翠園 (新城市廣場一期)

營業中

休息中

坦白講，唔係同親戚食飯都唔會黎食。拜完山黎食個晚飯，食咩都係長輩發板，我都冇咩所謂。最後叫左個set，片皮鴨、鴨湯再揀兩個小菜。最先黎係小菜。咕嚕肉上碟得果細細碟，佔左個碟既一半都冇，同枱你眼望我眼，都唔敢夾多兩舊黎食。重點係碟咕嚕肉只係暖暖地，未講得係熱。我以為得大陸果d圍桌宴先興暖暖地咁上菜，香港既中菜小炒唔係應該熱辣辣咁樣？魚香茄子用鐵煲裝，熱就夠熱，但係份量都係唔算多。而且佢太咸太油，驚你送唔到飯會唔夠飽，食到底見到成層油喺d汁上面。片皮鴨多人叫，等左好奈先黎。片皮鴨其實都係比較油膩既菜式，食多兩塊就已經覺得滯。所以大家食食下鴨都想佢個鴨湯快d黎，可以飲啖湯舒服d。點知，個湯去到同我地一齊落單既隔離枱都飲完，都仲未黎到。最後都要再問多幾次先起到貨。

集團式經營, 但沒有統一化服務及水準。一家三個人去吃晚飯。要點菜，加水，是舉手很久沒有人來的。被罰舉手。 把火，自己拎壼水自己加。旁邊桌子一對人老夫婦可能是熟客, 不同侍应及經理, 不下五個輪流來搭訕, 頂你, 我舉手舉十年都無人理。 不是不夠人手, 只是d人吾知去左邊 。侍应不停送了一包又一包冰皮月餅給他們試吃, 乜這間茶樓咁不公平. 我不希罕你d 冰皮月餅, 只是你們好噪好煩, 靜下啦 。大家自問食晚飯,一家人消費不到七千元都不要走進去,自己受氣 ！！！！！！ 還有，上菜是涼的，脆皮雞都不脆了。

今早8月28日去沙田翠園飲茶，門口安排入座個位侍應態甚差，問多句都厭煩，現在社會飲食業這樣的時勢，簡直幫公司倒米，管理層係時候清吓d瘀血，點心也沒有甚麼特別好吃，去飲茶仲要受氣，以後也不會去。

在2018年，我來你要翠園食團年飯，我叫了炸醬麵，叉燒腸粉，美味的春卷，蒸鳳爪排骨，叉燒包，雞包仔，馬拉糕，精美甜品，香味十足的蒸魚⋯⋯。炸醬麵充滿炸醬香；叉燒腸粉充滿懷舊味道；蒸鳳爪排骨充滿豉油的香味；叉燒包充滿港式香味；雞包仔充滿點心香味；馬拉糕香味十分懷舊；精美甜品充滿甜品應該有的味道；魚味四射，十分有味道。那裏的服務態度真係好好，食物又好食和新鮮。非常底食。

今晚同家人出去食，想食好Ｄ，就去左沙田新城市上層搵，見呢間翠園既晚市套餐幾吸引，即使要攞飛等左陣都唔拘啦！呢款「片皮鴨四人餐」的確係幾吸引嘅，總共有５餸１湯，我地只係３個人，注定食到飽飽啦！首先介紹餐牌註明既12片片皮鴨，每一片都好香脆，唔肥Ｄ肉又唔霉，加Ｄ蔥同醬包住黎食，好惹味！嫌１２片唔夠喉，呢隻鴨仲有其他用途既，就係用Ｄ肉碎整生菜片鴨鬆，鹹鹹地又幾清新好味！然後剩餘部分仲可以用黎整白菜仔豆腐鴨骨湯，正宗一鴨三味，個湯好夠味，白菜仔又新鮮！除左呢一鴨三味，仲有呢碟黑松露醬爆蝦仁象白蚌，黑松露醬夠高級，碟餸好香，好惹味！最後要介紹清蒸沙巴龍躉班，好鮮味，明顯係游水魚，好豐富既一餐！

由於疫情關係，已經好耐冇成日出街食飯，今晚突然之間好想食中菜，咁啱又喺附近買嘢已經好肚餓，所以就在附近搵中菜，最後決定黎到翠園食晚餐一來可以用AE 卡優惠，二來好想食叉燒，佢哋有孖寶餐，於是我哋叫咗半隻雞同埋龍蝦伊面，另外散叫了：竹笙鼎湖上素，叉燒，海蜇頭，當然唔少得一定要食佢哋嘅甜品啦！

全綫美心皇宮(沙田分店除外)及全綫翠園Jade Garden在二零二零年四月十七日推出限時優惠的片皮鴨四人套餐＄588。優惠時間適用於星期一至日的晚市時段。呢個片皮鴨四人套餐相當抵食，＄588有5道菜式，包括：金陵片皮鴨(一隻)配12塊麼麼皮丶黑松露醬爆蝦仁象拔蚌丶白菜仔豆腐鴨骨湯丶生菜片鴨崧丶清蒸沙巴龍躉斑。另加＄60可升級轉明爐老火湯。2020年5月4日晚上去左沙田新城市廣場翠園食呢個套餐，首先講下片皮鴨，可能因為職員比較忙，每一片片皮鴨都比較厚😅，於同層的北京樓北京填鴨相比，北京樓質素好好多，厚薄適中，賣相吸引。而翠園的麼麼皮比較厚，同埋會痴埋一疊，無咁細心，北京樓就唔會出現咁嘅情況，北京樓的北京填鴨不單只賣相吸引，而配角- 麼麼皮係每一塊都墊一張點心紙，咁就避免痴埋一疊。黑松露醬爆蝦仁象拔蚌當中黑松露唔突出，其他菜式都好好食。當晚仲食埋甜品，而且甜品都有6折優惠。呢個套餐食得好滿足好飽。

上個月喺沙田新城市廣場買咗部電話, 覺得新城市廣場都幾好行, 所以就心血來潮就想去新城市廣場嘅翠園飲茶試下。朝頭早11點瞓醒就用app去攞位, 點知果時派籌已經排到300幾喇， 叫飛就去到180，噉就出發去沙田，到達嗰時祇不過嗌到200幾咋。等咗足足一個鐘零九個字。終於到我入去坐。由於好肚餓一坐低即刻就叫咗個百花釀魚肚， 水準之上之後就黎個雞絲粉皮，叉燒腸粉，排骨水晶粉，都係不錯之選咖喱土魷，味道口感都好，但唯一不足就係一條魷魚鬚都搵唔到食到咁上下，就叫左五香牛展＋叉燒飯＋蝦多士牛展有少少酒香味，肉質入味夠淋 叉燒算係瘦，但不是梅頭肉，所以有啲痴牙蝦多士算係比較失望，蝦肉不是太新鮮，但炸的火喉就相當到位，完全不油脷由於太飽嘅關係就冇食到甜品謝謝收看

在新型冠狀病毒疫情影響之下，政府實施＂限聚令＂，不得多過4個人在公眾地方聚集，餐廳食肆都唔例外。餐廳枱與枱之間最少保持1.5米，每枱最多只能四位。 早前見到翠園做緊半價優惠，晚市堂食的主餐牌所有款式都有半價優惠，連甜品都有半價優惠，真係好抵食😋。今晚入坐已經8點半，所以想食好多野都無😞😔，有d好失望，唯有下次早d食。今晚叫左脆皮牛坑腩丶羊城伴五秀丶米湯杞子泡菜遠丶生菜包乳鴿崧丶葡汁焗釀響螺丶叉燒。甜品方面就有蜜瓜凍涼粉丶芋圓紫米露。全部都有質素。半價優惠太吸引，全場坐滿人。

轉眼已很久沒有到過這裏飲茶了，依然是人頭湧湧。牛肉球先來，不禁和友人吃下兩粒，只剩下一粒才拍照。肉質依然是中上水準，可以。鮮竹卷是友人愛吃的一款，腐竹入口新鮮，不會有油膱味，配上內在食材，好吃。這裏最出名是魚肚點心，綿花雞是其中一款，雞肉分量雖少了一點，但魚肚水準仍靠得住。珍珠雞的糯米色澤分明，入口軟綿綿的。叉燒腸，叉燒大大件，腸粉質地軟滑。豆苗餃，豆苗新鮮，外皮不會太厚。叉燒酥，鬆化，內裏叉燒和醬料配答適宜，不太杰。最後來個甜品，焗西米布甸，這懷舊味，確不同。這裏最可愛就是有點心推車仔，是港人的回憶。

在抗疫期間，都需要和家人團聚，更加需要大家出來消費，刺激經濟。如果個個都唔出街的話，咁就會有好多舖頭執笠。我覺得翠園能夠咁受歡迎的其中一個原因，可能是因為保留傳統飲茶文化，就係有點心車的存在。係好有特色丶風味。因為市面上比較罕見。依家去酒樓飲茶，全部都用點心紙取代傳統點心車，而翠園就有齊兩個選擇。翠園的服務丶環境丶食物都一直保持水準。一進入酒樓就要先量度體溫先可進入，當日點左10款點心，包括：蝦餃＄44，燒賣＄31，咸水角$22，灌湯餃＄50，百花紫菜卷＄31⋯⋯蝦餃皮薄餡靚丶晶瑩剔透。必食之選。紫菜卷市面上比較少見，不過炸粉好厚，比較油膩。整體上全部都好滿意。

好欣賞呢間店鋪既食物，每一道菜既味道都不錯我自己特別鐘意鐵板叉燒，估唔倒加熱同加醬汁後叉燒變軟翻，而且醬汁唔會太甜，剛好! 不過唔知係咪宜家物價太貴，每一道菜既分量都細左希望快d回復正常啦！

星期五晚，同朋友慶祝她辭職成功並年底last day，挑了一個方便大家的地方，沙田翠園。如不是她揀，我會避開這類店舖。餐牌選擇多，相片尤其吸引，既然為她慶祝，便由她決定。我們選了萄汁焗釀響螺（@$58-)丶順德沙鍋手打魚腐（$128-）及金華玉樹麒麟鷄半隻（$168-)。順德魚腐先上（其實應該上響螺先），外貎普通，有8粒魚腐頂住。先試魚腐，軟腍腍的，似腍魚蛋多過魚腐，兼且無魚味，完全不合格。👎🏻👎🏻👎🏻 湯底亦很清，好處是健康，因無乜味精，味道欠奉。響螺味道唔錯，將響螺粒與雜菜用葡汁炒香，再放入響螺殻內焗，香口好味。👍🏻👍🏻👍🏻 我只嫌響螺肉較少 。這個鷄件頭很多，鷄肉滑溜，不太肥，但無雞味。金華火腿亦無其獨特的咸香，整個餸食落似加了菜遠的𧐢油鷄，但十分淡。整體而言，翠園的優點是少味精，但味道就乏善足陳，不合格！

最開心就係一家人一齊食野飯😍前排去左沙田美心食「老點家老菜」美心既中菜真係冇得彈服務又好講下食左咩先 一共7樣野😋😋😋 #懷舊蝦籽腐皮卷 -仔細食下個腐皮卷，會食到蝦籽香味#椒鹽百花釀吊片 - 勁惹味😍啲魷魚入面仲夾住蝦膠，加埋啲乾蒜🙈流晒口水#鼎湖上素冬瓜盅 -未食過咁多料既冬瓜盅👍，勁解渴， 仲要勁大個#鮮味清湯全鵝鍋 -超好食🤤🤤 一啲都唔騷， 又唔韌#生扣龍串鳳翼球 -無骨嫁🤣啖啖肉#三蝦啫啫蕹菜梗 -又係好香口😋😋#巧製茶居芝麻卷 - 最後食返個甜品岩岩好依餐真係好鬼正野食好特別 同平時食開既中菜比你會發現依餐既餸菜係用左好多心機整一定會再去食過❤️❤️❤️ 🎉🎉依家用滙豐信用卡專享「老點家老菜」85折優惠#老點家老菜 #美心中菜 #maximschinese #翠園

是日放婆婆假😝，即係我地三代一齊外出晚飯嘅好時間。要就到各人口味，中菜係最安全選擇🍚。 我地去咗嘅 #沙田嘅 #翠園，婆婆話想懷舊下，所以我地叫咗「 #老點家老菜」套餐，睇下係真. 懷舊 定 老點嘅🤣李澄一見到 #椒鹽百花釀吊片 🍤 就急不及待，要用手攞住食，蝦膠包住吊片炸過，好彈牙，食到澄兄要 encore 😬 其實，媽媽以前都好鍾意食類似嘅蟹鉗🙈 而家要讓多啲俾囝囝食啦。..婆婆鍾意 #鼎湖上素冬瓜盅 🍄，有外表有內涵，竹笙、冬菇、草菇等豐富材料，雖然係素盅，但都好鮮甜，個個都飲2碗😌 原個冬瓜盅上，仲係呃like好時機🤳🏻。..重口味公公就最鍾意 #鮮味清湯全鵝鍋 🦢，呢個鍋好香，白蘿蔔吸收曬鵝湯味，連汁送飯一流。 .湜澄媽最欣賞 #生扣龍串鳳翼球 🐔，去骨雞翼釀入紅蘿蔔同火腿，啱曬我邊食邊照顧湜弟，一啖可以食到唔同料。湜弟都有份食... 伴碟嘅西蘭花🥦 .#三蝦啫啫蕹菜梗 🥬 好惹味，仲好有大牌檔風味，就好似細個去街邊食飯嘅味道！甜品係好似菲林嘅 #巧製茶居芝麻卷 🎞️，好香芝麻味，又唔太甜，爽口軟滑，每層厚度適中，難怪湜弟見到都想食，澄兄自己食曬一整條 🤣 BTW，澄兄唔知