老坑火鍋

營業中

休息中

好耐都無寫過食評，一般光顧的新食肆都只屬一般或更差，呢間食火鍋算係唔錯，可以記錄一下皮蛋芫荽湯底 皮蛋同芫荽的份量都幾多，湯亦算入味，一個煲出黎可以飲既湯手切本地牛 一個很好的牛肉，打邊爐一向都喜歡食本地牛，呢間個牛起肉質方面可以算係數一數二，但係本地牛獨有的牛味略欠。會因為呢個牛肉再去一次。桶蠔 賣一百蚊，街市賣七十八，呢個蠔性價比幾高，味道都是一般美國蠔的味道，肥大肉厚，比本地沙井蠔衛生脆肉鯇 好靚既材料，肉脆、爽、甜，好難得遇到之另一好質素的材料魚皮餃拼椰菜餃 魚皮餃很難做得比四海原盒交黎既好，不如用四海既重好；椰菜餃味道不錯，但一滾即散，包工同皮料差一點新鮮羊仔肉 嫩但不騷，可惜，全無特性既一個肉手打四寶丸 料新鮮但不覺特別好食大部份特別既材料都洁清，希望下次去可以一試。整體黎講，材料很新鮮，此乃其它羊大部份火鍋食肆所沒有的

今次已經係我第二次幫襯老坑,好明顯這次的食物冇第一次咁難忘及好食.不知是食物遜色了還是我的咀”雕”了~(有點失望)鮮茄花蟹湯底 --- keep住水準,蟹新鮮,湯濃郁~竹笙 --- 好食,索晒湯的味道,正~手打四寶丸 --- ok, 不算特別出色八爪魚 --- 幾好食,用料算新鮮本地手切牛肉 --- 肥瘦適中,幾好(但不及上次老細送的滑牛好食)粉絲 --- 一向愛食粉絲,gd~帶子 --- 又細隻又唔新鮮,差桶蠔 --- 冇生蠔咁好食(伙計話冇生蠔提供,失望)魚皮餃併韮菜餃 --- 魚皮餃一般,韮菜餃豬肉韮菜份量岩岩好,好味道~豆腐 --- 打邊爐必叫~冬菇拼金菇 --- 好細碟~西洋菜拼小唐菜 --- 夠新鮮~鱔片 --- 冇食(但見差唔多成碟原封不動,應該麻麻地)脆肉鯇 --- 切得太厚身,又腥~這次幫襯過後,已大大減退去老坑打邊爐的癮,真係唔知下次會幾時再去~

這火鍋店來了不下數次，由當初小小店鋪到現在連番進佔幾個鋪位，除了OR正面食評功不可沒之外，這裡主打的新鮮及特別火鍋材料以及馳名的蕃茄蟹鍋亦是致勝之道。年多沒有來幫襯，早日前朋友相約一聚，當然首推這裡，而當晚除了品嘗不錯而坊間小有的食材之外，嘻嘻哈哈的一個晚上，大家都樂透了，當然更要謝謝大家做東！幾樣材料仍是不錯，美味不變的新鮮豬腳筋，新鮮黑柏葉，還有獅頭魚仔，灼一灼，肉質超嫩，可惜打算落單的大盤手切本地肥牛片，但老板娘說來料不夠，不能滿足每檯都落單點大盤，退而求其次要求客人改點小盤，這道理有點說不通！另外當晚首次嚐到的新鮮八爪魚，快灼，不過韌之餘更滿香八爪魚獨有的香味，可惜是預制的鮮甜的花蛤及坊間小見的豬肺片，乾淨沒血水，廚房更以白鑊烘乾才奉客，窩心。而這裡先前幫襯是沒有的，估計是近年新加品種的黃鱔煲仔飯及鹹魚肉餅煲仔飯，比坊間很多標榜主打煲仔飯的食肆更好，值得一試。十二個朋友，埋單才千五左右，其實跟普通的火鍋店相差不遠，但以材料氣氛及服務，這裡不弱啊，當然論地點，席上不小小姐們還是膽戰心驚的才到來到，離開時，差點沒蹺路避開大酒店風雲呢…

難得出席一個飯局. 今次應爐兄之請. 大吉利事, 黎到大酒店....後面既火鍋名店, 20幾人, 開兩圍邊爐. 打邊爐, 已經成為香港特式飲食之一, 以前, 一向都是冬天才進行, 而且, 開著冷氣打邊爐, 雖不環保, 但人人皆做, 求一個氣氛好. 圍住自已烚又好, 一品鍋又好. 總之打邊爐, 最皇要是開心. 另外最重要的, 當然是食材新鮮啦.我遲到, 三個鍋已經興烚烚地翻滾著. 安排坐在有沙爹鍋的一檯, 而另一個鍋已經變成一品鍋, 味道已經百感交雜. 而那沙爹鍋, 沙爹味不夠重...是否我遲來, 火鍋一早已被百味的食物搞到百味交雜, 還是加水加到味道淡哂, 始終, 若是沙爹湯底, 味越濃越正. 我果檯已經冇乜好食, 鄰檯有人掉位搶食, 咁我都黎一個搶食活動. 我轉移陣地, 去試一試呢檯既蕃茄羔蟹鍋. 一坐低, 爐兄即端來一個勁羔既蟹蓋. 食完個蟹蓋, 再添點啤酒在蟹蓋上. 把剩餘筷子揀不到的羔也灌下, 口感不錯. 不過鮮味就失了少少, 始終烚過左龍, 鮮味已經萵哂個湯度.另外食得多的, 當然係肥牛. 食南方既火鍋, 肥牛已經是不可缺的一個食物. 而且肥牛, 新鮮與唔新鮮, 一食就知,

蕃茄蟹煱底好味, 不像某些店加入茄膏, 這裡蕃茄味調得好好. 而本地的手切牛肉真的有牛肉味又不韌(例的$80 /大的$130), 而手打牛肉丸都好味, 不過牛軟骨就好硬, 唔好叫!! 一提碗切碎的青紅椒又香又辣.

蕃茄花蟹鍋$220薑蔥魚皮雞子豬腳筋四寶丸魚皮併油炸鬼本地手切牛$1XX桶蠔花甲鱔片珊瑚蚌八爪魚出前一丁一個汽水7罐合共$1,033.00朋友介紹，再睇過食評幾多笑臉，即管試試要咗蕃茄花蟹煲，隻蟹好多羔，好似食大閘蟹咁，湯冇新鮮蕃茄味，只有罐頭茄膏味，你咪以為好似羅宋湯咁，其實係似飲（金巴利KIMBERLY）湯始終魚皮冇味，係至在食佢個質感，最緊要個薑蔥靚同香碟手切牛真係把鬼過把鬼，唔肥冇肉味，真係枉佢收百幾銀一碟豬腳筋好大陣豬臊味，咬兩啖已經想吐，個人而言只嘆句不懂得吃四寶丸個牛丸，有啲似（山竹牛肉）陣味花甲係熟食嚟，幾鮮味，係佢啲人介紹話正嘢，送上枱先知係熟食，佢啲人解釋話喎，啲客自己灼會有沙，所以佢地會同啲客整熟佢先！？.........其餘啲海鮮都係冇咩特別，反而普通嘅魚皮同油炸鬼係最好食總之試過就算

Restaurants with high reputations usually make them more difficult to have another consistent positive comments or breakthrough on over all food/service quality. However, I found this place not only price reasonable, but we find also the food quality scored B+ into their report card.Worth to mention*******************四寶丸: good牛肉: We order the fresh-type (not frozen) with large size羊肉: Not so good... according to my friends推介菜式:番茄蟹湯 is recommendedBoiled Crispy fish-skin (Green onions with sesam

公司同事說預早食中秋餐飯,有人提出黎依間~咪試下囉,,下午BOOK定檯,夜晚我地去到都幾多人下~~"我地當然叫左佢最出名既蟹鍋啦!一上檯紅當當,仲有個好鬼死大既蟹蓋浮係面添,飲啖湯...正呀,食物?依家就講!'四寶丸:好味,有蝦,墨魚,鯪魚同牛丸,4種都好正,不過個湯太紅,要食落口先分得出墨魚同蝦丸珊瑚x:好大舊,好爽黑柏葉:同事覺得不太好,可能因為切得太幼易過熟令到韌,同埋好碎墨魚:新鮮,但冇乜特別,可以不叫牛肉:切得比較碎,有牛味,少肥羊肉:大家都覺應為羊肉比牛肉好食!!!羊味濃,大大塊,我地叫左2碟添呀!豬青肉:比較細片同碎,但好好味!滑雞:真係好滑~有雞味豬心腚同氣管:好難控制時間,好易韌,韌到咬唔入,不試為妙魚腸:肝臟味帶甘且濃,腸很爽口雞腸:原先想叫鵝腸,伙計說鵝腸是雪藏,雞腸是新鮮,因而叫雞腸~爽口,略嫌肥膏不夠食物材料新鮮,略嫌切得太碎太細,湯味濃,湯內蟹鉗差不多有汽水罐大,值得一讚的是+湯是真的是+番茄湯,使其味不會變淡,服務態度親切

首先如大家特登黎食就千祈唔好抱住78蚊任食火煱既心態因為佢d野的確係唔平但really比其他的新鮮同有特色首先招牌湯底蕃茄蟹湯 ($220)我睇過人地既食評話佢唔夠杰但如果打邊爐個湯好杰就會好似用羅宋湯做底我個人麻麻此湯的好處在於肉蟹加蜆肉配出蕃茄既鮮味我地一定叫碟油炸鬼當湯一滾起就飲湯食蟹加油炸鬼諗起都正如果好彩佢比大蟹的確好大隻直情係向外星黎咁d肉好爽好爽 ----正飲完湯食薑蔥魚皮我初是時都好抗拒生既魚皮但佢整得幾正特別係d蔥愛蔥既朋友一定要叫佢佢加左麻油用lee d 蔥配牛肉一齊食係一絕牛肉的確不差 ($140)手切肥牛係食牛味同口感有咬口有肉汁嘩好味到不得了四寶丸墨丸彈、鯪魚爽、牛丸鮮味多肉汁、蝦丸就實左d我最buy 牛肉丸好好味呀!!!!!!!椰菜餃拼韮菜餃椰菜餃比較正好爽口當個皮淋哂裡面d椰菜,short short 脆正噢~八爪魚拼魷魚魷魚好一般貨色可以唔嗌但八爪魚就必食嘩~好爽好鮮誇啦啦未食過咁好味既八爪魚(但記緊不要淥太耐,會好UN 呢)豬腳筋不是我FAVOR但埋FRD 激讚我個人麻麻不願置評桶蠔本身都好鮮甜佢都好新鮮沒有太大的驚喜其實以上幾樣係我既推介如叫其他就無

　　大佬牛一雖然已過了數天，但不忘與他慶祝一番，在開飯紅磡專區搜尋看看有甚麼好吃的。嘩！紅磡區實在太多好吃的，不知從何入手，還是趁這幾天天氣又點涼，打打邊爐也不錯。　　決定了往老坑火鍋試試，從家中走往曲街也不用十分鐘，因周五關係路邊也擺放了很多大圓枱供已訂位的客人，對我們這些沒有訂?的食客，似乎機會不大，好彩遇上友善的女闆娘，安排了一張四人枱給我們。　　甫坐下，便決定來個鮮茄肉蟹湯底，因事前做了點功課，知道這湯底是該店的首選，加上大佬對蟹一向鍾愛，又怎能不試呢！　　湯底非常清甜，有肉蟹甜，鮮茄的清，甚有新鮮感，火鍋材料：油條、鯇魚腩、四寶丸、肥牛、水餃拼雲吞、韮菜餃，最後還再點了生蠔、魚皮餃及生麵。　　這店的火鍋用料非常新鮮，鯇魚腩滾了很久仍嫰滑，韮菜餃大大隻，生蠔用上桶蠔十分肥大，最可惜就是不能品嘗手切牛肉（因沒有訂枱關係，今日售完），下次一定要再來，為的是手切牛肉。

打邊爐最緊要就係牛肉... 貴唔緊要最緊要好食夠肥夠牛肉味... 呢間... $140得個叮咁多... 唔肥不得至仲冇牛肉味... 鵝腸唔新鮮... 餃普通到不得了... 除咗丸之外冇樣掂... 真係唔去都唔係損失!!!

老坑食火鍋 兩人一個鍋因為睇到佢的 蕃茄湯底好似好好咁所以就專登來一試不過....可能期望太大同埋知到佢係點整佢d 血紅紅的蕃茄湯其實唔係用好多好多蕃茄咁去做的而係用果d 所謂的 茄糕來做的茄糕即是一d 類似茄汁的野...一碗碗咁倒落去咁樣先會夠紅夠味lawotherwise 佢的蕃茄湯亦都只係一碗冇味的水雖然我地只係兩個人尼食但係都食左好多野因為佢見我地兩個人...所以我地玩雙拼而唔使另外加錢呢叫左...八爪魚拼魷魚 + 老坑四寶丸 + 鮮牛拼肥牛 + 脆肉鯇拼九吐魚 + 草羊片 + 豬頸肉拼雞肉 + 冬菇金菇咁law老實講~~全部都真係冇咩驚喜最好的係八爪魚拼魷魚因為好少食d 咁的八爪魚成日食尼食去都係日本果d 餐前小食先會食其他野都只係過得去....不過不失咁食落個味度又唔係咁出可能遲終係對個血紅的 湯底太有期望啦~~如果大家真係要去我諗可以叫多幾碗 茄糕 倒入去....可能效果會出d....

不外如是，特色既食物例如豬喉嚨啶、牛脆骨、豬肺都係冇咩味道，其他一般食物，例如肥牛、四寶丸、水餃，都不及我屋企附近酒樓既質素，而且樣樣食物都要吹幾次至有，真係唔多like呀，想像一下...食完一碟牛肉...等10分鐘...再上一碟...再等，咁食法喎~梗係唔會再去啦!所謂出名既蕃茄蟹鍋，收你$220（大），只係用左2隻細蟹花、新鮮蕃茄、蕃膏、香草、蜆肉等。唔好話我大口氣，我煮得一定好食過佢。抵讚之處都有o的......大牌當都可以定位囉 一_一"

一條咁短既曲街~對住"大酒店"~吊腳既『老坑』實際一d都唔難搵~『老坑』地方算ok喇~係個地濕左d...比起真正既大排檔~佢都叫good!我地坐正係廚房門口~睇見佢地洗d材料~簡直係好放心食呀!不過d服務就一般喇~係咁問係叫乜叫乜..都唔比時間你考慮下...我地一行4個人,先點左個蕃茄蟹鍋湯底，有兩隻花蟹同好多蕃茄呀薯仔呀大豆呀等等~個湯真係幾正呀~不過見到隔離係一大隻肉蟹,就好唔抵得咁問下d阿姐喇~點知d阿姐原來出名9唔搭8咖!!我地問:"點解有d係花蟹,有d就係肉蟹既?"答案係"係呀!有時係花蟹有時係肉蟹咖"要再問個收銀既人先有個好d既答案:"如果係鍾意食肉蟹既,你可以係order講聲,咁師傅可能會比肉蟹你~但係如果無就無咖喇~都係隨機既!"得淡笑!!4個人，點左：雪花肥牛四寶丸雙炸(油炸鬼+炸魚皮)雞腸竹笙拼鮮黑柏葉珊瑚蚌雪花肥牛 - 超鮮甜~真係要學黃x梅講句,真係好有牛味!四寶丸 - 冇溝粉,好好食雙炸 - 夠過隱,索湯食一流雞腸 - 都ok喇~可惜溝左d鵝腸~有d搵笨竹笙拼鮮黑柏葉 - 無咩特別珊瑚蚌 - 好爽口又夠鮮味叫埋啤酒同可樂，埋單都係7004個都話好食~仲好想有下

久仰大名，難得可以勸掂班懶鬼入黎好吊腳既紅磡，未出發先興奮^^都唔算太難搵既，不過經過一間路邊式大牌檔/茶餐廳，個名明明叫x記，佢中間都加左兩個細細既『老坑』字樣…混淆視聽…地方好光猛，明顯擴張過...有電視睇~點左個蕃茄蟹鍋湯底，唔係等左好耐就上檯~隻蟹又確實唔係咁大隻，但係D料又真係好多~試左幾啖個湯，真係甜既…不過之前你地話係靠茄汁茄膏，所以都唔係好驚喜喇…五個人，分幾次點左：本地手切牛肉雪花肥牛豬喉嚨拼豬腳筋八爪魚拼魷魚雞子拼鵝腸四寶丸 x2椰菜餃拼韮菜餃雲吞拼水餃(勁唔想叫，但係飯局中有一人對餃類情有獨鍾)x2雙炸 (炸魚皮，油炸鬼)兩款牛肉各有 fans，我就鍾意雪花肥牛，鍾意佢溶左係口，同埋D肉好香~ 本地牛都好，朋友話佢肉味豐富D~豬喉嚨幾爽幾得意，但係少少似橡筋…豬腳筋要炆大半個鐘，我就食唔到喇，但係有食既朋友都話唔錯~ 似牛筋，不過煲得耐左有好多都搵唔返~~四寶丸好細粒，但係真係好食~ 蝦丸特別彈牙，蝦味都好豐富，好明顯係手打同機製既分別~ 牛丸同鯪魚丸都好味，冇溝粉，原汁原味^^鵝腸聽講好好食~~ 我特別鍾意個油炸鬼，索哂D湯都仲脆脆地…(但係打邊爐叫油炸鬼俾人串