翡翠拉麵小籠包

營業中

休息中

臨飛前，平時都會選擇去食麥當勞就算，不過今次全家一齊去，還是不要吃得太頹。不知是否機場的分店才有早餐，早餐吃小籠包都是第一次。*鮮肉鍋貼（$42）每一隻都肥大又飽滿，鍋貼個底煎得好脆，第一啖咬落去，即刻有肉汁爆出。鮮肉份量比想像中大，皮又不會太厚，正！*炸醬拉麵（$58）中式的炸醬，是辣醬再拌上肉碎和豆腐乾。醬汁不會太稠，濃度適中，不會太咸，有少少辣。*菜肉雲吞湯拉麵（$62）有五粒菜肉雲吞，大大粒，不過略嫌皮有點厚；麵條煮得剛好，不會太軟太硬；湯底又不太濃。*上海小籠包（四隻）（$38）四隻小籠包，四隻夾起都爆，個底痴住張蒸點心紙。味道上其實真的不錯，皮薄，肉餡多，就是因為爆了，所有湯汁都漏出來。埋單時店員說如果下次再有此情況，可以要求更換一籠，因為他們有品質監控。*茗茶（$8/位）雖然係機場分店食，但價錢似乎和市區的分店差不多。

一落機有D餓，行左幾間食店都要等位！竟然平時要排隊的翡翠拉麵小籠包,不用排！雞絲拉粉皮~麻醬味濃，雞絲滑，加埋一齊夏天食好開胃小籠包~皮薄肉嫩，一咬開湯汁流晒出來豬扒拉麵~豬扒唔油唔un,麵條爽滑彈牙，湯好香豬骨味同葱花味不過唔夠待應，做野好慢

先到「翡翠拉麵小籠包」 食個簡單的晚餐。其實機場的食肆選擇有十多間, 中、西、日、台、泰、越樣樣齊, 只是入閘前的食肆比較價錢合理, 而且環境寛敞開揚。出發到台灣前, 先到「翡翠拉麵小籠包」 食個簡單的晚餐。有半開放式廚房, 讓人客能夠近距離觀看師傅即席拉麵條。位於機場大堂的「翡翠」, 服務環境都不錯。食物選擇以湯麵、飯、點心及甜品為主, 小炒選擇比市區的分店少得多。價格上比市區貴1成左右, 另外連茶壺都沒有但茶收$8位就有些貴。「翡翠」提供五款不同粗幼及形狀的麵條(雙溝、二細、龍鬚、三角及大寬)。第一次見到這麼多的麵條選擇, 以為只有機場分店才提供多款麵條選擇。老公八卦問下, 店員告知大部份店已供應多款麵條選擇, 青衣分店更厲害有8款選擇。<五香牛肉麵 $70> 這個麵的賣相不太吸引, 三片的五香牛顏色不太鮮明而且被麵復蓋。湯頭是清湯, 令賣相更加單調。牛肉雖然叫做牛肉, 但實則用上牛部位。肉質軟腍, 入口似濕潤的牛肉乾。味道跟台式鹵水牛出入不大。整體味道對辨。 為了遷就小女兒揀了最幼身的龍鬚麵。龍鬚麵光滑又軟腍, 口感似擔擔麵。可是少了麵條彈牙爽口的質感, 若果

今次來到機場食翡翠小籠包! ！ 由於係身處機場, 已經接受食物質素一般都比不上市區的分店, 自然會將底線拉低一點。涼拌青瓜 – 冰涼爽脆、新鮮 小籠包 – 皮薄餡靚, 薄薄嘅皮包住大大件嘅豬肉餡, 肉汁飽滿！夾起小籠包唔會穿皮漏湯, 入口原汁原味! 口水雞 – 少少麻又少少辣, 雞肉嫩滑，仲好香添！ 擔擔麵 – 麵質分明, 湯底香濃帶少少辣 生煎包 - 包底煎到香脆！餡料足料又保留肉汁！ 好感動! 感動的不單止係佢個味道好好味! 仲保持到應有的高水準!! 一點都沒有敷衍的味道, 香港國際機場係代表香港, 而佢絕對可以代表香港的味道, 因為佢依然用心製作, 絕不馬虎處理! 唔會好似某大型連鎖茶餐廳X華, 機場的X華真係不值一提!翡翠！

今日起程去旅行，一於响機場食飽先上機。粟米羹：很甜美有旦花，粟米粒粒清晰可見，有D鮮味，同粒粒爽的口感，不錯！ 小籠包：皮很薄，一刺就破，包內充滿唔少的湯汁，肉饀鮮味，是食過差不多最好食的小籠包 素餃：較乾身，充滿不同的切碎成饀的蔬菜，咸咸地爽爽地，感覺清新，一D都唔寡，最緊要皮唔太厚，唔會成囗麵粉。 嫩雞煨麵：味道十分十分淡，似滾水的湯底，配料比較少，麵也太林。 整體水準不錯，唯煨麵比較差。

太肚餓要醫肚，得一個人，只好叫個麵食，見到餐牌有口水雞好想試，於是叫左口水雞撈麵，夠多蒜蓉同夠辣，適合咁熱既天氣食! 個麵睇落好似好大份，但食食下，我一個女人都食得晒！雞有五件左右，同燒臘白切雞單拼飯既份量差不多,都算滑口既，開心既係佢帶一細碗金華火腿高湯，好襯食完個口水雞飲～中和左啲辣，好舒服～ 敗筆係個麵對我黎講硬得濟。。。我唔鐘意食硬麵

同家人賞櫻之旅，懐着意尤未盡ge心情回家！到港已經係晚上8時多，大家都有少少餓，老公提議食此間，我呢個鼎泰x支持者無奈下唯有贊成。小籠包一夾就皮肉分離素餃無菇香味紅油抄手充滿豆瓣醬味嫩雞煨麵得幾粒小雞肉，D麵好似米粉咁，仲碎濕濕因為太多日無食菜，所以多點一碟津白，賣相似足我平日煮出黎ge一樣，超有親切感。不過，都係鼎泰x先係我杯茶！

終於又飛了，可能是心情愉快的關係吧！每每到機場都想吃東西，即使我這天早上已吃過了早餐才出發較早前吃過翡翠拉麵小籠包的口水雞拉麵，實在頗喜歡。機場內的餐廳通常都比市區貴頗多，但這裡的價錢算是很合理！口水雞拉麵$78 雞的份量比我上次在世貿吃的多，雞肉嫩滑，微微的麻辣；拉麵質感亦分明，不會過糊。缺點是口水雞不夠辣，麵亦沒撈過麻醬，兩者味道雖好但整體不夠惹味山東手抓餅$30手抓餅，給我的感覺很是豪氣！應是用手吃的。這個餅很好吃！外層很是香口！內有陣陣蔥味，很可口的一個小吃！蘿蔔絲酥餅$39酥餅炸得又鬆又輕，咬下去不費吹灰之力，內充滿小甜的蘿蔔絲，但略嫌過油，吃一個已很膩。

飛機餐的意粉非常難食... 係機上面無瞓到, 一口氣睇咗幾套電影... The Hobbit : An Unexpected Journey, The Great Gatsby, Gravity & The Little House...返到香港國際機場, 接近9PM, 打算食埋晚餐先返歸, 點知中伏於超難食的翡翠拉麵小籠包, 即時勁懷念溫哥華的美食... 點解溫哥華的中餐仲好食過香港果D... 唉...店子是自助形式, 個人空間雖小但尚可接受...上海小籠包4隻$38-- 稍為像樣的, 餡料熱辣辣的, 湯汁不夠鮮但尚可入口, 最不能接受的是小籠包的摺位過硬, 我要咬走摺位才可吞下...四川擔擔麵 $54-- 水汪汪的, 湯底沒什味道, 麵條已淋到快變成糊狀...黑豆漿 $16-- 熱辣辣是唯一可取之處, 死甜沒豆味是致命傷...對食物質數極之失望, 價格是否值得也不用我再分析吧, 相信將來不會再在此分店進餐...唯一值得一讚, 有專人看管行李, 進入餐廳前泊好行李, 取得行李號碼牌, 食完飯離開時交還號碼牌可取回行李...

每次去日本都會因為食得太多野而食膩左，今次都唔例外~ 落左機大約9pm多,有少少肚餓, 但係想食得清淡D, 由於機場沒有太多選擇，所以便想起這裡的湯麵～由於晚飯時間巳過，唔洗等位已經有得入。由於我地推住行李車，外面門口有個呀姐會幫我地的行李車推去行李專用區安置好，然後比個號碼牌我地食完去攞返～坐底之後一直都冇水冇茶,見到有d枱有，有d枱冇，可能要係drink list另外點先有？！淨菜肉雲吞$48一碗有6粒雲呑，值得一讃的係個皮做得好薄同好滑，菜與肉的比例恰到好處，亦唔會有過多肥肉，囗感很清淡嫩雞煨麵$63這碗麵一上枱視覺效果巳欠奉，驟眼一看去麵質已是煮得太耐,果然吃落口感過軟，沒有咬口！除了麵質外一個好食的嫩雞煨麵精隨往往是在於一個好的湯底，這𥚃的湯底沒有肉汁的味道，雞味欠奉, 麵內的雞肉粒亦寥寥可數，實屬不合格喔埋單連加一冇收茶錢$122，係機場黎講價錢亦屬合理，但質素平平，可能食food court會更滿足

終於回家了!!! 今次旅程可謂百味交集，由於今次豁了出去豪食豪駛，一連吃了多間米芝蓮，又前後看了5套Musical，還趁sales season瘋狂shopping，開心的時光不少，但另一方面真心的超級掛住小兄妹，特別是最後幾天，好想好想好想提早回港！今晚先出一篇easy的，就是出發前在機場的宵夜---是的，今次去程我們搭 7/27 (日) 凌晨00:20的班機，所以提前一晚於 7/26 (六)，將小兄妹都氹瞓後就出發，最終9:40pm出門，約10:30pm就抵達機場了。當日其實在家裡已經吃過晚飯，但來到機場又有餓餓的，於是與老公來了翡翠拉麵小籠包。因為，接下來大把日子吃西餐了！機場的翡翠超多人，差一點要等位... 但水準其實比其實分店差些。飲一杯收費$6/位的熱茶暖胃後，我們簡單點了兩款食物分享，首先當然是馳名的小籠包。小籠包 ($38) 看樣子都不太對頭，個子太大，而且厚薄不平均，第一隻一挾就穿 (按：自問挾小籠包的手勢不差)；好在那湯汁都算鮮甜。還有老公指明要點的擔擔麵 ($54)，更加缺善可陳，不是難吃，但真的一點不好吃，純粹是填肚之作。這樣加一埋單也要$114，後來上到飛機，

每次去都會叫酸辣湯拉面, 因為味道好味之餘, 材料都好夠多, 一大碗夠晒兩個人食; 而三鮮鯊魚骨湯泡飯, 好新鮮好好味, 湯底好濃, 我個人認為太細碗了, 但售價要78元, 略嫌貴了一點; 黑木耳配以陳醋來品嚐, 好特別, 也很開胃, 我一個人差不多食咗大半碟;  最後叫了一條炸銀絲卷作結尾, 趁熱食, 效果更佳, 兩口子食了一餐豐富又滿足, 味道不錯的晚餐.

今日一落機就去食翡翠拉麵小籠包，結果真係沒有選錯，幾好味。我們叫咗一個嫩雞煨麵，一個皮蛋豆腐（前菜），和一個核桃糊。我好鍾意食軟淋淋的麵，嫩雞煨麵軟淋淋加上浸住湯，真的唔錯！皮蛋豆腐就是我們每次去都要叫的前菜，沒什麼特別，但係都幾好味。核桃糊的話總評價一般，但可能我很耐沒有食了覺得好味。糊上面會放些核桃，不會太甜。

機場選擇唔多，食過IFC既翡翠拉麵小籠包覺得唔錯，送別朋友，最後一餐，希望佢對香港美食天堂留個好印象，於是揀左LI間。第一次食小籠包完全冇湯 枉我小心翼翼怕爆哂D湯出黎，點知咬落去咩都冇。不過味道都唔差既。素菜餃唔錯，皮薄，幾香口既菜味。蘿蔔酥好油，餡偏少，如果多D餡起碼可以蓋過酥既油膩感。還可以啦，IFC個間好食D。有機會再黎香港，我會帶佢去食過IFC個間

今日同班同事放咗工後去咗機場食晚飯，九個人食得好開心。喺冇乜選擇嘅情況下，就揀咗呢間。環境衛生：環境尚可，唔但止乾淨又open ，坐得好舒適，好鐘意喺機場嘅感覺。服務：服務好好。經理同我地又講又笑，又肯主動幫我地影相。其他員工態度都好好。味道:小籠包- 皮薄多汁，肉質普通，但都好食。醉雞- 超細碟，酒味好重，肉夠滑。雞絲粉皮- 又係細細碟，所以唔夠喉。火腿津白- d菜好大條d味靠哂上面好咸嘅火腿。炒年糕- 味道普通，唔太好食，唔夠味。擔擔麵- 有d辣，辣得呢又唔夠麻醬味，不過好食。雪菜蝦炒飯- 雖然有d咸，但好好食！水煮牛肉麵- 好麻辣！賽螃蟹-質感炒得OK，味道好。黃金蝦-蝦好細，但炸得好香口好好食。炒鱔糊- 好油，但韮黃加隻魚真係一流。豆沙窩餅- 上嘅時候熱辣辣，可能因為咁，味道未出得哂。Final Verdict:喺機場黎講翡翠係一個唔錯嘅選擇。