聚來車仔麵

營業中

休息中

深水埗不嬲都出名多好野食，呢間車仔麵個阿華田西多士好出名，今次慕名而來，果然冇失望🥰爆漿阿華田西多士 $35（朱古力榛子醬 +$2）賣相已經好吸引！面頭勁多阿華田粉🤩一切落去真係爆哂漿！打卡效果一流！👍🏻好彩加錢配左朱古力榛子醬，同阿華田勁夾最重要係甜味相當適中！絕對唔會過甜過膩，好好味😋自選車仔麵 （4餸）$55揀左粗麵（$10）、豬紅（$10）、炸魚皮（$10）、魚腐（$11）、香辣魷魚（$14），食車仔麵最中意叫粗麵，夠哂爽口😋豬紅夠哂嫩，炸魚皮一浸落湯度有卜卜聲👍🏻魷魚係水魷黎，又爽口又辣辣地，好惹味☺️招牌煎餃（8隻）$42煎餃唔洗諗一定係叫韮菜豬肉！新鮮熱辣煎起，煎到好脆好香口！皮薄餡多，仲要好多肉汁流出黎，勁快手就清左成碟🥰店舖環境仲要好乾淨坐得好舒服，距離地鐵站好近，10分鐘內就到，好方便👍🏻

是日去深水埗購買電腦產品，順路過嚟一直想試吓嘅車仔麵，原來離開高登都幾遠，只怪我唔係好熟路。Menu都好多選擇，叫了兩碗三餸車仔麵同一份鴛鴦煎餃。鴛鴦煎餃：煎得好好，唔油膩外皮很脆。餃子餡味道剛剛好。比較鍾意食韭菜豬肉味。煎餃必點$42/8隻三餸車仔麵正常，咖喱汁有椰汁香，牛筋豬紅好食，魷魚略嫌未夠入味，魚蛋得3粒。價錢係一碗$46一碗$47，不過餸好似少咗啲，如果量可以多啲就好喇。整體可以一試，得閒再幫襯。

天氣咁熱唔想食飯，食粉麵係唔錯嘅選擇呢間餐廳除咗主打車仔麵之外仲有好多招牌小食都有驚喜而且價錢大眾化，性價比高✨車仔麵款式同湯底都有好多選擇豬紅．蘿蔔．魚肉春卷．豬大腸好入味河粉徹底吸收咖喱汁嘅湯底✨招牌鮮煎餃子▫️芝士粟米餃芝士拉絲，裡面有新鮮粟米，芝味濃郁好幼滑▫️韮菜豬肉餃飽滿嘅饀料，豬肉同韮菜係完美嘅配搭外皮煎得金黃香脆，真係好好味✨爆漿柯華田西多士呢款西多絕對係招牌菜中間嘅流心，一切開就湧出包圍四週我一個人食哂全份，味道甜而不膩口感鬆軟，一試難忘

抵食到爆嘅打卡美食｜📍聚來車仔麵雖然餐廳主要係賣車仔麵😂但呢度仲有一個好出名嘅名物就係爆漿阿華田西多士🤩慕名而來嘅我決定一次過食多幾款食物試下餐廳水準😏但估唔到小店除咗有人情味，食物仲要抵食得嚟又高質❤️‍🔥♡爆漿阿華田西多士♡｜💰$35+$2本身西多士配花生醬，而我今次就選擇+$2轉配朱古力榛子醬💓同阿華田味夾埋超襯🤩首先要講嘅係西多士表面灑滿阿華田粉賣相真係超靚😍一切爆哂漿嘅畫面真係好誘人😆最估唔到嘅位係食落居然唔會好甜😳真係好佩服店員居然可以將個味道控制得咁好💯而且$35係下午茶套餐價奉送熱飲、凍飲+$3 汽水+$5特飲+$8❤️‍🔥真係抵到做爛市🥹♡招牌鮮炸肉丸♡｜💰$32呢個$32係單點價嚟，一碟有10粒仲要即叫即炸😋每粒肉丸都包住咗洋蔥碎食落爽口，肉丸整體會比較淋身但唔會鬆散😚男朋友食到停唔到口🐷♡招牌煎餃6隻♡｜💰$34+$3煎餃六隻就$34/ 8隻$42 /12隻$60可以揀韭菜豬豬同梛菜雲耳豬肉餡，但我今次揀咗+$3要芝士粟米餃🫶🏻每一粒煎餃都煎到金黃色，餃子皮煎至脆口得嚟唔會太油膩💛甜甜哋嘅粟米配埋半溶嘅芝士好香好好食🫶🏻♡自選車仔麵（3餸）♡｜💰$45車仔麵揀咗牛腩（

今日去開深水埗行街買啲野，同朋友又唔係好餓～咁岩經過呢間餐廳見好似幾抵就入去食😍果然係性價比高🤣1️⃣🍲自選車仔麵（$47）黎到緊係必試車仔麵😗今次叫左豬骨雞湯底～個湯底比較濃豬骨味，而配埋蕃薯粉食就一流🫶🏻我地仲加左佢地既菜圃落去～都有啲辣，建議唔係好食得辣既朋友仔落少啲🤭至於配料方面就叫左手打魚肉、牛筋同魚肉春卷😆份量好多，亦都好好味！2️⃣🍛咖喱豬扒飯（$47）飯既份量又係好大～好欣賞塊豬扒煎得好香脆，但同時肉質仲可以保持住好嫩滑，好juicy😆厲害👍🏻咖喱好香，夾埋一齊黎食非常惹味😋3️⃣🧆招牌鮮炸肉丸（$32）呢盤小食有成10粒咁多😍聽落雖然係炸既好熱氣～但係食落又唔覺得好油膩😍反而係脆口多汁🤪加埋甜酸醬一齊食更好味😋4️⃣🥪爆漿草莓西多士（$38）本身見佢地有阿華田西多士都想試下😍但咁岩又見到佢地有草莓醬西多士～就要試下🥸原來佢地係用草莓味粉加煉奶😆個味道好特別！會愈食愈想食😍都推介大家試下👍🏻

我自己有層樓在文青街附近，昨日去單位清潔後肚餓搵野食， 而深水埗有間人情味小店我自己覺得一定要幫襯， 就是聚來車仔麵💟喜歡其煎餃🥟招牌鮮煎餃子 - 韮菜餃 :即叫即煎餃子🥟 新鮮熱騰騰的，粒粒飽滿炸到金黃色脆皮，當我咬下一啖，韮菜味十足，肉汁豐富惹味！爆漿阿華田西多士 西多士上鋪滿阿華田粉 ，中間水澢澢的阿華田，我慢慢切開的感覺好治癒，多士中間夾著可選榛子朱古力或花生醬，實在滋味！還有鹵水豬手都好入味又新鮮的！聚來車仔麵 深水埗基隆街172號地舖

*豬大腸+魚肉春卷+豬紅+蘿蔔配蕃薯粉 (小辣)豬大腸口感軟嫩，搭配著魚肉春卷的香脆口感。豬紅和蘿蔔配蕃薯粉，這個搭配非常搶眼。豬紅的鮮嫩肉質和蕃薯粉的口感結合起來，味道豐富多樣*秘製辣魷魚我還點了一份秘製辣魷魚，辣味十足。魷魚口感嫩滑，一口咬下去，辣椒的香氣四溢，非常適合辣愛好者*牛柏葉+墨魚丸+韭菜配幼麵柏葉和墨魚丸配幼麵，這個組合非常特別。牛柏葉的香氣和墨魚丸的彈牙口感，搭配著幼麵的綿細口感，真是美味極了。這家小辣餐廳的菜品口味獨特，讓人印象深刻。推薦給喜歡辣味且追求不同口味的朋友們。

《聚來車仔麵(深水埗)》今日出左荔枝角同深水埗做野，做到O哂T又肚餓，見到呢間車仔麵小店除左麵之外仲有啲特色小食，就入左去食🤣🍜自選配搭車仔麵見到本menu都花多眼亂🤣因為除左主食之外，餐廳仲有好多小食選擇，為左唔做大徙鬼所以就淨係叫左兩餸麵。我覺得試一間車仔麵功架如何有兩樣野必點就係牛腩同魚蛋😋牛腩夠入味，冧身唔柴無食到成口渣，做得不錯！另外魚蛋咖哩味夠，彈牙無好粉，過關！麵我揀左薯粉配沙爹湯，味道啱啱好，湯汁掛到上薯粉到夠味👍🏻🦑秘製辣魷魚本身都擔心會唔會太辣🤣但店家就話唔洗擔心，咁我就安心叫。我覺得呢個小食一來份量幾足，另外佢個汁食得出係有沙爹味同埋少少辣椒吊味，bb級辣度！魷魚食落脆口同埋個汁夠杰身唔會一夾起啲汁無哂，味道口感價錢都係值得推介之選⭐️🐖招牌鮮炸肉丸呢個豬肉丸可以用惹味嚟形容，入面嘅豬肉洋蔥餡加埋啱啱炸起就即刻上碟送上嚟係味覺嘅衝擊。🥟雙併湯餃係湯餃同煎餃之間我地掙扎左好耐最後揀左湯🤣因為怕又食炸肉丸又食煎餃會太熱氣，而呢個韭菜豬肉併椰菜雲耳豬肉餃食落都覺得清清地配豬骨雞湯都唔錯。提提大家食果時要小心對面嘅朋友，因為餃子食落會有湯汁爆出嚟🤣皮唔厚，餡料足，湯底清得嚟

今日同個friend行黃金，行行下又到食午飯時間，大家無乜心水下周圍睇下有咩食，行經基隆街見到一間小店。Good喎！好耐無過食車仔麵，仲要有餃子😍。店舖雖小，但座位舒適闊落，環境衛生企理。最驚喜係見到店內有2寶助陣(老伯伯及老奶奶)。店員服務親切有禮，老人家尤其和藹可親，真係好有家的感覺。食物價錢親民，車仔麵配料選擇多，仲有飯，餃子和名物“招牌鮮炸肉丸”及各款“西多士”，食物選擇幾多。車仔麵 (香辣魷魚 $14.-, 豬大腸 $14.-, 魚腐 $11.- 及油麵底$10.-）香辣魷魚質感爽彈，微辣帶魷魚香，豬大腸煮得軟腍入味，有少許油脂，好邪惡但好食，魚腐軟滑有魚味，油麵煮得軟硬適中，配埋沙嗲湯底已經好香，再加埋自家製蒜蓉辣椒菜譜，更加美味可口。秘製蔥油香煎雞扒飯 $49.-雞扒煎到焦香但唔油膩，肉質嫩滑味道鮮香，加上煎過嘅火腿及太陽蛋，再配上大量蔥油，撈埋熱辣辣又軟熟嘅白飯一齊食，簡簡單單嘅的配搭，既好食又有家的味道👍。招牌煎餃8隻雙併 $42.- (轉芝士粟米另加$3.-)餃子皮煎得金黃香脆，皮薄餡料飽滿，韭菜脆嫩多汁，味道香濃。芝士味香濃有拉絲效果，加上清甜嘅粟米，味道又夾又好

好有人情味煎餃小店🌸雙拼煎餃餐（12隻）🌟🌟🌟🌟🌟小編揀左韮菜餃同椰菜木耳豬肉餃，煎餃煎到兩邊金黃好香脆，仲要皮薄餡靚，d韮菜、椰菜木耳超新鮮，仲有要有肉汁，食時小心燙口呀。🌸蔥油雞扒餐蛋飯🌟🌟🌟🌟🌟超滑嫩雞扒、煎得夠香脆午餐肉、太陽蛋，加埋蔥油白飯，每一啖口感非常豐富呀！🌸爆醬阿華田西多士🌟🌟🌟🌟🌟打卡一流，超澎湃既爆醬，小編仲揀左榛子醬，夠晒邪惡，但好在唔會太甜，好味！🌸凍檸樂🌸熱焉鴦======詳情======聚來車仔麵 (深水埗)深水埗基隆街172號地舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #深水埗美食 #深水埗好去處 #香港美食探店 #香港探店 #我是吃貨 #打卡美食 #爆醬阿華田西多士 #蔥油雞扒餐蛋飯 #重人情味 #服務好 #金黃煎餃子 #皮薄餡靚 #韮菜 #椰菜木耳豬肉餃 #聚來車仔麵

🕖時段-星期日夜晚附近買完野過來食 差唔多8點先到但差唔多枱枱都有人🙀 感覺大部分都係街坊 _▫️秘製蔥油香煎雞扒飯 配餐蛋 $49餐廳海報張食物相其實有啲頹 (唔記得左影😬) 不過朋友想食雞扒飯照嗌左 最後上菜個樣算唔錯 雞扒煎得好香 配太陽蛋餐肉無得輸😂 但略嫌塊午餐肉簿左啲_▫️招牌煎餃(6隻) $34▫️湯餃(8隻) $40雙併唔洗加錢 湯同煎都叫左韮菜豬肉同雲耳椰菜豬肉個饀唔錯 每日新鮮包 煎餃個皮香脆唔厚 但湯餃皮食落比煎餃厚啲啲價錯比起其他餃子店平不過就無咁大隻_🍽環境餐廳小店經營 入面有大約10張2人或4人枱 感覺老闆/職員同啲客人好friend 有人情味

今日黎到聚來車仔麵，衝住佢嘅爆漿阿華田西多士嚟食！因為見到網上面有好多好澎湃嘅相，超級吸引邪惡，所以今日就專誠拜訪😍呢度除咗西多士之外，仲有好多車仔麵選擇揀！我今次就叫咗三餸車仔麵，揀咗豬紅蘿蔔同埋豬頸肉油面咖喱汁！佢嘅送質素都唔錯，特別豬頸肉香，而且個蘿蔔好鮮甜，豬紅都好入味！😋而另外仲嗌咗個煎餃子套餐，呢個非常之有驚喜，我叫咗兩款餃子：椰菜雲耳豬肉同埋芝士粟米！兩款都煎得好香口，特別喜歡芝士粟米，芝士味都好香，而且係半融嘅狀態，口感非常之好好好食！最後當然即係重頭戲爆漿阿華田西多士，店員話有兩個口味可以選擇一個就係花生一個就係榛子醬，感覺阿華田同榛子醬好似比較夾，所以我就叫咗榛子醬味啦。上到枱見到已經好吸引，像就非常之澎湃，一切開就用晒出嚟。而且多士煎得好香口，配埋阿華田同榛子呢一個一定唔會輸嘅組合，非常之邪惡，但忍唔住又一啖啖咁食！🤩

Happy Friday又出去搵好野食🤩估唔到一間車仔麵店可以咁有驚喜首先每人叫個三餸車仔麵款式好多 分左唔同價位 任君選擇💁🏻‍♀️我地試左牛筋/魚肉春卷/豬頸肉/蘿蔔/冬菇配薯粉湯底就嗌罕見嘅瑞士汁同沙嗲汁🤤size份量同坊間差唔多 大大碗⭕️ 薯粉彈牙 係較幼身果隻⭕️ 豬頸肉有好多片 細細舊 幾有咬口⭕️ 蘿蔔好清甜 夠淋身⭕️ 牛筋都炆得唔錯 好有味 勁rich骨膠原另外叫多份蠔油菜芯🥬好好味😳 好鮮甜 煮得夠淋又唔會老仲細心到去哂啲菜花👍🏻 值得一讚重點❗️亦係今晚嘅驚喜位就係好多人打卡嘅爆漿華田流心榛子🌰西多士啦⋯⋯聽個名都流哂口水🤤🤤一上枱好吸睛👀成碟都鋪滿華田粉中間pat流心仲要朗下朗下😍一切開🔪 爆哂醬西多中間嘅餡可揀榛子🌰/花生🥜我地選擇前者 (特別啲丫嘛😏)食落第一啖已經覺得好amazing😋唔會過甜 甜度做到岩岩好同時又唔會好炸好熱氣我一個人食左2/3咁濟都唔覺得漏🤭食完仲食到哂成碗粉依個甜品真係幾surprise👏🏻佢仲有草莓🍓味架有興趣大家可以去試下🫶🏻🗯️remarks: 最後想講佢杯C0T都好得🤣👍🏻同啲員工好有禮貌💁🏻‍♀️

今日去咗深水埗一間車仔麵店，原本見依度個爆漿阿華田西多士好似好出名咁，但想食啲飽肚少少嘅野😝所以叫咗一個車仔麵餐同一份餃子餐～車仔麵4個餸（$52）餸揀咗蘿蔔、香辣魷魚、生菜同豬紅，麵底叫咗油麵，另外揀咗沙嗲汁，上枱見到料都唔算少，另外加咗啲冬菜醬係上面，原本以為係沙嗲，但食落個味原來係冬菜😂都幾惹味～蘿蔔食落幾甜同為咩渣，魷魚有少少辣，都幾爽口，豬紅同油麵就正常發揮😆雙拼招牌煎餃12隻（$60）揀咗韮菜豬肉同芝士栗米（+$3）兩隻餃子都幾好食，上到枱熱辣辣，煎到好香口，餃子食落去要小心，因為啲汁會爆出黎😂，而且味道都唔會太重，覺得啱啱好👍🏿特別鐘意個芝士粟米餃🤤粟米好爽甜，芝士好多，咬落爆曬芝士拉曬絲咁好正😆下次再去會試下個爆漿阿華田西多士，見到好多人都叫，好似好好食咁😍

超好味嘅爆醬阿華田西多士竟然收埋咗喺車仔麵舖入邊🙀爆漿阿華田西多士 $35⭐️推薦⭐️發現而家啲西多士成日偷工減料，剩係得麵包，入邊連花生醬或者咖央都冇，好意思買成$30😡但呢到西多士就唔同，一上枱已經見到佢有幾足料😨啲醬多到好似游泳池咁🏊‍♂️中間仲可以揀花生醬或者朱古力榛子醬🤤西多士炸得好脆皮，又甜又鹹好惹味😍如果做小食，建議兩個人share👯‍♀️循例都要講吓車仔麵，話晒都係車仔麵鋪😂大讚呢度可以揀菜底，仲可以揀生菜或者菜心👍🏻勁啱食完西多士又想減肥嘅我，個良心終於舒服返晒🤣🙃不過嗰日好肚餓都係嗌咗烏冬，其中一個餸揀咗生菜，啲菜好爽洗得好乾淨🥬推薦大家揀豬頸肉，外皮煎得好脆😚湯底係豬骨雞湯，加腩汁一流🤤價錢非常親民鋪頭牆上面寫咗句「有緣相聚，得閒再來」✏️聽到員工會問熟客係咪照舊，又會同客人傾偈💕食嗰日好大雨，臨走嘅時候，佢哋好好送到我哋去門口，不停提我哋要小心啲慢慢行🥹舖頭除咗員工好有禮貌，仲有一份人情味🫶🏼用心煮食，用心待人👍🏻