美食居 (已結業)

一路以來都把呢一間小店掛在口邊. 但始終未有緣再來這裡重拾往日的味道. 隔了幾年, 看見此店結業了. 失望地看著大埔的一家老字號, 家傳戶曉的橋頭雞粥冇得再食了. 直至年多前, 同一位置, 一家叫美食居的雞店開業. 看了一看自家介紹, 當年原來是因為叔父(原老闆)仙遊, 故光榮休業, 現在的新店是由店主的姪兒打理, 把大埔橋頭雞粥的故事延續下去.說一說歷史先, 為何叫橋頭雞. 當年, 我應該仲未出世, 大埔街市就在富善街街尾, 而熟食檔, 就是現時廣福橋旁邊的公園內. 而家新街市及部份大埔墟的老字號, 有不少都係由橋頭做起. 故明思意, 呢檔粥店就是橋頭第一家, 大埔街坊就順口溜的叫慣, 橋頭雞, 橋頭雞. 美食居此名字, 都是由細老闆接手後, 才留意到. 昔日, 老爸要食雞飯, 我未必去東江雞, 亦唔會去一樂, 橋頭雞(謝華記), 才是雞飯的No.1.來到, 同以前一樣, 人人都係食雞, 不要雞, 頂多有牛腩同煎釀三寶俾你選擇. 但呢個係雞既專賣店, 睇得出. 檯檯都是雞同雞雜. 而我, 8點多到, 又未到夜粥時段, 橋頭雞粥應該唔夠飽, 坐低, 要一碟橋頭雞飯, 加一碗例湯.沒有把

一向間唔間都會去食lee個雞一家人去食就可以叫齊d餸(因為其實選擇唔多, 但都好味)有時一個人都會去食個雞飯通常食雞雜飯個汁好香, 濕濕暖暖咁幾好味雖然係街邊位, 唔可以坐得好舒服, 但平平地, 仲想點?真心覺得好食, 希望多d人知去試下啦, 大埔真係多好野食架 d伙記/老闆都好nice

在吃完喇沙後兩個小時左右，再向今次入大埔的目的地「美食居」進發。由大埔友帶路，不一會便到達，但途經的地方確實是大埔友才會熟悉的捷徑。小小的一間店，店內只有三數張桌子，大部份要坐在街外，感覺上與大排檔沒甚麼分別，選擇在店內的桌子，最起碼夠光猛。坐下後看看餐牌，原來此店供應的食物款式不多，只主力賣雞、雞雜及其他香口小食。由於之前的喇沙還未完全消化，我們三人最後點了四款食物。先來美味雞半隻($78.00)，跟來的有一小碟薑蔥及沙薑。雖說是半隻雞，但其份量不太大，亦即是說此雞不會太老。吃第一件雞沒有加入任何醬料，首次雞肉夠嫩，雞肉已調味，只欠雞味不太濃，就連胸肉部份亦嫩，確實不錯。由於雞已調味，本來不打算用沙薑醬伴著來吃，但在友人嚐過後，發現此沙薑的味道與一般的不同，馬上試了一口，果然是有點點不同，有一股特別的油香味，估計是加入了雞油再烹調過，味道會比坊間的沙薑味多了一份油香味。白灼蠔油白菜($18.00)有驚喜，雖然己不是白菜仔，但吃下時十分爽嫩，雖然未至於菜味青甜，但不點蠔油來吃會更加好味。椒鹽魷魚鬚($38.00)是一款佐酒佳品，因為炸漿已調味，並且頗重手，所以空口吃會有點過咸。炸漿厚薄

光看餐牌，就知美味店很有性格；當大部份食肆都做足早午晚市，它偏偏與做下午五時至凌晨一點；賣的來來去去就是與雞有關的各項配搭，頂多加上一些小吃和粥品而已。據於大埔工作的男友所言，沒有新鮮雞供港的日子，此店更索性休息不做生意，連小食粥品都不賣，十分有性格。既然此店以美味雞馳名，就要了個例牌試試；的確，用新鮮雞作的，雞味濃郁，而且雞肉滑嫩，雞皮也夠入口爽口 - 對，不能不吃雞皮，尤其是雞胸部份，雞皮沒有依附肥膏，爽口得很，與鮮嫩的雞肉一起吃，口感豐富，味道一流！連一向被視之為配角的薑葱沒有怱略；由於用料新鮮，其香味比一般店家所用的為強烈，很是不錯。另要了煎釀三寶 - 煎釀三寶$16元才六件，很貴，但與質素也成正比：釀三寶的餡料，除了用上新鮮的鯪魚肉，也加入了絞肉製作；釀在新鮮的食材上，剛炸起即送上，味道都很好；當中青椒最好，青椒本身的味道和汁液都較豐富，與釀魚肉互相配合，食味甚豐。再要了個炸魷魚鬚；用上了新鮮的魷魚鬚，沾上薄薄的粉漿，炸而酥透，是下酒的佳物。這裏大支裝的獅威才$12元，當然不能不叫一支，與魷魚鬚同吃，實為窮風流的至高享受也！不負我千里迢迢遠走入大埔覓食，美味居的食品果然美味；

前身係橋頭雞粥~ 但係我住左廿年由細到大都無試過~~ 因為污糟到死~ 同潮和興一樣咁"拿渣"...但係因為男友半年前帶我去食依家既美味雞~ 之後就上左引啦~雖然佢鋪頭又細~ 又唔多選擇~ 但係D雞真係好好味又滑~ 我食完美味雞已放棄左三小姐伍仔記同東江雞~ 一個wk最少食一次先安樂~ 二個人叫個雞反再加煎饟三宝&炸大腸送啤酒真係一流~ 肥仔叔好好招呼~ 但係另一個電髮阿叔就成日鬼食泥~哈哈!!!

前身"謝華記"的喇媽雞, 以一紙"華哥已仙遊"作結。遊戲人間的華哥, 料不到會以這方式令"喇媽雞"絕跡人間。美食居開業初期, 主力賣車仔麵及油渣麵, 式過其油渣, 食味麻麻。再過一排, 竟然好似華叔咁, 掛起一排排肥雞賣起來, 反而當初主打的油渣麵消失得無影無蹤。"美味雞"食味不如其名, 難吃又未算, 但絕對唔關好食事。"雞米"湯底很plain, 不見有放心機下去; 而雞呢, 比東江雞的死實肉質好, 可是又未致於令我返頭吃。地方比前一手乾淨得多, 可是我相信, 一定程度的喇渣是會弄到好東西的。我覺得, 切雞好多地方都有得吃, 特別好吃的卻少之又少! 整一隻雞看似簡單, 可是好雞背後, 道理卻博大精深。p.s.現在大埔可以接受的雞, 只有街市的伍仔記。