翰林茶棧 (已結業)

在台北市旅行時，有光顧過翰林，好喜歡該店的珍珠奶茶。今天剛巧在雅蘭中心等候覆診，當時該店並未坐滿食客，於是在店內坐坐，感覺到店內的座位並不太好坐。Order了一杯熱黑珍珠奶茶（$33）和椰香奶酥（$18），等候大約五分鐘多，店員親自遞上飲品和食物給我。熱黑珍珠奶茶 - 茶味濃香，細小黑珍珠軟滑。椰香奶酥 - 椰子味香，椰和奶比例適中。水準可以，也會再次光顧。

這兩個月到旺角工作的機會增加了，特別留意旺角區的飲飲食食優惠。認識翰林不是因為他的國宴奶茶，而是因為K旅遊網的$3 買到$33茶飲的優惠位於雅蘭中心地下簡潔的一角有少量座位及一些茶葉罐裝飾$33 可以買到很多不同的茶飲，今天我找的是奶茶~奶茶也有好些不同的種類，倒如： 鮮奶紅茶、鮮奶綠茶、鮮奶鐵觀音等等…… 由於第一次嘗試便問問職員他們那種茶茶味最濃，從而選定了鮮奶烏龍茶。標準凍飲size 杯裝鮮奶烏龍茶在等待沖調的過程中看看價目表上不同的產品介紹，最吸睛當然是每日限量的國宴珍奶，想著如果一間店可以提供國宴產品其他飲品應該也不錯吧！不過今次到手的鮮奶烏龍茶，茶味較為淡，而且亦沒有鮮奶應有的香滑奶味， 唯有等下次再有機會試試國宴奶茶吧!

熱辣辣的夏天，每次出街總是忍不住要買杯凍飲降溫及解渴。在商場行完街後，初次遇見「翰林茶棧」，見到環境幾靚，仲設有少量座位，正好可以買杯野飲坐低抖抖。見每日限量的「國宴珍奶」好吸引，一於試試。朋友點的則是「蘋果茶醋」。呷一口，「國宴珍奶」果然有料到。茶濃郁香，與奶味互不搶對方風頭，珍珠煙煙韌韌，整杯味道不太甜，值得一試。而朋友的「蘋果茶醋」味道酸酸甜甜，陣陣蘋果香中滲著烏龍茶香，味道好夾。見到關東煮 ，即時點了一份，分別有豆卜、獅子狗、蘿蔔、貢丸及娃娃菜，填飽肚再shopping過！

早前係旺角做完療程, 有少少肚餓, 便係附近覓食, 見到一間叫翰林茶棧賣台式飲品, 啱晒我. 飲品點了國宴珍奶, 這是每日限定, 唔講唔知, 原來佢係2017-18年間被台灣政府選為招待外賓的指定珍珠奶茶, 大有來頭, 當然要一試.國宴珍奶.入口奶質地夠滑身, 而且味道夠香濃幼滑.而珍珠夠煙煙韌韌, 幾有咬口.甜度適中.有少許肚餓, 點了關東煮. 有丸, 蘿白, 豆腐卜, 獅子狗.份量較我想像中少, 有點貴.最後, 也試了這裡的茶.點了草莓果粒紅茶, 香港限定味道. 茶味幾濃郁, 食完嘢, 飲番支茶中和一下.

月尾剛出糧，於是去旺角購物，瞬間已行了3小時，覺有點攰便到雅蘭中心地下的翰林茶棧買杯飲品作小休。翰林茶棧的「國宴珍奶」在2017-2018年間均被台灣政府選為招待外賓的指定珍珠奶茶，所以期間有好多人都來買奶茶。店舖旁邊設有少量座位，另有特色、別緻的擺設。店內除了出名的奶茶，另有鮮奶茶、冷泡茶、無咖啡因系列等提供，仲有茶葉蛋及關東煮！今次買了兩款出名的飲品。國宴珍奶 (冷) (HKD58)國宴珍奶以一級優質紅茶葉、加上兩種不同的奶混合而成，再配搭煙靭十足的黑糖珍珠，充滿「極濃郁」茶味及奶味！【香港限定】草莓果粒紅茶(冷) (HKD42)這是全球獨家草莓果粒冷泡紅茶，雖內裡是一個茶包，但味道甘甜，毫不覺苦，打開蓋會散發出清新香甜草苺味道，即令人心花怒放，而個樽設計精美，仲可以重用添！關東煮 (HKD38)見有少少餓，仲叫了一份關東煮，有蘿蔔、貢丸、獅子狗、豆卜等，可即時滿足肚仔，再起行！

每日限量的特濃國宴珍奶（少冰少糖）在未開始寫我這篇飲評之前，先解釋一下甚麼是國宴珍奶，國宴珍珠奶茶（下稱國宴珍奶）其實可以說是台灣國寶級奶茶，台灣政府選為招待世界各地外賓的指定珍珠奶茶，茶葉是台灣政府經過特別挑選，來自高海拔山區，產量不太多的特優級紅茶，茶味雙倍香濃，入口比其他珍珠奶茶甜度較低。當然價錢方面是相較一般珍珠奶茶，高出近1倍。1. 牛奶 - 由落單到製作此款珍奶，我也有留心著，奶是採用維他奶品牌的盒裝奶，份量大約150ml，跟幸福堂的是一樣，但記住幸福堂和老虎堂也是採用日本品牌的明治鮮奶，奶味香濃程度一定會居於此款國宴珍奶之上。我相信為了襯托出此款優質茶葉，店方特別選出此款奶香程度不是太強烈的2. 茶香 - 絕對是我喝過任何一杯奶茶之上，茶味甘甘淡淡，仍然留有在我的喉嚨和舌頭之間。我不太捨得一口氣要喝完，因為茶實在太香了。我要挑剔的是，它一定不能完全去冰，那代表我喝完一定比跟冰塊的融化速度快，否則國宴茶的茶香就會大打折扣。而且我不確定少糖的情況之下，會不會影響到整杯珍奶的香濃程度，因為老虎堂的虎虎生風就是受到少甜的影響，而失去原有的風味。3. 珍珠 - 我本人就非常喜歡珍珠

今天約了朋友在旺角shopping, 走到有點攰, 想找個地方坐低歇歇腳和飲杯飲品解渴。 剛巧看見這間位於雅蘭中心地下的翰林茶棧， 有著頗別緻的裝修和座位。 於是我便叫了一杯限量供應和名稱非常吸引的國宴珍奶， 奶茶的茶味非常香濃，而且珍珠也很多。 每喝一口茶就有數粒珍珠在口內， 而且珍珠質地十分 QQ， 我十分喜愛。 至於朋友也很喜歡那杯熊貓鮮奶茶， 淡淡的茶葉帶有鮮奶味道， 沒有半點濃膩感卻多了一份香滑。 而且每吸一口便有兩種不同口感的黑白珍珠混在口中， 感覺有趣。 麻辣關東煮， 辣的味道沒有令我們失望， 魚蛋類質地彈牙，蘿蔔入味 ，每吃一件就喝一口奶茶， 十分滿足。

去旺角逛街真是一項體力活， 沒想到這商場中開了間茶飲店， 還設有座位可以邊喝邊休息， 簡直是鬧市綠洲呀~XD翰林茶棧就在雅蘭中心地下， 旺角中心部分人來人往， 購買形式採用自助下單， 與一般茶飲店無異， 開放式店面可以看到茶飲製作過程。店裡主打台式茶飲， 有鮮奶茶、冷泡茶、原創系列等， 也供應無咖啡因的豆漿、檸檬汁、酸梅汁、蜜茶， 還有醫肚的茶葉蛋和關東煮~ 各方面都照顧到！用餐區佈置特別， 擺設都與茶有關， 非常別緻。 座位不多，先到先得嚕！幸運地買到每日限量的國宴珍奶， 這杯特級珍奶選用優質茶葉與鮮奶， 而非茶粉奶精， 再加入黑糖珍珠， 真材實料。國宴珍奶既有茶香， 也有鮮奶的濃厚細滑， 茶和奶味道比例非常平均。 珍珠量很多差不多佔了半杯， 口感彈牙有嚼勁， 還有淡淡甘香， 整體不愧「國宴」之名。友人點了熱鐵觀音奶茶， 茶味略嫌被奶味覆蓋， 但整體仍顯清香順喉。肚子餓了所以追加一碗關東煮， 有白蘿蔔、豆腐卜、貢丸、獅子狗等， 量不會很多但溫溫熱熱的足夠飽肚暖胃。「飲飽食醉」又可以再開始血拼啦， 下次逛街累了再來！

呢日嘅下午老公陪我去覆診，都等咗好耐先搞掂，見天氣又熱又焗，見到商場就入去歎吓冷氣先。原來入咗雅蘭，見到有地方坐就幫襯咗呢間。翰林茶棧國宴珍奶見到呢杯國宴珍奶好多人讚而且又每日限量供應，心思思想試吓。問咗店員話仲有，即刻order一杯。茶味香濃，原來係用高海拔山區產量稀少的優質紅茶，再配上兩種不同的奶，特出茶的濃醇香和幼滑。黑糖珍珠非常Q彈，份量多，大滿足。熊貓奶茶彈牙嘅黑白珍珠，茶味香甜，無國宴珍奶咁濃茶味，如果唔鐘意茶味濃嘅朋友可以試熊貓奶茶，清甜可口。關東煮我地仲點咗個原味關東煮，都幾好食唔會太喊，小食嚟講都唔錯，唔會太heavy。我都幾鐘意呢度嘅環境，可以休息下歎下杯茶，慢慢品嚐茶嘅味道。

沒想過在繁忙的香港，喝杯珍珠奶茶，都可以嚐到國宴級的極致享受。翰林茶棧環境優雅，位於黃金地段的旺角中心點，可以坐下來，歇歇腳，用心好好享受珍奶的珍貴口感，的確難得！國宴珍奶，嚴選高海拔山區產量稀少的優質紅茶葉，以雙倍濃郁份量，與兩種不同的奶混合，配合黑糖珍珠，每一口都香滑茶醇，留意每天限量配製啊！紅貓鮮奶茶，鮮奶香滑，紅茶味濃，黑白珍珠煙韌彈牙，夏日甜甜滋味！除了茶品，還有地道的關東煮，歎杯奶茶，吃點小食，大滿足！依家去街買野真係好方便，一部手機（支付寶）同一張八達通已經搞掂payment !

台式茶飲店喺旺角開到成行成市， 簡直就係珍珠奶茶愛好者嘅喜訊 最近雅蘭中心地下開咗間「翰林茶棧」， 地點咁方便，路過又點可以唔試呢？ 放咗好多中式茶具做擺設，幾有中國風。淨係珍珠奶茶都有好多選擇。國宴珍奶$58店裏嘅招牌飲品，以國宴嚟命名咁誇張，一定要 試下究竟有幾好飲 果然不失所望，呢杯珍珠奶茶有極濃郁茶味與奶味，原來係採用了出自高海拔山區、產量稀少的優質紅茶葉， 好少飲到茶味咁重嘅珍珠奶茶奶未竟然冇被咁重嘅茶味掩蓋，兩者相得益彰。 雖然以一杯珍珠奶茶來講，價格算偏高，但真係好好飲，必試!白珍珠鮮奶茶$36如果大家唔係追求咁重嘅茶味，白珍珠鮮奶茶都係唔錯嘅選擇。 比起國宴珍奶，茶味同奶味都調低了一點，但都係唔錯的。大家留意下，店員附上嘅係幼飲管。因為白珍珠原來係好細粒，同平時常見嘅黑珍珠相比，口感好唔同，是更細緻嘅感覺。麻辣關東煮$38其實嗌嘅時候冇咩期望，喺茶飲店到嗌嘢食， 通常質素普通......點知一食落就好有驚喜佢嘅麻辣做得相當到位，連我都覺得辣最愛蘿蔔同豆卜，因為索曬啲湯汁，超正!

每到年中又要準備清大假，清大假最佳選擇當然去旅行。 今天相約朋友到旺角去取旅行資料參考一下，取了一大叠章程正煩惱去那裡坐下傾傾。 就在雅蘭中心看見翰林茶棧，店面設計簡約，好有休閒舒適感覺。看到雪櫃內有一樽樽高身冷泡茶，分別浸出天然不同色彩，並列在一起整齊又好靚。可以柯打關東煮丶 麻辣關東煮丶普洱茶葉蛋等小食可以邊傾邊飲邊食。國宴珍珠奶茶茶香味不太濃，奶十分香滑，味道十分易入口，珍珠有Q彈咬口。凍梅釀烏龍茶梅味十分香，酸酸甜甜又帶茶甘香，令人暑氣全消。

翰林茶棧，聽個名都夠曬文藝感覺就像翰林書院有間茶棧俾D書生一邊嘆茶一邊讀書一邊討論咁睇返佢地裝修都幾似既~~同埋因為起人來人往的雅蘭中心忽然有一間咁清雅既飲品店都幾特別既~~反正人太多真係搵野飲下行下起個MENU就零零舍舍見到個限量供應既國宴珍珠奶茶強調茶味同奶味特別香濃，就吸引左我買啦~~反正人一世，物一世，試試看吧~~另外，仲買多杯普通版既珍珠奶茶，睇下差別先左邊係用水墨風格的漸層綠作杯，右邊就係用左山杯風格作杯好明顯地打開蓋見到個珍珠份量係好大對比國宴珍奶珍珠給得非常豪爽，足足係成個杯的三份一，加上口感夠Q彈真係過足口癮~~國宴珍奶用上天然的鮮奶，奶的濃醇程度也十分高另外，仲見到佢地特別有賣關東煮我就叫左個麻辣口味，真係好有台灣風格，關東煮非常入味尤其豆卜同蘿蔔吸曬微辣的湯汁，咬上就流曬湯汁，真係好好味仲要蘿蔔鮮甜又無渣滓，大大件

真係估佢唔到，雅蘭中心地下呢個小小嘅位置竟然變成左一間台式飲品店，仲要有位坐，香港土地問題似乎都影響唔到台式飲品店進駐。Menu上面嘅飲品同出邊台式飲品店都好似冇乜分別，但係飲過就高下立見。話說我最鍾意飲嘅台式飲品除咗天仁茗茶之外，就係清玉。而呢間茶舖就正正比到我呢兩間茶店嘅感覺，原因係大家都係用真材實料嘅泡茶去沖，飲得出嗰種清新。叫咗一杯王牌產品熊貓鮮奶茶，意思係指黑珍珠同白珍珠都存在係奶茶入面，白珍珠非常煙靭，勁鍾意！茶底真係好清新，所以而且珍珠嘅甜都唔會搶咗個茶味，很不錯。通常去兩個人去飲珍珠奶茶，第二杯來都會叫普通清茶或者冇珍珠嘅飲品，因為有時加咗珍珠會影響到飲品完美，而我係比較鍾意嘗試飲品本身味道嘅人，所以要一杯凍頂烏龍茶走堂就可以時得出飲品嘅真味。特別之處係，佢呢度有啲小食可以叫，現幾得意就叫咗個馬勒關東煮，出邊都比較少見人買辣嘅部份。關東煮入邊有蘿蔔啦、一啲遠慮啦、同埋竹崙卷，個人感覺個蘿蔔係最好食嘅，另外竹崙卷都有一款係幾特別，麻辣湯底都真係難嘅唔係得個紅字。

雅蘭中心裡居然也有珍珠奶茶店，且有關東煮供應，還要有座位坐，對於逛到有點累，又想小休，吃點小食的姨姨來說是個很好的落腳點。關東煮有麻辣的，亦有原味，不過姨姨不吃辣，故選吃原味。關東煮挺入味的，尤其豆卜吸附微鹹的湯汁，蘿蔔鮮甜無渣滓。貢丸和墨魚丸頗有彈性，獅子狗則口感軟腍，各有嚼感。姨姨對黑珍珠奶茶情有獨鍾，打開杯蓋，滿滿的奶泡在黑珍珠奶茶的表面，姨姨像海中尋寶搜索珍珠。一入口，姨姨嚐到濃濃的茶香，然後黑珍珠的甜美在嘴裡散發，細細咀嚼，黑珍珠好不彈牙，超合她的味兒。至於我則被國宴珍奶所吸引，它的名字挺高級，而且限量發售，想必它有特別之處。杯底以水墨風格的漸層綠作基調，當珍珠沉澱在杯底，與綠油油的樹叢交錯，尤如結果的樹林，十分典雅。國宴珍奶珍珠給得豪爽，足足佔據杯的三份一位置，珍奶甜而不膩，正中我平常喝的甜度。珍奶入喉先是豆奶與脫脂奶的濃醇，接著茶的後勁娓娓道出，箇中滋味真的要品嚐過才知曉。