老馮茶居 (海寶花園)

日日氣溫都35度以外，假期真係想搵啲涼快地方舒適地進餐老馮茶居嘅點心有幾好食，應該都好多人寫過，佢嘅點心從新開店到而家依然係咁好食，樣樣新鮮熱辣辣，冇野好彈，已經是老顧客今次想講嘅係員工，餐具衛生問題，如果老闆或管理層睇到，希望改善一下🙏🏻🙏🏻🙏🏻今日坐低後，員工遞上茶壺餐具，茶壺上嘅漬令我有小小驚，果啲漬絕對係輕輕擦一下便可去除果隻，碗，碟仔全部好油，而且有漬，叫員工換過新嘅都唔好得幾多最後點心上枱，睇住果啲千年污漬嘅蒸籠，你可以話「係咁架啦！」但我有啲難接受😣，特別係高溫之下，細菌易滋生，加上店內冷氣不足夠🥵.......正想開餐之際，由於我地坐收銀隔離，聽到收銀男員工同一位女員工對話，內容係佢地討論要忍到點先會去痾屎💩💩💩，又話出面好熱，廁所幾污糟，慶幸嘅係佢地好快傾完🥲🥲🥲所以今次絕對係一個差經驗

黃店茶樓我淨係識得幾間💛 都去過老馮飲好多次茶🫖 元朗、大埔都試過，我又唔係好覺得佢哋啲態度差🫣 咁當然個個人要求唔同，執著嘅位都唔同🤣 但我飲完之後完全冇hard feeling 就👌🏻啦，叫咗好多嘢食，唔樣樣都講喇，揀啲嚟講🤪💛咖哩蒸魷魚 ($28)咖哩好入味🍛 佢個醬都正😋 唔係啲激辣味道，都唔係個啲溝水勁稀勁淡嘅味，係好濃郁嘅😙 魷魚都有幾件大嘅🦑 下面收埋咗啲鬚鬚同埋豆卜仔💛金牌炸芋角 ($18)我最愛😍 炸芋角嘅皮好酥脆😚 入面滿滿嘅芋頭蓉🍠 中間仲加咗少量肉餡，食落會feel到好特別，唔會喧賓奪主。平時成舊芋角食係會好膩，但佢加咗啲肉餡之後就冇咁膩😘 💛五柳炸雲吞 ($30)Boom💥 好好食👍🏻 雖然平時好唔鐘意啲雲吞皮咁大塊，食死人😥 但係呢個炸完之後，成個咬口又脆又薄🤤 食到sharp sharp聲😋 加埋佢個汁都唔錯，酸酸地💛蜜汁叉燒腸 ($23)腸粉皮好乾，浸埋豉油都係較乾身，冇乜味💛XO醬蘿白糕 ($28)💛香煎蘿白糕 ($20)XO醬蘿蔔糕係一粒粒，好方便，唔會夾散😂 仲好食過香煎蘿蔔糕❣️因爲佢熱啲入味啲！💛老馮鮮蝦餃 ($33)💛蟹子燒賣皇 ($28)💭張

上星期屋企人介紹去呢一間餐廳食嘢😎喺OpenRiced人介紹呢間餐廳好食，就走咗去試！我幾鍾意呢一度嘅氣氛。叫咗呢個西多士必叫之選，上面有滿滿嘅牛油，口感好好，非常惹味，絕對推薦👍🏻

之前食過元朗分店，念念不忘。嚟到大埔即管再試試。兩間分店裝修都落足心機，行懷舊風，用餐體驗好似返返7,80年代茶居。（元朗裝修更出色）坐2人座，枱面好細，再放茶壺水壺，放到2-3個茶而已，要就就。枱面未抹乾淨，水壺身有啲漬。鮮竹卷——無乜特別蜆蚧鯪魚球——不太咸、鯪魚球炸得透，不過個人鐘意更脆口炸雲吞——入面蝦肉彈牙足料，醬汁應該係喼汁醬，加人咸菜碎，蘸上食好特別呢蝦醬蒸豬肉飯——無蝦醬味🥺肉量好足，飯有啲濕口，不過夠熱，但呢個飯令我失望🙍🏻‍♂️

老馮茶居已經幫襯過好幾次了 不過多數都係外賣早兩日放假咁就去舖頭坐低叫慢慢食舖頭嘅裝潢係舊式香港 有好多復古嘅擺設環境乾淨 而且相對之下冇酒樓咁嘈雜點心都係即叫即蒸 份量又大件 真材實料 質素絕對好過一啲大型酒樓 已經食過好多款點心了 以下呢幾款都係比較推薦大家去試吓嘅首先係沙嗲金錢肚 醬汁濃郁好入味 我可以食兩份哈哈仲有金沙米皇腸都係必食！腸粉入面包住脆炸米網蝦春卷 外滑內脆，蝦肉彈牙新鮮 點埋豉油辣醬 非常美味😋其他推薦：老馮鮮蝦餃黑椒牛仔骨薑汁桂圓紅棗糕金牌炸芋角

話說試過一次係元朗店堂食之後念念不忘, 係佢之前停堂食果陣就跟左團購買生點心返屋企蒸, 當然無堂食咁正, 但係屋企食過下口癮唔駛食公仔點心果種, 高質好多餃同包都分隔都得好好, 唔會痴埋一齊有汁既點心用左真空包裝, 變成細細包, 唔會好阻住冰格, 方便儲存雖然無香口炸野, 但有媽媽鍾意又係出面少見好食既薑蔥牛柏葉同咖喱魷魚🦑, 原汁原味又夠惹味, 蒸一蒸就食得好方便仲有我至愛流沙芋蓉包🍠, 好香好綿 金沙千層糕層層分明, 鹹甜適中蝦餃入面既蝦大隻又彈牙, 鵪鶉蛋燒賣都好足料仲有蘿蔔糕好夠蘿蔔絲, 唔會淨得粉, 臘味都好多好香-鵪鶉蛋燒賣🥚($48/6pc)老馮流沙芋泥包🍠($28/4pc)老馮鮮蝦餃🦐($48/6pc)古法千層糕 ($48/6pc)薑蔥牛柏葉 ($26)沙嗲金錢肚 ($26)咖喱蒸魷魚🦑($28)瑤柱臘味蘿蔔糕 ($68/1斤)-老馮茶居元朗大棠路66號地舖大埔安慈路1號海寶花園14號地舖荃灣眾安街68號荃灣千色匯II期地下G30-G33號舖1000-2000

🫶🏻薑汁桂圓紅棗糕薑汁味夠突出 紅棗味依然口感好煙韌 甜度適中有時會一層一層咁食有時會全部一齊咬😂😂🦐鮮蝦腐皮卷蝦膠係薄薄一層嘅外層腐皮好酥脆冇淋油情況出現調味啱啱好 如果可以多啲🦐膠就好🦐蝦餃好少食到冇筍嘅版本咁啱我都唔好筍所以呢個我🫶🏻餃皮好有彈性👍🏻👍🏻🍚鳳爪排骨飯朋友話要食飯我飲茶就好少食飯嘅不過見佢都幾足料排骨份量都幾多🍳鵪鶉蛋燒賣呢個唔算好大驚喜不過一齊食 係幾滑身調味較清淡 🫶🏻老馮鯪魚球（蒸）原本想食炸嘅不過叫錯咗但食完之後 感覺幾好調味可落豉油 胡椒粉口感好似魚蛋咁好淋身 又彈口底層有腐皮 好似牛肉球咁個人認為 點喼汁都好夾同埋佢唔腥同冇骨🫶🏻🫶🏻🫶🏻🫖叫咗鐵觀音 好正🥰🥰

呢間點心黃店已經bookmark咗勁耐，之前叫外賣都覺得唔錯，今次終於試到堂食💛！間店嘅環境係勁懷舊🇭🇰，有舊式屋邨、舊式店舖嘅裝飾，點心款式都有幾多選擇，試完覺得真係CP值幾高👍🏻 我哋仲有好多點心都想試😛，大家覺得邊款好食都可以留言分享下🫶🏻▪️流沙芋泥包 $23▪️呢個一定要試！本身垃圾口🙍🏻‍♀️其實唔係特別鍾意芋頭/芋泥類嘅食物，但試完呢個包真係覺得好正😱 個包好鬆軟，啲芋泥係超爆漿，食落甜甜哋但又唔會過甜！有朋友話買返屋企自己蒸仲正🤣，大家都可以試吓～▪️蟹子燒賣皇 $28▪️其實佢哋有特別啲嘅鵪鶉蛋燒賣，不過我哋鍾意蟹子多啲😛 食落冇乜肥豬肉，同埋食到有好足料嘅蝦，之前外賣食過已經覺得比一般酒樓都好食！▪️老馮鮮蝦餃 $33▪️蝦餃都幾足料，個皮夠薄，蘸埋辣醬食好正🤤▪️豉汁蒸排骨 $23▪️嘴刁仔🙍🏻‍♂️最愛嘅排骨，有同好嘅話唔該揮揮手🤭 佢哋啲蒸排骨係配埋麵筋，唔知係咪傳統嘅做法呢，麵筋吸咗排骨啲汁都幾好食！▪️蝦醬蒸腩仔飯 $38▪️平時多數食鳳爪排骨飯之類，見呢個蝦醬蒸腩仔好似幾特別又幾懷舊，所以試吓😛 啲飯應該係逐個喺砵仔度蒸熟，食落濕度啱啱好，唔會煮到乾晒特別好食！不過我哋係重口味

唔知係咪以前喺元朗食過，所以對佢期望有啲高🫣 今次特登嚟揸車拎外賣食🫣 比起想像中有啲失望，可能因為價錢都算貴，性價比唔高🫣 平均每個人都要$80-100左右🫣其實扣分位唔係點心，係啲飯🫣 點心係好食嘅，同埋最貼心係佢有細盒仔，一個點心放一個盒，整齊得嚟又唔驚溝埋其他味嘅汁😂 期間食嘢期間發生咗件趣事😂 白痴嘅我唔知珍珠雞同糯米雞有咩分別😂 原來以前嘅糯米雞入面係有骨😂 我真係今次第一次食😂😂人哋話係舊式茶樓先有😂 模仿得都幾似😛老馮金沙腸必食！絕對係一試難忘！

上次寫過大埔既林記點心, 今次寫大埔另一出名既平價飲茶聚腳點!~講真食過好幾次, 真心冇得輸, 好過去連鎖集團既酒樓多多聲! 今次2個人食, 點多左小小, 最後係好飽好飽咁離開間店, 不過樣樣野食都好正嫁! 1️⃣鮮蝦餃 – 皮薄蝦脆, D蝦感覺新鮮!!2️⃣蟹子燒賣皇 – 落足蟹子, 絕對吾係得幾粒!會真係咬到啖啖蟹子, 而且燒賣好大粒, 分量滿分!3️⃣豉汁蒸鳳爪 – 對我黎講飲茶一定吾可以冇鳳爪, 醬汁夠多又肥美!4️⃣金沙腸 – 必點之一! 中間係脆既炸米網蝦春卷腸粉, 出面滑溜裡面香脆, 食既時候再蘸上花生醬, 正呀5️⃣蝦醬蒸腩仔飯 - 必點之一too! 米飯夠香軟, 腩仔肉吾會過肥, 配上蝦醬成個口感就係咸香又惹味!!!!

晚市無堂食，又想食點心，就黎左大埔買啦大致上都係平時食開果啲點心，而且有平時好少既芋角添叫左個鳳爪排骨飯，好一般，啲飯又好乾身點心有鶁春蛋燒賣、芋角、蝦餃味道正正常常，無咩特別驚喜

💛疫情下透過區既團購食到，完全估唔到咁好食，什至真係覺得佢地係香港第一😋仲有教埋蒸番熱要幾耐，都幾貼心😄嗌左牛肚，牛仔骨，鳳爪，排骨飯(無影相)，流心芋頭飽，千層糕牛肚夠冧夠索汁，個汁亦都夠味，同鳳爪一樣，比起其他地方真係更入味😋流心芋頭飽同千層糕就相輔相成，前者夠香但唔太甜，後者就甜dd但都夠足料😎排骨飯就無乜特別，但因為用左牛仔骨個汁食，即刻升華哂...因為個牛仔骨真係好出色！加埋黑椒汁就簡直係世一！！

初初一開始係比呢度嘅裝修吸引，加上兵仔本人又好鍾意食點心，當然要嚟一試啦！除咗必食嘅燒賣，其實都仲試咗好多唔同嘅點心，例如牛柏葉、排骨等等，全部都係高水準！另外都有睇佢有啲咩特別推介，都仲有試蝦餃、腐皮卷呢啲，點心主要都係新鮮滾熱辣出爐，同埋全都食得出係用心製作！蝦餃皮薄餡靚，入面啲蝦大大粒又新鮮，腐皮卷都係好足料！砵仔蒸飯我都十分推薦，肉餅飯都係，肉質鮮嫩又鬆軟，而我最鍾意都係蝦醬蒸腩仔飯，腩仔肥瘦適中，蝦醬味道亦都令到成個飯嘅味道有一份鹹香，非常惹味！係一間裝修靚嘢食又好味嘅茶居！頒發軍階：元帥🎖🎖🎖🎖🎖

午飯時間等候嗌號碼入座，竟然跳號碼讓下一個號碼先入座，事後追問為何讓下一個號碼先入，敷衍回應下一張枱到自己，完全無解釋及道歉為何讓其他號碼優先，白白呆等十多分鐘，實在難以忍受。食飯期間，係隔離執外賣，場面混亂，滿地落單嗰張紙。有員工自己開speaker 播歌，全程聽佢播歌！員工擺低腸粉問要唔要豉油，西面勁無禮貌。櫃枱收錢，同時呼喝客人及外賣員離開，唔好阻住門口出入。以後唔會再幫襯呢一間舖頭，要食點心有其他選擇，唔需要幫襯呢一間！未試食一餐可以由等位到埋單都全程難受….

有日無無聊聊，突然想食點心，飲茶又好似成日飲咁，咁就試下新點心餐廳，就黎左呢間老馮茶居，咁點心價錢都接受到☺️ 叫左最普通平時茶樓會叫嘅試下水，到底好唔好食，叫左蝦餃，金錢肚，鹹水角等… 咁其實真係同酒樓無咩太大分別，無論係味道同外貌都差無幾，唯一係上菜嘅時間比起酒樓係快dd咁😂 不過如果附近酒樓full曬又或者附近無酒樓，又或者附近酒樓難食都係食點心嘅推薦😉 距地嘅金錢肚都幾好食，有d酒樓嘅咬唔到😂人均$50-$80左右 推薦指數（5❤️最高）❤️❤️