老爺冰室 (已結業)

有日lunch 有多d 時間，特登搭車黎食飯～淨係睇餐廳懷舊設計已經好開心～好似去返以前嘅冰室咁。佢餐牌設計都花過心思，當然食物都特別搞搞新意思，除左午餐之選之外，常餐都好吸引！呢度最大特色係奶茶咖啡嗰d 有好多粒可愛嘅波波～波波都係用返奶茶或咖啡做，所以溶左味道唔會淡反，而更濃。黎冰室梗係要食通粉！我叫左茄牛通，原來都幾大碗，而且有超多番茄。重點係佢通粉係用特別彈牙嘅通粉，所以浸耐左都唔會變粉。不過佢呢個餐沒有多士，取而代之係肉醬薯泥，個薯泥係好好食好入味，但我自己就覺得heavy 左d,我都係鍾意麵包多d 呀另一推介係芝士豬扒撈一丁配牛油厚多士,如果你係芝士控一定會心心眼~事關成碗野芝士多到爆!仲要熱辣辣~~撈埋好彈牙嘅公仔麵食真係完美配答~開頭都以為炸豬扒+芝士會好油膩,但入口又唔覺,反而D芝士令味道無咁單一~~佢個厚多士真係夠曬口!咬一啖可以感受到牛油融入麵包嘅味道,少少烘左嘅脆脆口感令我想encore多件呢~~午市黎食午餐佢D湯都幾好飲,無o羊味精感覺,頗清~佢個紅豆冰份量十足唔會太甜,jengs!

今日朝頭早要去深水埗果頭，就順便過黎食下個早餐。入面環境唔錯，不過就係少D卡位咁解😅有一點值得留意，就係成間餐廳個theme都係同以前香港電影果D有關，所以播左一D懷舊少少嘅歌, e.g. beyond etc.個餐牌幾得意，係勾喺牆上面要自己拎我同阿爸叫左個A餐加$4要早餐腸烚蛋多士，聽講依度有個特飲（波波奶茶）幾出名就試下，要加$14有D貴唔記得左影沙嗲牛麵，對唔住！但係可以大概講下。一上枱見到有好多芫茜喺上面，本人唔係好鍾意食芫茜，以為整開佢就會無味？錯啦！原來佢個湯底都有陣芫茜味，好在阿爸鍾意牛肉係新鮮嘅，麵都有咬勁，沙嗲就好明顯同其他唔同，唔係深啡色，而係黃黃地啡啡地，沙嗲味香濃，整體唔錯依個多士幾厚，但係切左邊，而且無想像中外脆內軟咁樣，只係普通烘左幾秒嘅麵包，可能係我期望太高，定係之前喺紅蔥頭食果個太好食（可以睇翻我上次嘅食評）。早餐腸都幾出色，唔係太鹹，有D似歐洲果D德國腸，係細條左少少姐，而且可以見到外層煎到裂開左，所以咬落去都幾脆，抵讚不過烚蛋就⋯⋯其實幾貼心，另外俾左個碟裝殼，但係有少少過熟，蛋黃鞋鞋地，下次唔會叫燈燈燈燈，依個就係期待左好耐，要加$14嘅特飲—波

尋晚同親友們開完party🤣🤣 瘋癲過後瞓到黃朝百晏，連門口都唔多想出搞到5點先捨得出門口，出得街梗係食個靚tea啦～😁😁平時行過老爺冰室，在外面看裝修很吸引，而且食品圖片很誘人，我看見冰凍奶茶都想立即沖入冰室試過究竟。今日終於都可來回一回老爺冰室了，來一個最唔健康超級邪惡的厚切餐蛋治配熱檸檬茶，餐肉都係非常厚，沒有煎太燶，算ok, 雞蛋都可以，麵包都是軟綿綿的。檸檬茶可接受，茶味是香濃的，檸檬新鮮，👌🏻👌🏻下午茶餐＄29蚊抵食。下次再試埋其他食品先😁😁P.S.:老爺劇本在我手，美味天下我擁有，多謝老爺😘

現在大概每隔一段時間便要到深水埗的關係，剛好可以將汝州街中的茶餐廳也試一下？這天先來到這家冰室！會提起與趣是因為這家的內部裝修啊～那裡擺放了很多電影的照片之類呢。裝潢這樣子也頗有特色，看起來滿懷舊(？早餐大約是$27 - $41 左右，配飲品。擔心不夠吃的話，亦可加錢加配的喔而且選擇來說還滿多的啊！上餐速度也算快 (不過我的漏單了Orz)我妹點的是 - 自家回鍋肉湯上海麵 ($27)調味來說覺得稀微鹹了點就是～麵條不會煮得太稔。加配了 - 陝西肉夾饃 ($12)饃餅有點韌 ... 內裡的肉很惹味，還有芫茜！ 飲品則選了阿華田 ～ 頗濃的耶！我點的則是 - 沙爹牛肉麵 ($27)這個很久沒吃了～所以就點了這個！沙爹好像不太夠香濃，不過牛肉倒是口感不錯，吃起來很嫩口呢還加了白芝麻，好像還有麻油喔～吃起來很香另外我加配了 - 炒蛋多士 ($3)多士有點厚身，很香脆的喔！蛋的話確實很滑，但感覺似半熟的炒蛋。飲品則選了奶茶 - 不喜歡茶澀味的可能會不太喜歡？但我覺得還是可接受的程度，不加糖也可以。

老鳳冰室開左好多年，後來再係附近開多間老爺冰室，以fusion菜加頹食為主，個人就覺得老鳳好食D啦😂menu午晚市價錢都係一樣，午市特價餐再平D，以依個價錢頹食算可以啦😅.1. 芝士雞扒撈一丁（$44）🧀🍜芝士汁好多，但就唔夠香，芝士味唔出🧀🙅🏻‍♀，雞扒就唔錯，多又香脆，相比個撈丁，旁邊烘多士更出色，牛油量岩岩好，而且真心脆😁彤樂評分：7/102. 原味波波冰鎮奶茶（$20）兩個冰波波真係好吸引，不過波波真係好難溶，而且多冰，其實真正唔多奶茶飲🙈不過奶茶都算香滑嘅，但又未到好出色😂彤樂評分：6.5/103. 懷舊雪糕紅豆冰（$24）好多紅豆，依杯相對少冰，而且仲有兩粒雪米糍😋，甜左DD，但可以接受，不過價錢就真係貴左D😅彤樂評分：7.5/104. 原味波波冰鎮咖啡（$20）☕相對奶茶真係苦D，如果飲食咖啡少奶少糖嘅人就應該岩啦😅彤樂評分：6/105. 韓式溫泉蛋腩肉大碗飯（$40）腩肉半肥瘦，飯偏硬同乾身，好彩有少少醬汁同溫泉蛋送飯，好好多😆彤樂評分：7/106. 黑椒汁焗羊架飯（$46）黑椒汁好香濃👍🏻，汁同飯量岩岩好，不過羊架仍然有D羶味😩黑椒汁都抵擋唔到🤦🏻‍♀彤樂評分：6.5

阿仔老師同我講話多左個早餐選擇，話哩間好低食、又便又飽，環境唔錯，咪走去試試，結果非常唔得，裝修方面好有特色，用具都好特別，尤其熱飲個杯，係杯奶茶唔錯，其他唔得，炒蛋老同硬，麵無味，好似面加清水再加腸子牛肉甘，價錢洗幾便，唔會再去。

今日收工之後就係深水埗搵野食，見到老爺冰室就入左去，見到裝修風格係六七十年代，之後叫左個黑鬆露炒蛋多士，採用厚多士，D蛋勁厚，同塊多士差唔多咁厚，D黑鬆露都好香，好正

我已去了這間老爺冰室2次，食物特別，但味道一般，例如黑松露抄蛋，我見到其他食評的相片，有好多黑松露，但我叫的 祗有他們的三份一。我懷疑黑色的是不是黑松露，我食過的真正黑松露不是這樣的。在深水埗（19區最窮）來說，也算偏貴。今晚不想在家煮飯，就去了這間冰室食飯，以為下午茶普遍地也可以食，但晚餐就差極了，我叫了一客芝士海鮮焗飯，只是只是用了白汁加了一些可食用的黃色色素，一些芝士味也沒有，所謂海鮮，只有半條人造蟹柳，兩塊薄如紙的魚肉，一片肪鮑鮑魚，這就叫做芝士海鮮焗飯。另外我先生叫了一個美國安格斯牛扒，救命呀！整塊牛扒到是筋，只切了三份一來說，不是刀不鋒利，只是就係切不到，算了切了中間的肉，是咬不到的，當然要吐出來啦！叫了侍應過來告訴他，他望了一眼便走開，再搵一個女侍應，她說你叫另一樣食物吧！好啦！再叫了海南雞飯，啲雞好像煮了兩小時咁嚡，飯內有㸃一粒粒不知名很硬的物體，當然也不敢吃啦。我們只好走了，男侍應計了我們3份食物的錢，我先生和他理論，是女侍應叫我們叫另一樣的。我以為是代替了所謂的美國安格斯牛扒，怎知他說不是，他說三份都是我們叫的，所以一定要給3分錢。我食盡所有的食肆，都會幫你換過一份

原本想去食個間人氣食店排晒隊，所以諗住今次食其他先，下次再去過，搵搵吓就盲中中見到間野裝修幾特別，所以入去食個下午茶叫咗個生炸雞脾焗薯泥，賣相真係差到見到都無晒胃口，擺碟啲菜飛晒出黎，所謂生炸雞脾原來係番炸雞碎，未見過叫雞脾係碎上，係咪全部係雞脾肉我都無從稽考，薯泥上加咗啲肉醬，但個肉醬太甜同薯泥唔係好夾仲有個芝士紫薯西多士賣相都算唔錯，但係食完都唔覺有芝士，我懷疑佢唔記得加芝士，個紫薯係好淡好淡好淡嘅紫薯味(重要嘅事情係要講3次)，個紫薯好明顯唔係日本紫薯個啲味道食食吓都忍唔住上openrice 睇吓啲食評，原來已有網友講過佢間裝修格局同食物同另一間極為相似，今次真係伏咗

老爺主題係香港電影咁我叫佢個特飲，馬卡龍女主角可力，其實係有點似我細個試過用可力沖粟米片，感覺真係懷念，而粒馬卡龍其實唔關事而其實佢本身有個lunch set係牛脷配西冷，係好吸引，但上次係老鳳冇食保齡球，今次一定要食番，所以叫個芝士大蝦局保齡我一直以為係食麵包，但原來入面係芝士局飯黎，但其實最邪惡係食完個飯，佢仲有碗芝士醬，俾你食埋成個鬆脆的麵包，而個其實真係好飽囉

進店內原先是比裝修吸引，但食物上桌後，更美好，環境食物一樣好。平民價格，一流的食物水準，不錯。焗豬保齡球內是番茄蓉加豬排炒飯，保齡球是面包，面包焗得香脆，豬排軟熟，配合起來真不錯，另外的熱狗餐，亦很豐富，熱狗內的醬汁少少辣，提升了味覺，焗芝士年糕，好香滑，沙律又冰凍，燒春雞味道燒烤得皮脆肉滑，整体環境和食物水評都成正比。

餐廳的老板絶是一個電影迷不論是招牌牆上的裝飾推介食品招牌食品其至餐牌都與電影相關，而且加了一股懷舊風，給人特別風格之感，很有自己的特色。不過食物就很新潮。為了讓凍奶茶的味道一直保持，冰也是由奶茶製成的，一路喝到最尾味道仍是一樣。個人特別推介這個黑松露炒蛋多士，黑松露並不是與炒蛋一起炒，這樣更能明顯地表示黑松露份量之多，味道因此也十分之濃。很美味，更叫人回味。

Sad Monday ,今日下午同朋友們齊齊揾間未試過既餐廳食，途經無數茶餐廳，最後友人選擇了裝潢特別的老爺冰室。店內裝修好特別，望下餐牌，都有好多特色飲料見到有馬卡龍特飲，都幾特別，有機會再嘗試吧睇得到店主對decoration 同餐牌設計一絲不苟好靚既牙簽筒今日同友人們揀左是日午餐食奶茶既杯子都十分特別奶茶質素就普普通通喇，相對懷舊茶餐廳的奶茶，e間店既奶茶，茶味5夠濃，普通友人叫左銀針粉，賣相同味道一般，無咩特別男仔嚟講，是日撈丁份量太小了我叫既咖哩豬仔骨飯，好漏，可能係我自己麻麻地咁油既嘢總括而言，店的deco 我俾9分，食物質素就5分like deco 既朋友，可以try try

喝同事外勤完畢，錯過了午飯，吃個飽一點的下午茶來頂肚。同事提醒來到老爺冰室，奶油豬是不可不吃的。豬仔包本身很硬，烘過之後包肉反而被軟化了，包面香脆，還有牛油和煉奶，名不虛傳！軟熟的白麵包塗上牛油，夾著煎午餐肉和炒蛋，又是另一番的滋味。蛋很香，並非甚麼嫩蛋，是有質感的，配著這種茶記三文治，堅好食。西多士很大塊很厚，在上面看著塗抹的牛油慢慢溶化，是一種享受。店方一定是蘸了很多蛋漿來炸的，非常香口，最後淋上厚厚一層的糖漿，極品是也。三碟牛油麵包，三種不同製法，各有所長！

星期日，懶得去買餸又懶得煮，係常識啦！就係咁樣，就求求其其入間冰室買個外賣飯盒 ，返屋企邊打麻雀邊食啦。當日餐廳嘅午餐，其中一款係，餐肉豬扒飯，咁我就叫咗呢一個。餐肉豬扒飯，好話唔好聽呢一種飯已經係好普通好唔需要特別技巧去煮嘅飯，困難度應該係零，但係都中伏！ 餐肉有兩塊，切得好鬼薄又煎得好乾，真係從未煮過飯嘅小朋友都可以煎得好過佢，豬扒叫做大大塊，但其實係有骨嘅，食得出豬扒係炸出嚟唔係煎，肉質唔係好乾但係就味道好咸，成盒飯只係落咗好少汁，又冇啦啦加條菜咁樣好奇怪，食得餐肉豬扒飯就唔係想食菜啦。 正一頹飯。 而且仲唔平。