影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
🎀銅鑼灣。正宗平價舊課室主題台灣小食😇🎀🪄店名* #老厝邊🔮地址* 銅鑼灣渣甸街36號地舖🔮🗾分店地區🗾 大角咀,荃灣,銅鑼灣,佐敦💰價錢$86 (1人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_銅鑼灣剩系食呢一類👉食物類型搜尋🔍🍜#pickyme_台灣菜➖➖➖➖➖➖➖➖➖➖➖➖➖🎵餐廳環境🎵最近好掛住台灣啲野食 成日都周圍搵邊度有地道正宗既台灣菜 呢一間系香港九龍港島都有分店 成日見到人介紹 於是今日打算系銅鑼灣分店一個人食個下午茶 入到去真係有滿滿既台灣感覺 裝修偏懷舊感覺 我覺得枱椅好似舊年代課室甘☺️而牆身就做左紅磚牆 好似西門町附近個打卡點甘～周圍掛滿台灣相片 又播住以前我中學年代既台灣歌手歌曲 好有回憶及氣氛👍🍽️食物質素🍽️見到餐牌有好多地道台灣菜選擇 例如大大碗雞扒/排骨/豬排飯,滷肉飯,蛋餅,麵線,炸物(甜不辣,鹹酥雞,香腸等) 性價比都幾高👍下午茶時間有套餐價錢更加優惠 套餐仲包埋野飲😆👀評分💖💖💖💖💖🪄下午茶餐-大腸麵線(小)+炸物小拼盤+熱烏龍奶茶配珍珠愛玉+$6 共$48呢個下午茶餐真係超級划算👍佢地既大腸麵線可以選擇size 我揀左小碗份量都頗多😮而且勁足料 有好多大腸 佢地麵線都我平時系香港食既有啲分別 食落帶有藥膳味 微鹹 偏重口味～麵線質地都係較粗身 另外配埋一個炸物小拼盤 入面有甜不辣及花枝丸 即炸勁熱辣辣 有咬口～仲有被台式飲品又係好大杯 茶底好濃 珍珠偏軟身 愛玉滑luplup口感好得意👀評分💖💖💖💖💖🪄薯餅起司蛋餅$38必食😍好耐無食過甘高質既蛋餅 入面除左有我最愛既薯餅之外 仲有好邪惡既流心芝士 佢地既蛋餅做得好薄身 所以唔會餡餅分離 而且新鮮煎起又熱又香👍 我一個人食曬一份超happy😍(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌
繼續閱讀
餐廳：老厝邊地點：銅鑼灣渣甸街菜式：古早味台灣菜餐牌：下午茶餐11選一，有飯有麵揀，包主食一款，小食一款同飲品，價錢由$42至$52不等，好抵，仲要無加一。落單用QR code。迷你牛三寶麵 $52牛三寶即牛腱，牛筋，牛肚。牛腱一片，食落都稔帶牛筋。牛筋有兩件左右，超稔滑，入口即化咁滯，好正。牛肚都有一件，厚身大塊，質感都幾好。蔬菜有小棠菜兩條同清甜白蘿蔔一大舊，葱花鹹菜放係匙羹度另上。麵底係紅燒湯麵，個湯微微辣又有少少甜，麵條幼身較淋，份量絕對唔迷你，可能只係少左肉，其實麵量同正餐係一樣。迷你半筋半肚麵 $52迷你半筋半肚麵就有牛筋三件同牛肚兩件。嫩雞蔥油拌麵 $48嫩雞蔥油拌麵面頭五塊雞胸肉，果然嫩口，唔會太鞋。麵底好大底，蔥油乾拌麵麵條上嗮色，幼身有咬口，味道好入味呀。配有小棠菜兩大條。雞肉麻醬涼麵 $48雞肉麻醬涼麵有六片雞胸肉，伴有火腿片同青瓜絲，下底係大大底黃色雞蛋涼麵，加有適量麻醬，分量好多！小食6選1。炸物小拼盤 炸物小拼盤有炸魚蛋條同三件切半魚蛋。炸雞翅炸雞翅一客兩件，炸得皮脆肉嫩。花雕醉雞花雕醉雞一客三片，面頭一粒紅色杞子。醉雞連少少皮，酒味適中，雞肉好嫩。燙青菜 燙青菜係生菜，非常健康。飲品6選1。凍椰果蜂蜜檸檬 椰果蜂蜜檸檬下底好多爽口椰果粒。飲品顏色呈淺黃色，味道酸酸甜甜，叫左微甜同微冰，甜度適中。可以加料。總括而言，下午茶餐的確非常抵食！
繼續閱讀
今日喺銅鑼灣做野想搵個地方食下午茶見到有間食台灣菜嘅餐廳叫老厝邊餐廳內仲有位坐就入去試吓啦餐廳用QR code 落單✨黑椒雞扒煎蛋飯🐔🥩🍳🍚飯好大碗每碗都配有蒜蓉炒菜，滷蛋同埋涼伴菜雞扒有一大塊🤟🏻仲大塊過自己隻手掌而且煎到燶邊，食落好香口🤟🏻同埋唔會煎到乾哂食落都嫩口雞扒有預先調過味味道剛剛好👍🏻煎蛋竟然做到生蛋黃🍳🍳蛋黃汁撈飯最正🍳🍚飯嘅份量剛剛好我一個男人食都夠飽✨花雕醉雞卷🐔🥩雞卷有三件每件都有薄薄雞皮包住未食已經聞到好香花雕酒味🍶雞卷食落好滑好嫩👍🏻雞卷冇咩肥膏食落啖啖肉🤟🏻✨薯餅蛋餅🧇🥚🥔有兩大塊走芝士真係有做薯餅炸到好脆好香口🔥蛋皮好有咬口食落又鹹又甜又脆口嘅感覺好得意😎✨凍檸檬紅茶🍋🥤🧊可以揀微糖微冰全部都有做到飲落有淡淡紅茶味清新清甜餐廳位置於銅鑼灣巿中心可以喺鬧市中有咁親民嘅價錢食到正宗台灣菜下午茶性價比高侍應態度親切有禮👍🏻對食客要求亦有求必應仲唔收加一，呢個抵讚👍🏻👍🏻
繼續閱讀
厝指既係房子🏠，起厝指既係蓋房子，老厝指既係老家旁邊，意思係老鄰居，所以主打平民價錢既台灣美食，環境樸素但不失人情味，有唔少台灣著名景點既掛畫做裝飾🎍野食選擇唔少，味道又好食😋 可以再翻兜～(5 😍 係滿分，🤩係半分）半筋半肉麵 🐮🍜 - $78 (好味指數：😍😍😍😍)牛筋夠大件，質感軟腍，啲牛肉🐮係用左用薄切牛腱🐮，牛味🐮香濃，質感軟腍，滷得入味，半筋半肉，帶有啲膠質，嘴唇有少少黏👍🏻 紅燒湯🔥🥣香濃醇厚幾好飲～ 啲麵🍜幾爽滑有咬口亦幾掛湯🥣 配埋新鮮爽脆既生菜🥬、清甜多汁既蘿蔔⚪️🥕、酸爽既酸菜同香菜🌿，係平時牛肉麵會見到既配料，全部都入晒味，幾好食👍🏻滷肉飯 (小) 🐷🍚 - $38 (好味指數：😍😍😍😍🤩)除左用豉油同糖調味，仲有香甜既紅麴醬、氣味香醇既蔥酥、洋蔥🧅、米酒同甘草🌿等等～ 用左肉丁做滷肉🐷，易入口又keep到咬口，味道香濃惹味，肥瘦適中，感覺油潤，軟爛香滑唔油膩，肉味香濃，用嚟撈飯🍚一流🤤 上面仲有一片酸蘿蔔可以解膩～起司肉鬆蛋餅 🧀🥚🥞 - $40 (好味指數：😍😍😍😍🤩)蛋餅🥞 係台灣人經常食到既早餐，今次試翻個傳統配搭芝士肉鬆 🧀🐷😜 有溶拉絲有鹹香既芝士🧀、惹味香口又酥脆既肉鬆，配埋清新又濕潤軟熟既蛋餅🥚🫓幾正🤤 旁邊仲有個醬汁可以吊味～香滷排骨 (切) - $40 (好味指數：😍😍😍😍)個排骨🍖超級大塊，而且切開左方便大家食，佢地將啲排骨🍖滷過先攞去炸，別有一番風味～ 肉質緊實有咬口，軟嫩而且有油香，而且惹味香口，出面炸到微脆，如果皮薄啲同埋豬味🐷再重啲就更加好古早味冬瓜茶 (好味指數：😍😍😍😍)呢個野飲係跟滷肉飯🐷🍚，今次叫左熱既同少甜，味道清甜，可以消暑解渴～好味指數：😍😍😍😍推介指數：😍😍😍😍
繼續閱讀
📍老厝邊 (銅鑼灣)📍銅鑼灣渣甸街36號地舖 🟡 大腸麵線（小）$36細細碗嘅麵線已經好足夠份量，食落啖啖綿滑，湯底濃郁又唔會過鹹，大腸處理得好乾淨，軟嫩入味，整體食落非常滿足。 🟡 炸甜不辣 $34甜不辣有驚喜，炸得外脆內軟，食落唔會油膩，有台灣街頭小食嘅正宗風味，絕對唔係普通低質炸物，係我食過覺得幾出色嘅甜不辣！ 🟡 熱古早味冬瓜茶加仙草 $21冬瓜茶同仙草嘅組合簡直係絕配，仙草用料好，軟滑唔韌，食落清爽又有口感，而冬瓜茶嘅甜度恰到好處，唔會過分甜膩，飲完仲帶點解膩嘅感覺。 老厝邊感覺係一間有心做好正宗台灣味道嘅餐廳，從小食到飲品都見到佢哋嘅用心，價錢合理，值得再嚟回味！
繼續閱讀