翡翠拉麵小籠包

營業中

休息中

今個月都已經不是第一次來翡翠小籠包吃晚飯，因為我今個月來的時候，遇到一個很親切笑容的服務員，她那種熱情及專業的態度，直令我難忘，所以再一次來吃晚飯，後來才知道那個服務員叫Ming,因為現在香港的餐館很少有這樣窩心的服務，所以特此讚揚一下她。這裏的食物質素也不錯，特別是小籠包及雲吞雞、及東坡肉，小籠包有很多湯汁，雲吞雞的湯很清甜，東坡肉賣相不錯，入口即溶，最後吃了一個豆沙窩餅，熱辣辣很好吃，皮薄而蓮蓉不太甜，😋😋

我同女朋友叫咗個二人餐大部份啲嘢食都係好鹹特別是係京爆牛肉，鹹到入唔到口我哋要叫杯水沖一沖先食到呢間未食過估唔到第一次食係幾失望啲侍應服務係可以嘅不過佢哋得3-4人一忙起上嚟理你唔到

【超失望嘅拉麵套餐！】 今日突然好想食拉麵，諗住「翡翠拉麵小籠包」穩陣啦，點知中伏！叫咗個一人套餐，$78以為抵食，結果樣樣都唔對板⋯⋯ 前菜「鎮江排骨」得幾舊仔，仲要又乾又韌，醋味勁假，完全唔開胃！主食「菜肉雲吞拉麵」個湯一啲都唔熱只係暖，呢個係食麵嘅大忌，麵質淋patpat，雲吞皮厚到似食粉團。旁邊碟菜心就幾好食，幾嫩口值得一讚，豆漿做正常發揮，冇乜特別。成個餐唯一優點係⋯⋯食完即刻飽（因為難食到食唔落）。同價錢不如去食譚仔三哥，起碼有酸菜任加！絕對冇下次！

呢間嘅小籠包皮薄而且充滿湯汁，味道鮮香，完全唔會乾，裡面嘅餡料有豬肉同蟹肉，味道層次分明，食落令人好滿足。至於佢地嘅上海炒年糕顏色好靚，食落去口感都算軟滑，味道濃郁，配料都幾多。而佢地嘅雞絲粉皮就真係要讚吓，汁料香濃，粉皮軟硬度適中，雞絲份量也足，超正。醉豬手亦充滿酒香，咬落去好有口感，幾好食。仲有清炒河蝦仁亦炒得好爽口，好鮮味。環境方面，餐廳設計簡約舒適，總括來講，呢間翡翠拉麵小籠包係一個值得再來嘅地方，無論係味道、環境都唔差。

今天帶國內朋友到九龍灣逛街購物，行完一大輪，大家都累了，找個地方吃飯，就揀了這家連鎖店，人多也等了一段時間。首先，讓我印象深刻的是蟹粉豆腐和蟹粉豆苗。蟹粉作為這兩道菜的靈魂，其鮮美的程度確實不容小覷。蟹粉豆腐口感細膩，豆腐的滑嫩與蟹粉的鮮香交織在一起，味道層次豐富。蟹粉豆苗則更為清新，豆苗的清脆與蟹粉的濃郁形成了鮮明的對比。接著品嘗的是鎮江肴肉，這道菜肥而不膩，入口即化，與香醋的搭配更是恰到好處。此外，蘿蔔絲酥也給我留下了深刻的印象。鱹糊也是我們常吃的上海美食，除了鑊氣爭一點點，味道還是可以的。酥脆的餅皮包裹著清甜的蘿蔔絲，口感層次分明。但需要注意的是，餅皮的酥脆度有時會因為放置時間稍長而受到影響，建議儘快食用以保證最佳口感。醉雞和酸辣湯拉麵也是這裡的招牌菜。醉雞的花雕酒香濃郁，肉質嫩滑，但酒香略顯過重，可能會掩蓋住雞肉本身的鮮美。酸辣湯拉麵則以其獨特的酸辣口感吸引了不少食客，但湯底的酸辣程度可能因人而異，對於口味偏重的食客來說可能會稍顯不足。

翡翠拉麵昔日在尖沙咀海港城，吃飯時段永遠是大排長龍。今天打算到餐廳懷緬一番。三人點了五個菜， 招牌小籠包 ，黃瓜卷 ，京蔥牛肉，擔擔麵和雲吞雞湯。小籠包仍然保持皮薄，包内豐富湯汁。可是涼拌黃瓜，過酸和太甜，感覺不很健康。至於京蔥了牛肉份量太少， 味道中規中矩。但是擔擔麵既不是正宗的川辣味，也不是改良港式的麻醬味道，感覺非常另類。最敗筆的是雲吞雞湯， 明明看到湯材，有雞件和金華火腿，卻没有一點鮮味，而且雲吞好像放了很久似的， 雲吞皮過淋了。個人感覺餐廳分店太多， 出品變得不穩定。 如果餐廳繼續經營，希望管理層能夠多抽查出品，確保穩定性。

#德福廣場 今次同朋友嚟到九龍灣，突然想食啲暖胃嘅上海菜，行吓行吓見到呢間餐廳就入咗去，佢lunch menu做緊二人同行一人半價優惠，連埋茶錢，人均港幣$90。🧄蔥油乾撈拉麵蔥油味突出，拉麵亦都好有口感，成個面味道濃郁，對於唔食肉嘅朋友，呢個係一個唔錯嘅選擇。🍆宮廷醬茄子呢個凍食嘅茄子味道好有驚喜，醬油會令人想有一試再食嘅感覺，食拉麵食得悶悶地又呢個刺激下味蕾，整體感覺良好。🥬白灼時蔬每餐必定要食菜嘅我哋，呢個lunch menu會送埋菜，份量適中，菜亦唔老，加分加分！#香港美食 #香港foodie #九龍灣美食 #翡翠拉麵小籠包

今日香港奪得奧運第一面金牌，大家都好開心，我哋一家就出去食飯，沾沾喜慶！已經有一段時間冇嚟食呢一間餐廳,原因係曾經感覺退步了，所以就冇食啦。一年過去，今日突然想食上海菜,咁又試吓佢啦餐廳出咗一個夏天嘅系列，叫做夏酒菜，款式特別，佢將見到鳳梨板肉圖片好吸引，所以嗌咗嚟試吓。鳳梨板肉 $148豬肉係大里肌嘅部位，厚肉Juicy又爽，煎香左兩邊，唔會過韌，配合酸酸甜甜嘅鳳梨去解膩，入口嘅感覺好清新。砂鍋雲吞雞 $238湯底飲到用咗金華火腿熬湯，亦都唔係好鹹，半隻雞肉鮮嫩香滑，雞肉唔鞋。可惜雲吞俾佢煲到爛晒，甩晒皮，冇一隻係完整，加上滾太耐，雲吞肉冇乜味。侍應見到，立即入廚房，畢咗多幾隻完整嘅送俾我哋，新嘅雲吞有肉汁，鮮甜好多！鮮肉鍋貼 $55鍋貼香脆，唔會燶，鍋貼嘅皮都唔係好厚。每一隻形狀都飽滿，入面充滿肉汁，好好食！

星期六，週末晚飯時間客人流量正常，內有空枱數張。招呼入座嗰個四眼哥哥仔真係唔識做，一開始就帶去對正門口位（食完速閃走單好方便），朋友眼見入面有位，帶位哥仔仲話都一樣（好唔願意咁先至轉入面）。坦白講二人枱實在太窄，柯打四樣嘢擺到好迫。真係只適合速食，當快餐… 此地不宜久留。

🫖茗茶/水每位 $10🥜餐前小食 一碟 $8睇一啲花生個人建議可以唔要😂🍴花雕醉雞 $85 (6/10)酒味微香但係唔算好香濃，雞肉比較實同埋偏鞋口，一般。🍴上海小籠包（四隻）$45 (7/10)小籠包做到皮薄有汁，個肉正常冇鮮味。🍴上海生煎包（三隻）$43 (6/10)生煎包都係正常，個皮淨係似饅頭，肉比較少，冇爆汁。🍴蘿蔔絲酥餅（三隻） $45 (8/10)反而呢個比較出色，做到酥皮千層香脆效果，蘿蔔絲亦都好軟腍好足，好食！🍴上海排骨拉麵（加擔擔汁） $87 (7.8/10)揾咗好耐都冇有餸嘅擔擔面，原來可以喺其他拉麵度加擔擔汁，排骨大嚿，肉汁唔乾夠香脆完全好油膩，個面都比較細滑因為淡淡花生香濃同埋辣醬，真係好好食！🍴上海炒年糕 少油 少鹽 $90 (7/10)真係做到少油少鹽，食落去一啲都唔油膩，醬香味濃郁，但係唔會好鹹，年糕都幾滑，配咗好多唔同嘅蔬菜OK嘅！推薦指數: 7/10加入夜晚都好多人排隊，想食上海菜都可以試一試味道OK嘅，但有啲餸就普通！

很想食小籠包，於是便入店內進餐！餐廳沒有二人套餐，周日也沒有什麼特別優惠，所以只是散點，點了酸辣湯、雪菜蝦仁炒飯、小籠包及高力豆沙。小籠包都保持水準，皮薄多汁！高力豆沙軟綿入口即溶好味，只是略嫌比較細隻😂！整體而言，味道不錯！

好耐冇去這間餐廳食了,趁生日就和家人一起去食,之前都睇過食評,見評語麻麻,都有d擔心。好彩我哋未夠7點已到,啱啱可以坐到張6人卡位,十分闊落,因為兒子會帶好多玩具用餐,所以十分滿意。但用餐時間是限時90分鐘,所以很快已落單。首先提提大家,如果唔食前菜(花生和酸菜)是可以話唔要的,會係賬單扣回。雞火炒飯味道比較清,唔多油鍋貼外脆內軟上海排骨麵唔知道原來會有莞茜,排骨不是咁好味,可以不試好味,皮薄多汁東坡肉味道可以,唔油膩,但不是入口即用醉雞唔知用咩酒浸,普通小食三拼可自由配搭,我揀咗鎮江肴肉,雞絲粉皮同埋鎮江骨,好味抵食。

今日放假，於是就約阿媽去食下午茶，最後簡左九龍灣德福商場的翡翠拉麵小籠包。我地叫左一個下午茶餐，一份蘿蔔絲酥餅，一份奶油津白。下午茶餐非常抵食，包一個三色拼盤，一碗面，一杯野飲。咁我地就簡左五香牛肉拉麵，雞絲粉皮，宮廷醬茄子，脆皮春卷，凍豆漿，一個人食絕對係經濟實惠。另外下午茶時間冇午飯時間咁多人，可以靜靜地同阿媽傾下計吹水，店員仲好好比左張4人枱我地，等我地坐得舒服d，店員都有詳細講解餐牌內容同有咩優惠，等我地唔洗一頭霧水仲同我地講入會員仲多優惠，於是我同阿媽即刻申請左入會員，見到店員咁用心講解，值得一讚，我地下次一定會再幫襯同推介比朋友。以下就詳細介紹一下我地對食物既評價啦！1.雞絲粉皮評價:口感彈牙，芝麻醬撈埋雞絲，味道一流。2.宮廷醬燒茄子評價:茄子應該有炸過，加上醬汁，咸淡適中，如果熱上味道會更好。3.脆皮春卷評價:個皮好脆，入面既餡料有椰菜，混合一齊食唔會覺得好油膩，加埋喼汁，酸酸地，非常好食。4.五香牛肉面評價:牛肉既五香味好足夠，湯底加少少辣醬，味道更佳。5.蘿蔔絲酥餅評價:外皮酥脆，入面既蘿蔔餡好夠味，完全唔會乾，比起酒樓更加好食。6.奶油津白評價:口感爽脆，味道略淡

今日同屋企人加小朋友一齊食飯 呢間平時都食開 食物味道中規中矩 但勝在坐得比較舒服 啲服務都ok 上菜快 同埋地鐵一岀就到 今晚食左小籠包 上海粗炒 肉碎炒四季豆 炒牛肉同豆沙餅 人均200左右

今晚我去了品嚐了正宗的上海菜。首先，我叫了招牌的小籠包。這些小籠包以其精緻的外皮和豐富的湯汁而聞名。我一口咬下去，馬上感受到鮮嫩多汁的豬肉和湯汁在嘴裡爆開的美妙滋味。外皮薄而有彈性，給人一種口感上的滿足感。小籠包是我在這家餐廳的亮點之一，絕對是必點的菜品。接著，我品嚐了他們的餃子。餃子的皮薄而韌，內餡豐富且味道鮮美。我選擇了豬肉餡的餃子，每一口都帶來了濃郁的肉香和微妙的香料調味。這道餃子是一個美味的開胃菜，完美搭配著他們的特製醬料。香煎小黃魚。這道菜以其金黃酥脆的外皮和鮮嫩的魚肉而聞名。每一口都充滿了魚的鮮味和微妙的香料調味，讓人難以忘懷。這道菜不僅外觀吸引人，而且口感極佳，絕對是一道值得推薦的主菜。菜品的味道新鮮，烹飪技巧熟練，讓我感受到了上海菜的獨特魅力。服務態度友好，環境舒適，這是一個適合與家人和朋友共享美食的理想場所。我強烈推薦上海滬味餐廳，尤其是他們的小籠包和香煎小黃魚，絕對值得一試。