老馮茶居 (海寶花園)

服務態度差到爆，下午約5點左右入座一入去全場得2,3枱客，幾個侍應圍在出餐區談笑風生，完全無人招呼，舉手終於有人見到，開完茶 又無比點餐紙⋯⋯望一望 幾個侍應又圍埋一齊吹水，完全無留意出面環境⋯⋯唔會望下有冇客需要幫忙又舉多次手+出聲 先有人比張紙，劃完紙想點餐，舉手揮紙無人理，原來幾個侍應又回歸原位繼續吹水。由坐低到點到餐都花咗咁多功夫，幾位後生仔女侍應好似無心做咁，唔好話禮貌，連基本服務都唔掂，真係好趕客，老闆有心做既正視下啦

平日早上11點時間幫襯，未算最繁忙時間，但上菜速度勁慢，成場等半個鐘都出唔到兩籠野，全部做晒外賣單，每台食客齋坐等食，但餐廳寫話入坐起計一小時要離坐，即係坐低飲杯茶就夠鐘走人。最後等左半個鐘先有得食，食左半個鐘走人。到埋單腦細態度勁差，仲話唔好阻住晒，唔明佢意思係俾錢俾得耐，連錢都唔想收定係食得耐？腦細有時間落場幫下手執台落下單，可能會效率快d，就唔使d 食客"阻住晒"，或者轉型淨係做外賣快餐，咁就夠晒快啦。坦白講句野食ok，坐既環境麻麻，同埋服務態度差，接受得到可以去幫襯下。

平時去開大酒樓飲茶🫖今次一於試試呢間區內有名排長龍嘅黃店茶樓，除左等位同野食比較慢少少之外，野食都幾滿意🈵️仲要價錢超值！呢個年代居然仲有5️⃣蚊一位茶茗實在難得‼️值得注意⚠️只可以頭一次落單，唔可以加單，同埋有入座現時的。-🐦鵪鶉蛋燒賣$28已經越來越少地方有得食了！大大粒嘅燒賣面頭先有漲卜卜嘅鵪鶉蛋一咬爆哂蛋黃🥚蝦肉同豬肉比例適中，非常足料👍🏻🐮薑蔥牛柏葉$26⭕️大推必點⭕️平時食通常個牛柏葉都唔會太入味，但呢度絕對有驚喜！用葱、薑絲、紅蘿蔔醃製過嘅牛柏葉勁惹味🔥🐔豉汁蒸鳳爪$23呢個比較淋身得濟，醬汁偏濃稠少少，正常不過不失。🏅️金牌炸芋角$18⭕️大推必點⭕️網格般酥炸過外皮超級crispy，一咬落去係滿滿芋泥蓉同鹹香嘅豬肉餡。🥕香煎蘿蔔糕$18呢個都麻麻地個蘿蔔糕本身太淋身，完全夾唔到❌🦐鮮蝦腐皮卷$26脆卜卜嘅腐皮入面有大大隻新鮮彈牙鮮蝦肉🔅🌟老馮金沙米皇腸$32⭕️大推必點⭕️呢個係鮮蝦腸crossover炸兩嘅混合版。薄皮滑溜嘅腸粉入面包裹住網格脆脆，再入面包裹住大大隻鮮蝦肉👍🏻記得一定要點呢個腸粉麻醬mix豉油嘅sauce，成功去到另一個層次😍♨️古法千層糕$26⭕️大推必點⭕️好特別嘅一款用

都想去呢度飲茶不過次次都見到好多人排隊今日見少啲人就去攞位等咗大約30分鐘就有位啦佢哋係用環保嘅過膠餐牌點完等大約15分鐘左右就嘢食啦叫咗呢個金牌炸芋角超好食即要即整一碟有兩個另外呢叫咗一個腸粉就係老馮金沙米金腸超好食好有口感腸粉皮包住脆卜卜嘅卷入邊仲有蝦然後叫咗個個都推介嘅老馮流沙芋泥包入邊嘅流沙芋泥好流😹😹古法牛肉球配埋喼汁正豉汁蒸排骨啲排骨唔會剩係得啲骨😹😹😹同埋葉得好入味蟹子燒賣王啖食到豬肉同埋蝦肉仲叫咗老馮鮮蝦餃，沙嗲金錢肚,薑蔥牛柏葉分量正宗唔會覺得啲嘢細細碟好呃錢最後仲見到好多人叫薑汁桂圓紅棗糕佢哋舖頭嘅裝修呢係傳統嘅舊香港長身上面好多特別嘅裝飾佢哋啲嘢食呢就唔係啲打卡樣嘅嘢食但係味道十足唔怪得知咁多人排隊

今日試了一間茶居食點心，價錢同出面茶樓差不多但個人覺得係比起大部分茶樓好食，叫了共7樣點心其中流心芋泥包不錯食落幾香芋頭味，蝦醬腩肉飯腩肉幾入味又不會太咸，燒賣不過不失但都幾大粒，鮮竹卷都幾足料，薑汁紅棗糕都幾重薑味，下次都會再去試下其他點心，不過都幾多人去食午飯時間要等下位

點心真係其中一樣我好中意食既🤪放假除左去cafe，通常都會入新界搵野食💛 今次呢間點心黃店 裝潢係走懷舊路線連餐具都用雞公碗🤣 點心全部都係即叫即蒸🥰 性價比好高呀🙌🏻必試既top1一定係古法千層糕😗 古法千層糕 $26製作既工序複雜到出面好多酒樓都無做🙈師傅將冰肉混合鹹蛋黃、糖冬瓜、鮮牛油、椰絲🤤 食落香甜而且蛋黃味好突出！蜜汁叉燒腸 $23估唔到佢哋既手拉腸粉都幾出色，食落好滑溜個皮又夠薄！古法牛肉球 $23另外牛肉球食落都幾彈牙爽口🤩 窩蛋牛肉飯 $35牛肉飯既窩蛋仲可以自己打🥚🤣牛肉質感都好好！配埋流心蛋真係好好送飯🤪menu

好好味既點心店💛💛💛 可以再encore店內位置唔多，中間圓枱仔加隔板，兩人坐一邊，位置有d窄。點心唔算多選擇，勝在特別同好味。必叫 流沙芋泥包 - 勁好味，最好趁熱食，以免凍左唔流沙，個包既甜度岩岩好，唔會變左甜點，包x先生都有個芋頭包，但係無得比，鐘意食芋頭一定要叫呢個，如果有賣生包可以拎返屋企蒸黎食就好🤩沙嗲金錢肚 - 唔辣，好入味，味道唔錯。沙嗲豬大腸 -（利申：我係食八x雲集既麵線都覺得有陣（異）味，完全唔食）同金錢肚既調味係一樣既，係友人既強烈推薦下，我試左兩三嚿，沙嗲味都幾濃，細細嚿就唔會好覺有怪味，我都覺得幾好食，但一食左大嚿小小就頂唔順🙈，如果同我一樣，建議可以試細細嚿😂XO醬蘿蔔糕 - 好熱氣既點心，炸到外脆內軟，加上xo醬炸芋角 - 好濟🙈 芋頭版鹹水角，雖然鐘意食芋頭但可能叫太多，食到呢個就覺得普通。雖然舖頭位置唔好坐，選擇唔多，不過好味又抵食，淨係芋頭包都值得再黎💛

我同朋友來嘆茶,先入門口無問掃安心出行,坐下後叫左茶,無點心紙又無筆,叫d服務員那點心紙叫兩次都未有,叫第三次先取點心紙來,來得點心紙又無取筆來,又要再叫先取筆來,真係滴血寫點心咩！服務態度太差,比最初來食差很多！

⋆⁺₊⋆.老馮茶居.…大埔性價比極高嘅點心~o(〃'▽'〃)o整體來講唔係好貴～叫咁多樣嘢都唔過$200！而且食物質素都好ok🤍店內裝修係懷舊風～而且仲會用公雞碗/碟！！勁有feel👌🏻不過假期黎應該要等位啦！因為我朝早9:00左右去都好多人(；へ：)..老馮鮮蝦餃/ $30 / 🥨🥨🥨🥨餃皮好薄～入面嘅蝦都好大粒！！ʕ •́؈•̀ ₎.蟹子燒賣皇/ $28 / 🥨🥨🥨🥨味道同一般燒賣差唔多ㅋㅋ.金牌炸芋角/ $18 / 🥨🥨🥨🥨🥨炸芋角好少見～而且性價比仲好高～外面個個脆皮炸到非常鬆脆～外表仲有啲似雀巢(๑• . •๑) 咬開每一啖都食到好濃嘅芋泥味（入面仲有啲豬肉！）.蒜蓉鮮蝦春卷/ $26 / 🥨🥨🥨同普通炸春卷冇乜分別～不過如果話係蒜蓉鮮蝦嘅話，蒜蓉味就唔算係好出(,,•́.•̀,,).蔥花蝦米腸/ $20 / 🥨🥨🥨🥨🥨呢個撈勻全部醬再食就好好食！係傳統嘅混醬腸粉ㅋㅋㅋ而且腸粉都好滑～一碟都好大份🤍.古法千層糕/ $26 / 🥨🥨中間有咸蛋黃夾心～食一嚿都開始有啲飽ㅋ個人對就咸蛋麻麻地～不過中意咸蛋黃嘅人應該好鐘意食~o(〃'▽'〃)o..［滿分5個🥨］.*會另收茶芥$5位喔...⌫

中秋竪日晚上，女友有節目，於是俾阿爸阿媽捉左去試呢間老馮茶居！阿爸阿媽早幾日試過話好好食，咁就梗係跟佢地走一趟試試佢啦！我地叫左幾樣野，包括：燒賣、鯪魚球、叉燒腸粉、糯米雞同砵仔芋頭蒸排骨。我地仲encore左燒賣同叉燒腸，以上5款黎講除左糯米雞麻麻地之外，全部都好好食！先講講個糯米雞先，糯米其實夠淋夠咬口既，但可惜內裡餡料唔係咁豐富，同餡汁又唔係好香，所以只能講普普通通！至於燒賣，真係超好食，又大粒豬肉又多又夠滑，好食過好多大酒樓既燒賣！而鯪魚球，就好香好彈牙又好大粒，加少少胡椒粉，真係好開胃，同埋你會食到佢d魚肉束好有魚味，通常出面食都冇乜味因為溝左好多其他餡料。叉燒腸份量都夠多，又夠滑，所以我地都叫左兩碟！最後係個芋頭砵仔蒸排骨，用上南乳汁黎蒸，而且芋頭蒸到淋晒又入晒味，超開胃，而且排骨亦都好滑好彈牙，唔會好韌亦都冇話蒸都林pat pat，所以呢間喺大埔區黎講，點心質素都可以話數一數二好食，地膽推介！

隨意揀餐廳食晚飯估唔到有驚喜.叫咗幾款點心每款都好食.流沙芋泥包💜比較特別嘅一款麵包熱辣辣 軟熟咬開有啲流心嘅芋泥醬因為係芋泥餡唔係爆汁個種醬比流沙奶黃包餡會渴少少似係用芋頭加奶打成(亂估)又滑又足料有好濃嘅芋頭味好正.內臟類點心沙嗲金錢肚🐮沙嗲豬大腸🐷.口感嚟講軟硬適中 又保留到咬感沙嗲味都係偏中式個種會有少少辣椒味提味整體幾香😙個人覺得啱啱好唔似一般茶樓做嘅個種 咁重香料味而且佢真係好入味🤤係提前醃制個種妹曬外層嘅沙嗲醬咬開大腸同牛肚 都一樣仲有好重沙嗲味.另外值得一提嘅位✔️依2款點心都唔會話好油食完曬碟底無成層油加分加分🥰.2個人叫咗7款點心每款都好食 足料加埋茶位錢食到勁飽 夾埋曬都係$182人頭計$100都唔洗抵到爛😝.整體食物質素好得嚟 價錢又抵性價比超班💛推薦

老馮茶居係開業多年嘅老店 質素依舊好 有好多客捧場 encore咗幾次🤤🌕鵪鶉蛋燒賣$28唔係度度都有得食 燒賣入面有豬肉 有蝦肉 肉質唔韌 好食😋🌕招牌老馮金沙米腸皇 $32必食推介👍🏼👍🏼 腸粉入面包住脆卜卜嘅紙米 再包住大大隻 熱辣辣嘅蝦肉 口感層次豐富 蝦味突出 必點埋豉油花生醬一齊食 勁好食🌕魷香肉餅飯$35又係極度推介 亦係我嘅encore之選🤤🤤魷魚嘅油香味滲哂落成碗飯入面非常香口肉餅軟硬適中 配埋豉油 好好食😋🌕鮮蝦腐皮卷 $26少許油 勝在蝦肉夠大粒 點埋汁食好好食👍🏼🌕蝦餃$30蝦餃大大隻🤤皮夠煙韌😋蝦肉勁豐富 果然係推介👍🏼🌕燒賣皇 $28餡料豐富 味道正常🌕馬拉糕 $18好香好甜👍🏼好食🌕煎蘿蔔糕 $18質感比較淋 夾上去好易散蘿蔔味都夠整體: 好食 飲茶必試之選🤤🤤🤤👍🏼茶芥: $5 唔算好貴週末嚟食有機會要排隊

除咗一般酒樓 老馮茶居就係一個好選擇一般酒樓嘅點心都係由工廠製造或者係大陸做好送落嚟香港未必係最新鮮 但老馮嘅點心除咗有特色之外味道同口感都好好而且份量好足最重要係有良心💛💛💛而且平日係可以打電話訂座可以更好預留時間 當日見到門口都有好幾個人喺度等位當日我哋三個人 叫咗六款點心完全食唔晒😆蟹子燒賣王 8/10👍🏻👍🏻👍🏻大大粒 蝦肉好豐富蜆蚧鯪魚球 8/10 👍🏻👍🏻👍🏻唔係周圍有得食炸得香脆 配上特色蜆蚧汁流沙芋泥包 10/10 👍🏻👍🏻👍🏻👍🏻👍🏻係最期待嘅一個點心 芋泥好香芋頭味 並且唔會太甜 包蒸得好香軟金牌叉燒包 8/10👍🏻👍🏻👍🏻包嘅餡料好豐富 而且包都係整得好香軟香滑牛肉腸7/10👍🏻👍🏻勁大碟 超級抵食都係有好多牛肉總括嚟講呢一間真係好抵飲 當日見到不論後生一家大細定係老人家都會嚟幫襯

之前每次都係星期六日經過，排晒長隊好難等位，今日放閒日終於有機會試一路都知佢地啲點心出名，所以今日兩丁友都嗌左二百幾蚊食到好飽灌湯餃十分足料，餃入面嘅料十分鮮味，好好食蝦餃裡面蝦肉好爽口，皮薄又煙韌呢個金沙腸大推入面係用炸左嘅豬網油包住鮮蝦，再比埋麻醬可以點，十分有驚喜鮮蝦腐皮巻，皮脆而且有豆香，都係必點之選其他野食都係水準之作另外仲有豬大腸同鳳爪冇影到，但都係好食野雖然只係小店一間，但食物絕不馬虎難怪一路都排晒長龍等位

我們一行4人，星期六的下午，到這裡飲茶食點心，等了大約10-15分鐘便有枱，之前聽到食完出來的食客話裡面好熱，其實都有D擔心，但始終好想試一次。店內裝修參照舊式香港公屋丶糧貨鋪，算幾特別又有心思。我們點了基本次次飲茶都會叫的點心，也叫了芋角，這款就真係唔係間間酒樓也有，一埸黎到，值得一試👍🏻這裡也有冰室水吧飲品，見到隔離枱也有點凍檸茶，因為店內真係唔夠冷氣。