老馮茶居 (海寶花園)

今日同老婆特登兩點後冇乜人去飲茶，入到去幾張吉枱唔比位我，叫我地坐張中間嘅圓枱，但我地都孭背包，唯有孭住食喇，點知個女伙計叫我唔好坐咁出，但我話我孭住個背包坐唔入，佢話你可以擺系隔離張櫈，我就擺上去，一擺另一個男伙計就叫我唔可以擺，咁唯有孭住食，但佢又話唔得左住佢，我話你點解唔比門口三人坐果張卡位我呢，佢話有客但奇怪嘅就系當時已經有三張吉枱，我唔系得罪佢地啲乜野，還是落兩心情唔又或或者佢地已經賺夠態度越來越衰，唯有咪唔幫襯起身走囉，冇下次！

黃店點心選擇唔多 今次泥到大埔既老馮茶居 裝修懷舊 而且款式都幾多☺️ 🥢薑汁桂圓紅棗糕 - 紅棗味好香 又夠煙韌🤤🥢流沙芋泥包 - 芋泥包酒樓比較少有～佢唔會好甜 但芋頭味唔夠香 同唔夠流心😶🥢咖喱蒸魷魚🦑 - 個咖喱好杰好濃 仲舖左d麵根係魷魚下面好索汁👍🏻🥢鮮蝦腐皮卷🍤 - 好脆口 唔錯～🥢招牌混醬腸粉 - 呢個有d surprise, 本身諗住混醬都係甜麻醬 但原來佢係肉醬😂味道都幾特別 有沙嗲香🥢梅菜肉餅飯🍚 - 豉油加豬油香好味😋再加肉餅撈飯 呢個組合無得輸🥰整體食物質素唔錯⭐️⭐️⭐️⭐️ 而且又多選擇👍🏻

呢間嘢已經食過無數咁多次🤩有時唔想去酒樓等位飲茶就會諗起呢間舖頭因為入面主打食點心😄啱晒我呢d只中意點點心吾叫粉面飯嘅人呢間野座位唔算多通常都要等一陣先入到去😅佢啲點心都幾多選擇價錢都唔算貴五六個點心埋單都係百零蚊😎好經濟實惠入面嘅裝修都以懷舊為主都幾特別🥺留意番係會收茶芥嘅高湯菜心有生菜或者菜心揀正常味道🤫鮮竹卷卷個餡煙煙韌韌 唔錯😲蘿蔔糕估唔到佢個XO醬都幾辣下食晒成碟會熱氣🤐蜆芥鯪魚球佢個汁好足料真係有一粒粒蜆肉😮最後佢哋新出左個榴槤糕就咁聞落去冇咩味但係一咬落去就幾重榴槤味不過佢冇咩口感嘅 唔夠層次感😈食咗六樣嘢都係百零蚊好抵食🙌🏻🙌🏻

朝早去完大埔郊遊，中午經過見到老馮茶居。12點幾，門口都有唔少人等。唔知平時係咪都係咁多人，個日見有唔少街坊等外賣，有啲都勞嘈話等咗成個鐘🤒烈日當空，又真係幾難頂。最後等位等咗成大半個鐘，未入去之前已經睇定咗食乜嘢，一入去即刻落單，大概10分鐘到就開始有嘢食。蝦卷香脆好味！燒賣厚實唔算多肥肉！而咖喱魷魚都好厚身，味道唔會偏鹹。咖喱魷魚唔係度度都有得食，應該算係懷舊點心，咁啱黎開都推介一試。而門口貼住好出名嘅蝦醬腩仔蒸飯就麻麻哋，冇乜蝦醬味，啲肉都肥，油膩咁重。叉燒腸入邊嘅叉燒唔算香，但係外層嘅腸粉就相當滑溜。最後仲食咗燉奶，飲咗凍檸茶，兩樣嘢都係一般水準！茶居裝修行懷舊風，食物水準都平均，咁啱過開嚟呢邊，如果門口冇乜人等都可以試吓👍🏼🤣

老馮好耐之前食過一次 覺得好好食今日經過 又唔洗排隊 就入左去食裝修好特別 係懷舊香港主題叫左三個點心 三個都好食金沙腸粉原本以為係咸蛋野 點知係入面炸米紙包住原粒蝦 個紙米仲係好脆 腸粉外軟內脆 好有特色蝦餃蝦餃好大隻 皮又簿好鮮味同埋一定要配埋佢個辣油 好好食蘿蔔糕好足料 煎得好靚 好香口 點埋辣油仲正如果係大埔想飲茶 推介去老馮不過假期應該會人多 可能要早少少排隊

上次經過薯薯妹話好似幾好食第日就就特登出食下係好熱既天氣排二張 好彩唔洗太耐炸芋角第一個上皮好脆 但唔夠熱 好細個 餡好少 冇芋頭味第二樣上鮮魷 夠熱 爽口 唔硬 咖哩汁味道啱啱好個燒賣真係好多蝦 唔錯 但唔係特別好食但重複一次 真係好多蝦鮮蝦腐皮卷 真係得蝦同腐皮 雖然每條都有三四隻蝦 但食落口感都係冇咩餡雞扎幾大舊 多餡 但可惜幾樣食材都冇入味 又有出味 食落去都係好似各自分開食咁冇諗過會咁大 熱辣辣 餡、味 啱啱好 不過差啲食唔晒 要開心share先好叫食完就好快起身走 因為果到係唔好坐 好迫 好熱 食完都仲流緊汗

老馮、喺元朗咁耐都未曾試過。今日嚟到大埔、朋友話要帶我去試下😅蜜汁叉燒腸🥢 腸粉望落以為好厚、食落都軟滑、餡料滿滿。正宗潮州粉果🥢 個餡幾得意、沙葛清甜、花生香、好似有啲辣辣哋…胡椒味？粉果皮幾厚身。老馮鮮蝦餃🥢 粒粒飽滿、啖啖蝦肉、豬肉比例較少、如果加啲筍就好。古法牛肉球🥢 腍、滑、咁囉…四寶滑雞扎🥢 有雞件、豬肚、魚肚、冬菇、味道ok嘅蝦醬蒸腩仔飯🥢no comment 因為我冇食。#由入坐起計一個鐘頭要交枱#大埔美食 #老馮茶居 #飲茶 #食點心 #Foodie2046

自從疫情開始以來，都已經好少飲茶，見呢排情況好少少即刻同媽媽去一解茶癮😆茶居既價位早晚市一樣，茶芥$5好平，仲要唔洗加一，cp值十分高之餘仲好好食！🤩食過大埔同元朗店，都保持到水準，點心花多眼亂，有幾樣食過覺得好食既想推介下😉🥕XO醬炒蘿白榚 $28每次都要叫，蘿白榚先炸過，再用XO醬炒香，最緊要係炒完好乾身，唔會好似平時酒樓咁油淋淋，新鮮香辣脆口，提提你小心睇熱呀🤤🐄古法牛肉球 $22牛肉球一向比人既印象係”那”得好勁既牛肉，所以好多人會敬而遠之，但呢間就冇呢種感覺，反而牛味幾香，仲幾香既香料味添☺️🥚鵪鶉蛋燒賣皇 $28燒賣度度都有，但係喜愛鵪鶉蛋既你又點可以放過呢樣呢，燒賣既肉汁都仲keep到係入面，食落十分juicy🐮古法千層榚 $26千層榚中間有一層層預先醃製既冰肉同咸蛋黃，好香好漏，但係食過就會上癮😋

想搵間黃嘅酒樓歎點心🥟，可以話好難，仲想搵間又抵食又高質嘅更難，終於有間又高質又正嘅黃店點心💕 就算要排成個鐘都抵啦欣賞這套公雞碗筷鮮蝦腐皮卷呢個真係必點，夠新鮮熱辣又香又脆仲好香鮮蝦🦐味蜂巢芋角唔係間間點心店/酒樓肯整，不過如果上菜時熱辣辣應該會仲正腸粉包著蝦膠釀油炸鬼 好脆又係鮮蝦味正 個調咗花生醬嘅豉油好好味鵪鶉旦燒賣 好出色 其他點心都好高質好味香芋流沙包 不過唔夠流心 但仍然夠香都好味雞札足料薑汁燉鮮奶 老咗少少 唔算好薑 但仍然好味 天氣太熱 點咗杯西柚紅茶 都算大杯抵飲3個人lunch 飲茶$306 真心抵 一定要再去

住大埔梗係唔少得去老馮茶居食飯一盅兩件啦呢間茶樓都算位處喺大埔市中心 所以平時都幾多人去架！我同朋友兩個去食 一共食咗四樣嘢但成日唔記得咗影相所以剩係得兩張相1. 金牌叉燒包叉燒包包皮軟熟，餡料唔會過多過少，推介！2. 老馮鮮蝦腸每條鮮蝦腸入面有兩隻新鮮蝦，同埋都幾大粒㗎！加埋啲豉油一齊食真係一級享受～可以話係我最鍾意嘅中式茶點！3. 老馮鮮蝦餃鮮蝦餃味道唔錯，清清地 不過以$30 四粒黎講就唔算10分抵食4. 八珍糯米雞糯米雞個份量都算好大！我同朋友唔算好大食所以就食唔晒 不過味道方面都係唔錯～

-{黃店💛大埔港式點心🥟}終於夠多人飲茶喇😭今次又食左10款點心😂🤤老馮鮮蝦餃🤤 ($30)夠曬大粒🤣水晶皮好有咬口 而且入面好多蝦肉😆好食到蝦嘅鮮味~👖褲評: 8/10🤤流沙芋泥包🤤 ($23)好圓嘅一個包 朋友係咁話好靚😂😂😂包體幾鬆軟😙芋頭味由個包到餡都有🥳個餡唔太流不過有芋頭蓉同芋頭粒😋有多重口感😎整體偏甜可以當甜品食👻👖褲評: 7.6/10🤤金牌叉燒包🤤 ($18)個包食落幾香 叉燒同汁份量啱啱好🥰又係熱辣辣😋係中上水準嘅叉燒包👖褲評: 7/10🤤鮮蝦腐皮卷🤤 ($26)新鮮炸起好熱🥰粒蝦都好爽彈!!但個腐皮好油🥲要點喼汁黎去油😰👖褲評: 6/10🤤密汁叉燒腸🤤 ($22)算係最麻麻嗰個😭個腸粉唔夠滑 食落好乾😭叉燒粒份量夠嘅~👖褲評: 5/10🤤蟹籽燒賣皇🤤 ($28)正常size 味道幾好 蝦肉夠大粒😙好夠味係中上水準嘅燒賣😛👖褲評: 7.3/10🤤鵪鶉蛋燒賣🤤 ($28)其實味道差不多 鵪鶉蛋少少過熟 同埋有啲細可以大粒啲👖褲評: 6/10🤤老馮咸水角🤤 ($18)一啖咬落去就嚟辣爆條脷😂勁熱辣辣！個皮好脆仲要入面好多餡勁多肉粒😆唔係吉架😋👖褲評:

六七十年代懷舊主題茶居😍疫情期間少左機會同一班人去茶樓飲茶。如果間唔中想食下點心，可以去吓呢啲點心店，食物又好食啲，又衛生啲，服務又好啲。週末嘅中午黎到要等大約20-30 分鐘先有位。雖然小小店舖但都悉心咁佈置，加上擺放食物用嘅雞公碟，仿彿翻左去幾十年之前嘅感覺。影相打咭別有一番風味㗎。🥠必試懷舊金牌炸芋角 $➊➑唔係好多地方仲有賣嘅炸芋角，因為製作好考功夫同識做嘅師傅買少見少。新鮮炸起外皮好似蜂巢咁鬆脆，咬開入面係芋泥同豬肉做嘅餡勁綿勁香口。🍠流沙芋泥包 $➋➌同樣又係芋頭製品包嘅顏色已經特別搶眼。將個麵包搣開十分軟熟，內餡未至於係溶岩咁流哂岀黎，但芋泥依然做到流沙狀態，唔會蒸到死實實咁。🥖特色金沙腸粉 $➌➋咩係金沙腸呢？就係釀左蝦滑係油炸鬼入面再包係腸粉嘅裏面。入面最內層嘅蝦滑爽口，中層油炸鬼脆卜卜，配外面米粉漿即製滑嘟嘟又薄嘅腸粉皮，睇落都知係手工繁複嘅手工點心。🍤脆卜卜鮮蝦腐皮卷 $➋➏腐皮超級薄，包住一隻蝦之外無其他餡料，一啖可以食一舊咬落去係脆到索索聲。香口得黎但又唔覺油膩。🥟老馮鮮蝦餃 $➌⓿大大粒嘅鮮蝦，水晶外皮有咬口厚薄適中唔會夾就散開，相信都係十居其九會嗌嘅點心之

因為疫情關係，好耐無去飲茶啦。今日未夠11點黎到呢間懷舊茶居，入面裝潢好懷舊，就就連杯杯碟碟都用公雞。同酒樓一樣，坐低就放低茶同盤俾你洗杯洗碗點了糯米雞同鹹水角。鹹水角好快就到，還以為唔夠熱，點知都幾熱下。皮比較厚，味道就唔係咁重味，都可以。另外，就是糯米雞，等了25分鐘先到，可能因為大隻，所以蒸既時間長啲。入面都幾足料，同埋好熱，一個人食唔晒呢兩樣，其實仲有好多想食，但一個人食量有限⋯下次會再嚟、試多啲款。

〰️〰️〰️〰️〰️〰️〰️〰️〰️〰️〰️〰️〰️〰️🍙老馮鮮蝦餃 $30🍘鵪鶉蛋燒賣皇 $28🍙咖哩蒸魷魚 $23🍘豉汁蒸鳳爪 $20🍙黑椒牛仔骨 $32🍘金牌炸芋角 $18🍙鮮蝦腐皮卷 $26🍘流沙芋泥包 $23🍙古法千層糕 $26🍘金牌叉燒包 $18🍙蝦醬蒸腩仔飯 $38🍘鳳爪排骨飯 $35叫左12樣野，計埋4個茶位 Total: $337〰️〰️〰️〰️〰️〰️〰️〰️〰️〰️〰️〰️〰️〰️清明節拜完山就去左大埔依間老馮茶居飲茶，都要等下位，茶位每位$5，我叫左鐵觀音🫖，依間啲茶我覺得濃過出面啲茶樓🍙老馮鮮蝦餃 $30有4隻，好食，正常水準🍘鵪鶉蛋燒賣皇 $28有3粒，隻隻都好飽滿，皮薄，我覺得調味落得唔夠🤔🍙咖哩蒸魷魚 $23魷魚份量好多、抵食，佢下面墊左麵筋，吸哂啲汁☺️☺️，勁好食🍘豉汁蒸鳳爪 $20鳳爪佢唔似得屋邨酒樓咁、啲鳳爪得兩隻手指，佢真係成隻鳳爪，好夠味，唔知會唔會有人覺得鹹，我自己就好鍾意🥴，下面都係放左麵筋索汁，依個索完汁仲正過魷魚個麵筋🍙黑椒牛仔骨 $32佢真係成塊牛仔骨咁放上嚟，幾塊，好濃黑椒味，好好食☺️🍘金牌炸芋角 $18依個係我覺得咁多樣嚟講最好食嘅點心，可惜得兩嚿，佢個皮酥脆得嚟好好咬，個餡係芋泥蓉同有

呢間位於大埔慈安路1號海寶花園14號地舖，店名”老馮茶居”，今日去到店舖已經有很多人在等位，人多不過等候時間也不會太長，因為入座計一小時就要交枱，很多人在等位時已經選擇定食物，入座即叫，會有充足時間食。店舖裝修非常有懷舊感覺，點心質素亦唔錯，新鮮，好味，想信點心是即叫即蒸或即叫即做，我覺得比一般大酒樓更好味，價錢亦大眾化，店舖雖然細，坐得都算舒服，服務態度亦很好。招牌都好有懷舊feel店鋪一小角，好有七、八十年代感覺餐牌種類繁多，很多懷舊點心，唔想飲中式茶，重可以選西式飮品。