable做成雷峰塔嘅形狀夠哂精緻配埋翠綠醬汁視覺效果一流味道仲帶少少清香口感滑溜完美收尾整體環境都好chill價錢合理中菜小炒適合多人聚餐下次一定要試埋其他菜式！

我哋一行六人，叫左新春歡天喜地六人套餐$1688，加多$100由龍井烤雞升級風生水起，估不到第一道上枱餸菜是麵包誘惑（雪糕麵包），第二上枱是綠茶餅，第三是鹹到苦的老鵝湯，未試過一嚟就是食甜品，之後就不得了，好似趕收工咁，一連串所有餸菜一齊嚟，當然就是不夠位放啦！傳菜員放半碟在枱邊就走，一係放在客人手上即走，要客人自己諗辦法兩碟放埋一齊，這樣出餸菜亂七八糟，還有原本龍井烤雞現只得幾塊大雞皮蓋住幾舊手撕雞，加芫荽洋蔥花生，還要加$100，簡直搵笨，所有食物偏鹹，唔會再嚟食嘢😡😡😡

【大圍•綠茶餐廳】@ππππππππππππππππππππππππππππππ龍井烤雞烤雞表皮金黃酥脆，肉質鮮嫩多汁。選用的龍井茶葉增添了獨特的香氣，讓人一口接一口，回味無窮。砂鍋西施豆腐砂鍋菜品的湯汁濃郁，豆腐滑嫩，與各種配料相得益彰。吃上一口，仿佛感受到西施的柔情，令人陶醉。粉絲裹蝦粉絲的Q彈與蝦的鮮美完美結合，外層酥脆，內裡鮮嫩。這道菜口感層次豐富，讓人忍不住想再來一份。熗伴冰草冰草的清爽搭配熗炒的風味，讓這道菜既有口感又有清新感。作為開胃菜，十分合適。蕭山蘿蔔乾炒飯炒飯粒粒分明，蘿蔔乾的鹹香為整道菜增添了風味。這道家常菜讓人感受到濃濃的鄉土氣息餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 510✨✨✨✨✨✨✨✨✨✨✨✨✨#大圍美食 #綠茶餐廳 #web3大圍綠茶餐廳 (圍方)車公廟路18號圍方3樓321A號舖

📍#綠茶餐廳 (圍方) (大圍)大圍車公廟路18號圍方3樓321A號舖▪️▪️▪️▪️▪️▪️▪️▪️▪️▪️▪️▪️▪️▪️餐廳的主題圍繞杭州特色，職員穿著古裝整體氛圍充滿蘇杭的懷舊情懷。環境優雅，古色古香的裝潢充滿濃厚的中國風情。✨#粉絲裹蝦💰$108 上桌時會用爐火加熱，煮約五分鐘就可以享用。當蓋子打開即瞬間，香濃蒜香撲鼻而來。蝦仁鮮嫩彈牙，咬下去有一點脆感，而底部即粉絲吸收了秘製金銀蒜和蝦汁精華，味道既香又入味，令人回味無窮。✨#蔥香脆皮烤鴨💰$128 這隻烤鴨色香味俱全，外皮香脆，咬下去時發出清脆的聲音，肉質柔嫩，搭配蔥花和特製醬汁，味道更加豐富。每一口都能感受到鴨肉的鮮美，真係食到停唔到。✨#蘿蔔燉牛筋腩💰$138 牛筋腩燉得非常入味，肉質軟滑，口感濃郁，而蘿蔔則吸收了湯汁的精華，甜中帶鹹，十分開胃。湯底清澈卻味道濃厚，食完仲想再來一碗。✨#南乳醉鮑魚💰$98 切片鮑魚擺放精緻，肉質冰冰涼涼又彈牙，淋上南乳汁後，醬汁濃郁，鹹香適中，仲帶點酒香，令人每一口都感受到鮑魚的鮮甜，真係好味！▪️▪️▪️▪️▪️▪️▪️▪️▪️▪️▪️▪️▪️▪️

大圍圍坊開咗好多新餐廳，眾多選擇比綠茶嘅裝修吸引咗🤗🤗就入去試一試，座位空間非常闊落，環境優美，適合三五知己、親朋好友相聚❤️首先介紹佢嘅招牌菜式，乾隆魚頭，聽到個名就知霸氣，啲汁好濃郁，魚頭多肉鮮嫩，值得推介👍總裁最愛菜式，蒜蓉蝦蒸粉絲，蝦數量好多隻，蝦汁同醃料完全滲透落粉絲，好入味😊蔥油烤鴨，蔥油份量極多，完全夾到烤鴨嘅嘢味😄最後點多個甜品麵包誘惑，講真呢個已經唔係新鮮嘢，但每次食我都覺得唔鍾意食麵包嘅我都對呢一個甜品產生興趣，因為麵包同雪糕都真係幾夾🙌🏻👍

新春期間 職員依然黑口黑面 態度好差 完全無笑容多次擺烏龍 明明唔係我地叫 都可以拎錯比我地仲要唔比人地洗杯 話無得倒水 我未見過一間餐廳可以咁樣食物質素一般 不會再光顧 價錢貴 分量少 個炒飯好似食淨一半咁樣 鴨的肉質有少少嚡口 芒果鵝肝撻入邊得兩粒好細粒鵝肝 除左裝修好睇之外 其他不值一提唔明點解d人可以講到咁好食咁食左四樣嘢 買埋603蚊 新年流流 個菜單竟然無也菜式可以比人選擇 真心好失望 建議不要再開分店 建議大家返深圳食會好開心好多