老虎岩(第6座)潮式粉麵咖啡

營業中

休息中

係IG 麥玲玲及林作,賣哂廣告咁,米去試下, 牛肚就多, 牛筋以為ㄧ件, 後找了很久才找到第二件, 牛膀只得ㄧ片細的, 但比較鬆散。唔係講到咁好食姐, 普通啦, 下午茶這个價錢, 真係貴左的。杯奶茶又唔夠奶。以這个價錢在大埔食牛的粉麵, 好多地方平過佢。試過就算啦。

朋友介紹這店的牛丸好吃，之後我也到過好幾次。 每次都是吃牛丸河粉，有時加紫菜。 店中還有其他食物選擇，例如：飯。.是！ 我覺得牛丸好好吃，爽口彈牙，牛丸肉味濃。 河粉質素大致好，但有時偏腍。.凍檸茶的茶味濃郁，好值得一試。.我見好多客人都點了魚肉燒賣，我下次都想試試。.店內坐位舒適，店員有基本的禮貌，好值得到的一間餐廳。

有人話試過呢間野好食咪走去試下見到門口又有雜誌報導心諗應該唔會好伏者見到話牛沙瓜限量供應就試下睇下咩黎所以我叫左碗牛沙瓜麵見有得比5蚊加雙拼就加個牛根點知張單一黎就變成「A7 牛根麵+$10蚊牛沙瓜」= 42蚊明明我係叫「A4 牛沙瓜麵+牛根」 = 40蚊 （因為上面話左每款加5蚊）問個職員點解會價錢有變動然後就話：我地係咁入機後黎仲要比個職員燥番轉頭：「得啦我減番5蚊俾你」然後收走左張單（所以我影到張單相）其實個餐牌上面由頭到尾都無講過牛瓜沙要加10蚊，只係講話加5蚊，會唔會太過誤導我明明叫A餐我然後強行改做B餐要我比多d錢？單純我地覺得好奇怪係咪落錯單咪問點解，你估我地好志在個幾蚊？受到一肚氣本身想起身走，見碗麵黎左就算點知d料少之餘又細件呢個價錢係附近食都已經大大碗加埋個底啦睇番其他食評原來我都唔係第一個遇到少料呢個情況係咪好好食就見人見智但係我角度睇佢味道真係非常非常普通我真係食唔到佢有咩特色同過人之處真心傳統既牛腩麵店仲好食過佢

第二次去食，午餐有套餐可供選擇。最後，我地就叫左牛饕麵(牛腩、牛栢頁、牛丸)同埋潮牌牛三寶麵。另外，仲加左支可樂添。咁牛腩就唔係太腍，牛栢頁就唔太入味，反而牛丸幾好食，但湯底比較咸。

係網上見到呢間專食牛嘅餐廳係其他區換過黎，咁就專登黎試下係咪真係好好食。咁我地就叫左牛三寶米粉、牛丸麵同埋黑松露雲吞。黑松露雲吞都ok啦，雖然幾特別，但係味道一般。牛三寶好似係呢間餐廳最出名嘅，有牛肚、牛膀同牛筋，咁牛筋都幾腍，好入味。牛肚都幾大舊而且都入味，牛膀都有2塊，都唔錯。牛丸粗麵d牛丸就比較細粒，但有5粒都叫抵番嘅。

大埔真係就好多好嘢食，之前睇雜誌介紹呢間傳統粉麵舖，今日就黎試試。餐廳位於東昌街，係廣福道一轉入去就見到，非常易搵。今日兩點幾黎到，已經可以食下午茶，粉麵三十幾至四十幾蚊不等，亦可以加錢轉雙拼，都算抵食。今日唔食牛腩，試呢個招牌牛三寶配黑松露雲吞河，粉麵有少量蔥花，炸蒜及芫茜佐味，湯頭味道濃郁，飲得出無味精，河粉唔會煮得過淋，牛三寶分別係牛膀，金錢肚及牛筋，當中牛筋煮得好淋好入味。黑松露雲吞都係第一次試，入口濃濃黑松露味，蝦亦爽口彈牙，值得一試。睇返其他食評，先知有牛沙瓜食，有機會真係要試下。

已經唔係第一次來呢度食魚蛋粉麵之前因為佢未出名所以人比較少, 依家開始多咗人啦, 亦都有Apps可以同佢訂購外賣, 所以人氣比較旺盛!! 今日亦都係假期, 又係馬仔日, 所以人流比較多啦!!講返佢嘅嘢食先, 其實我食嚟食去都係食三樣嘢佢嘅炸魚皮係唔同出邊嗰啲嘅, 佢嗰隻比較埋乾身, 浸左湯亦都唔會咁快林, 好好味架! 佢嘅牛丸應該係手打, 有少少牛筋, 又彈牙又有咬口, 好好食!!黑松露雲吞更加唔需要講啦, 我簡直係一試就愛上, 你會食到黑松露係慢慢出味, 好正咖~!!佢呢間鋪枱有啲好處, 唔會俾大大碗湯你浸林晒D面, 而係啱啱好浸過啲面就算數, 等你哋食得爽口啲!!大埔有你真係好呀!!! 

初次接觸牛沙瓜這個名字，是做節目《飲食男女》時，因訪問中環水記而第一次聽到，但始終沒有品嚐過。香港牛雜檔越來越少，除因為現代人富裕了食物選擇多了，前期煩複的處理工序也令不少食肆捨難取易。看着貼上牆上的雜誌訪問，原來這潮州家庭式牛雜手藝已傳到第三代。老虎岩（第六座）是爺爺初開店的地方，位於樂富，一聽名字已充滿本土屋村仔情懷。牛沙瓜其實是牛四個胃中最小那一個，有別於平時比較多吃到的金錢肚、牛柏葉，牛沙瓜體積少很多，約一個葫蘆大小，所以來貨很少，無論水記還是這裡都是每日限定10碗以下，非常稀有。牛沙瓜外型像帶有大大群邊的牛肚，群邊位置是深灰色，肚是帶粉紅的白色。整體內藏獨有香味較一般牛肚更濃烈，群邊位置質感帶粉，而肚的位置爽口彈牙，充滿脂香，雙重口感，一次滿足兩個願望。雖則罕有，但並沒有開大殺價，$35一碗，與其他牛腩牛雜同價，老饕至愛。大家都知道牛雜跟辣油是絕配，這裡的自家秘製辣椒油更是絕中之絕，八分香二分辣，開胃提味之餘，怕內臟味的朋友也能藉此減一減內臟味。另外也試了鹵水牛腸，外型像切成一圈圈的燒汁魷魚筒一樣，外層鹵水深色，內裡雪白，肥美彈牙。

老虎岩在大埔開業已經超過一年， 食物水準keep得住唔在講，服務水平一路不断提升。加上不時提供一D時令菜式，令食客眼睛一亮，心思思想去一吓。今日就系咁去咗食晏，一坐低老板就行埋來，唔系問我食乜，而系問我飮唔飮啤酒天時暑熱，飮返杯冰涷啤酒，加上老虎岩的美味炸魚皮，牛三寳，三五知己，吹水談心，一樂也下次一於约埋班老友來HAPPY HOUR,，好過去酒吧，重平好多

其實這家老虎岩(第6座)潮式粉麵店，由開張到現在已經去食過上10次。點解這麼常去，因為這裏有我喜歡的味道。我是一個粉麵控，還好喜歡食辛辣。這裏滿足到我所有要求。今次我選擇食黑松露雲吞米($32)，炸厚魚皮($36)及淨食牛三寶($68)。首先講黑松露雲吞米，這個真的不會很容易在其他地方搵到，老闆日日新鮮包，所以是限量發售。雲吞大小適中，味道好鮮，皮薄餡靚。至於炸魚皮又是與別不同，是厚炸的，亦是出面坊間少有，配上一杯上湯，對，係一杯，因為炸魚皮係長條的，所以用杯可以浸泡多點，老闆真係好細心。最後，淨食牛三寶，分別是牛肚，牛筋及牛膀。前兩樣都是爽口彈牙，牛膀口感是粉粉的，全部都是非常入味，還有時菜墊底，記得我試過數次都用上不同的菜，有時是生菜，西洋菜，今次是豆苗。老闆係用心經營，希望每位食客食到最新鮮的最好的。所以加油喔！會繼續支持。

睇到周刊介紹咪去試吓囉，可能下午茶時間冇咩人，叫咗碗牛三寶粗麵，試吓啲湯先，嘩好清，食番舊牛肚先，嘩又淋又細舊可能喱區老人家多，真細心，試吓舊牛根，講錯咗應該話粒牛根，正淋又細粒，冇牙都食到。真材實料，刀工一流，唔信去試吓

新鮮牛坑、鮮黑栢葉、牛膀、牛筋、豆苗、米粉。再加上秘制豬油，炸蒜、香䓤、冬菜撒面，將味道提升至極致，美味非常😋湯頭鮮香不含味精，完全有牛骨的味道。一字記之曰：掂😋

小時候，我的主要運動（活動）是游泳，海灘、泳池、海中心、溪澗，我們三姊弟跟隨老爸，體驗過不同的游泳場地。也許游泳已漸漸成為我的習慣，長大後，跟朋友甚至跟老公，我也喜歡游泳去，直至有天，發現紫外光對我面部皮膚留下小黑點的烙印，我開始由游泳轉移到行山，尤其在工作壓力沉重的那個時期，看到山上的一花一草、晴空白雲、溪流等大自然美景，心情便輕鬆起來！在十多二十年間，走過不同的行山徑，這天再次踏上大刀屻，終點就在粉嶺！ 由粉嶺專誠坐地鐵到大埔，為了㝷求不想味道變成習慣的突破！ 湯粉麵是我的 Comfort Food，屬於平民食品，可能近年租金、食材等成本擧升，加上粉麵的利錢不高，有感坊間粉麵質素每況愈下，作為粉麵癡的我，現在就連一碗魚蛋粉也不敢胡亂嘗試。「老虎岩」是一家潮式粉麵店，據知出品是依照店主老父傳統秘方烹調炮製，看似是一間難得又充滿誠意的小店！ 店舖較為狹長，左邊是水吧及麵廚，右手邊設置座位！ 肚子真的在打鼓了，點了幾款東西，先送來的是炸魚皮及招牌牛三寶米粉。 炸魚皮 炸魚皮色澤金黃、表皮粗糙、佈滿條狀的紋路，坊間已甚少找到這種連魚骨的傳統口味，附設一杯上湯伴吃！ 炸魚皮 連骨魚皮要比坊

見到呢間新開嘅鋪頭，就諗住黎試吓新野，入去之前都睇過open rice，佢啲好評都有10個好評，我諗都唔差啦，本身重要諗住去蔡潤記食一碗河粉，點知經過見到新餐廳就改主意食呢一間。入到去都有幾張枱食客食緊，睇到佢最出名嘅潮州粉面，咁就梗係要一碗黑松露雲吞河粉加紫菜試吓，另外再叫一碗潮州牛丸拼牛筋丸。點知啲侍應搞亂晒，好似新運作完全冇系統甘，咁都算啦， 碗粉面仲要冇味。。。我諗我唔係第一個話冇味啦，正常魚蛋粉都有魚蛋湯味，佢係一啲都冇，真係攞命。。好少何粉面會唔好食囉

今日踩完單車餓餓地 就去左老虎岩諗住食個麵醫肚見陣牛腩味好香 所以就叫左個牛腩麵醫肚見個樣普普通通咁估唔到麵身彈牙，湯底香濃牛腩入口有咬口但唔鞋口奶茶又香又滑下次一定返黎再試其他野