聰。C Dessert

營業中

休息中

以前住將軍澳嘅時候同朋友食飯，我哋一定會去聰嫂食糖水，每次都會食佢嘅龍眼冰，之後冇咗一直都好想食，原來朋友同我講而家喺灣仔開咗一間，即刻約朋友去食，星期日嘅下晝去門口已經有成30個人等，真係超級多人，見到好多人都會買外賣係出面食。龍眼椰果冰呢一個係佢哋嘅招牌，基本上好多人都會叫，龍眼味道清甜，用咗大量龍眼去整成，夏天食真係一流，龍眼肉加上椰果再有西粒，一啖食落去口感豐富。麻糬紅豆抹茶雪糕窩夫麻糬煙煙韌韌，紅豆香甜，抹茶雪糕茶甘濃，牛角包酥脆可口。

週末假期一定要約朋友出來食飯傾吓偈，與朋友去灣仔食完晚餐。轉入去一條街後，突然見到好多人排隊，上網搜尋原來是老字號聰嫂甜品原班人馬主理的聰。C Dessert，便二話不說立即入內試下，因為太期待所以我叫佐兩個甜品，分別是楊枝甘露，用料很豐富很多芒果和西米加上西柚口感很豐富，食材很新鮮芒果很甜美，真係回味無窮。以及桑寄生紅棗蓮子蛋茶，桑寄生具有益肝腎，健脾益氣，養血安神的功效，尤其對女士生理期後飲用特別好再加上紅棗有補血功效，再配合蓮子㷛得很軟入口即化，清香甘甜。

聰。C Dessert😘😘😘美味之選灣仔莊敦道、燈火通明的甜品店、甜品極多選擇、仲可以自由配搭！yummy yummy、品嚐之中、門外已排滿人龍等候😛😛款式分類仙草凍黑糖珍珠西米露椰果冰豆腐花熱辣辣燉品熱辣辣牛角窩夫各款糖水歡迎自選配搭✨榴槤水晶珠$48底層榴槤雪糕、舖上厚身榴槤肉、灑上晶凝剔透水晶珠、榴槤飄香撲鼻、一口一口、🈵️🈵️榴槤充塞口腔、口感豐富、賣相吸睛👀、榴槤關注組必食首選👍🏻！✨芝麻燉蛋白$40甜絲絲、面層濃濃幼滑芝麻糊漿、底層白白滑滑、蛋白燉蛋🥚、黑白絕配、又美顏又養髮、雙重口味！😊✨薑汁芒果豆腐花$42白滑豆腐花、淋上薑汁、清香薑汁撲鼻、甜在心內、暖在胃𥚃、放置芒果粒、爆脆西米珠、色澤金黃、吸引眼球👀、yummy yummy 😍✨鮮榨西瓜汁$34新鮮西瓜🍉果肉、即叫即榨、火紅紅色彩、清甜解暑、透心涼！🤣✨麻糬紅豆抹茶雪糕牛角窩夫$44牛角包🥐壓烘成窩夫、鬆軟外脆、擺上清香抹茶味雪糕球、淋上軟腍大大粒紅豆🫘、伴煙煙韌韌、細細粒白白晶瑩麻糬粒、味道一流、吃到舔舔脷👅不停口🤣！✨香蕉朱古力醬焦糖脆脆牛角窩夫$38外脆內軟窩夫、金黃香脆、白滑雪糕球、新鮮香蕉片點綴、淋上朱古力醬

今日相約朋友係灣仔見面，食完飯後朋友帶我去食係灣仔好出名的糖水舖，下晝一點幾竟然差唔多full house實在太誇張，入到餐廳見到牆上有劉德華先生嘅提筆十分搶眼，座位緊貼，好有溫度。呢度糖水選擇好多，有傳統中式糖水如桑寄生蓮子蛋茶、川貝圓肉燉雪梨，亦有以豆腐花、刨冰、椰果冰、仙草凍、西米露、牛角窩夫製作嘅甜品。我地點了香蕉朱古力醬焦糖脆脆牛角窩夫同埋鮮什果水晶珠。鮮什果水晶珠有草莓、西瓜、哈密瓜、蜜瓜、芒果和香蕉，什果好新鮮，配上粒粒水晶珠卜卜爆聲口感非常之特別，記得撈埋係底既濃濃芒果汁嚟沾上鮮果，十分fresh!香蕉朱古力醬焦糖脆脆牛角窩夫，個窩夫係用牛角包壓成，口感鬆脆，配上香蕉、朱古力醬和焦糖醬十分搭配，最特別係食焦糖脆脆咬落去卡卡聲配上雪糕成件事好好味好幸福。見到隔離枱嗌左個必食推介的榴槤水晶珠，成碗都係榴槤肉，啖啖榴槤肉真係看到心心眼😍，因為太飽，下次先可以嗌嚟食。呢度有14個自選配搭，點配搭由自己話事。

灣仔人氣特式創意甜品🌸布蕾醬焦糖脆脆雪糕窩夫 $42🌟🌟🌟🌟🌟鬆鬆脆脆的牛角窩夫配搭冰凍的雲呢拿雪糕，口感有冰火的感覺。在配搭布蕾醬焦糖在牛角窩夫上也有另一番風味。🌸芒果奶昔雙皮奶（凍） $46🌟🌟🌟🌟🌟滿滿芒果奶昔冰鋪面，還有幾塊大大塊既芒果肉，個感覺非常特別。將芒果奶昔冰同時𢳂埋雙皮奶口感也不錯，雙皮奶非常之滑嘟嘟配搭芒果奶昔冰吃下有冰涼的感覺。🌸鮮什果椰汁仙草 $48🌟🌟🌟🌟滿滿的生果有芒果、西瓜、香蕉、士多啤梨、哈蜜瓜、蜜瓜，每款生果都有幾顆再配埋滑捋捋的仙草真的不錯，還有濃郁的椰汁襯托非常之好味！鍾意吃生果的你這個甜品不要錯過喎！

時時行過灣仔，都見到聰c dessert 咁多人排隊，今日趁假期去試下。今日叫左4款同fd share, 分別係：椰汁麻糬仙草香芒麗莎芒果雙皮奶抹茶啫喱豆花我覺得最好食係椰汁麻糬仙草，椰汁好濃好香，最重要係唔甜，啲麻糬qq的好軟，入口就融，仲有啲爆珠。難怪咁大雨都咁多人排隊!

這間店舖，已食多年了。今次做完工作後，經過灣仔發現有這間舖 ，便入食下新款式糖水，水準一直保持良好，味道適合香港人，也不會太甜，值得一試的糖水舖。1. **榴槤水晶珠（凍）**： - 榴槤水晶珠是一種以榴槤為主要成分的甜品，搭配水晶珠一起食用。它的口感滑潤，榴槤的濃郁香氣和味道使這道甜品非常受歡迎，尤其是對榴槤愛好者來說。冷食的形式讓它在炎熱的天氣中格外清爽。2. **布蕾醬焦糖脆脆雪糕窩夫**： - 這道甜品結合了布蕾的細膩與焦糖的香甜，通常會將焦糖布蕾淋在雪糕上，加上脆脆的窩夫。這樣的搭配不僅口感豐富，還有層次感，既有雪糕的冰涼，又有窩夫的酥脆，令人欲罷不能。3. **椰汁芒果西米露（凍）**： - 椰汁芒果西米露是一種清涼的甜品，這道甜品的口感滑順，椰汁的香濃與芒果的甜美相互交融，非常適合在炎熱的天氣享用。4. **川貝圓肉燉雪梨（熱）**： - 川貝圓肉燉雪梨是一道傳統的熱糖水，具有潤肺清燥的功效。，通常會用水慢炖，讓所有材料的香氣和味道充分融合。它的口感柔和，適合任何天氣享用。

這次為大家介紹這件小編的愛店✨我是常客🤣是一間少數位於灣仔的糖水店✨平日下午也幾乎客滿🫣店內品項選擇很多，而且𝙲𝙿值很高✨價格便宜，甜品也很好吃足料😋水果很新鮮而且環境很乾淨，比我們平時去的傳統糖水店坐得更舒適✨🥭芒果奶昔雙皮奶$𝟺𝟼🍓士多啤梨豆腐花$𝟺𝟸兩款都不錯👍上面的雪糕也不會很甜，吃完沒有罪惡感🥳份量很多，很消暑解膩

聰嫂灣仔開全新品牌甜品店，店名：聰。C dessert ，全新甜品店從LOGO、招牌、店內裝修設計、菜單等都走時尚清新路線，店內有超過 40 款糖水和甜品款式，每款都有棒場客，見每天有客人排隊入座就知道有幾受歡迎！椰汁芒果西米露：材料有芒果、椰漿和西米，食落口感綿密滑順，清香爽甜，配上香甜的芒果，吃起來清涼透心。椰汁芋泥西米露：西米軟滑、椰汁香濃，加入口感滑潤的芋泥，又是另一番風味。蜜瓜豆腐花：將蜜瓜打成雪酪型態，堆疊在豆腐花上，加些晶瑩剔透的西米，賣相精緻又美味！薑汁燉雙皮奶口感細膩嫩滑，入口即化，奶味香濃，微甜中帶有薑的辛辣味。

食到真係眼濕濕，同十年前食既味道一樣！一啲都冇變，仍然有招牌芒果奶昔雙眼奶，仍然係好重奶味，好重芒果味，一啲都唔酸😋仲有我最鍾意既龍眼椰果冰，我鐘意佢既清清地，特別係飯後甜品更應該要咁，唔會搞到太飽太滯！水晶珠係每成件事再昇華左一個層次！原本除左椰果口感煙韌，仲有埋水晶珠（All time favourite 比個credit佢）杏仁蜜瓜冰！想話呢個上枱勁靚😂我地四個人食，呢個係最特別，幾有驚喜。杏仁同蜜瓜原來幾夾！個好似綠茶啫喱既野好好食，滑捋捋😬同埋最後榴連水晶珠，我印象以前佢地係用榴連蓉，但係今次新版本用左新鮮榴連，誠意分💯。冰底我見好足料，結實既榴連蓉冰🤤要食趁早🙂‍↕️萬一大家都去哂我就要排更長條龍去。

今日當完值就約老公去灣仔食飯，飯後緊係要有甜品，行過見到有間大排長隊嘅甜品店，當然要湊熱鬧。白色牆身，在呢條街道上特別起眼，感覺亦簡約舒適。裏面光猛企理，整整齊齊，座位很多。餐紙清晰吸引，各甜品都附有相片，分別有牛角窩夫、熱辣辣糖水、燉品、特別推介、豆腐花、西米露、椰果冰、仙草凍，選擇多。綠茶杏仁豆腐花（$42）好滑好滑！食到豆腐花有啖啖杏仁香；綠茶啫喱Q彈，亦有淡淡嘅茶甘味，加埋脆卜卜嘅爆珠，口感豐富，整體唔太甜，喜歡！杞子圓肉雪蓮子燉桃膠（$45）熱辣辣，燉得好夠火喉！有清甜嘅杞子和圓肉；爽滑嘅桃膠；黏滑嘅雪蓮子，用料十足，滋潤甜美，女士恩物。

呢日下雨天嘅tea time經過灣仔，見到呢間港式甜品舖都有條長長嘅人龍，我當然唔執輸排埋一份啦😂 雖然門口有大約20人排緊隊，但係都係等大約20分鐘左右就可以入座😎 叫咗四款喺餐牌上面都有王冠嘅皇牌甜品🤩芒芒麗莎鍾意芒果嘅朋友一定要叫呢個，入面除咗有芒果粒，仲有芒果沙冰、椰果、小丸子同水晶珠，酸酸甜甜好啱夏天食🥭士多啤梨豆腐花呢個配搭真係第一次試，將酸酸甜甜嘅士多啤梨雪葩放喺豆腐花面，食落又滑又涼快🍓咖啡雪糕仙草黑糖珍珠有成兩球咖啡雪糕，旁邊配有仙草粒、水晶珠同黑糖珍珠，底下仲有仙草凍添🤤 黑糖珍珠將咖啡同仙草嘅甘味中和，係個味道特別嘅甜品☕️朱古力香蕉朱古力醬焦糖脆脆牛角窩夫唔好以為呢間餐廳淨係得港式甜品，連近年好hit嘅croffle都有得嗌🫢 牛角窩夫好脆口，上面嘅雪糕、朱古力醬同焦糖脆脆，令甜意升級🧇呢間餐廳嘅甜品選擇真係好多，難怪非常有人氣，keep住座無虛席啊🤗

朋友係灣仔地膽，話呢間甜品鋪經常排長龍，條隊未排已經擊退佢，如果唔係我話想食，佢都唔會奉陪😂😂😂條人龍都去得好快，唔算等好耐就到我哋喇難得排隊入到嚟，所以我哋今次都好crazy咁每人叫咗兩款甜品🤣🤣🤣：1）芒果奶昔雙皮奶 $46有三個層次嘅口感：最面係真芒果肉，中間係一層用芒果肉打成新鮮芒果嘅雪芭層，最底嗰層就係主角——雙皮奶凍啦！2）芒芒麗莎 $48呢個真係Mango-Holic嘅至愛❤️❤️❤️入面係有粒粒嘅芒果肉、芒果嘅mousse cream sauce，以至個汁底都係芒果汁底！再加番啲口感層次，就係煙靭嘅小丸子、椰果，同埋細細粒嘅水晶珠👍🏽👍🏽👍🏽成件事好完整！3）綠茶杏仁豆腐花 $42呢個唔係一般嘅豆腐花，係好豐富嘅豆腐花。有杏汁底，同埋加咗煙煙韌爽爽口感嘅綠茶啫喱，真係好好食呀！ 4）椰汁麻糬仙草凍 $42呢款可以講係我哋今日嘅至愛！因為佢嗰隻麻糬，唔係芋圓質感嗰種嘅麻糬，而係好似喺珍珠奶茶店叫米麻糬飲品嗰種嘅麻糬口感，滑捋捋嘅，再加埋滑捋捋嘅仙草凍，唔㗳真個味都分唔出同一個口感既食物，係邊樣打邊樣😆😆，真係要靠色、味去分辨啊！全部甜品都唔係好甜，呢間糖水舖係我暫時喺灣仔區食過

《聰。C Dessert》曾經人氣滿滿的將軍澳名物“聰嫂”甜品於灣仔強勢回歸每日經過都人龍長長，非常有人氣。龍眼椰果冰 ($46) - 必點名物之一龍眼椰果冰，每碗都真材實料，用上60粒雪成冰的龍眼打成龍眼沙冰，非常足料，每一啖都食到清甜的龍眼果肉和香味，另外加上椰果及爽口西米增加口感。。芒芒麗莎 ($46) - 喱個都係推介之一，類似楊枝金露，但沒了金露，反而係加倍嘅芒果汁、芒果蓉及芒果粒，味道酸酸甜甜，小丸子口感軟糯，愛芒果的人必點，我個人最喜歡。。杞子圓肉雪蓮子燉桃膠 ($45) - 感覺好滋潤的甜品，雪蓮子燉桃膠帶來滿滿膠質感，整體不會太甜，冬天食一定好正。。鮮榨西瓜汁 ($34) - 清爽的西瓜汁，非常解暑。ig: cravingforfoodhk

聰嫂 相信好多人聽過大名！之前 何鴻燊 四太 梁安琪、小南國 買走左招牌但 疫情 又令 接手集團 決定 全線結業 聰C聰嫂 不忍獨門糖水手藝消失上年10月起灣仔再重新開業咁梗係要嚟食返個 招牌 龍眼冰😍🧊龍眼椰果冰（凍） $46龍眼椰果冰 係完全冇另外加糖用 60顆去籽泰國龍眼，冷凍後加入奶油打成冰沙，放上兩顆冷凍龍眼、椰果以及特別製作的西谷米，清涼可口龍眼的甜味與椰汁的香濃味道 恰到好處，讓人感到清新🍼椰汁燉雙皮奶（熱） $38重現溫暖的懷舊感！雙皮奶的口感滑嫩上面的奶皮，細膩而富有層次感🥛豆漿白果腐竹薏米（熱） $32健康之選豆漿的香濃、白果的清新、腐竹的滑嫩好豐富的口感呀！🫚淨湯丸配薑水（熱） $28湯丸的皮薄餡多，搭配薑水的微辣與香氣好懷念 既灣仔 聰 C Dessert 甜品無論是清涼的冰品還是溫暖的熱品，都能讓人感受到美味與細心的製作。食完，開心！