老坑火鍋

營業中

休息中

This is my second time visiting here. The restaurant is bigger.We have ordered the 蕃茄蟹鍋, very nice. We ordered:-- 墨魚丸- Different type of 肥牛 (super good, very lum)- Shrimp- Chicken- etcPrice is reasonable and all food are great. But the location is really inconvenience.

臨近做冬，今年試下去打邊爐熱鬧一下~~見很多人讚就試下先....招牌蕃茄蟹鍋：味道好吸引，蟹亦有蟹味，這是唯一值得試的，當然，過左半個鐘後個鍋就變回好一般的火鍋湯底.......點解老闆唔會想想加湯時唔好用清湯，一mix就冇晒蕃茄味......竹笙也好味.....不過沒有留意幾多$$肥牛、手打四寶丸、水餃、花枝片.....一般水準但一d都唔平....帶子係好大隻，但沒有鮮味，唔太新鮮炸魚皮....$30一碟....水準一般一般一般.....比一般魚旦麵檔水皮...總之這裡係貴，如任食係98+10%，這裡7 個人要$1400(已經係就住唔叫$25的公仔麵，很少菜蔬等~~) !!! 咁既價錢有好多選擇，大把有水準的選擇，如金海閣，私房窩等...除非再有人請，否則唔會自己話要去...

3個人，叫左蕃茄清湯底坐低等左好耐好耐，因為好多人，叫人落單叫左6次先真係有人落特級肥牛：份量算少，好味，但唔值咁貴四寶丸：牛丸唔得，蝦丸同墨丸就幾好味魚皮油炸鬼：因為最先黎係呢碟，我地太肚餓差不多一開始就食晒，浪費左鮮墨魚：呢個好味，好新鮮豬下青：無乜特別其實食左唔算多野，但埋單都450，覺得貴我估多人食會好o的，同埋要等咁耐，都未必再黎lu

12/15因先看了食評，一行十人第一次去。坐新舖，地方可以。冬陰公湯太多油唔香，沙爹湯唔夠香頗清唔夠濃，清湯真係清。手切鮮牛普通，鮮四寶細粒及太實，豬潤好，豬喉嚨得個脆字，豬粉腸可以因無異味，羊片很少，棷菜餃好，魚皮餃ok，魚咀、魚腩都好新鮮，排骨及咸魚肉餅煲仔飯超唔掂！紅豆沙、南瓜西米露唔得，腐竹蛋可以。總括試過就算

$120既所謂肥牛真係好唔值, 又少又唔係好靚 !!! $220既招牌蕃茄蟹鍋-隻蟹ok , 但冇傳聞既勁大隻, 湯底就mama咪都係清湯加蕃茄手打四寶丸-好普通雲吞拼魚皮餃-正常野冇特別帶子係好既夠新鮮有樣野好攪笑...我同格離都係d餸到左個煲好耐都未到總結..係貴既 !!! 咁既價錢有好多選擇唔洗去呢度

想試這間店, 為了遷就友人, 所以是訂第二輪。 八時多去到後發現人山人海, 嘩…..嚇了一跳! 終於4人要逼於小枱裡。 錯點了蕃茄湯, 原來不是真正蕃茄湯底, 只是清湯加蕃茄、苦瓜和豆腐, 有點兒失望。可能太旺, 有些餸已經售罄, 例如: 手切牛肉、海鮮等。 我們食了牛肉、生腸、雜菇、多款餃和丸等。 猜這店最出色可能是蕃茄蟹湯底、海鮮和牛肉, 但沒有試。 其他食材新鮮但質素普通, 價錢又不算便宜, 地點又不方便。 還有此食店要求多多, 一定要現金找數。 如果要去特式火鍋, 我寧願去九龍城利或大角咀豬骨煲。

7/12今冬第一次打邊爐,選了老坑火鍋,實在是因為想要試一下番茄蟹湯,提前一天book了位,到了之後他們給了我們入口圍欄旁邊的那張大檯,感覺好像是包廂坐低便討論開要甚麼湯底,我當然是支持蟹湯啦,但是同席大約有一半人食辣,想要蟹湯拼一個辣湯,可惜老闆娘話得蟹鍋同另外一個甚麼鍋不可以拼,不過她同意幫我們把蟹湯分開兩邊,讓我們在其中一邊加辣椒,事實證明,一邊加辣椒等於兩邊都加了辣椒,食到後半程兩邊都變得辣辣地,食不到辣的在下自然不敢喝湯了配料方面叫了肥牛,羊仔肉,金菇,冬菇,鮮四寶丸,魚皮餃,牛柏葉,豬腸,牛骨髓,雜菜,芝士腸首先要說的是湯底,好大的兩隻蟹!不過因為是肉蟹的關係,鮮味上就略遜一籌,實在好想念在上海食的大閘蟹,完全無需人工香料的襯托,光靠一碟醋便能叫人無法停口!但湯底做到這個程度已經不錯,我等番茄愛好者對其與肉蟹的組合非常之滿意肥牛無需多說,相當新鮮,羊仔肉也沒太大騷味,不似雪好久的那些,真是不錯芝士腸,魚皮餃,金菇,冬菇都說不上甚麼特別鮮四寶丸完全手打,幾彈牙,牛柏葉豬腸光看顏色就覺得十分新鮮,只是豬腸都切得好大塊,不易熟跟住就是今日的重頭戲了,烏冬,一丁與油炸鬼,因為一位f

星期五晚去已經好多人等多半個鐘先有檯, 原來係等商場拉閘D 工具逐啲逐啲上, 等多半個鐘先上到湯底叫左個蟹鍋, 隻蟹唔新鮮嘅椰菜餃好香 韮菜餃好甜肥牛冇乜特別新鮮魷魚好味 4寶丸好好食獅頭魚拼泥猛 獅頭魚明顯好味好多魚皮叫左3次都唔到

想試老坑想左好耐...但一路都搵唔到個好機會每次搭車路過曲街, 都總係忍唔住伸個頭去"裝"下...點解從來都見唔到老坑既真面目?!今日終於的起心肝帶埋爸媽去試...gogogo~~~ 原來老坑0係橫街入面...唔怪得從來都望唔到佢啦!心思思想叫蟹湯, 但係其實我地都唔係認真鍾意食蟹同埋佢兩老想幫我慳下荷包...(有心慳就咪叫我請你地食飯啦 )最後叫左冬蔭功拼清湯, 配料就要左例牌牛頸脊, 雲吞拼韮菜餃, 豬肺拼豬腰, 生菜拼唐蒿, 帶子半打, 四寶丸, 出前一丁呢度比較古怪?? 湯底好遲都未黎...配料到晒, 湯底催几次先到冬蔭功湯底真係几辣, 唔食得辣真係唔好叫...爸好快已經放棄左0個邊要清湯牛肉好淋, 几有肉味, 唔錯唔錯!雲吞拼韮菜餃, 雲吞無咩特別, 反而韮菜餃几鮮甜, 到底落左乜野??豬肺同豬腰都好新鮮...初初老豆怕佢洗得唔乾淨唔敢叫, 但原來洗得超乾淨! d 菜勁大碟囉...我打邊爐最憎食菜...>.< 想嗌菇又怕食唔晒 >.<帶子有十個新鮮, 又大隻...$70半打...勁抵! 四寶丸都唔錯, 但我略嫌牛丸唔夠彈牙, 蝦丸同墨魚丸夠晒鮮

同男朋友及其同事, 4人去左打邊邊, 見呢度既食評幾好, 梗係黎試下。因為男朋友對蟹敏感我地就無叫到招牌蕃茄蟹鍋, 叫左個冬陰公湯底同清湯。一上檯, 嘩, 個冬陰公湯好香好香, 試飲一啖, 都幾辣, 我係一個食得都幾辣既人, 呢個湯真係一流。搵個網一摷, 入面竟然有隻蟹仔同瀨尿蝦?! 男朋友又唔食得了.......手打四寶丸--好細粒....不過都幾彈牙, 尤其鐘意佢既蝦丸同牛丸手切本地牛肉--呢個好大碟, 牛唔算好薄, 一D肥都無, 但一D都唔韌, 好有牛味, 呢個正!!鱔片--好彈牙, 都幾多。一D都唔腥, 有D陳皮絲o係上面唔知有無關係?雲吞拼魚皮餃--2樣都有6粒, 幾大粒, 雲吞粒粒有蝦, 爽口!!雜菜--有幾隻菜, 生菜, 西洋菜, 唐蒿, 都OK大兜花枝片--原隻大墨魚, 好爽口, 煲幾耐都唔韌, 好!!山根--掉入辣湯之後最正!!蘿蔔拼粟米--蘿蔔無渣, 粟米好甜好甜!!仲有值得一提佢地既豉油, 加上大量蒜蓉同辣椒, 點咩野都咁好味!!

話說上星期去左大酒店附近食火鍋，熟識我既朋友都知我最憎去0的高檔地方食飯，所以我所講既大酒店係紅磡0個0的吧﹗紅磡曲街既老坑火鍋，上年食過一次，決定與幾個朋友再來﹗地方擴充了，租多左個大鋪位，有冷氣又有電視，舒服多了﹗食物放哂0係門口，自己睇左覺得新鮮先叫﹗湯底我地選左呢度最出名既蕃茄蟹鍋﹗兩隻大蟹絕不便宜，二百二十蚊一鍋﹗半隻蟹鉗都已經成個碗，可想而知有幾大隻﹗湯底味道很清甜，充滿蕃茄鮮香，不錯不錯﹗手打四寶丸，有蝦有鯪魚墨魚同埋肉丸，四隻都好鬼彈牙呢。呢個我全晚最鍾意，墨魚八爪魚雙拼﹗墨魚夠哂新鮮兼厚身，口感一流﹗八爪魚打邊爐好少可，0的吸盤一粒粒質感夠哂過癮，彈牙既程度入口好似仲彈下彈下咁，超級好o趙，我呢0的墨魚魷魚怪真係不停灼不停食﹗中蝦，貴左0的，七隻成八十蚊﹗無力奇的咁新鮮仲會跳來跳去，但都好食﹗打邊爐又點可以無左主角肥牛呢？牛頸脊，肉質相當腍，入口真係無咩渣，肥瘦分明肉味豐膄，唔錯呀﹗雞紅我唔食的，不過工友話好味道﹗魚雲當然又無我份啦，朋友們個個都話唔腥又滑又香﹗骨膠原豐富﹗呢個好似叫蝴蝶蚌，幾大隻，上枱已經整熟食得，肉質韌左少少不過幾鮮甜﹗來多個本地肥牛，佢地話限量供

蕃茄蟹湯底真的是十分濃, 越煮越好吃! 蟹分量也滿分, 不過最好先吃蟹, 不然煮得太老失鮮味.反而肥牛一般, 不夠肥.手打四寶也是很對辦. 爽口.叫了?魚(忘了)有點腥, 另外魚腸是晚不能接受, 我與好魚腸之人也不能完成.總括來說是ok的, 分數也是給那湯底的分數吧!

甫坐下店方即遞上一碗手切蒜蓉及紅辣椒碎。蒜蓉的辛辣味仍濃，值得一讚番茄蟹湯(時價)HK$200 – 鮮橙色的賣相吸引，兩隻蟹已熟，配料蜆肉仔、大豆芽菜、薯仔、西芹等也多，務必要求店方追加茄膏．湯很甜，我喝了好幾碗呢!油條拼炸魚皮 - 油條本身已腍沒舍特別，只要耐心讓其吸收湯味便行。魚皮(條)則非常長牛脆骨拼喉嚨 – 牛脆骨(白色的骨)十分爽脆但一點也不入味。喉嚨則很爽豬腳筋 – 恰似牛筋，較好吃牛脊肉 – 沒有被雪藏(冰碎)，與一般牛肉片差不多青島啤酒HK$15 x 2支

在云云眾多火煱店中，這兒是小弟一直最想去的。數次欲在這裏攪邊爐局，最後都因好些緣故而不了了之。聽得多其他老友述說她的蕃茄蟹鍋如何的美味，口水就不期然淙淙流下來。前兩星期卒之等到天氣稍為下降，便約齊眾老友記飛奔去大吃一番....之前聽聞這兒開了新舖，就在舊舖的旁邊。自己以前沒有來過不能作比較，但聽去過的老友說，新舖現在更光猛更整潔，而且還可以邊吃邊看電視，對太座這位電視迷來說就更適合la..屁股都未坐暖就先叫個招牌蕃茄蟹湯底。事前吃過的老友曾提議在湯底加茄糕會更滋味，不然湯會很淡口。初聽時小弟都有點半信半疑 --- 不是原汁原味的更佳嗎 ? 而且一向不大喜歡茄糕的那種人造味。但既然老友善意的提醒，那就恭敬不如從命....甚麼都不先放進去，先喝一口湯去求證。老友之言果然不差，湯既有蟹鮮味之餘也有濃烈茄味。太座也有樣學樣喝一口，隨即大叫美味。先喝湯後再吃吃湯底內的各樣配料如大豆芽、薯仔等，未吃已先飽了三成了蟹用的是斤両十足(看上去都應有斤半以上)的肉蟹，肉質不"削"之餘也極鮮甜，蟹本身也極多肉，連爪內的肉也是比平常吃到的多。再吃完蟹後，又再飽多一成但面對的是一碟碟接踵而來的配料，又怎可就此罷

今日好想食火鍋 開工到放工都一直掛住打火鍋... 唔得... 一定要食 > < 搵全家人出動先得 火鍋要多人食先正架嘛!! 7點正 媽咪以經坐低左 本身想叫媽咪叫個番茄煲加蟹 原來媽咪佢地來過幾次都未食過 叫左個番茄+苦瓜 @@ 無咩特別味道 當清熱囉 點菜了: 九土魚 - 個樣好新鮮 碌完入口 一食就知唔係得個樣 真係新鮮 有6條魚 分開一半 好味道 豬肺併生腸 - 新鮮唔係急凍 豬肺生腸乾淨 爽ロ!!四寶丸 - 有蝦丸，墨魚丸，牛丸，鯪魚丸 都唔係急凍架　全部新鮮料　不過蝦丸同墨魚丸食唔到有咩味　綾魚丸唔腥　牛丸唔得　唔係有根　係D肉味好怪...花膠魚肚 - 細碟到死　＞＜　當然唔係酒樓中高等貨　還可以啦靚靚本地牛肉- 例牌兩碟　好貴呀!! 以前九十依家百四!!　無變既係ー様好好味　出面D急凍肉ー脚伸開佢喇 無得比 重有點粉絲雜菜粟米！！仲有D豉洒無撈水架　有蒜茸同辣椒碎 打邊爐呢d配料就夠喇 來食野嘛 又唔係食配料...好好味呀 6位 飲beer x 5支 3枝氣水 總共900有找 除開 150位 d野又新