老四火鍋小廚

營業中

休息中

一定要推介比大家，荃灣老四火鍋小廚，係香車街街市3樓，特別推介牛雜鍋，炸大腸，真係超級好食，大腸炸到脆甘香，加埋脾酒係絕配，牛雜鍋個汁好正，加個烏冬，食到停唔到口， 牛雜又3大大件，仲有個扒豆苗，蝦煲超好抵食 ，大大隻蝦而且好多，

香車街街市除咗老闆娘米線出名之外 其實仲有好多檔口都好好食 呢間老四火鍋小廚啲小菜好夠鑊氣風扇同冷氣都足夠 唔會話太熱餐牌選擇好豐富牛肚炒鴨血($98)牛肚入味軟爛 有𡁻口鴨血爽脆嫩滑 冇腥味而且質感厚實 唔會一夾就散啫啫通菜煲($88)通菜爽口嫩滑 蝦醬咸香味好濃郁有鑊氣之餘 通菜依然保持到水份再加上豬肉碎、蝦乾、辣椒、蒜頭、乾蔥 非常惹味開胃椒鹽雞軟骨($85)雞軟骨外酥內脆 口感豐富炸粉上得好均勻 粒粒都咁脆卜卜椒鹽調味拿捏得啱啱好 食落唔會過鹹送啤酒一流呀

香車街街市啲嘢食都幾好味～ 之前有食過佢哋嗰邊嘅米線，大排檔。 都令我留下左唔錯嘅印象～🥰所以今日我哋就食咗呢間大排檔 試下新野🙈麻辣墨魚頭 $88麻辣味好惹味～ 墨魚頭好爽脆而且吸晒啲麻辣汁 正！ 係一個唔錯嘅開胃菜同前菜😍 另外食得辣得滯佢會有少少中華海草比你隔住咁食 會無咁辣🤣 佢除咗墨魚頭裏面仲有木耳～芥辣一口牛 $88芥辣手撕雞就聽過喇 一口牛都係第一次試🤓 一口牛柳粒唔會太韌而咬唔開😚 配埋芥辣都幾夾😍金銀蛋娃娃菜 $85娃娃菜份量好多 金銀蛋味道正常 湯唔會太咸☺️

香車街街市樓上的老四，我見電視節目都介紹過，最為人熟悉的係“人揸麵”但今次我冇叫到，因為得我和謙兩個食唔哂。難得上到來老四，緊係要炒d 鑊氣小炒啦！我和謙就叫左以下3款美食，但係太太大碟食唔哂，唔浪費的我們最後都係要打包。⚛ 酥炸沙薑雞（半隻）～ 上台時完全嚇親想點呀😅😅咁大碟，完全唔似得半隻，咬落外層超酥脆，入面雞肉就滑溜溜用沙薑醃過，味道幾好。⚛ 啫啫生菜煲 ～ 我最愛的啫啫煲，大量豬肉碎加蝦米仔爆得夠惹味，加上生菜新鮮夠爽甜，一定要食。⚛ 生炒海味糯米飯 ～ 謙謙講明要叫，因佢見到旁邊枱的人那碟超吸引，果然冇叫錯， 糯米飯來到嘗一口，粒粒軟糯吸收哂海味的鮮味咸香，因加左好多大隻蝦乾，魷魚， 蝦米， 菜圃極之美味， 超級推介。

大排檔源自十九世紀，風摩至今。大排檔的環境雖然朴素草根，但菜式特別夠「鍋氣」。價格親民，所以特別受歡迎。每次去大排檔食飯，就係鍾意呢種親切嘅感覺，好似返屋企食飯咁，街坊式親切嘅笑容，見到每個人都會大聲打招呼甚至坐低吹下水，無拘無束把氣氛打成一片，非常接地氣。炒蜆＄88話咁快熱乎乎嘅炒蜆出爐，香味撲鼻，讓人一看就流口水，吃落完全感覺到夠晒鍋氣，蜆肉夠大隻夠飽滿，肉質夠鮮美，乾淨無沙，蒜香味十足。椒鹽鮮魷＄88外層金黃脆香，鮮魷肉質彈牙有嚼口，鮮嫩爽滑還非常入味。趁熱吃還特別香口，若然蘸上醋汁更加醒胃出味。想不到大排檔對食物的伴碟也有講究，新鮮沙律菜伴碟為菜式注入生命力，絕對係色香味俱全。啫啫通菜$88通菜翠綠，看上去晶螢透亮，想不到入口卻沒有過多油膩感，帶有蝦醬的咸香，蔥蒜香，還加左辣椒粒、蝦米、豆豉炒勻令味道更加提鮮，夠晒惹味，通菜口感鮮嫩而保持爽口，鍋氣方面也絕不輸蝕，絕對係必食推介之一。督督面賣相吾錯，炒麵條條完整，夠鍋氣，無過多油膩感，吃落感到口味乾淨高級，沒有坊間一些大排擋的油膩俗味，配上秘制醬料和香蔥，拌勻後吃起來更加香口。大排檔吸引大家的除了食物夠鍋氣夠美味之外，還有那份抹

有時覺得自己真係好佬🤣 好鬼鍾意食有鑊氣小炒，今日又黎呢間係荃灣香車街街市既「老四火鍋小廚」，朋友帶過黎食幾次都覺得好食又夠鑊氣，今晚得2人食飯，簡單叫左3個小菜+啤酒🍻隊隊佢🥳 .🍴芥末牛柳粒 $88芥末醬清新刺激，配埋洋蔥炒既牛柳粒好香好入味，牛柳粒淋身有牛味，仲有好多粒.🍴豉汁蒸蝴蝶鱔 $128一食就食得出個鱔好新鮮，蒸完出黎時間岩岩好，爽口鮮甜，豉汁既濃味同魚既鮮味十分配合，餸飯一流.🍴金沙墨魚餅 $108 必食推介呢個墨魚餅，啖啖墨魚粒爽口彈牙，8舊大大舊，配埋佢地咸香又唔肥膩既金沙蛋黃醬超好食

記得上次黎香車街街市食米線既時候，發現附近有好多好熱鬧既大排檔🤤今日突然大排檔癮興起，就決定黎呢度覓食！我地見openrice呢間老四火鍋小廚評價唔錯，菜單又幾吸引就揀左佢😆🌟麻辣墨魚頭$88墨魚頭新鮮彈牙，同蒜辣味既醬汁食感覺好爽口！加上木耳同中華沙律，係大熱天時食真係好開心🤣🌟啫啫通菜煲$88啫啫通菜煲係我每次食大排檔必點既菜！呢度份量超足，咸香蝦醬既鮮香味啫完同通菜完美融合，加上大量肉碎，送飯一流呀！🌟豉椒牛柏葉水魷$88朋友好鍾意食魷魚，所以又叫多碟魷魚類既菜😂佢話呢度d水魷肉好厚而且冇發水既怪味🙉我個人覺得牛柏葉好好食，完全吸收曬豉椒既醬汁，如果可以多d就仲好啦🤣

🌙#小炒王 ♨🍻 #大排檔 🍗。得知朋友升職加薪, 嗱嗱臨集齊幾位好友知已, 係暫時放鬆堂食限聚令下, 大家一齊食餐好嘅慶祝一番, 老四火鍋小廚小菜價格相宜, 重可以係有 "香港築地市場" 之稱嘅 #楊屋道街市 買海鮮來加工, 加工費合理, 所以成為我們常來的飯堂之一, 鑊氣夠, 用料足, 香港少有的大排檔風味, 希望疫情快點減退, 回復以往聚首一堂的境況。。。。

天氣開始轉涼個人就好想食熱野啲咩煲仔飯呀 火鍋呀 雞煲呀咁去左荃灣做啲野之後夠鐘搵食記得上次去過街市食過啲小炒幾正所以今次又去番果邊搵食但唔係去番同一間😂😂——————————————————既然開始轉涼梗係要叫番個煲啦最後揀左個招牌嘅老四雞煲老闆問我地食唔食得辣中島表示還好不過唔好太辣😛上檯佢地仲好有心教你點先整得好味聞落去好驚因為好似好辣但食落去感覺有啲韓式辣雞醬韓式嘅辣中島係接受到雞件大大件唔洗驚好難咬到肉食完真係成個人都暖曬🤣有肉又點可以無菜所以叫左啫啫菜煲同樣貪佢係煲食落會暖啲😂芥蘭爽口多汁加埋啲蝦米肉碎好惹味 送飯一流👍🏻另外叫多碟炸豬大腸其實我就唔多鐘意食不過既然👨🏽‍🦱想食就是但啦所以以下為👨🏽‍🦱之意見街邊食得多炸大腸不過咬落又油的皮又林呢個唔同豬腸咬落卜卜脆唔油膩略帶小小甜味外加粒粒黑椒咬落有辣味好刺激配菜都整得好出色加左蜜椒令色彩更豐富而且同洋蔥一樣爽脆鮮甜中島覺得呢個街市好多卧虎藏龍鐘意食大排檔飲番兩杯嘅可以考慮一下——————————————————⊗ 老四辣雞煲（半隻） $128⊗ 啫啫菜煲 $88⊗ 蜜椒脆大腸 $88

老四臘味臘腸糯米飯生炒糯米飯，飯粒粒粒分明👍🏻夠曬獲氣，香口又唔油，除咗臘腸同蝦米之外仲配埋蔥花，而且份十足夠曬4個人食黑椒炸大腸小編本身就唔食黑椒，但係呢間太排檔炸大腸，大腸非常乾淨👍🏻完全無腥味，爽脆香口，岩曬送啤酒小菜芥辣炸蝦卷友人讚口不絕，除左份量多之外，炸蝦卷做得彈牙，除左蝦肉仲有粟米同蔥花，重點係芥茉醬，屬重口味🙈啫啫芥蘭煲唔會過咸，又係下酒菜，芥蘭煮到啱啱好爽口唔會過熟呢間大排檔係熟食街市樓上，比想像中環境乾淨，坐位寬躺。

好味好好味超好味重要事情要講三次吃中式小炒王最緊要有鑊氣荃灣區有一個隱世街市飯堂, 出名有幾間排隊店。今晚去呢間老四其實是第一次前來，因為見到牆上貼了很多雜誌推介，所以膽粗粗試試，給我非常大驚喜. 菜單上有淋淋種種的菜式，很多還是獨創的名稱，花多眼亂，最後請店員為我們介紹蜜椒金錢鱔炸過的鱔球非常惹味又脆口，滲上蜜汁，爽脆嫩鮮，亮麗甜美。 洋蔥切了細塊，也輕輕的帶點甜味。三味芝麻骨又是一道驚喜之作， 酸，辣，甜盡在一碟小菜上。 煎炸過後的肉骨色澤艷麗, 黑白芝麻均稱地在每一粒骨上 ,肉質鬆化， 每一口都有 甜酸辣三種層次。小炒王韭菜做膽, 炒蝦米乾，魷魚鬚 等等材料 是大排檔必叫之例牌菜式. 看似難度不高的菜色，材料也不是名貴。但是最重要的鑊氣，就只能在地道大排檔店才能吃到了。糯米飯飯粒分明，煙煙韌韌, 臘味切得細細粒， 蔥花香口又有口感. 總的來說，如果喜愛大排檔氣氛又想吃到中式有鑊氣的小菜，一定要試試這間老四

秋風起，突然很想吃熱辣辣的糯米飯，去哪裡找？朋友帶我去荃灣香車街市熟食中心，大排檔啊？這家老四火鍋小廚，真的有糯米飯！第一次去大排檔食到糯米飯，而且質素非常高！生炒海味糯米飯$88，很大碟，用料非常多！平時去茶樓吃的糯米飯，飯多但材料少，真心不好吃；這裏的糯米飯有臘腸、潤腸、蝦乾、菜脯、蔥花，用料絕不吝嗇，炒得非常入味，吃下每一口都香噴噴的；糯米飯煙韌軟綿，特別之處在於有菜脯，吃到爽口的粒粒，口感非常好。滿足了飯癮，當然還要吃這裏的人氣小菜！職員為我們介紹這裏的招牌菜，天氣涼，吃個牛雜煲吧！開著gas爐，熱著一鍋牛雜，吃著很溫暖！牛雜份量也不少，牛肚、牛肺、牛筋、牛腩等都有，還加了很多蘿蔔片一起煮。先說湯底的味道，花椒、八角、柱侯味超香，把牛雜炆得很入味，我最喜歡吃牛筋，已經煮到可以入口融化的程度，口感像吃花膠，滑嘟嘟帶香甜味；另外還很喜歡牛肚，炆得夠淋，吸收了湯的味道，煙韌有嚼勁，越吃越香；牛肺爽口滑溜，牛腸粉糯，入口甘香…真的一盤牛雜滿足了所有口感！牛雜這道普通而不簡單的菜式，廚師煮得好味，客人吃得滿足，總算對得住牛牛了！職員還介紹了一道我吃過畢生難忘的菜式，蜜椒金錢鱔。平時經常吃

同好姊妹吹水之夜，只要同呢個好姊妹出街就會口水多過茶， 所以為左唔好影響其他人，我地今晚決定去大排檔食。一來叫左個麻辣墨魚頭，麻辣味幾出，入口dd 麻後勁帶點辣，墨魚頭好爽，底下的雲耳吸收哂d 麻辣汁，辣得夠過癮，最正係佢可能驚大家過份刺激係上面放左d 中華沙律配搭，減輕辣度。油鴨西洋菜煲， 都煮得唔錯油鴨的油脂比西洋菜吸收哂變得菜更香甜，油鴨亦唔會過咸呢個食法我幾鍾意。我個朋友最鍾意食菜，我地覺得只得一個菜唔夠喉，所以叫多個啫啫生菜煲， 送到來時仲唦唦聲，用左豬肉碎蝦乾去爆過真係好唔同特別惹味生菜炒得唔過火仲係好爽脆甜。係大排檔食野真係可以好盡興，食物夠鑊氣，份量又大， 你睇我今晚叫的“生炒海味糯米飯” 份量超多，入面有好多蝦米臘腸潤腸等材料，最特別係加左菜脯去炒更加香，糯米飯口感好軟糯，涼涼地食，食完真係好溫暖。

秋高氣爽，又係時候去下大排檔食下打冷！荃灣人一定要去香車街街市，入邊九成都係大排檔，別有一番風味😋今日好爆場，黎到老四火鍋小廚好彩仲有一張枱😂Happy Friday同朋友食好d！麻辣墨魚頭$85冷盤食生腸墨魚食到悶，今次試下麻辣墨魚頭。木耳加墨魚頭，雙重爽脆口感，唯獨覺得可以再麻一d，配啤酒做開胃菜一流😋牛肚炒鴨血$98朋友好鍾意食血，見到即點！鴨血唔會鬆散有腥味，牛肚夠腍夠入味，加上少少辣椒，非常惹味👍🏻麻辣茄子魚滑$98茄子煲最好送飯，茄子香腍軟滑，比起魚香，我更鍾意呢度既魚滑。魚滑彈牙夠鮮味，有驚喜！生炒海味糯米飯$88呢入生炒糯米飯真係不得了，飯粒分明，軟硬適中，口感好好，入口非常開胃。另外用左多種海味，有各種魚乾蝦乾，香味突出！另外加左菜圃，飯粒多左清脆口感，配上各類海味，咸香十足，十分推薦👍🏻

香港舊式嘅食店越嚟越少，想試就越難越難。 呢啲舊式食店唔單止有特色，更加有人情味。今日去南豐紗廠行下影下相，甘就去埋附近既香車街街市熟食中心食飯。我地揀左其中一間叫老四火鍋小廚幫襯，店員好熱情甘安排坐位，介紹我地食咩，幫一幫牆上既剪報，原來佢係呢度既大廚。我地叫左4個餸。啫啫生菜煲，配埋乾葱頭、辣椒、蒜頭、蝦米，食到唔停口，簡單惹味。芥辣一口牛同麻辣墨魚頭都係呢度必食推介，果然好味。芥辣一口牛，齋食已經夠哂吸引，牛粒腍腍無筋，再點埋廚師特制即芥辣醬，又另一番好味。食哂啲牛，都忍唔住淨食左兩啖醬。麻辣墨魚頭，墨魚頭好爽口，麻辣醬香口唔太辣，又配有木耳，中華沙律，做前菜一流。秘製水魷柏葉，水魷同牛栢葉新鮮爽口，估唔到有甘大碗。