緣聚鮮鍋 (已結業)

舊英皇成棟都係任食天堂，但係我又肉痛唔想比咁貴食放題，點之比朋友話我傻，話唔知有間平嘅放題咩，就帶左我黎食，唔洗排長龍等lift，扶手電梯直上就得wo原來都勁多人黎食，明明好多座位，但後來都坐到爆晒分好晒一區區，方便大家自取，成間野有d似校長，感覺係同一集團刺身每次淨係可以拎3款，之後仲想要就再排過，三文魚帶子甜蝦都好食握好嘅壽司都好受歡迎，賣相都唔差，重點係味道同出面買$10件差唔多如有想食蠔都可以額外叫，岩晒食蠔人士估唔到有齊晒唔同款嘅酒，清酒🍶手工啤，rosee可以狂飲，都幾開心🥳電子煲嘅火係會自動時大時細，防止燶底，呢樣真係幾好最後最驚喜係竟然可以自製涼粉，呢點超級加分，我整左好多碗黎食

今晚同家人去到荃灣緣聚鮮鍋食晚餐。先黎個雞煲先，點了小辣。自己慢慢炒下紫洋蔥夠香口，雞肉嫩滑好味道。熱辣辣咁食加上辣辣地更加正。食辣雞煲一定要飲野，好多飲品選擇，汽水啤酒種類都好多仲有好耐冇飲過既枝裝熱維他奶飲。想飲咩任君選擇。跟著可以拎一些餐前小食炸物，壽司，刺身。帶子同赤蝦係我至愛，鮮甜好味道。手機落單點一些火鍋材料，黑豚肉同牛都好好肉味，肉質不錯。蝦係生猛所以熟後肉質依然係實肉好味道。丸類，水魷魚都ok。火鍋專區有菜，粉麵等去選擇。甜品時候，雪糕都有好多選擇，有杯裝，自己裝，軟雪糕，仲有涼粉自己配料。

長居內地的爸媽難得回港，當然要搵間抵食又好食既放題慶祝下，媽媽提議去大鴻輝 3樓，主打雞煲火鍋放題既『緣聚鮮鍋』大食一餐！！其實最近跟朋友都來過一次，貪佢除任飲任食外， 啤酒，日本酒，生啤，都係免費任飲，仲有雪得冰凍嘅玻璃杯，認真貼心， 但今次同爸媽一齊食飯，我決定當個滴酒不沾的小乖乖。媽媽見到一大排可以任飲既飲品柜，開心到變回一個少女。餐廳分為不同取餐區域，壽司，刺身，蔬菜，炸物，小食等應有盡有 ！！🔸牛肩胛＋海鮮刺身放題🔸 $248/位先來一個雞煲火鍋，入座前先選好辣度，今次要小辣～～～雞煲方面，滿滿一隻雞的份量，啖啖肉，配料有 3色椒，紫洋蔥，蒜頭等，上枱後，自己炒2 下，香噴噴既雞煲就食得～～雞肉香口惹味，唯辣度偏辣，睇黎下次點唔辣會更好🔸🔸掃碼點餐🔸🔸餐廳主打值回票價的『 真正回本雞煲放題 』，落重本的除重量級啤酒，生啤任飲外，牛肉都真係唔錯，尤其手切-- 封門柳， 肉質鮮紅，睇得出係新鮮牛肉即點即切， 肉味同嫩滑度，都遠勝-- 牛肩胛。小食方面，款式都真係幾多，而且樣樣都好新鮮～～扇貝， 魚皮餃，雲吞，炸魚皮， 小籠包， 讚岐烏冬， 玉子豆腐，當中最特別係小籠包， 皮薄餡

緣聚鮮鍋 今晚黎左荃灣大鴻輝食呢間緣聚鮮鍋，咁點解我會揀呢間餐廳呢？就係因為一個價錢，你可以食到雞煲，打到邊爐，仲可以食埋刺身，而且價錢合理，質素唔差，咁你話係咪又高性價比，同時又可以滿足晒你所有願望吖。 先上雞煲，香噴噴，熱辣辣，雞肉嫩滑彈牙，汁䊢惹味，完全過足雞煲癮，十分出色。 食完雞煲加湯轉打邊爐，當然有肉有菜可以選擇，蔬菜新鮮，選擇又多，已經好滿意；另外肉類方面，亦有齊牛肉，豬肉同羊肉，你睇相睇賣相就知道質素唔差，所以其實係物超所價。 當然唔少得刺身啦，各種刺身色澤鮮豔，新鮮冇雪味，值得推薦。 呢度如果你仲嫌唔夠的話，出面仲有好的熟食，煎炸小食，甜品等等種類好多。加上飲品任飲，有酒精冇酒精既都有齊，一定能夠滿足你所有既要求，真心覺得食完抵返晒。

從來未食過一間咁難食嘅火鍋放題種類少 食物質素差 地方污糟一坐低已經有舊雞骨喺個爐旁邊最重要係嗰度嘅員工個個黑口黑面放低啲嘢食好似 掟落嚟俾你咁如果唔信我可以自己試一試

由于作息的原因，平时很少去荃湾吃饭。这次偶然经过，又刚好下着雨，就留在区内吃过晚饭才回家。缘聚位于商场的三楼全层，地方颇大，价格也算是市场消费的水平，选择了最便宜的鸡煲和火锅放题，入座后可吃两个小时。店内还有熟食和鱼生，虽然是平常的正常食物，但种类还算丰富的。先吃鸡煲，份量真的好多，估计有超过一隻鸡的鸡件，而且调味不错，口感相当不错。然后吃的火锅放题也是挺好的，除了猪牛肉，还可以点鲜虾和生蚝等海鲜，丰富得很。以性价比而言，这里是高的。

港人生活匆忙要調整生活想更美好的節奏不妨收工這陣子求找一個覓食的聚腳點，三心兩意追求多多的我放題自助任食(火鍋、刺身)結合盡在一枱大大滿足自我美食的誘惑滋味香噴噴足料兼份量十足秘製雞煲，高温燒熱直至雞件熟透陣陣香氣湧出，啖啖滑嫩比例滿足而不錯火鍋以半自助可供電話下單點菜靠好方便，種類繁多配料應有盡有冷熱盤、雪糕甜品美食劃分入口肉品肥瘦適中、除了質素性價不錯，比例均勻值得一嚐，(豬牛雞)肥牛、豚肉、牛舌、雞肉等....不同部位滑嫩新鮮口感煙韌非常另外不得不提滿滿刺身櫃，(三文魚、劍魚、吞拿魚、帶子、螺片)整體厚肉賣相豐富，入口透亮紮實質肉鮮甜爽彈，款款品種不僅炸物無限任食稱得上「大胃王」既朋友別錯過

朋友帶我來試這家雞煲放題，實在太多選擇，有別於一般放題。安排入座後，侍應介紹用QR Code下單，有多款海鮮和肉類任點，推介黑豚肉和廣島蠔。上菜和執枱的速度挺快，這個值得一讚，侍應們都很勤力幫忙。另外自取飲品，見到雪櫃有多款飲品選擇，汽水，茶類都有，眼見手工啤酒是食客最受歡迎。餐前小食都是自取，有多款炸物選擇，另外前菜有～拍青瓜、B仔雞翼尖、麻辣牛肚、酸蘿蔔、特別推介～雲耳(又爽又入味)，甜品有雪糕和自制西式糖水，白涼粉口感不錯略帶微甜，可以一試。

All you can eat hotpot+chicken casserole@Tseun Wan 荃灣任食火鍋雞煲My families and I went to a restauran called "Grand together"(緣聚鮮鍋)located in 3/F, Tai Hung Fai (Tsuen Wan) Centre, 55 Chung On Street, Tsuen Wan(荃灣眾安街55號大鴻輝(荃灣)中心3樓)..Each adult costs HKD$248 with 10% service charge.The chicken casserole is served once all of us sat down...The chicken has deep complex spicy flavour...Soft and tender...Big portion.Quite tasty.There are arrays of draught beers(生啤) which are free flow!!i.e.Stella Artois,Ho

今日放工約左老豆去荃灣食飯， 我地黎到餐廳果陣大概6點鐘，係門口揀左鷄煲既辣度（小辣）就入去。坐底之後老豆先出去拎野食，拎左炸番薯波，麥樂鷄，有少少凍左但點醬都好食既。鷄煲好快就上，煮5分鐘之後食得lu。 雞件都幾大件，肉厚，而且味道夠既。 小辣都唔錯，岩老豆口味。跟住我&老豆各自去拎左輪刺身，三文魚都厚身，正常發揮，而自己最鍾意係帶子，甜口，新鮮。希靈魚今次都有食，脆口，唔錯。食完鷄堡之後就換左個皮蛋莞茜湯底，開始打邊爐。湯底的確有好多莞茜，滿意。我地叫左好幾款唔同既牛肉，牛肩胛肉係自己最鍾意既，牛味足夠，也滑。之後叫了玉子豆腐，魚皮餃&小籠包。 小籠包皮略厚&粘口，一般。但其他都ok。而海鮮比較鍾意元貝。最後拿了焦糖餅雪糕作甜品，很飽了，也滿足。

星期日中午去飲茶 都唔係好多人本來想試下 10斤芫荽打蓉製成 腸粉＋燒賣＋春卷去到就話轉左系列 變左經典系列但牆上仲貼住芫荽系列海報？不過好彩d野點心都唔錯叫左經典系列既 鵪鶉蛋燒賣都幾好味香芋春卷：內有實實既芋頭蓉 外皮脆口鮮蝦腸粉：略嫌腸粉太厚 蝦都幾新鮮魚肉釀青椒：魚肉彈口 青椒🫑不太辣都幾易入口鮮蝦餃：外皮厚度尚可接受 可能食開薄皮 所以有小小唔習 但餡料豐富黑金流沙包：都好難會整到唔好食 不過不失 熱熱地 餡料唔會太實蘿蔔千層酥：酥皮都幾鬆化 蘿蔔蓉都幾冧 不過 有d地方會整到食到蘿蔔絲 可惜今次得蘿蔔蓉藥膳鳳爪：鳳爪好入味 有薰参味 又好嫩

衛生有待改善·員工好努力擦煮食枱面～但前面已經整好嘅壽司未有蓋上任何遮檔的蓋子～清潔泡沫不停彈向壽司雞煲很好吃.火煱料就一般!這一間又係試過便算不值得花時間金錢再去吃侍應服務態度非常良好

今期緣聚鮮鍋原來做緊promotion , 除左打邊爐外，仲可以有任食雞煲，仲有海鮮剌身放題，緊係要約班姊妹去食喇😜 雞煲雖然吸引，但今期姊妹話要減肥，唔想太油膩，唯有叫個清清地既日式壽喜燒湯底，話當係去左轉日本旅行喎😅內裏裝修其實都幾日系，環境仲好大，又乾凈，多款小食，前菜，飲品，甜品，調味料提供選擇首選食物緊係剌身同壽司，必食一定係牡丹蝦，油金魚同拖羅刺身，款款新鮮，而且入口即溶，尤其牡丹蝦，肉質彈牙，鮮甜美味行左8轉，食左8隻蝦，攪到我都唔好意思再拎😆壽喜燒湯底：開頭係覺得有少許甜，但落左火鍋配菜後，湯底變得相當夾套餐可任食牛肩胛&封門柳，兩款牛雖然薄，但食入口牛味濃郁，我仲配左生雞蛋撈勻嚟食，又滑又香記住唔好拾咁耐，5-6秒就最Perfect海鮮：生蠔，扇貝，牛柏葉，雞子，沙白，甚至係大蝦、南瓜、茄子天婦羅，樣樣都有甜品: 當然食最鐘意既雪糕，有多款選擇，個人黎講，最好食既味道係玄米茶，夠濃郁夠滑👍🏻另外一提，原來佢地而家有早、午和下午茶點心茶市供應，唔打邊爐都可以食下點心，價錢算合理，下星期同屋企人試下先

好姊妹響荃灣返工，佢話夏天嘆住冷氣食火鍋先夠爽，今日接佢收工響荃灣食火鍋放題！呢間緣聚真係夠晒大間，一坐低店員好快手將雞煲上枱。行出自助區就見到一系列分門別類整齊排列，自助配料火鍋區、調味區、即食小食區、前菜區、甜品區和飲品區等等，真係要行幾轉先滿足安心埋位食！麻辣雞煲：中立的雞煲初初覺得不太辣，後來滾下滾下散發濃郁麻香辣味，芫荽、芹菜和紫洋蔥真㗎香味，雞件算大件啖啖肉。麻辣鴨血湯火鍋：食完雞煲已達五成飽，麻辣鴨血湯同樣地滾下滾下後越食越辣，湯底勝在不太油膩。火鍋配料推介封門柳，肉質較軟身，牛肉味足，滾4至5秒最合適！重點是無限添加，牛魔王一定值回票價！第二要推介的是炸魚皮，放湯一會吸收辣湯汁有保持香脆，不錯！其次是蔬菜非常新鮮，我們吃了淮山、萵筍、通菜和溫室豆苗，只要你喜歡湯底，配合蔬菜味道一定好！比較特別的是刺身、壽司和前菜沙律，有師傅負責切刺身，壽司款式較多，前菜沙律有拍青瓜、麻辣木耳、帶子裙邊和雞翼尖等等都是自家製作，賣相和味道都OK！

新出咗午市飲茶， 推介係手工點心，咁就試下啦。點知勁失望。首先啲杯碟唔乾淨，一拎嚟已經有條麵喺個碗度，嚇到我即刻拎去換個新碗，仲要逐隻逐隻檢查清楚。個檯面是濕的。食物方面，特價燒賣唔錯，蝦肉大大隻，肉質唔錯。 棉花雞正常。 其他食物就一般。 春卷又硬，有油益味 ，唔知炸咗幾耐。炸兩入面嘅油炸鬼都係偏硬嘅。馬拉糕太濕，麻麻地。 牛柏葉縮水無味。如果真係想飲茶食 一盅兩件，都係搵返一間中式酒樓會比較好，有信心嘅保證。