翠園 (新城市廣場一期)

營業中

休息中

1月1日到了翠園飲茶, 原來呢度仲有推車仔賣點心, 那天不太肚餓所以兩人只叫了5款點心:牛肉腸: 賣相唔太好, 最面果條塊皮爛爛地, 不過味道正, 裡面牛肉餡應該有檸檬葉, 好香好好食. 腸粉都算薄滑.燒賣: 賣相超靚, 一見到已經好吸引, 咬落肉質彈牙, 隻蝦又大隻爽口, 好食!沙嗲牛柏葉: 最差呢個點心, 冇沙嗲味之外, 質地超腍冇咬口, 完全唔煙軔, 差!!香滑麻蓉包: 而家好少見到酒樓有麻蓉包了, 個餡都好香, 幾好食, 滑度就一般般啦九層紅棗糕: 雖然話九層, 但只係數到六層咋啵味道好香紅棗味,  質地黏黏地, 幾好~ 服務來說正正常常啦, 但埋單時搞左好耐...第一次拎張單來 收多左錢...跟住等左好耐再拎第二張單來...又拎錯....最後第三次先無錯.同埋場內地方放太多枱, 要推埋點心車, 位置真係有D迫.

Set menu for two ($398)媽媽心血來潮想食粵菜 見到佢既套餐都幾抵食而且食物款色都岩口味就衝左入去😚佢既鐵板叉燒味道一流 不過偏甜 應該落得太多蜜糖 不過我喜歡😋另外佢既葡汁焗釀響螺都好特別 係切碎既螺肉 菇 洋蔥整既 幾惹味👍🏻另外幾款小菜都正正常常以呢個價錢來講我覺得都唔錯可以同屋企人食多幾次

又是一年一度老豆生日的大日子了，作為孝順女，當然要好好跟他慶祝！老豆開宗明義說要吃中菜，精挑細選下，最後選擇了翠園！第一個菜是鐵板叉燒（$68），侍應會先放一個熱騰騰的鐵板在你面前，然後再放叉燒，最後放醬汁！咋！咋！咋！煙霧四起！好像在做表演一樣，老豆看得如痴如醉，做女的，也感到很開心！叉燒經鐵板再灼熱後，表面更外脆，而肉汁仍能鎖汁，不錯！之後上菜的是生炊芋粿炒素菜（$88），這個菜較為普通，只覺得是一堆蔬菜！最特別的應該是芋粿，在香港比較少見！我這麼大個女，也是第一次吃，但結果是...我不太懂欣賞這個食品😅味道淡淡的，沒有很粉的感覺，反倒口感有點QQ，不太喜歡！翡翠炒班球（$268）份量比較少，魚肉經過走油，外層有點脆口，肉質也算鮮甜！而且底層有菜，感覺較健康。因為老豆愛吃魚，所以我們下一款菜也是魚，鮮蟲草花雲耳浸海斑（$368）！魚肉被起骨，再走油！說真的，魚肉的味道和上一碟菜差不多，不過這一款整體來說比較清新。最有趣的，是老豆誤以為這款是蒸魚，所以上菜後，明顯見到老豆的表情有點失望...阿哥嫌我們的餸菜太寡，所以又叫了一碟士多啤梨脆肉排（$118），肉排外層外脆，肉質腍身易入口，

三姊妹相约於此午饍，喜歡這裏多點心選擇，水盡有保証，現在做近懷舊點心，芝麻卷好有芝麻味，炸蟹拑ok,煎糯米雞一般，都是食蒸好些有荷葉味，去看推車仔，發現瑤柱蒸柚皮，我每次見到柚皮我一定叫食，想起外婆已前好喜歡煮俾我吔食，好好食，家姐記起用猪油渣，脆脆地，猪油香加蝦米，以前瑤柱蝦子不像現在咁普遍，簡單食材已制做好味餸菜，再記起外婆的咸/甜糭，年糕、炸角仔，蘿蔔糕都是佢教家姐整，好多回憶……最後叫咗家姐一定叫的腐竹薏米糖水，新出脆皮杏仁梳夫里一

「翠園」，這老字號的中菜餐廳，名聲大噪，質素自然有保證。我同朋友和她女兒慶祝生日。她家女兒最愛吃酸酸甜甜的食物，我特意點了「菠蘿咕嚕肉」每逢晚飯有這類菜式，胃口特別好。檸檬、咕嚕肉、甜酸肉等全是她女兒摯愛。特別是在潮潮濕濕的溫度下，我們的胃口也下降，酸甜味的食物的確特別受歡迎。今次的咕嚕雞酸酸甜甜，肉質軟滑，適合一家大小口味。 另外，我也點了「黒松茸糯米魚」，荷葉散發淡淡清香，熱騰騰的糯米，粉稔可口，鯪魚肉在油鑊下煎成似魚餅般，臘腸、臘肉、膶腸煎至金黃色切細粒混合，份外滋味。黑松本身名貴，提升整體價值。 「上湯竹笙籣遠」不如所望，味道苦澀不甘回，竹笙沈久了像一粉團，雖說竹笙像棉花吸收湯汁。但是，湯水不靈光，竹笙顯然將整件事情變得越來越壞。 整體而言，環境不錯，食物也可接受，我們朋友也渡過一個愉快的生日。

第一次在翠園歎下午茶，原來很墟嵌，兩點半開始下午茶，兩點去登記擺入座編號都人山人海。黑椒牛柳絲炒麵似肉絲炒麵咁啵！帶子豆苗餃有少許帶子和蝦肉，都不錯。流沙包不流沙，很難吃。瑤柱柚皮很可口！百花饟魚肚，蝦膠爽口魚肚夠味道！吹水灌茶食點心一個小時真快，3:30女待應問我們要點心齊未？！心諗咁快要埋單？問清楚是點心快收爐，炒粉麵尚可，因為師傅未落場，匆匆落碟炒麵，4:30大部分照明關閉，我們只能埋單配合！

呢日星期六，8個大人加2個唔食野既人仔，叫左個半席圓桌歡聚宴，有滙豐信用咭優惠，加左碟叉燒同埋東坡肉，冇叫白飯，改為三文魚砵仔飯。呢度 PROMOTE 緊客家菜，我地呢餐有几味都係客家菜，老爺係客家人，雖然味道一般，但佢都食得好開心。蜜汁叉燒先上枱，好好食，好叉燒難求，肥瘦厚薄適中，蜜汁味香甜濃郁，絶對係一碟好叉燒。雲耳小瓜炒花枝崧，普普通通。上湯焗加拿大龍蝦 (伊麵底)，龍蝦雖然細細隻，但都食到鮮甜味，只係份量太細。東坡肉，肥瘦一層層分明，肉質感覺結實，色澤美麗，入口融化滿口油香。醬皇金蒜雞，睇落好濃味，但食落就剛剛好，金蒜好香口，雞肉嫩滑。蝦乾肉崧浸娃娃菜同埋鮑螺片，2碟都好大碟，1個餐有2碟咁大份量既菜，仲有碟雲耳小瓜炒花枝崧，3個都係瓜瓜菜菜，實在太誇張，亦有呃秤之嫌。蠔皇鮑螺片，唔好食，個汁又唔好食，個鮑螺片太淋又冇味，又唔好食。三文魚焗筒飯，加左油鹽同埋三文魚碎黎蒸，再加埋葱，几香口。襌衣脆魚卷，外層酥脆，內裡魚肉略嫌太結實，同埋咸左D。清蒸花尾躉，蒸得剛剛好，肉質都几滑，也有魚香味。魚型芒果布甸，一般啦，人工開粉的味道。

到沙田翠園飲茶，叫了很多點心。質素算是符合水準，但想到昔日的翠園可以用「高水準」形容，現在真的是今非昔比。個人較喜歡蝦餃燒賣：蝦肉爽口春卷芋角：非常多蝦XO醬炒腸粉：老抽豉油和XO醬都好入味紅豆糕：紅豆夠多，但略嫌有點硬其他點心中規中矩！

美心集團，是我常光顧的餐廳之一，他們旗下都有很多餐廳，水準都是中上之作。這天到了沙田新城市廣場的翠園，六個人，AE card 還有七五折，真是大件夾抵食。環境一流，雖然未至於很靜，但也屬可接受質素；枱和枱之間相距不近，有私人空間；食物質素保持，是和朋友傾計的好地方。朋友多，勝在可以叫多一些款或試試，我們都吃得很開心。比較特別的是叫了這個螺，HKD38.00 一隻，不貴，而且做得很用心：他們是先將螺肉拿出來，切好再釀回到螺殼內，吃心機錢。魚也做得甚好，大大塊班球，甚為新鮮；美心是大集團，就有這個好處，每天拿貨多，去得快，可以長期保持新鮮水準。竹笙芥蘭，非常爽口，我甚喜歡。走地雞也是一絕，吃得很滋味，讓我一再回味。叉燒也是很好吃，以 HKD80.00 一碟 AE 咭還有七五折，甚為抵吃，中上之作：甜品我們叫了豆腐花，有好像姜汁的撈來吃，不甜，而且有椰香，吃得出心機來。蛋散也是懷舊項目。好朋友一聚，就是四個小時，完全不覺時間過去。埋單每人折好只是 HKD150.00，能夠有這樣舒適的環境，中上質素招呼，中上水準的食物，我必定會一來再來。

新城市廣場一到星期六日，要搵位飲茶一定難所以120分鐘等位唔出寄。我標題寫著是「新茶樓人是舊」，未變身或者升呢之前前身是美心皇宮，現在換成翠園後好多舊美心皇宮既員工都留在翠園工作，包括常常走出來睇住點心姐姐既廚師。剛變身後食過一次，確實比舊的好，點心好食好多。於是11月03日我們一行三人再去過，點了蝦餃粉粿鵪鶉蛋燒賣珍珠雞棉花雞沙爹牛柏頁煎推仔上述都好好味既野，熱騰騰上枱，不過「煎推仔」就叫人失望，煎推仔一上枱我跟另一友人馬上把它夾進口中，欲異口同聲發出「凍既」；真........真的是凍，連丁點兒既暖都沒有，心想煎推仔何是變了凍食?? 凍食既糯米已不是軟的已沒有趣，再加上凍的關係感覺好油。跟侍應姐姐反映，佢既回應都幾有趣：「呢D係咁架喇，一早炸定」，其實炸完放落架炸車來推銷好過用人手去Sales ~ 始終不保溫嘛。

自從or改版后,使用低智能產品的我無法暢順地完成食評 看見堆積如山的相片已令我沒心情繼續，今天碰碰運氣希望能順利完成 沙田翠園坐落於沙田新城市廣場8樓，即美X 酒樓舊址。美X 集團把用地一開三,翠園佔據一半，各食家請注意,現在只有地面的電梯直達酒家，其它樓層的電梯和扶手電梯還沒開放至8樓。因為酒樓面積縮小了一半，從電梯踏進8樓已有點壓迫感，候位的地方少了，站著等了個半小時才能入座，幸好分配的單邊座位很舒適寬敞·新開張只是幾天，杯碟全部潔淨閃亮·肚子打豉了，先來一客潮州粉果 - 粉皮厚薄適中，隱約看得見餡料，挾上筷亦不會黏筷和破爛。餡料是我喜歡的沙葛粒，花生，蝦米，當然還有豬肉粒，愛上他沒像別的酒家混上一個獻，清清爽爽的一口，再沾上備有餐匙的辣油，刺激了終樞神經 煎腸粉 - 熱騰騰的蒸燒賣腸粉配上芝麻，甜醬，芝麻醬是絕配的地道美食，但當幼腸粉跌進鑊裏成為酒家的煎腸粉，完全變成兩碼子的事。我要吃寬身的煎腸粉！！！掌翼 - 近期愛上的一道小吃，愛其微涼，皮淋肉嫩，入口帶點淡淡的酒香，用以佐酒或是伴飯都是很好的選擇。梅子蒸排骨 - 是每間酒樓(同是美X 集團也沒有)有的點心。以梅子和蒜