翠園 (新城市廣場一期)

營業中

休息中

今日同屋企人食晚飯假期既晚市都唔係好多人我地14個人 坐一圍大枱 都仲好寬鬆我地叫左 薑蔥上湯加龍尾烏、松露醬翡翠吉品、百花釀肉環、花膠濃湯雞煲、蠔皇鮑螺片、清蒸沙巴龍躉、蟲草花老鼠耳時、鹽香雞、芋茸珍珠露松露醬翡翠吉品:翠肉瓜配上松露醬 再加上鮑魚片 味道非常夾花膠濃湯雞煲: 有小小咸 但係有好多花膠 舊舊都好大舊👍🏻清蒸沙巴龍躉:蒸得岩岩好 魚質好滑鹽香雞: 隻雞都好滑 沾上鹽焗雞醬 夠哂咸而個芋茸珍珠露酸左 唔食得 職員即刻換左紅豆沙俾我地！好在個紅豆沙煲得幾好食！

本人要投訴沙田新城市廣場的翠園酒樓的服務人員態度差，有一個中年女服務員未幫我落完單便話忙走了，另外再找另一個中年服務員落單，她話ok 幫我落單，等了一粒鐘後未見有菜送來，原來竟然無落單！我以後不會再去沙田新城市廣場的翠園酒樓食飯😡一粒鐘前叫了菜，竟然無落單！

今日和家人往沙田翠園飲早茶,我們點了瑤柱節瓜圃, 燒賣、山竹牛肉、帶子腸粉、叉燒腸粉、咸水角、炸腐皮卷、菜苗餃、土魷肉餅飯、鳳爪滑雞飯、鳳爪、牛什、沙爹牛柏葉、芝麻卷和豆腐花。瑤柱節瓜圃賣相吸引, 節瓜圃食落好腍好鮮甜, 蝦餃爽滑彈牙和瑤柱味道香濃；燒賣蟹籽美味, 蝦肉彈牙, 朱肉啖啖肉, 而且燒賣大大粒, 食落美味；山竹牛肉賣相吸引, 冬菇彈牙, 牛肉肉質鮮甜, 腐皮美味；帶子腸粉帶子新鮮彈牙, 腸粉食落爽滑；叉燒腸粉叉燒味道鮮甜, 肥瘦適中配上香滑腸粉, 食落爽口；咸水角大大件, 好足料, 瘦肉味濃, 花生爽脆, 咸水角食落熱辣辣而不油膩；炸腐皮卷即叫即炸, 炸得金黃、腐皮卷食落香脆而不油膩, 肉質美味醒胃；菜苗餃皮好靚, 菜食落爽口與瘦肉十分夾, 爽口美味；土魷肉餅飯肉餅肉質鮮甜味美, 土魷食落美味, 飯好軟綿配上豉油食落更加帶出土魷肉餅的鮮甜味美；鳳爪滑雞飯鳳爪食落好腍, 雞肉質鮮嫩；沙爹牛柏葉沙爹味道適中, 食落惹味, 牛柏葉食落爽口彈牙；甜品芝麻卷現在很多酒樓很少有此菜式, 芝麻卷味道香濃, 甜度適中, 很有口感；最後豆腐花是一桶豆腐花, 食落香滑入口即熔, 很有豆香,配上

難得大陸親戚來港，帶左佢地去翠園飲茶，貴都預左，但無諗過食物質素可以咁低。還記得以前嘅蝦餃原隻大蝦，飽滿滿的，但今次所吃到嘅，十足公仔叮叮點心。另外叫左個楊洲炒飯同雪菜肉絲窩米，連地踎屋村酒樓都不如，原全係趕客。至於食環境，十二人枱座十人都嫌逼，通道又窄，座得一啲都唔舒服。仲不時頂到隔離枱，搞到好唔好意思。最唔明點解咁細張枱，啲餐具（尤其隻茶杯碟）可以咁大份，未食野張枱已經無位，啲點心一到無位落枱又要你係咁清。結果兩野食完閃人⋯唔會有下次，完。

堂堂一間中高級酒樓，叫住唔好上菜住都可以照出菜！見師傅已經整好左片皮鴨就算數啦，雖然未齊人，都免大家難做，就照食住先啦！跟隨又上另一道菜。。。。都O咀。。。再一次同佢地講（第三次）唔好再上菜住未齊人。。。。十五分鐘後。。。。未叫上菜，剩餘的六道菜同一時間一車送過黎，實在O咀到連個咀都掉落地。。。。（見圖）因為未齊人所以再通知佢地要hold,唔好送黎住，換來一句，「拎返入去都係加返熱咋喎！」，之後就將成車餸菜同湯掉低走人。。。。最後d湯就被清碗快車圍住，成車餸企左係度。。。同佢地講叫經理黎又無人理（見圖）唉。。。。。真係無見睇🙈絕對無下次！經濟版酒樓都不如！成車餸一次過出！我d湯同清潔車做朋友

星期六來翠園飲茶，因為之前有用app拿籌，減省不少等待時間！等了15分鐘左右就可以入座了！星期六也是人山人海啊。好餓，一下子把涼盤都吃掉了。蝦腸很嫩很好吃。牛肉腸老人家喜歡吃。這個也不錯，一口吃進去的我有點小誇張。現在酒樓也走高科技路線啊，顯示屏不停的轉換各式美食，不知道有沒有增加生意呢？我看著食指大動！不過平板放在那麼靠熱源的地方真的沒問題嗎？好大的蝦入味，入口即化，中國人就是要吃鳳爪！吃雞最重要就是要吃皮！

等到差不多3pm才能入坐，是以點心車形式取食物，但全店只有2架點心車，沒什麼食品選擇，環顧每檯人客都是食那幾種食物，食物種類比快餐店還要少很多⋯大約3:45pm話要截單了！！職員急急地催促要結賬，食客都紛紛表示不滿！沒有東西賣為何讓人入坐呢？而且因點心車很少，很多食客包圍著，好像出現糧慌似的，很可怕！

同屋企人食飯，多數都會揀中式餐廳，今次媽咪話想食翠園，提早左三日book位，一去到就可以入去，十分之好👍🏻因為我哋只係得五個人，揀餸方面我哋揀咗五個送一個飯，但已經食得好飽。環境來講座位尚算闊落，但同一般酒樓一樣比較嘈雜，但對於老人家來講呢啲叫做氣氛😂男朋友睇咗Menu好耐，心心念念都係想食呢個雜菜雞油飯🙄賣相唔差但係好多姜蓉好辣😭未到偏淡，所以都係要有餸先至好食🙈炒雜菜，味道唔錯，椰菜花爽口有味食中餐唔少得嘅柱候牛腩唔好睇佢賣相一般但好好食嘅炒生魚球👍🏻上湯魚肚成餐飯埋單大概千零蚊左右啦，其實佢仲有個抵啲嘅Menu，係食海鮮餐嘅，但係因為我哋人少所以嗌唔到，如果人多嘅話可以試吓帶海鮮餐其實好抵食👍🏻👍🏻

今晚預早母親節飯，一家人去美心旗下集團既翠園喇，心諗應該食物質素都唔會差得去邊喇，點知⋯中哂伏！菜單名喺好好聽呀，改名果位師傅真係化腐朽為極度難食！！點知一上菜🤦🏻‍♀️1）薑蔥上湯加龍尾鳥=龍蝦烏冬（從未試過龍蝦煮烏冬！完全係冇味！唔甲！一D都唔合邏輯！請問烏冬平還是伊麵貴呢！😡2）蟲草花蒸菜芯=原全係用滾水燙完就上碟！食齋好過喇，駛乜係度食！😡3)五香脆方塊=炸芋頭入面又藏有肉咁（教我如何入口？）😡4）油鹽蒸海班= 一條患有 有問題既魚（d魚肉係霉的！應該係死咗好耐！同埋完全唔明點解條魚下底要用發脹咗既腐竹做伴碟！😡5）鹽香雞 = 冇味既雞，唔熱又冇鹽又唔可口！何以見得叫做鹽香雞？！😡一餐飯完本一家人可以好開心！一上菜完全勁不知所謂！好失望！麻煩貴集團反省下！呢一餐飯冇一樣係熱騰騰，冇一碟係有煙出！black list ever!!!

平時去開飲茶點心都唔錯咁母親節咪又訂返呢間食點知！中哂伏，二千幾蚊食垃圾，成本$400都俾多佢。改菜名真係好重要，應該呃到唔小客。用哂d平材料唔再講，d野無味，條魚簡直垃圾碟碟一人食一啖就唔食收走，唔知以為我地係去試菜唔會再去食！blacklist 大家都唔好中伏喇，費事大家食餐飯都食得唔安樂。

呢晚，有屋企人生日，我地就揀左去翠園食飯慶祝，晚飯時間比較多人，好彩一早book左位，我地5個人本來想叫半席，但又驚太多食唔晒，結果就散叫牛柳粒，味道都唔錯，牛柳粒都嫩滑魚肚花甲，魚肚幾入味，加入蕃茄酸酸地幾開胃炒生魚片，味道偏淡，而且生魚片得幾塊，其他都係菇，唔係幾抵食雜錦菜，味道都係偏淡貴妃雞，雞都幾有雞味，不過蔥油偏鹹，點少少已經好夠味雞油撈飯，同想像中有出入，有飯焦幾香口，不過重點係本人同屋企人都覺得呢個飯真係好鹹好鹹，食得重口味既朋友可能會鍾意個飯真係太鹹，叫左一杯椰汁玫瑰海底椰，好啦，試新野係要付出代價，味道係好怪！今次埋單1000左右，不過我就真係覺得唔係幾抵，因為食物質素真係好一般，冇下次

一坐低 就已經見到啲擺設好骨子亦見到點心紙好新穎咁真係估唔到佢有 推車仔玩回憶亦返去二三十多年前佢最得意就係 佢唔只有推蒸籠嘅車仔仲有推煎炸嘢嘅車仔後生一輩可能唔明但係煎炸嘢嘅車仔就係 有 可以睇到入面嘅點心仲有 裝粥品嘅車仔就咁點心嘅車仔的話就要逐個逐個打開嚟睇搵下蒸籠嗰啲入面係乜嘢我即刻好似細個咁走去啲車仔面前睇下有咩好食有架車仔 走近我哋 阿姐問我要唔要糯米卷朋友話要佢拎咗上嚟我都打左個突點解咁肉酸成個腦咁原來好好食入面係糯米飯加臘腸我真係未食過原來有好多傳統茶樓都有得食其他傳統點心都皮薄餡靚又精緻又有新派嘢簡直係目不暇給但係服務都係一般般因為實在太忙同唔夠人亦都有漏單情況

原本休息打算去行山的，但係早上下過雨，天陰陰咁，只好轉去飲下午茶啦！朋友仔來自四湖八方，要找一個中心點就只好是沙田了。係open rice 睇新城市廣場的酒樓都係利苑翠園稻草等大集團的酒樓，所以只好選了新城市廣場八樓的翠園。之前都有去過荃灣同銅鑼灣分店飲過茶，大集團水準控制得不俗，不會有過份的驚喜或討厭。沙田分店是第一次惠顧，兩點多就開始等位，想不到平日下午茶時段門庭若市，水泄不通，下午茶兩點半開始，只好到樓下商場再逛逛。我們拿的是中枱27號飛，等了十五分鐘先能入座。前台安排有點混亂，入到去安排的枱已被人其他客人坐下，部長只好再安排另一張近窗邊的枱給我們，剛好正是點心車推出來的位置。🙌🙌粟子蓉布甸，勁力推介。這個布甸是剛焗起，西米加粟子並不會太甜，非常好食。芝麻煎堆仔好飽滿，食完芝麻味在口中湧出來。玫瑰花紅豆包，紅豆好香，紅豆蓉好棉有質感，但食不出玫瑰在哪兒。咖哩尤魚，真心講咖哩汁不好食，調得不倫不類，皂水味重。雖然份量多，但係最終要用開水洗過醬汁才可放入口。鳳爪正常，都算大隻，好入味。波菜餃， 皮薄餡料十足，有菠菜的爽甜同蝦肉的彈牙，再配上辣椒油一絕。除左佢樓底不高，有點困聲同嘈吵，

平時食飯都鐘意食下中菜，咁岩翠園唔洗等位就試下啦。手拍青瓜，好fresh好爽，不過酸左少少。燒肉超高質，肥瘦適中，表皮香脆，當然價錢都唔低啦😂 西蘭花炒帶子花枝，西蘭花唔會太老，可以保持到翠綠而且爽脆，同時又唔會太硬，點一點蠔油咁能帶出西蘭花既鮮味☺是日例湯好大煲，而且夠火候，大概分到五至六碗。食中菜配返碗熱辣辣既湯絕對係最佳配搭！可能果晚有晚宴，啲侍應都好忙。我問佢哋「有冇辣椒醬」，佢答「有」，之後就一直都冇拎過嚟。後來我先發現，我只係問咗佢有冇，但冇同佢講我想要，所以佢先冇俾我。之後搵第二個侍應同佢講我想要，好快就拎咗俾我喇😂😂😂

上星期四收5半🕠老豆又放假👨🏽就5點幾同媽媽子同老豆一行三人👨‍👩‍👧去翠園食晚餐知道呢間係貴價美心💰但某信用卡係有折既💳原來係指定食品先有折咁就叫指定食品啦1. 醉雞🐔作為冷盤呢道都算係幾好既開胃菜😋單骨既切法幾細心🔪不過又係同其他典型🐔既菜式一樣雪味重而酒味融入唔到雞既世界🥃2. 胡椒豬肉🐷又係一道前菜個人覺得呢個菜相當好食🤤半肥瘦食落口感好好毫無肥膩感覺胡椒味令整個菜味道昇華值得推介3. 蛇羹🐍呢個菜賣相唔錯但由於本人唔食蛇既關係俾唔到意見但眼見👀兩老食到無剩食蛇既朋友可以試下4. 翠肉骨少大魚🥒🐋木耳爽口翠肉瓜爽口大魚鮮味味道適中略嫌大魚啲骨難處理5. 黃金蝦🦐好好味👍🏻絕對值得推介炸到蝦殼都食埋咸旦黃🥚黏實蝦殼啖啖都有咸旦黃既香味正不過只得4隻好食就真係好好食😄🤤不過折左都500+貴左啲