聘珍樓

營業中

休息中

今日LUNCH有客請食飯 , 一班同事舉步到創紀之城 , 到了給了待應一個訂枱編號 , 便帶我們前行 , 到隃枱前, 發現為何沒有人到 ? 但遠處又有一張枱的人望著我們 , 點知原來擺了烏龍 , 實在有點”攞皮” ! ( 是次不宜拍照)坐下冇耐 , 一籠籠點心菜式便放滿全枱 !蝦餃燒賣D普通嘢唔駛講 , 首先講下燉湯 , 是木瓜雪耳煲魚湯 , 材料十足 , 味道鮮甜 , 呈奶白色 , 好滋補養顏呀 !仲有個上網腸粉 , 外面普通腸粉包主D網網炸物 , 裏面仲有啖啖蝦肉 , 層次分明 , 唔錯 !有一個飯不得不介紹, 避風塘炒飯 , 成窩上 , 熱騰騰 , 材枓帶子蝦仁等 , 味道帶點香辣 , 好野味 , 連唔食辣的同事都要添食 , 不過, 提提大家, 這個飯餐牌冇 , 要另叫 !唯一唔喜愛的係春捲 , 餡料係竽蓉 , 冇咩吸引 , 順遂個人口味 ! 其他整體都唔錯 , 不過價錢都應該唔錯 !

今日有個新同事first day，例牌食個welcome lunch，同事就suggest飲茶，飲茶姐係有得食牛肉球？？好！即刻9衝先！去到望一望個餐牌，得牛肉賣，冇牛肉球，再問一問佢，今日原來真係冇，，好啦食其他野＞＜例牌蝦餃燒賣腸粉走唔甩，基本水準！不過佢有個小籠包好出色，入面啲湯好熱，不過我一於冇有怕，一野拍落去！下晝就點都要少少飯落肚，就叫左個北姑雞飯，又幾好味！整體黎講好唔錯，最緊要新同事滿意haha

每每有新同事ON BOARD我地都會成班人去飲茶迎新，聘珍樓近公司，環境又好當然係最好選擇啦。我就最中意食燒賣，佢既燒賣肥瘦豬肉比例相當好，加埋爽口既蝦可以話係一絕，豬肉嘅解，加埋蝦嘅甜，令我呢個燒賣粉絲拍案叫絕。腸粉叫左幾款，叉燒腸皮夠薄，配埋淡淡既甜豉油就FIT晒，叉燒味有咬口，並唔係一般貨色。魷魚鬚就不過不失，唔夠惹味。

20150605teamlunch 齊齊去飲茶!首先入到去就見到間野裝修得幾靚啦,之後坐低見到隻碟好得意然後我地就叫左勁多野食,D野食一到, 首先個個拎手機影張相先,話咁快za一聲就比我地清曬 lolD上菜姐姐見到都幾無奈下 哈哈-.-反正野食都幾ok啦,最中意就係D炸野, 又脆又香口, 重點係唔算好多油!!然後其他點心好似燒賣蝦餃腸粉奶黃包果D都唔錯,有蝦做餡(好大粒)嘅一般都幾ok XD

星期五又係team lunch既開心時間，上午11點幾就book聘珍樓飲茶，聘珍樓環境幾靚，又夠大夠高雅，比起平時食開第二間既好X酒樓好得多，食物質素亦是。開心菊花茶一壺。咸水角好食又脆口，外脆內軟，熱辣辣咁食真係一流。(隔離兜炒麵無食到，只係想食點心。)蝦腸皮薄精塋剔透，咬落去蝦同腸粉配合得天衣無縫，再加上甜甜地既豉油，又係一流。另外一流既就係佢地既椒鹽鮮魷，外脆內脆，咬落去先係脫卜卜既皮，後來就係魷魚既鮮味，口感堅韌有咬口，一條一條咁食我一個都可以食成碟！棉花雞都OK，入面果舊「棉花」吸哂雞汁好好食，雞都滑而有鮮味，唔錯。飲茶點燒賣是常識吧，食落肉多汁多，不過可惜既係冇牛肉球。

記得廿多年前，剛出來工作，第一次去到尖沙咀廣東道的聘珍樓(即現在的新太陽廣場二樓)。當時老闆請食飯，已記不起食過甚麼了，但仍然記得當時的感覺，門口十分有氣派的一間酒樓，當然，到了今天，高級的酒樓多的是，尤其是那些位於高層酒家或酒店內的中菜館，更具氣派，但不要忘記，廿幾年前的尖沙咀，海運大廈的海洋皇宮已經算是高級酒樓了。得閒問一問長輩，還記得當年有甚麼高級酒樓的名字，到今次還未執笠的…..一直都無留意，聘珍樓的英文字併音：Heichinrou. 有無覺得奇怪?「聘」字；不論是國語或粵語；不是用”P”音? 點解會寫”H”? 心裡隱約想了一想，又不肯定，立即上網查一查。果然不出所料；聘珍樓的名字是由日本傳過來，早在1884年已經在日本横浜開業。每次去日本，有機會經過横浜的聘珍樓，總想幫襯，但心諗…. 無理由去日本旅遊吃中國餐吧，至始都未幫襯過一次….. 下次再經横浜時，無論如何都要入去。如果有讀過日語，應該知道 半濁音的「ぽ行」(P音) 和濁音的「ば行」(B音) 都是由「は行」(H音)生出來。古代日語中的P、B、H 音很多時候會互換使用。諗住鬧我係度發噏風? 且慢…. 然而；我也只是初班的日

呢間野一聽個名都覺得貴啊! 不過貴得黎食物水準還是有的! 十幾個人飲茶, 每樣點心都嗌成3,4籠, 係即叫即整, 等左大概10-15分鐘就開始有野食啦!睇下佢隻碟啲花好靚@@ 茶既話我地叫左香片, 普洱同菊花茶, 水滖茶靚!金錢肚-手快有手慢無啊! 幾入味, 略嫌淋左少少, 不過墊底既籮卜就好好味啦, 吸哂牛肚既汁好正~咸水角-佢將兩碟擺埋一齊, 炸得唔算好脆有少少痴口。但餡料都算多, 啖啖肉!香芒蝦卷-呢個好好味, 炸到脆脆地口感岩岩好, 芒果加埋少少沙律醬同個蝦好夾!叉燒腸-佢俾得好少豉油所以唔夠咸, 腸粉皮算薄, 叉燒都算多, 不過不失啦!椒鹽魷魚酥-真係好好味! 唔會太咸, 咬落仲有juicy唔會好乾, 可以再食!!奶黃包&蝦餃-普普通通, 蝦餃皮唔太薄, 奶黃包啲汁太多小心''la''口!鳳爪-最唔掂係佢!本身好中意食鳳爪, 可惜呢個太辣又好乾好硬, 食左一隻就唔想食!其實仲嗌左其他野食, 但太多不能盡錄啦! 呢餐係貴既, 但幾好味! 環境同service都幾好! 一大班人既話黎食都抵既!

來到星期五又係team lunch的時間同事見好耐無飲茶所以就來到這樣飲雖然係同區較貴的酒樓但質數真的不錯燒賣大大粒的蝦在頂端中間是新鮮的豬肉美味非常小龍包內裡係熱哄哄的湯汁皮又夠薄正另外奶黃包都係大fit濃濃的蛋黃味流心效果一流

星期五既午飯，絕對係大家最開心既時候！返左成個星期工，都係時候優待一下自己喇！所以飲茶都要飲好d! 聘珍樓絕對係觀塘區，其中一個飲茶既好選擇！飲茶最正的莫過於，一大班人，可以無限點，無限試！等我重點介紹既個，特別美味既點心俾大家啦！［流沙奶皇包］的確有很多酒樓都有奶皇包，但要做到真正的流沙，卻並不是每間酒樓能做到！而呢個流沙奶皇包，的確做得出色！熱拿拿，一咬出個包，一堆香噴噴既奶皇勇哂出來！看圖吧！必食推介！［鹽酥魷魚］嘩，香口到不得了！炸得剛剛好！加上少量醋！開胃帶上魷魚既鮮味！雖然係大大碟，不過，我們只用了3分鐘，已經全部食哂！［燒賣］燒賣就食得多，不過，咁大粒，隻蝦咁大隻！豬肉味又十足！非常好咬口！的確足料！總結，我地差不多叫左半個menu! 而9成既點心，都很出色！果然係一分錢一分貨！

又到Happy Friday 當然要食餐好，每次黎呢間酒樓都打算係食餐飽同好，今次一行十五人。差不多又叫曬餐牌上嘅點心，不過我依然揀左三樣最出色嘅點心推薦！就係一定有嘅魷魚酥，新出品嘅蒜泥鴨胸同蘿蔔金錢肚。首先講魷魚酥，酒樓炸處野，最忌炸得吾透，不過呢到嘅魷魚酥除左皮薄脆口外，仲係彈牙，絕不會咬吾斷。新出品嘅蒜泥鴨胸，吾係好大陣蒜味不過醬汁酸甜，配埋肉質厚實嘅鴨胸真係吾錯。最後個蘿蔔金錢肚，炆得幾入味蘿蔔SIZE岩岩好，金錢肚份量十足吾會得個幾塊，醬汁小辣，但惹味，多食亦吾會口渴，贊！食飽飽打個分，呢到都依然有九十，希望下次食都一樣！

又係午飯飲茶嘅時候～聘珍樓比附近嘅酒樓裝修靚好多，價錢就當然貴啲啦，但都可接受。一坐低就叫兩壺普洱同菊花～呢度嘅菊花夠清、好飲，唔係度度有得飲菊花架！野食都上得快，一行十幾人就梗係要叫下炆米、煎堆、腸粉等等飽肚嘅野食啦！呢度嘅炸野、香口野都做得唔錯，夠熱。不過最出色都係個蛋撻仔同燒賣，燒賣隻蝦大隻到呢！！！唔係平時啲酒樓只有肥豬肉，而係食到實淨嘅豬肉，隻蝦夠鮮味，皮亦夠薄。蛋撻仔熱辣辣，一碟有四件，細細隻食完又唔會好飽。真係好值得一試

星期五又係team lunch 的時間西式嘢就食得多所以今日就揀左飲茶聘珍樓其實唔平 但嘢食就大fit 呢到啲燒賣真係要一試蝦十分美味 肉質很好名負其實的奶皇包淡淡的奶皇味正小龍包較一般皮可以薄小小這兩味又係一定要試炸得十分乾身

例行team lunch 我地一行十一人就去左聘珍樓，見佢裝潢禁靚，野食都應該有反D質素。去到等位PR見我地多人就俾紙我地畫定嘢食先，十幾人差不多點心紙上有嘅都有叫。埋到位最中意嘅就係叫茶可以叫菊花茶，天氣熱熱地飲反杯都真係吾錯。禁多點心同餸，我就最中意魷魚酥，蝦腸是，咸水角同個炆米。首先個魷魚酥，熱辣辣上枱，吾係炸定等你黎，個皮又吾會骨肉分離。蝦腸，雖然皮厚左D但贏左隻蝦夠大隻，題外話呢地所有有蝦嘅點心都係大大粒蝦。咸水角，都係新鮮炸，吾算多油。最後個炆米，乾濕度岩岩好，鴨絲又多十個贊。不過埋單都140蚊一位真係比平時酒樓貴Dd，同埋無牛肉球有小小美中不足

久不久就喜歡去聘珍樓飲茶,無論茗茶, 點心, 小炒, 服務, 氣氛 都是高質素。本文特意 推薦 XO 醬 帶子炒腸粉,它的油 , 鹽 , 溫 , 辛 , 味 度 十分平衡 。芝麻.香;帶子.甜;XO醬.辛;腸粉.滑。吃到了是回心微笑的, 或許炒腸粉 就是有一種另我難以抗拒的魔力。一般的酒樓 不外乎 是 XO 醬炒腸粉 或 XO 醬 炒蘿蔔糕,其實我並不介意它們的油量 , 及辛辣度 ; 反而 , 溫度比前兩者更重要 。這裡沒有鑊仔的外觀, 也沒有過熱的石鍋, 卻仍能保持腸粉的溫度 , 吃著, 吃著, 未涼已吃光光了。誠意推薦。

之前都食過一次 環境係幾好 有一邊園林佈置 味道一般比多次機會 點知仲差小籠包 $30個皮好濕 完全冇肉汁賣相好差鮑魚汁蝦子柚皮鮑魚汁味道好好 蝦子都夠有得食柚皮嘅餐廳愈來愈少但店員好敷衍咁切左幾下 感覺唔好金網百花卷腸粉 $38唯一滿足 腸粉皮做得幾好裏面有鮮蝦肉 幾新鮮