美心西餅 (已結業)

還有不足一星期就到情人節，適逢今年的 2 月 14 日，亦是中國的傳統節慶元宵佳節，這樣的「東西交會」，據說每 19 年才會出現一次，一個咁特別的節日，唔知大家打算怎樣和你的另一半一起渡過呢？想送玫瑰花又嫌太行，咁不如試吓送呢個以法國玫瑰花園為設計主題的玫瑰之都 Rose Garden 蛋糕吖，相信無邊個收到唔心花怒放！原來美心西餅今年推出了一系列全新的情人節蛋糕及甜品，當中除了有早前提及過的玫瑰之都 Rose Garden ($128) 外，還有以 3 顆心形 macaron 做賣點、喻意著 “I Love You” 的迷你心之彩虹 Heart Rainbow Mini ($178，恒生 Enjoy 咭優惠價 $151.30)、以法國頂級朱古力 Cacao Barry 製作的情人之吻 French Kiss ($128) 及一套兩個、以心形造型設計，滿載著層層愛意的戀愛故事甜品盒 Our Love Story ($78)，嘩，淨係睇到份宣傳單張，都已經令人心花怒放。先謝謝美心公關送上的 2014 Maxim’s Cakes 情人節蛋糕甜品系列換領券，讓我和另一半可以率先品嚐其中兩款，

還有兩個多星期便是聖誕節了，唔知大家準備好節目及聖誕禮物未呢？ 聖誕節向來是個普天同慶的大日子，聖誕聯歡會啦、公司聚餐啦、大小派對等當然唔少得，不過如果俾我揀的話，我還是喜歡留在家中，與至愛親友吃一頓自家製的聖誕大餐，然後再分享聖誕蛋糕，既溫馨又甜蜜。其實每一個值得慶祝的節日都缺少不了蛋糕的香氣，不過唔知今年的聖誕蛋糕又有甚麼好選擇呢？ 「美心西餅」繼早前推出咗一系列  Hello Kitty  派對蛋糕後，近日餅櫃原來已經換上了新裝，嘩，除了有以法國頂級朱古力 Cacao Barry 製作的 Dome cake 外，竟然還有一棵既食得、又玩得的士多啤梨慕絲蛋糕樹，以嬌俏可人的粉紅色為主調，好靚呀！自從上星期收到美心公關速遞來的 2 張聖誕蛋糕換領卡後，就一直心思思想快點提取，實在等不及聖誕才試嘛，一於先吃為快。先試這款外層閃令令，望落去奪目耀眼的 Baileys Chocolate Mousse Cake ($188)。切開蛋糕，原來內裡是由三層慕絲組成，包括入口細膩幼滑的 Baileys 愛爾蘭甜酒慕絲、甜蜜的白朱古力慕絲、濃而不膩的法國 Cacao Barry 60% 朱古力慕絲

每日放工的動作都係非常刻板, 先吃晚飯, 然後就去買生果同麵包... 今晚食完壽司多咗1件事要做, 就係去取回之前買落的運動衫...途經地鐵站, 突然牙痕想試試美心西餅新推出的棉花糖栗子撻, 諗都無諗就即刻換咗1件... 結果因為驚個栗子撻舟車勞頓會變花面貓, 搞到我要第一時間衝返屋企, 無去買生果同取衫... 麵包就當然係美心西餅買埋啦...好彩無驚無險順利返到屋企... 嘻嘻... 少少花面在所難免, 我已經盡力保護...棉花糖栗子撻 $18-- 將板栗蓉與忌廉混為一體, 以花嘴唧出栗蓉山, 近睇可以睇一點點的栗蓉, 再加上原粒板栗, 是否外型認為外型太簡單呢?!!將棉花糖栗子撻切開... 嘩... 好大粒綿花糖呀, 令我聯想到BBQ, 哈哈... 牛油撻底甘香鬆化, 咬開時可以聽得到薄脆朱古力裂開的聲音... 綿花糖白得像天上的一片雲, 又輕又軟... 與綿花糖為伴的是富彈性的粒粒栗子肉, 主角板粟蓉香軟柔滑, 甜度適中, 得自己1個人時又想吃栗子蛋糕, 絕對可以止口痕...數天前趁永安百貨大減價時入手的意大利制托盤, 用來做食物的背景真的不錯... 我的眼光不錯吧~

如果大家近日有經過開「美心西餅」，相信一定會見過這幅以 Chilam 張智霖做代言人的《山東板栗果仁脆脆》廣告。是的，早前收到美心公關的電郵，說 10 月會推出新口味蛋糕，希望可以讓我率先品嘗，當時還期待著「美心」今次又會有甚麼新搞作，估不到事隔不到兩星期就收到「美心」委託速遞送來的可愛栗子形汽球及一袋小禮物，真使人驚喜不已。由於食友不在公司但又接獲同事告知收到這份速遞禮物，還特意  whatapps 問我紙袋內放的是否蛋糕，有需要放進雪櫃裡嗎？ 立即拆開紙袋細看，啊！原來是這次推介的「山東板栗」整個系列的詳細資料，圖文並茂，印刷得相當精美，而且還有 3 張栗子撻及蛋糕換領咭和一小袋栗子形磁石，這份禮物既獨特又有心思，在此也得說聲謝謝。其實「美心」早於往年已推出過「山東板栗」系列，而當時亦是選取了有「中國板栗之鄉」美譽的山東莒南縣板栗作食材。據悉每年 10 月至 12 月正是板栗當造期，而莒南縣所出產的板栗，顆顆均勻整齊，甜度和水份含量適中，口感香糯微甜，是用來製作蛋糕及甜品的上上之選。先由 size 較迷你，適合一人獨享的棉花糖栗子撻 ($18) 出發，外層以栗蓉忌廉堆砌成花塔形狀，

團購瘋系列 – 筆者素來也不算特別愛吃月餅，每年中秋亦只會買一盒傳統月餅回家應應節，至於冰皮，記憶中只在友儕的敍會中品嘗過，而且對此物的印象亦唔算深刻。今年發現有好幾間餅店也推出了冰皮月餅團購優惠，順口問問家裡的小鬼是否想吃，估不到這小子竟然大感興趣，見美心品牌向來口碑不俗，只需 $45 便可購買 2 包「冰皮 2 人世界」，於是也買了 2 包回來作甜點，讓家人品嘗。原來美心冰皮都有好幾款不同口味，並分為：「脆脆系列」、「朱古力系列」、「芒果系列」、「人氣系列」、「芝士系列」等。兒子和我口味向來相似，對巧克力有特別偏好，就決定揀包近日頗 hit，以李治廷大賣廣告的魔鬼脆脆，另挑了人氣之選的紅豆甘栗。這天拿著換領券到美心，原來只是換 2 包冰皮，店員都會給你一個非常 cutie 小巧的手抽盛載。先說說這款魔鬼脆脆黑巧克力脆米，其實它是由原有的魔鬼蛋糕轉化而來的，冰皮月餅表皮刻有「DEVIL」字眼，而所謂脆脆，原來就是選用了 70% 可可濃度的法國 Valrhona 朱古力，再加入巧克力脆米及口感類似餅乾的朱古力片，咬下去卡嚓作響，確能突顯出頗不一樣的嚼勁。至於外層冰凍的餅皮

今日公眾假期，唔駛返工，買啲甜點返屋企食。經過美心餅店，見到用一張餅卡 ($48) 可換 8件 lamington, 如果買一件就要 $6.5, 早排八折買咗10張美心餅卡，決定用一張餅卡攞盒試吓。林明頓我唔係食過好多間，不知怎樣才算正中，從網上搜尋所得，知道林明頓蛋糕是著名澳洲糕點。相傳是昆士蘭州總督 Baron Lamington 的家傭，有一次不小心將蛋糕塊掉入巧克力漿中，因時間緊迫，將錯就錯拿給總督，總督一嚐覺得好吃又特別，還要沾上椰絲，免得沾得滿手巧克力，這種蛋糕也命名為林明頓。在廿世紀初，沒有冰箱保存食物，蛋糕不能久放，很快會變得乾硬，沾上巧克力糖漿，是將它加強吸引力，令"隔夜"蛋糕變得好吃。美心的林明頓有 4 款味道，比起市面上一般嘅 lamington 大粒一點，分別有：-朱古力林明頓 --- 廣告上聲稱採用比利時朱古力，是 4 款中味道最濃的檸檬林明頓 --- 廣告上稱採用新鮮檸檬汁，淡淡清香檸檬味，也不錯綠茶林明頓 --- 聲稱採用日本綠茶粉，有優香嘅綠茶味，還可以紅豆林明頓 --- 聲稱採用精選紅豆，味道偏淡，如果閉上眼睛叫我估的話，一定猜不中係紅豆味，是 4 種

因為我係個麵包痴﹐所以今次返香港度假試左好多唔同既包包~ 買得最多就係呢間美心啦﹐事關近我屋企﹐咁岩呢間美心有埋自己既kitchen, 所以varieties 應該會俾其他鋪多~試左好多﹐等我續個講下先。。。饅魚包:唔覺有咩特別﹐舊饅魚仲要細得可憐白汁三文魚包:呢個唔錯﹐個包係白色﹐感覺上好似比其他包清淡少少﹐而裡面既三文魚餡亦唔會太溜~燒汁章魚丸包:呢個係我試過咁多美心包包裡面最好味既~~ 個包係三小個圓形包組成既﹐而每個小包裡面就係一粒章魚丸同埋少少燒汁。。。粒章魚丸好彈牙﹐食清楚D仲會食到有既粒章魚。。。遺憾既係D燒汁太鹹南瓜提子包: 切得比較薄﹐同埋可能焗之前係麵包上面搽左糖漿﹐令個麵包出爐時令身D﹐咁樣整到個包太甜﹐唔st. etoile 個隻咁好食五殼健康麵包:幾好﹐食落口正係有好多whole grains, 如果個麵包底用埋麥就仲好~紅加喱雞包:個包都有好多餡﹐又唔會太辣﹐都OK~南瓜包:無咩特別﹐一個包裡面有D南瓜蓉﹐不過好就好在唔會過甜火腿雞粒包: 個名唔係記得太清楚﹐不過個包係綠色既﹐食落好軟熟﹐又多餡~皇牌叉燒包:again, 又係無咩特別﹐靜係得餡多。。。

呢個撻只係有自設廚房既美心先有架! 個撻底同蛋撻個撻底一樣,都幾脆,唔係冧晒,亦都唔會好油! 撻上面既餡有少少似西米布丁,有西米同鮮奶既成份,西米粒好多好足料,又有好香既鮮奶味,外面再有一層吉士,味道唔係好甜,好香滑,好啱口味!

另一款只有自設廚房既美心先有得賣既麵包就係紅莓金提麵包蛋糕, $10一個, 形狀扁扁地, 近乎正方形, 係白白地色既, 外面係一個軟麵包, 好似意式軟包咁, 個麵包入面有兩層普通海綿蛋糕, 蛋糕面上有粒粒既紅莓金提, (好似片裝既紅莓金提方包個d 咁), 麵包同蛋糕都好軟熟, 麵包冇咩味, 蛋糕就係清蛋糕既味, 分開食係冇咩特別, 但兩者一齊食就幾好味, 又幾特別, 而且間中都會食到d 紅莓金提, 因為紅莓金提份量唔多, 所以唔係每一啖都食到, 如果多返少少就會好d 喇!呢款包同牛油紅豆包一樣, 又係要中午後先有架!

呢間美心有自設廚房, 所以有好多其他分店或者地鐵分店冇既麵包! 我買左一個牛油紅豆包, 係好似一般麵包店既提子麥包咁大個, 長條形, 個餡係紅豆蓉和紅豆粒, 就好似雪花紅豆卷既餡, (雪花紅豆卷於每間美心每日都有得買, 不過數量唔多, 好快賣晒) 雪花紅豆卷面頭有糖粉, 但呢個牛油紅豆包面頭就冇糖份, 而係有一粒粒既牛油粒, 即係crumble 粒, 甜度同雪花紅豆卷差不多, 都唔係好甜, 幾適中, d牛油粒脆脆地咁, 幾有口感, 我覺得呢個包幾好食, 同雪花紅豆卷不相伯仲! 不過雪花紅豆卷既紅豆同包既比例就平均一d, 而呢個包就麵包比例多d, 所以食完呢個包會飽d!個sales話呢款包要中午後先有得賣架!

佢可能自己有廚房,好多野其他分店未必有,我食左個香芋旋風包,都幾令我失望..冇咩香芋味,好似普通包一個,不過呢間有西米撻,好大個,又好味..鐘意西米露,應該好鍾意食

呢間分店同其他分店有d 唔同, 佢有自設廚房, 所以有好多bread & cake, 我都唔見其他分店有,如焦糖燉蛋,麵包布丁, 三文魚麵包,車輪包,熱狗...等,今日我就買左兩件其他分店未見過既產品, 拿破崙$5,和蛋糕三文治$5, 呢件拿破崙唔係$3.8 一件既個d西餅拿破崙,佢唔係放在西餅柜, 而係放在麵包架上, 自己夾既,呢件拿破崙,係由一塊酥皮包住件蛋糕,個size大約係5 吋x 2.5 吋,1 吋高左右,裡面有兩片蜜桃,面頭就有crumble,即牛油粒,d crumble 好脆,甜甜地,唔太甜, 味道適中,而d蛋糕就係d原味蛋糕, 好似瑞士卷既味道,不過冇cream既,蛋糕雖然普通, 但好好味道!!至於件蛋糕三文治, 其實同件拿破崙差不多,都係酥皮包住件蛋糕,不過中間冇蜜桃,而面頭就唔係crumble, 而係茶左少少蜜糖(憑我味覺, 我估應該係), 和唧了幾條custard, 少少甜甜地,都唔錯!! 不過,我略嫌兩件產品既底個塊酥皮油左少少!!兩件產品(唔知應該叫做麵包定係蛋糕), 我比較鍾意件拿破崙, 可能因為我鍾意佢面頭個d脆卜卜既crumble啦!! 我諗呢兩件產品係

呢間分店同其他分店有d 唔同, 佢有自設廚房, 所以有好多bread & cake, 我都唔見其他分店有,如焦糖燉蛋,麵包布丁, 三文魚麵包,車輪包,熱狗...等,今日我就買左兩件其他分店未見過既產品, 拿破崙$5,和蛋糕三文治$5, 呢件拿破崙唔係$3.8 一件既個d西餅拿破崙,佢唔係放在西餅柜, 而係放在麵包架上, 自己夾既,呢件拿破崙,係由一塊酥皮包住件蛋糕,個size大約係5 吋x 2.5 吋,1 吋高左右,裡面有兩片蜜桃,面頭就有crumble,即牛油粒,d crumble 好脆,甜甜地,唔太甜, 味道適中,而d蛋糕就係d原味蛋糕, 好似瑞士卷既味道,不過冇cream既,蛋糕雖然普通, 但好好味道!!至於件蛋糕三文治, 其實同件拿破崙差不多,都係酥皮包住件蛋糕,不過中間冇蜜桃,而面頭就唔係crumble, 而係茶左少少蜜糖(憑我味覺, 我估應該係), 和唧了幾條custard, 少少甜甜地,都唔錯!! 不過,我略嫌兩件產品既底個塊酥皮油左少少!!兩件產品(唔知應該叫做麵包定係蛋糕), 我比較鍾意件拿破崙, 可能因為我鍾意佢面頭個d脆卜卜既crumble啦!! 我諗呢兩件產品係