聰。C Dessert

營業中

休息中

第二個胃要留俾甜品，其實應該要留俾好食嘅甜品🍮😋介紹返位於灣仔嘅聰。C dessert ，灣仔排長龍之選。我哋叫咗四款唔同嘅甜品，首先推介嘅係榴槤水晶珠，好多時候以榴槤作為主題嘅甜品，榴槤味都唔夠，反而沙冰味比較多，但呢款甜品連沙冰都係榴槤味，所以榴槤控必選啦☺️布蕾醬焦糖脆脆雪糕牛角窩夫🧇，配搭非常豐富，甜度適中，拍卡影相一流之餘，味道亦非常好味❤️杞子圓圓肉雪蓮子桃膠，第一次食桃膠食到覺得咁真材實料，食完嗰陣桃膠味仲喺個口度黏住，養顏😆👏黑糖薑汁小丸子芋圓仙草凍，有冇人好鍾意食芋圓小丸子，好有咬口，呢碗份量都唔少㗎😋總括嚟講，明白點解呢間大排長龍，客人咁多，但每樣甜品都保持到質素，值得推介💪🏻

忘也忘不了嘅龍眼冰成為左我對佢個份鍾情，還記得由10年前開始去將軍澳總店幫襯，每逢夏天食完佢哋嘅甜品就會有種心舒𣈱嘅感覺🫠眼見一間又一間分店關閉真係覺得酸溜溜嘅感覺。最近得知佢哋強勢回歸，緊係要去懷緬一下啦！唔知係咪而家鋪頭喺灣仔區，當日見到大量遊客排隊，下午嘅時間都坐滿咗人，好在等唔夠5分鐘就可以入座。望到餐牌，除咗有昔日嘅招牌糖水外，仲增添咗唔少新款嘅甜品🍧龍眼椰果冰👍👍👍👍👍呢個係必叫🤩相信都係佢地嘅招牌，曾經記得老闆講述佢哋鋪頭嘅姐姐每一碗就需要用人手去掉60粒泰國龍眼而製成，真材實料，而且為咗一年四季都可以俾我哋品嘗到，所以特意在泰國🇹🇭訂購龍眼以確保品質及提供鏈。榴槤水晶珠👍👍👍👍👍呢個係榴槤控必食，遠離幾張枱都聞到嗰陣味，以榴槤果肉打蓉配上西米，食落口感就好似食雪糕一樣。布蕾醬焦糖脆脆雪糕牛角窩夫🧇👍👍👍👍賣相一流，一塊熱辣辣嘅鬆脆窩夫配上滑溜嘅雲呢拿雪糕球，上層加上焦糖脆脆，另有口感。旁邊還配埋香滑嘅吉士醬。椰汁芋頭西米露👍👍👍👍非常足料，芋泥再配粒粒芋頭西米，完美配搭杞子圓肉雪蓮子燉桃膠👍👍👍👍👍踏入初秋食返盅滋潤嘅糖水，桃膠滿滿非常黏口。女士滋補養顏😍芝麻合桃露👍👍

今日同朋友去灣仔食甜品佢仲帶埋仔女一齊嚟個親子遊🤪🤪因為我未好番得晒食個熱既滋潤下喉嚨杞子圓肉雪蓮子燉桃膠$45識我既都知我好鍾意雪蓮子😚煙韌黏口食完皮膚靚靚仲有大大粒桃膠～飲完喉嚨好舒服～啱晒轉季既天氣布蕾醬焦糖脆脆雪糕牛角窩夫$42呢個叫嚟大家share~牛角窩夫口感比普通窩夫煙韌感覺上無咁熱氣~蘸埋布蕾醬好滿足朋友佢地點左3款凍野士多啤梨椰果冰$38少女粉好吸引～士多啤梨味濃郁龍眼椰果冰$46除左椰果仲有爆珠，口感特別鮮什果椰汁仙草凍$48仙草份量十足～小朋友都鍾意星期六3點幾都大排長龍～人氣爆💡想食既要比小小耐性排隊

-之前聰嫂甜品全線結業，好多熟客(包括🐷)都好唔捨得，大家都等緊佢幾時會重開😖依加終於等到佢係灣仔強勢回歸！雖然基本上大部分營業時間都大排長龍，但座位流動速度算快，所以通常都唔使等好耐就可以入座👍🏻 🤍龍眼椰果冰 $46店舖招牌甜品！用大量新鮮龍眼打成沙冰，果然真材實料👍🏻所以食落有好香濃嘅龍眼香味，甜度適中，齒頰留香。加上龍眼肉、椰果、水晶珠，令口感更豐富，必須試🤩 🥭芒果豆腐花 $44芒果肉香甜無渣，基本上無乜酸味。芒果沙冰非常幼滑，配搭口感滑溜、帶濃郁豆味嘅豆腐花，先有芒果甜味，再有豆腐嘅清香，味道清爽仲非常夾😋 🤎杞子圓肉雪蓮子燉桃膠 $45同樣都係店舖招牌甜品之一。食完凍嘅甜品，再食個熱糖水暖下胃先🥰各種材料份量偏多，桃膠大大件，整圓肉香味突出，養生之選☺️ 🧇香蕉朱古力醬焦糖脆脆牛角窩夫 $38打卡able📸窩夫口感鬆脆，帶空氣感，食完都唔覺得太滯。放上雲呢拿雪糕，再淋上朱古力醬、焦糖醬及焦糖脆脆，味道香醇豐富、甜中帶鹹。

人氣甜品店「聰嫂」，而家喺灣仔重開，新店名字叫《聰。C Dessert》由聰嫂甜品原班人馬主理，星期五晚上九時多來到，仍見到長長的人龍，我和朋友們專誠來吃，結果排了20多分鐘左右吧！🍨榴槤水晶珠：榴槤控必食吧！一上枱已經聞到好香嘅榴槤味，頂層的榴槤肉香滑無比，加上水晶珠，粒粒彈牙，正！🍨龍眼椰果冰：都係招牌菜之一，龍眼肉及椰果好夾，龍眼冰食落去有啖啖龍眼肉，好清甜！🍨麻糬紅豆抹茶雪糕牛角窩夫香脆的牛角窩夫，頂層加上抹茶雪糕，抹茶味濃，一冷一熱，口感層次豐富，還有粒粒紅豆及麻糬，好好味！🍨咖啡雪糕仙草黑糖珍珠：咖啡雪糕香滑無比，加上黑糖珍珠及仙草凍，味道特別，回味無窮！🍨楊枝甘露豆腐花：一次過滿足晒我兩個願望，既有出色的楊枝甘露，也有香滑豆腐花，Perfect match！🍨芝麻糊燉蛋白：一黑一白，絕配又好味，芝麻糊香濃，燉蛋白亦都好嫩滑！

今天帶朋友在港島遊玩，搭電車前往品嚐甜品。榴槤水晶冰依然無可比擬，榴槤冰的榴槤味濃郁，上面還有一大片榴槤蓉，每一口都充滿榴槤香氣，令人非常滿足。🥰芒果奶昔雙皮奶也是店內的招牌，雖然芒果不是當季，但其甜度和多汁程度都令人驚喜。雙皮奶則奶香濃郁，口感滑順，實在是水準之作！此外，這次在此品嚐的鮮雜果椰汁仙草，味道更勝其他地方的選擇。水果全部新鮮，不使用罐頭產品，且配料相當豐富，仙草的滑溜口感更是讓人印象深刻。🍓🥭🍈🍌整體而言，這次的甜品之旅相當愉快，期待下次再訪！

提起港式糖水，我諗無咩本地人唔識聰嫂了。灣仔聰C dessert由聰嫂主理，所以糖水有一定質素。布蕾醬焦糖脆脆雪糕牛角窩夫Waffle有不同醬料選擇，推薦cream brulee口味，奶油香濃，而且滑溜。川貝圓肉燉雪梨秋冬滋潤喉嚨，一定要食燉雪梨🍐內有圓肉，清甜美味。芝麻合桃露 芝麻湯丸兩者是絕配，加上芝麻湯圓，愛吃黑芝麻嘅朋友必點。椰汁芋頭芋圓紫米露呢款糖水有台式風味，每一口都食到芋頭粒，芋圓亦十分煙韌。🛎️必試指數：9/10🔆

今日放假同友人喺銅鑼灣行完街，行到熱熱地，搵個地方涼吓冷氣傾吓偈先再返屋企Hea。帶咗友人去我至愛嘅聰．C甜品食嘢。個餐牌甜品數量之多有人花多眼亂，因為我成日食嘅關係，今次就由有人發辦，佢揀咗一凍一熱，都係聰嫂最受歡迎嘅甜品之一，熱嘅揀咗蛋白杏仁茶凍嘅揀咗芒果麗莎。另外就嗌咗兩個窩夫分別係香蕉朱古力醬，焦糖脆脆，牛角窩夫，麻糬紅豆抹茶雪糕牛角窩夫。杏仁燉蛋白養生美顏之選，杏仁味濃郁，杏仁茶又香又滑，蛋白又係滑嘟嘟進入喉嚨。芒果麗莎係楊枝甘露嘅進化版，佢嘅汁底係芒果沙冰，另外有甜甜嘅芒果同椰果，仲有類似西米嘅脆口水晶珠，口感豐富味道清新，食完透心涼。香蕉朱古力醬焦糖牛角窩夫一層香蕉，一層雪糕加埋脆脆放上窩夫上面食，配合完美麻糬紅豆抹茶雪糕牛角窩夫麻糬細細粒，煙煙韌韌，紅豆抹茶係天作之合另外餐廳以白色為主，環境優美，服務員笑面迎人服務迅速。

. #哈比四圍食 #灣仔 #灣仔美食 #灣仔甜品 曾經喺糖水界好紅好出名嘅聰嫂而家喺灣仔重出江湖了，以前放學成日同幾個同學仔去學校附近嗰間食返碗龍眼冰再去補習，今日同朋友喺附近食完飯經過見到，忍唔住要懷念一吓，見都有唔少遊客排隊，但等候時間都唔會好耐，大約10分鐘左右就有位了😎榴槤水晶珠唔洗介紹，好多人都知呢碗同龍眼冰一樣係必點之一，榴槤控一定唔會放過，勁大嚿榴槤喺面頭，而家榴槤味勁香勁香，水晶珠樣貌似西米，但佢就係爽口的🥐 麻糬紅豆抹茶雪糕牛角窩夫牛角窩夫翻熱後，香噴噴咁上枱，外酥內軟好香牛油味，上面嘅抹茶雪糕半溶狀態咁一齊食，完全係冰火嘅感覺，仲有旁邊嘅麻糬好軟熟仲有少少香甜☕ 咖啡雪糕仙草黑糖珍珠一碗口感非常豐富嘅甜品、有兩球咖啡味雪糕、滿滿嘅仙草、十分彈牙嘅黑糖珍珠，成個味道有少少係latte加咖啡果凍咁，好好食啊呢個➡️ 聰。C Dessert (灣仔)灣仔莊士敦道35-45號利文樓地下1D號舖

呢間甜品店簡直係灣仔奇觀，長期排長龍，雖然係咁，但流量好快，所以排咗唔夠十分鐘就入到去。咖啡雪糕仙草黑糖珍珠嘩，呢杯真係神奇杯，裏面有好多不知名嘅物體，有啲爽有啲脆有啲甜有啲爆漿，咖啡味濃郁，總之真係好食。🤣🤣黑糖珍珠咖啡雪糕牛角窩夫🧇最令人讚賞嘅係佢好似係一間專做牛角窩夫嘅店，因為牛角包做得好出色鬆軟香脆！布蕾醬焦糖脆脆雪糕牛角窩夫🧇我最喜歡嘅焦糖味，焦糖脆餅，奶黃醬都齊晒，加埋香脆熱辣辣嘅牛角包，一絕！杞子圓肉雪蓮子燉桃膠秋天到都要食返一盅滋潤嘅燉糖水，桃膠加杞子圓肉雪梨蓮子😘😘😋

喺灣仔利東街附近行完街想搵個地方坐低唞唞，行咗幾分鐘俾我搵到聰C🍨久仰大名，但係未食過，佢哋啲甜品組合都幾獨特嘅，試一次就想再嚟---🤤 榴槤黑糯米$48呢碗榴槤黑糯米，香濃嘅榴槤同軟糯嘅黑糯米完美結合，口感豐富又有層次。🤤 芝麻糊燉蛋白 $40濃郁嘅芝麻香同滑溜嘅燉蛋白相得益彰，口感細膩，健康又美味，心情都跟住好好！---🥭 楊枝甘露豆腐花 $45楊枝甘露清新嘅口感令人心曠神怡，同芒果嘅酸甜交融，再加上西柚嘅點綴，整碗甜品既清爽又唔膩，真係夏天消暑嘅好選擇！🍑🍹---🤤 密瓜豆腐花 $42密瓜豆腐花簡直係夏日清新嘅代表，滑嫩嘅豆腐花同清甜嘅密瓜搭配，口感輕盈，令人感受到自然嘅甘甜🍈🍧---呢四款甜品各有特色，無論係榴槤嘅濃烈定密瓜嘅清新，而且價錢都唔貴，幾個人去食嗌唔同款仲可以食幾隻味🤤📍聰。C Dessert (灣仔)灣仔莊士敦道35-45號利文樓地下1D號舖

中學時期聰嫂甜品好出名，2020年全線結業，原來上年喺灣仔重新開業，平時搭車經過都見到好多人排長龍，新店改名「聰。C Dessert」新面貌視人💖🥭楊枝金露$45材料十足，有芒果、西柚等，甜而不膩💛榴槤水晶珠$48先生話好好食，好多榴槤，味道香濃，見佢都食晒成碗就知真係好正🤍杏仁茶燉蛋白$40而我養生派系，當然係食返啲熱嘅燉品，杏仁茶味對我嚟講係好香嘅，不過唔係人人接受到，呢度係先燉好半碗蛋白，再放上杏仁茶，蛋白十分滑溜🥐香蕉朱古力醬焦糖脆脆窩夫$38近年必食仲有由韓國先興起嘅Croffle，食過就愛上，鐘意牛角口包嘅都一定鐘意，牛角包香酥口感，夾扁咗更加好食，更香脆配雪糕絕對無得輸😋🚩聰。C Dessert (灣仔)📍灣仔莊士敦道35-45號利文樓地下1D號舖

聰。C dessert一路都有聽過呢間糖水舖，原來佢哋只有一間分店喺灣仔，今日難得有時間，就約朋友一齊去排隊試下啦榴槤黑糯米 $48甜品在面頭有一球榴槤肉，而底下係黑糯米，榴槤肉食落幾香甜，配煙韌既黑糯米，都幾有飽肚感鮮什果水晶珠 $48鮮什果水晶珠包括有士多啤梨、芒果、香蕉、西瓜、蜜瓜等水果，淋上香甜嘅芒果醬汁，配搭上水晶珠食落幾有口感芒果奶昔雙皮奶 $46雙皮奶表面有芒果肉，中間係奶昔，最底就係雙皮奶，芒果食落鮮甜，配搭上嫩滑嘅雙皮奶，食落果然係唔錯鮮雜果椰汁仙草凍 $48同樣用上唔同既水果包括有士多啤梨、芒果、香蕉、西瓜、蜜瓜及仙草凍，並用上椰汁，仙草凍感滑漏，配上香口椰汁，好滿足

這家排隊甜品店，我們吃完晚飯9點過來，想說應該有位子吧，想不到前面還是排了10幾20個人。唉，反正來都來了，一定要吃得到才走。總於進店了，他的甜品真的好吸引，每款都想吃，兩個胃怎麼樣才可以嚐試更多口味呢？有道說女生有第二個胃來吃甜品，此時我們是同意的😆，最後我們兩個人點了4個甜品🫠🥰。✴️🍧榴槤水晶珠 $48非常香的一款甜品，上面鋪着的鮮榴槤肉給得大方，香甜可口，下面的雪糕也是滿滿榴槤香。還有水晶珠是甚麼東西呀?口感脆脆的，配着一起吃，口感特別，算是全晚最佳。✴️🍨鮮雜果水晶珠 $48水果很多，芒果／蜜瓜／西瓜／士多啤梨／香蕉……，香甜／爽脆及酸甜都有，再加上芒果醬以及水晶珠，大滿足。✴️🍧芒果豆腐花 $44鋪了滿滿一層鮮芒果肉，香香甜甜的，不過豆腐花相對比較普通，沒甚麼豆味一，不過加上芒果肉，還是可以的。✴️🍨布蕾醬焦糖脆脆雪糕牛角窩夫 $42應該用牛角包壓成窩夫，吃得到牛角包的千層，熱熱的加上冰涼綿蜜的雪糕，還有焦糖脆脆，非常豐富的口感。總結，難怪長期需要排隊，甜品種類跟口味都好多，而且出來真的好好，雖然有等了差不多20分鐘，我覺得是值得的，下次還要來。

📍聰。C dessert （灣仔）🍧榴槤水晶珠 $48超甜超香榴槤肉，下面配上榴槤雪葩，鍾意食榴槤嘅人必嗌！加上水晶珠增加咗成本嘢嘅口感，又脆又爽。🍧 芒果奶昔雙皮奶 $46熟到啱啱好嘅芒果好甜，唔會酸，份量都有成5/6塊！ 下邊有好濃奶香嘅雙皮奶，配上芒果甜甜酸酸超級好食。🍧黑糖薑汁小丸子芋圓仙草凍 $38呢個好有驚喜，薑味同黑糖味都好出眾，絕對好食過平時普通嘅仙草糖水。芋圓都好有咬口，都係水準之作。🍧布蕾醬焦糖脆脆雪糕牛角窩夫 $42呢個算係超抵食，有雪糕亦都有窩夫！ 加上佢窩夫，熱辣辣又鬆軟同脆口，仲可以配旁邊嘅甜甜奶黃醬食，超級正！