老虎岩(第6座)潮式粉麵咖啡

營業中

休息中

最近有啲想食下粉麵類，同朋友睇左陣openrice就決定黎呢間舖食。黎到既時候超多人等緊位，大概等左15分鐘，然後上左樓上坐。先講左要改善既地方，漏單既情況非常嚴重，根據我既觀察，喺樓上既食客大概有7成係有漏單既情況，樓下我就見唔到，唔清楚。我哋都遇到，要搵店員追返個炸魚皮。不過我哋呢一日見到既店員比較少，可能做唔切所以漏單，唔知其他時候會唔會都係咁。我同朋友嗌左︰招牌牛三寶麵、原汁牛腩麵、燒賣、炸魚皮。MenuMenu食物合照招牌牛三寶麵︰夠腍，幾入味，唔錯。原汁牛腩麵︰牛腩既分量唔少，幾好食，麵幾彈牙。燒賣︰好彈牙，比起普通魚肉燒賣好食。推介炸魚皮︰佢係厚身連骨果種魚皮，好香脆，好好食。推介總括黎講，野食唔錯，價錢幾抵。不過服務有待改善，漏單既情況比較嚴重，就算野食唔錯，我都暫時唔諗住再去食。

中秋节假期那天，起床洗漱后有点无聊，就专门坐火车到大埔找好吃的。在互联网看过这店的介绍，据说是老板沿用父亲的配方制作的潮式牛腩，跟一般的柱候牛腩和清汤腩很不同。到达时是早餐时间，客人不多，店内只有两个阿姐在工作。坐下后马上点餐，本来是想试试他们的牛腩三文治，但是从头到尾看了一遍餐牌也找不到。反正此行目的只是吃牛腩，就点了一个鲜牛腩河粉。上桌时看到有点失望，除了賣相一般外，牛腩与一般粉面店厚切有很大差别，用筷子一夹就断，入口少了口感。吃完本来想多点一份烧賣，最后还是作罢。

今日我都係慕名而來，唔食粉麵，試吓佢嘅全日餐。其他餐廳嘅蛋牛治，用的係免治鹹牛肉，佢特別改為用牛腩做三文治。半份牛腩蛋治+三粒燒賣+金裝熱奶茶，都只係$40呢份三文治嘅麵包都有輕輕烘烤過，不過火帶一點焦香，牛腩好稔，一咬就開，唔會散修修或者黐牙蛋好滑加埋蕃茄，成份三文治好濕潤，唔會乾柴柴另一焦點係手打魚肉燒賣，跟餐嘅燒賣有三粒，咬開係食到啖啖魚肉，彈牙冇腥味坊間嘅粉漿燒賣，不可同日而語。佢哋嘅奶茶，都冲得唔錯，香滑冇澀味

🥢 手打魚肉燒賣 HK$10/四粒#OS之食外賣都要對自己好啲 😆 一份四粒，燒賣皮剛好，唔會太厚，材料飽滿。大細比起平常嘅燒賣大粒啲。🤤 一食落口就食到鯪魚肉嘅味道，配上豬肉。幾彈牙，幾有咬口，唔會係粉，食得出真材實料。

我中意食牛栢葉 有新鮮黑色既仲好😋因為咬落有少少韌韌地既口感 唔係Overcook嗰種！呢間整得幾爽口 湯底味道一般 不過唔建議叫河粉 我呢次食一夾有啲散 食麵好過！-而🐮揀牛腩河 表示肥瘦比例平均 唔會過韌 整體嚟講粉麵味道👌🏻未去到好好食 不過因為有黑栢葉加分！-至於出名既燒賣 我哋揀炸燒賣！但食落冇外間講到咁好食 味道一般！價錢相對貴咗啲！而佢用鯪魚肉做餡 我哋麻麻地鯪魚嗰陣腥味 覺得皮同鯪魚肉兩者唔算夾 燒賣都係中意平時既魚肉燒賣！

\ 💛 \ 未來主人翁加油💪 最後勝利是良知與公義 反對暴力 高層問責 無能請下台 #明就明嘅hashtag\如果喺”黃”埔食燒賣，離不開「粉果佬」、「高山粉果燒賣」同埋呢間可以堂食嘅「老虎岩」😌😌。而本身呢間除咗燒賣，仲有潮州粉麵、港式美食、三文治等。一開始入去有D唔好意思，因為只係入去食燒賣，但店員(可能係老闆)好歡迎🤣🤣。·—蒸燒賣 $10/4粒推薦指數：★ ★ ★ ★ ☆—炸燒賣 $14/4粒推薦指數：★ ★ ★ ☆ ☆·係人手打嘅魚肉燒賣，皮薄彈牙，具魚鮮甜味；炸燒賣即叫即炸，個皮炸到脆卜卜，肉質都仲keep到彈牙，但口感上蒸嘅會比較好食😋；豉油同辣椒油可自己隨意添加嘅，辣椒油帶小小麻。仲未食到高山，如果老虎岩同粉果佬相比，粉果佬嘅燒賣會再彈牙d，粉果佬獲勝💫🌟可參考返粉果佬嘅報告👉🏻#alfoodie_大埔··📍 老虎岩(第6座)潮式粉麵咖啡 (大埔)大埔東昌街6-16號地下F舖及閣樓

點解要分開四行寫營業時間呢？ 其實三行好足夠易明，星期一至五 11:00-18:30、星期六日及公眾假期 09:00-18:30、逢星期二休息遇到公眾假期順延一日。幾份餐牌可疑中也不失靈異，這份營業時間收 17:30，另一份收 18:30。依邊寫住 A7 招牌牛三寶伊麵，那邊寫 A7 招牌牛三寶麵。有海參供應？其實都幾九唔搭八，牛柏葉都免強可以既，聯想起車仔麵或越南河，正寫牛柏葉唔係牛柏頁呢，新鮮牛腩與原汁牛腩有咩分別？發現用牛饕魚饕極深奧漢字，識唔識讀架？試叫牛饕河，仲諗住會比牛肚河我添，真係識架喎！饕餮係中國古代貪食怪獸讀音滔鐵。職員們氣氛怪怪的，火藥味十足，還是係他們的獨特溝通方式？水吧出品部喝完肥嬸就喝四眼仔，其實比食客聽到見到都唔好啦。四眼肥嬸都好有霸氣，我勁熱勁口渴未坐低就問有否大檸樂架？竟然粗豪地回應等等啦，等我清埋張檯先！我心諗問句都唔答得咩？您好采我情緒平靜，算數。凍檸樂，支裝格外好飲！先冰後檸檬？檸檬放冰面點吉呢？有部份茶記會替食客吉埋非常細心。操完拳出完汗真係極口渴，飲兩支大可樂先夠喉。牛饕河，等於牛三寶加牛丸牛腩。牛腩片瘦猛猛厚紙皮一樣鞋鞋的，牛丸食不出汕頭的味

如果大家住大埔嘅都知道，假期食肆真係爆滿，咁今日好想食碗雲麵，周圍都座無虛席，比較老字號嗰啲...門口直頭排隊，30幾度..真係冇咁嘅耐性。遊遊蕩蕩之際，見到有一間好似唔使排隊嘅潮州粉麵，出邊玻璃都望唔到入邊，門口裝修比較新式。自動門打開....入到去，發覺裝修同一般舊式粉面店唔一樣，比較型格！但得幾枱座位仲要坐滿，心諗都走得～點知侍應話樓上仲有一層，原來別有洞天，上到去裝修格調都好靚，但基於客人多，我就冇周圍影相呢間麵店主要係買牛類嘅粉麵（牛丸、牛筋、牛腩）同埋燒賣，我叫咗個紫菜牛丸牛筋米；我朋友就叫咗牛肚牛腩飯，我哋就冇嗌燒賣，因為減緊肥嘢食到啦，作為潮州妹嘅我，我都可以大膽評論，佢係好食，但我唔覺得自己食緊潮州粉麵，佢牛筋、牛腩好淋、入味；牛丸亦都彈牙！但唔係我食開嘅潮州牛丸、牛筋，基本上好唔同。我諗我下次帶埋我爸爸去食，佢會講得出俾我知有咩分別🤔到時希望可以再同大家分享～

今日星期日同老公買完餸之後，十一點幾係大埔周圍搵野食！ 好多平時返餐廳都人頭湧湧，咁岩行過呢間餐廳，見到座位舒寬敞，決定試一試。點知啱啱過咗早餐時段，啱啱進入午餐，但係見到每一台客都喺度食緊佢哋手打魚肉燒賣，覺得好吸引，$10有四粒蒸燒賣，$14有四粒炸燒賣，我哋叫咗每樣一份。 感覺很新鮮嘅，雖然唔係好彈牙，但係我地都鍾意食。我哋覺得蒸緊燒賣比較好食。食食吓我哋仲見到個員工喺度包緊燒賣。😊之後我哋嗌左個套餐，牛腩牛三寶牛丸米，$48 加$2有凍檸茶。 牛丸雖然細細粒，但係好彈牙應該係手打，米粉份量都足，如果啲料多啲就好，不過我哋兩個人食都夠飽，唯一係湯底都唔係幾夠濃味，顏色睇落去好深我哋另外加咗$15要咗一碟油菜，超級勁驚喜，竟然有蠔油西洋菜，估唔到幾好食😋

已經是第二次黎老虎岩了，十分記掛住佢既自家製魚肉燒賣，每次黎大埔搵食都諗起佢。今次點了2個茶餐、1個炸脾餐同炸燒賣；茶餐40蚊包野飲、牛腩蛋治和三粒蒸燒賣。當中牛腩蛋治真係好好味，好值得推介，佢個包烘底加埋牛油香，加埋牛腩滑蛋呢個組合真係一絕，半份呢個size真係唔夠食！炸脾比較乾但炸燒賣都幾好食，是十分有香港特色既茶記，不過呀姐既服務態度都係一般，沒有耐性之餘又會話下你，十分有性格，想食好野就要忍下啦。

點左牛饕麵套餐(牛腩，牛三寶，牛丸)連飲品$48，我對粗麵情有獨鍾，好多麵舖都淥得好生，上枱用湯浸好耐都係硬，但呢間淥麵時間掌握得幾好👍湯底好香牛味，真材實料，飲完唔口渴，雖然牛三寶我只認得牛膀，其它唔識😅，但係都好好食。

友人早早已經提及這一間粉麵店，因此，令人由星期一一直在期盼要來這間老虎岩😒一直由星期一等到星期五，終於去。但是，看完餐牌之後，先問一問有沒有新鮮牛腩，店員就已經立即說沒有🤷🏿‍♂️然之後再瞄一下餐牌，查詢牛沙瓜有沒有，結果也沒有，🤷🏾‍♀️而友人就已經目標要吃牛雜，那麼我就只剩下原汁牛腩可以一試。餐牌上面寫上的，點了其中兩款也沒有，就先扣了幾分。就看看這個原汁牛腩，其實都跟平日的那些滷水牛腩差不多，而且，米線份量不多，可能跟20多元一碗那些米線份量差不多，原汁牛腩，只是薄薄的有四片半。😟也不要緊，試吓米線，米線煮到完全軟林，沒有彈力，而且又偏向碎，😣沒半點嚼感的米線；牛腩又如何呢？牛腩都只是薄薄四片多，沒有什麼肥肉，🙁中間沒有皮，肉質偏向乾燥，口感偏向鞋口，雖然滷水味挺入味，但是沒有脂肪的肉，其實很難會含濃郁肉香。😔還點了一份炸燒賣，在燒賣有四粒，一份四粒的炸燒賣，溫度夠熱烘，當然，因為是後來追單才端來的，這樣也不熱，就更為奇怪吧。燒賣外皮夠薄，內裏的魚肉還算夠彈力，挺香口的。🤩友人的牛雜，配料都是牛蒡、牛肚、牛腸，應該份量比牛腩麵多，但其實湯底的味道都是相同的，不見得特別。😩凍檸茶，味道

今晚冬窗街老婦顏老表魚肚花膠法國春雞鍋，晚上八點終於有早餐食，剛知道樓上有雅座，比地下更光猛乾淨寛敞。有趣的點餐紙，牛根丸？子孫根？牛筋丸嗎？竹遮茅根？竹蔗嗎？原來可以來料加工，可以訂生猛游水海鮮，想食咩都得，非常好﹗而且仲可以預訂羊腩煲或牛腩煲添喎。調味四寶，生蒜蓉、指天椒、蔥花及 XO 醬。雷式混醬，火鍋必備，沒有她不如不食。簡單的調配，指天椒、生蒜、蔥花、豉油，辛辣香甜兼備，配肉類海鮮蔬菜同樣百搭一流。法國春雞花膠魚肚鍋，其實真身為老婦顏老表魚肚花膠法國春雞鍋。我較喜歡白色爆肚，多過見前原本係一條條黃色的炸魚鰾。首次法國春雞打邊爐，雞肉堅嫩滑細膩，陣陣法國雞獨特甜味湧出，沾埋辣椒豉油絕配。爽爽的火鍋花膠桶，點綴一下添少少生氣。呷幾碗靚湯順順喉。沒有風生水起的濃咸濁，沒有她的重油潤唇，舒服和階的住家味道。雞味濃郁清爽，淡淡然的炸魚鰾香味。牛胸油，供應量極少，難得有緣遇上。完全係牛油的味道，脆彈爽爽。最盡灼 10 秒就要享用，否則牛脂溶掉變硬變淡。手切金錢腱，夾雜著膠質，有點脆有點嚥韌，很得意的口感，牛味一樣甜美濃郁。本地手切頂級肉眼邊少少油花最深色，頂級安格斯肥牛最多肥膏，本地手切

大埔有好多粉麵店臥虎藏龍，如果唔係朋友介紹都發掘唔到呢間位於內街嘅老虎岩🤓第一次試決定嗌牛腩河，返到屋企食一開蓋已經香氣撲鼻，個湯底好正啊😍 有油脂嘅香，但質地唔會太油膩，湯底味道夠濃郁而且帶點鮮甜，附送嘅配菜（生菜）吸到湯味，非常滋味👍🏽 河粉滑溜，同湯底都好夾，可惜係有點兒碎，就咁夾好難夾，要用匙羹幫手。而牛腩我留畀家人食，佢話都好好味，唔乾、有牛味、唔會痴晒牙👍🏽總結：湯底出色，下次再食想試佢嘅麵🤤

平常去茶餐廳食餐蛋或腿蛋治就吃得多，那牛腩蛋治你又吃過未？喜歡嘗新的我，知道在這身處於大埔的茶記內竟然有這一味供應，自然是興致勃勃馬上要衝過去試了....除了牛腩蛋治之外，這裏的自製燒賣亦是我專程坐車來光顧之其一原因。 試過之後果然沒有令人失望 --- 燒賣口感紮實用料足，入口滿嘴都是魚鮮甜味。 和平常吃到的"麵粉"燒賣簡直是有天淵之別，好吃極了....作為焦點的牛腩芝蛋治果然同樣沒有令我失望 --- 將淰糯入味之清湯腩切成幼片後再配上半溶芝士以及炒得極其軟滑的炒蛋， 三者融會其中夾入烘得金黃香脆的多士麵包内， 簡直是仙人的食物...就連普普通通的一碟灼菜心也弄得讓我稱心滿意。 原因在於他們將之處理得極淰，偏偏我是一個喜歡吃淰一點的菜蔬之人，這樣才能吃得出菜甜香來....若你問我最近有沒有吃過一間接近完美的茶記呢， 我這個老牧童就會搖指到這裏了....